لاہور: پنجاب کے دارلحکومت لاہور دنیا کے آلودہ ترین شہروں میں سرفہرست ہے ، جہاں آج اوسط ائیر کوالٹی انڈیکس 443 ریکارڈ کیا گیا۔

تفصیلات کے مطابق پنجاب کے دارلحکومت لاہور کا ایئر کوالٹی انڈیکس خطرناک حد تک بڑھ گیا ، جس کے باعث لاہور کو دنیا کا پہلا آلودہ ترین شہر قرار دے دیا گیا۔

ماحولیاتی آلودگی ماپنے کے عالمی ادارے کا کہنا ہے کہ لاہور کا آج اوسط ائیر کوالٹی انڈیکس 443ہے ، آج لاہور میں سب سے زیادہ ٹاون شپ متاثر ہے ، جسکا ائیر کوالٹی انڈیکس 524 ہے۔

اسی طرح ڈیفینس 520 کا ائیر کوالٹی انڈیکس جبکہ پنجاب یونیورسٹی کے اطراف کا 519 ہے۔

طبی ماہرین کا کہنا ہے کہ لاہور کے شہری کورونا ایس او پیز کو فالو کریں ، فضائی آلودگی سےگلے،آنکھ ،سانس کی بیماریوں میں اضافہ ہوتا ہے۔

ماہرین نے مشورہ دیا کہ سانس کے مریض احتیاط کریں، شہری ماسک اور گلاسز کا استعمال کریں۔

یاد رہے رواں ماہ کے آغاز میں محکمہ صحت پنجاب نے لاہور میں سموگ کی بڑھتی ہوئی سطح کے حوالے سے شہریوں کو خبردار کیا تھا کہ اسموگ سے آنکھوں میں جلن، گلا خراب اور سانس کی شکایات ہوسکتی ہیں۔

سیکرٹری صحت عمران سکندر بلوچ کا کہنا تھا لاہورمیں اسموگ کی صورتحال محفوظ حد سے تجاوز کرگئی، اسپتالوں کو فوری طور پر اسموگ کاؤنٹر متحرک کرنے کی ہدایات دے دی ہے۔

مسلم لیگ ق کی پارلیمانی پارٹی کا اجلاس کل طلب کر لیا گیا ہے جس کی سربراہی چوہدری پرویز الہی کریں گے۔

اس حوالے سے اسپیکر پنجاب اسمبلی چوہدری پرویز الٰہی کا کہنا ہے کہ ہم 3 سال سے وفاق اور صوبے کو ساتھ لے کر چل رہے ہیں، ہم حکومت کا ساتھ نبھا رہے ہیں لیکن یہ نہیں نبھا رہے۔

پرویز الٰہی کا کہنا تھا کہ پنجاب حکومت کی انتظامیہ ہر ضلع میں ہمارے کارکنوں کے ساتھ ناروا سلوک کر رہی ہے۔

سینیٹر کامل علی آغا نے کہا کہ حکومت کو یاد دلانے کیلئے سینیٹ کا الیکشن ہی کافی ہے، حکمران بھول گئےکہ کس طرح ووٹ مانگے بغیر ان کو کامیابی ملی، حکمران یہ بھی بھول گئے کہ ان کا کوئی بندہ ووٹ مانگنے کیلئے بھی نہیں آیا۔

کامل علی آغا کا یہ بھی کہنا تھا کہ ہم نے انہیں سینیٹ کے مشکل ترین الیکشن میں کامیابی کے ساتھ نکالا، پارلیمانی کمیٹی کے اجلاس میں مشاورت کے بعد متفقہ فیصلہ کل جاری کیا جائے گا۔

لاہور (خصوصی ر پورٹر) لٹن روڈ کے علاقہ میں سات سالہ گھریلو ملازمہ پر مالکان کا تشددکا نشانہ بنا یا گیا ، پو لیس کی جانب کا رروائی کرتے ہو ئے میاں بیو ی کو حرا ست میں لے لیا گیا ۔ پولیس کے مطا بق گزشتہ روز گورنمنٹ ہسپتال سمن آباد 7سال کی بچی مصبا ح کو لایا گیاجسے تشدد نشانہ بنا یا گیا تھا، ڈاکٹرز کیجا نب سے پولیس کو اطلا ع دی گئی ، اس حوالے سے ڈی آئی جی آپریشنز نے فور ی نو ٹس لیتے ہوئے حکم دیا گیا ،جس پر لٹن روڈ پولیس کی فوری کاروائی کاآغاز کردیا گیا ،پولیس کے مطا بق ملزمان افضل عرفان اور بیوی مزدفعہ عرفان کو پولیس نے حراست میں لے لیا گیا ،اس حوالے سے ڈی آئی جی آپریشنز احسن یو نس کے مطا بق 7سالہ مصباح بطور گھریلو ملازمہ کام کرتی تھی۔ملزمان کے خلاف مقدمہ کا اندراج کر لیا گیا ہے ، ملزمان کو گرفتار کر کے مزید تحقیقات کی جارہی ہیں۔ ترجمان آپریشنز ونگ کا کہنا ہے کہ بچی کو ضروری قانونی کاروائی کے بعد چائلڈ پروٹیکشن بیورو کے حوالے کر دیا گیا ہے ۔ڈی آئی جی آپریشنز احسن یونس کی بچی کو بہترین طبی امدادفراہم کرنے کی ہدایت بھی کی گئی ۔جبکہ گھریلو ملازمین پر تشدد کے واقعات ناقابلِ برداشت ہیں۔

باجوڑ کی تحصیل سلارزی کے علاقہ راغگان میں ڈیم پر مامور پولیس اہلکاروں پر نامعلوم افراد نے ریموٹ کنٹرول بم سے حملہ کیا، جس میں 2 پولیس اہلکار شہید ہوگئے۔ ایس ایچ او قابل شاہ اور ڈی پی او باجوڑ عبدالصمد جائے وقوعہ پہنچ گئے تاہم ریموٹ کنٹرول بم حملے کی مزید تفصیلات اکٹھی کی جا رہی ہیں۔ ڈی پی او کے مطابق علاقے کو گھیرے میں لے لیا گیا اور تفتیش شروع کر دی ہے۔ شہید پولیس اہلکاروں میں حوالدار اور سپاہی شامل ہیں۔

وزیراعظم عمران خان نے ہدایت کی ہے کہ تربت ایئرپورٹ کو جلد از جلد مکمل کیا جائے اور گوادر اور تربت میں 02 نرسنگ کالجز جلد از جلد تعمیر کیے جائیں۔ وزیراعظم عمران خان کی زیر صدارت اعلیٰ سطح کا اجلاس ہوا، جس میں جنوبی بلوچستان ترقیاتی پیکج پر پیش رفت کا جائزہ لیا گیا، وزیراعظم کو بریفنگ میں بتایا گیا کہ ایک سال میں ایپکس کمیٹی کا صرف ایک اجلاس ہوا، جس پر وزیراعظم نے ترقیاتی منصوبوں کی سست رفتاری اور وزیراعلیٰ بلوچستان کی سربراہی میں ایپکس کمیٹی کا اجلاس نہ ہونے پر تشویش کا اظہار کیا۔ وزیر اعظم نے 665 ارب روپے کے200 ترقیاتی منصوبوں کو تیز کرنے کے لیے ہر ماہ ایپکس کمیٹی اور ہر پندرہ دن میں ایگزیکیوشن کمیٹی کے اجلاس منعقد کرنے پر زور دیا، اور متعلقہ حکام کو ہدایت جاری کرتے ہوئے کہا کہ تربت ایئرپورٹ کو جلد از جلد مکمل کیا جائے اور گوادر اور تربت میں 02 نرسنگ کالجز جلد از جلد تعمیر کیے جائیں۔

لاہور (کرائم رپورٹر ) بااثر افراد نے محنت کش کی بیوی کو اغواءکر کے بد کار ی کے اڈ ے پر بٹھا دیا ۔شوہر بیو ی بچوں کی بازیابی کے لیے در در کی ٹھوکریںکھا تا رہا متعلقہ پو لیس ، آئی جی پنجاب اور وزیر اعلیٰ کو درخواستیں دینے کے باوجود کا رروائی نہ ہو سکی متاثرہ شخص داد رسی کے لیے “خبریں “آفس پہنچ گیا ۔ تفصیل کے مطابق شیخوپورہ کے رہائشی 35سالہ مسلم الحسن نامی نوجوان نے “خبریں “آفس میں آکر بتایا کہ اس کی شادی اپنے بڑے بھائی کی وفات کے بعد اپنی بھابھی شازیہ بی بی سے تقریباً 5سال قبل ہوئی جس کے بطن سے ایک بیٹا حسنین پیدا ہوا جبکہ بڑے بھائی سے 9سالہ عائشہ اور 6سالہ بیٹا عثمان تھا وقوعہ کے روز مسلم الحسن کا م پر گیا ہوا تھا کہ نامعلوم افراد اس کی بیوی شازیہ کو اپنے ساتھ لے گئے اور موبائل فون پر اسے قتل سمیت سنگین نتائج کی دھمکیاں دیتے ہوئے کہا کہ اگر اس بات کا کسی سے زکر کیا تو ہم تمھارے بچوں کو نقصان پہنچا دینگے ۔بعدازاں متاثرہ شخص نے مو صول ہونے والی کال کے زریعے ملزمان کا سراغ لگایا تو انکی شناخت بابر اور بلال کے ناموں سے ہوئی جو کہ خانیوال کے رہائشی بتائے جاتے ہیں مذکورہ شخص نے ملزمان کے خلاف تھانہ بی ڈویژن شیخو پورہ میں درخواست دی پو لیس نے مقدمہ تو درج کر لیا مگر کئی ماہ گزر جانے کے باوجود بیوی بچوں کو بازیاب نہ کروا سکی متاثرہ شخص دلبرداشتہ ہو کر “خبریں “آفس داد رسی کے لیے پہنچ گیا۔