لاہور (مانیٹرنگ ڈیسک) چینل ۵ کے تجزیوں اور تبصروں پر مشتمل پروگرام ”ضیا شاہد کے ساتھ“ میں گفتگو کرتے ہوئے معروف سینئر صحافی ضیا شاہد نے کہا ہے کہ برصغیر کی تقسیم کا جب فیصلہ ہوا تھا تو یہ طے ہوا تھا کہ جس علاقے میں مسلمانوں کی کثریت ہو گی وہاں مسلمانو ںکا صوبہ بنے گا اور جہاں ہندوﺅں کی اکثریت ہو گی وہاں ہندوﺅں کے صوبے بنیں گے۔ کشمیر کی پوزیشن یہ تھی کہ کشمیر کا جو مہاراجہ تھا ڈوگرہ وہ ہندو تھا جو کشمیر کی 80 فیصد آبادی تھی وہ مسلمان تھی لہٰذا جس اصول پر برصغیر کی تقسیم ہوئی اس لحاظ سے کشمیر مسلمانوں کے علاقے میں آتا تھا۔ بنیادی طور پر اس پر قبضہ کر لی اپنی فوج بھیج کرانڈیا نے تو پھر پاکستان کی فوج نے اس وقت لڑنے سے انکار کر دیا تھا اس وقت انگریز کمانڈ ان چیف تھا اس نے کہا تھا کہ ہم جنگ کے لئے تیار نہیں ہیں اس لئے مجاہدین کے لشکر گئے تھے جنہوں نے آزاد کشمییر آزاد کروایا جنہوں نے گلگت بلتستان آزاد کروایا اور جو سری نگر کے اطراف تک جا پہنچے تھے۔ اس پر جو پنڈت نہرو جو انڈیا کا وزیراعظم تھا انہوں نے سلامتی کونسل میں پنڈت نہرو یہ مسئلہ لے کر گئے تھے کہ روکیں ان مجاہدین کے لشکروں کو جو کہ سری نگر تک آ پہنچے ہیں چنانچہ اس لحاظ سے میں یہ سمجھتا ہوں کہ پاکستان کا یہ کلیم بنتا ہے اور مسلمانوں کا حق بنتا ہے کہ مقبوضہ کشمیر میں بھی مسلمانوں کی اکثریت ہے 80 فیصد آبادی وہاں مسلمانوں کی ہے۔ دن منانے سے ایک مسئلہ زندہ رہتا ہے۔ آپ یہ دیکھیں کہ آج سے 4 سال پہلے کشمیر کی اتنی بات ہوتی تھی کبھی امریکہ کی کانگریس میں کشمیر کا ذکر ہوتا تھا۔ کیا برطانیہ کی اسمبلی میں ذکر ہوتا تھا۔ کیا یورپی یونین کی پارلیمنٹ میںکشمیر کا ذکر ہوتا تھا۔ اب جس طرح مسئلہ اجاگر ہو رہا ہے اس طرح پوری دنیا میں اس کا ذکر چھڑتا ہے اور منتخب ہاﺅسز میں یہ موضوع بحث آتا ہے۔ پوری دنیا میں اس وقت کشمیر کشمیر ہو رہی ہے۔ کشمیر میں بھارتی اقدامات کی مذمت ہو رہی ہے۔ مولانا فضل الرحمن کشمیر کمیٹی کے چیئرمین رہے ان دس سالوں میں وہ کسی منتخب ادارے میں کشمیر کی بات سنائی دی۔ جس رفتار سے کشمیر کا مسئلہ پھیل رہا ہے۔ قیام پاکستان سے اب تک کیا دنیا کے محتلف ممالک میں منتخب اسمبلیوں میں کشمیر کی بازگشت سنائی دی۔ ایک سال میں عمران خان کی حکومت نے کارہائے نمایاں انجام دیئے ہیں کشمیری قوم تسلیم کرتی ہے۔ دنیا تو ایک طرف رہ گئی خود پاکستان کے اندر ایک بحث شروع ہو گئی ہے آج عمران خان صاحب جو تقریر کرنے گئے تھے وہاں فاروق حیدر جو وزیراعظم ہیں آزاد کشمیر کے انہوں نے یہ تجویز پییش کی کہ آپس میں سیاسی جماعتوں کو مفاہمت کرنی چاہئے اور ایک دوسرے کے خلاف بات نہیں کرنی چاہئے اس پر عمران خان صاحب نے کہا کہ یہ کیسے ہو سکتا ہے کہ جن لوگوں نے اس ملک کو لوٹا ہے اور جنہوں نے ملک سے جو منی لانڈرنگ سے جوپیسہ باہر لے گئے ہیں ان سے کیسے کمپرومائز کر سکتا ہوں چنانچہ میں یہ سمجھتا ہوں کہ آج پہلی مرتبہ وزیراعظم آزاد کشمیر نے ایک نئی تجویز پیش کی تھی جس کو عمران خان نے مسترد کر دیا گیا۔ یہ عمران خان کی نہیں بلکہ یہ تحریک انصاف کی پالیسی ہے مسلمان ممالک اپنے اپنے طور پر جکڑے ہوئے بڑی طاقتوں کے شکنجے میں اور سارے مسلم ممالک کسی نہ کسی طرح کسی نہ کسی شکل میں کسی بڑی طاقت کے ساتھ حاشیہ نشین کے طور پر ملے ہوئے ہیں۔ سعودی عرب میں امریکہ کی فوج بھی وہاں موجود ہے اور وہ ساتھ ہی ساتھ وہ یہ کس طرح سے ممکن ہو سکتا ہے کہ سعودی عرب امریکہ کی بات نہ مانے۔ امریکہ کی ثالثی کا مطلب ہے کہ ہم جوبات درست ہو گی مانیں گے یہ تو کہیں نہیں لکھا کہ وہ ہم پر وہ بات مان لیں گے جو امریکہ کہے گا۔ پاکستان کے پاس اس کے سوا کوئی آپشن نہیں ہے کہ دنیا بھر میں اس مسئلہ کو اجاگرکرتا رہے اور اسے دنیا میں ہر فورم پر پھیلائے۔ اب تو شیخ عبداللہ اور ان کے بیٹے فاروق عبداللہ اس نتیجے پر پہنچے ہیں کہ قائداعظم کا دو قومی نظریہ یعنی ہندو اور مسلمان الگ قومیں ہیں اور یہ ایک ساتھ نہیں رہ سکتے وہ اب اس کو تسلیم کرنے پر آ گئے ہیں، پاکستان کے آزادی کشمیر کی کوششوں کا کوئی موقع ضائع نہیں کیا بلکہ یہ ضرور ہے کہ بہت برسوں تک مسئلہ کشمیر کو ڈیڈ ہاﺅس سمجھا جاتا تھا۔ یہ پرانا مسئلہ ہے جو مسئلے کی حد تک تھا لیکن کبھی کسی نے اس طریقے سے اقوام متحدہ یا سلامتی کونسل میں سامنے لانے کی کوشش نہیں کی۔ اس طرح سے دنیا بھر کی اسمبلیوں میں اس پر بحث نہیں ہوئی۔ اس طرح سے کھل کر رائے زنی نہیں کی یہ ایک مثبت اقدام ہے کہ جو سامنے آیا ہے۔ ابپاکستان کو اس مسئلہ پر عالم اسلام کو متحد کرنے کی کوشش کرے۔ جن ممالک میں کشمیر پر بے اعتنائی پائی جاتی ہے ان ممالک کو بھی اس طرف لانا چاہئے کہ اس وقت پاکستان جارحانہ پالیسی اختیار کیسے ہوئی ہے معلوم نہیں راجہ فاروق حیدر کو کس طرح خیال آیا کہ پاکستان جارحانہ پالیسی اختیار نہیں کر رہا۔ وزیراعظم کی طرف سے اقوام متحدہ کی جنرل اسمبلی میں جو تقریر کی گئی وہ از خود بڑا جارحانہ اقدام تھا۔ یورپی پارلیمنٹ میں پاکستانی ہائی کمشن کی طرف سے کشمیر کی بات کی گئی وہااں یہ مسئلہ گونجتا دکھائی دیا۔ یہ مثبت قدم ہے کہ پاکستان کی سیاسی جماعتوں نے اس سلسلے میں آپس کے احتلافات ختم کر کے کشمیر کے مسئلے پر کم از کم ایک ہی پالیسی کی ابتدا کی ہے اچھی بات ہے کہ کشمیر کے مسئلہ پر بھی جماعتیں کم از کم متفق ہیں۔

نئی دہلی(این این آئی) بھارتی حکومت نے بابری مسجد کی جگہ رام مندر کی تعمیر کے لیے تیاریاں کردیں۔مقامی میڈیا کے مطابق بھارتی وزیراعظم نریندر مودی نے ایودھیا میں بابری مسجد کی جگہ رام مندر کی تعمیر کی نگرانی کے لیے سپریم کورٹ کے حکم کی روشنی میں ٹرسٹ تشکیل دینے کا اعلان کیا۔مودی نے لوک سبھا میں بیان دیتے ہوئے کہا کہ سپریم کورٹ کے حکم کی پیروی کرتے ہوئے رام مندر کی تعمیر کے سلسلے میں ٹرسٹ کے قیام کا فیصلہ کرلیا گیا ہے اور کابینہ رام مندر کی تعمیر کے سلسلے میں ایک جامع پلان بناچکی ہے۔بھارتی وزیراعظم نے لوک سبھا میں رام مندر کی تعمیر کی نگرانی کرنے والے ٹرسٹ کی تشکیل کا اعلان کرتے ہوئے کہا کہ ٹرسٹ کو شری رام جنم بھومی تیرتھا کشیرتا کا نام دیا گیا ہے جو مندر کی تعمیر کے معاملے اور اس سے متعلقہ مسائل پر آزادانہ فیصلے کرےگا۔بھارتی وزیراعظم کا کہنا تھا کہ ٹرسٹ کی تشکیل کا فیصلہ سپریم کورٹ کے تاریخی فیصلے کی روشنی میں لیا گیا ہے۔مودی نے بتایا کہ اترپردیش کی حکومت سپریم کورٹ کے حکم کے مطابق سنی وقف بورڈ کو پانچ ایکڑ زمین فراہم کرنے پر رضا مند ہے۔

اسلام آباد‘ بیجنگ (نیٹ نیوز) معاون خصوصی برائے صحت ڈاکٹر ظفر مرزا نے کہا ہے کہ کرونا وائرس ے بچاﺅکےلئے مربوط اورموثراقدامات کویقینی بنایاجا رہاہے۔وفاقی سیکرٹری ہیلتھ نے کہا ہے کہ کرونا وائرس سے بچا ﺅکے لیے موثر اقدامات کو یقینی بنایا جا رہا ہے ۔ یاد رہے چین میں پھیلے خطرناک ترین کرونا وائرس سے اب تک چار سو نوے افراد موت کے منہ میں جاچکے ہیں۔ چین سے باہر بھی دوہلاکتیں ہوئی ہیں جن میں سے ایک کا تعلق فلپائن جبکہ دوسرے کا ہانگ کانگ سے ہے۔ان دونوں نے ووہان کا سفر کیاتھا۔حکام نے بتایا ہے کہ کل مزید 3ہزار887افرادمیں اس وائرس کی تشخیص ہوئی ہے جس کے بعد کل تعداد24ہزار324 تک پہنچ گئی۔ کورونا وائرس کے شبے میں ایک چینی شہری کو پمز اسپتال کے آئیسولیشن وارڈ میں داخل کر لیا گیا جب کہ بیماری کی تشخیص کے لیے سیمپلز قومی ادارہ صحت اسلام آباد کو بھجوا دیے گئے۔ذرائع کے مطابق چین سے آنے والے ایک مسافر بنژانگ کو کورونا وائرس کے شبے میں اسلام آباد ائیر پورٹ سے پمز اسپتال منتقل کر دیا گیا۔اسپتال ذرائع کا کہنا ہےکہ چینی باشندے کو گزشتہ ایک دن سے ہلکی کھانسی اور بخار کی شکایت ہے، چینی مریض کا تھروٹ سوائب ٹیسٹ کےلیے این آئی ایچ بھجوا دیا گیا، چینی باشندے کو کم از کم 12 گھنٹوں تک اسپتال میں رکھا جائے گا۔ طبی ٹیسٹ کی رپورٹ کی روشنی میں مریض کو ڈسچارج کرنے یا زیر علاج رکھنے کا فیصلہ ہو گا۔ چین میں خطرناک کورونا وائرس کے باعث ہلاکتوں کی تعداد 500 کے قریب پہنچ گئی۔غیرملکی خبررساں ادارے کے مطابق چینی حکام نے بتایاکہ کورونا وائرس کے باعث ہوبئی میں مزید 65 افراد ہلاک ہو گئے ہیں جس کے بعد پراسرار مرض سے ہلاکتوں کی تعداد 490 ہو گئی ہے۔چین کے نیشنل ہیلتھ کمیشن کے مطابق کورونا وائرس کے مزید 3 ہزار 800 سے زائد متاثرین سامنے آئے ہیں جس کے بعد متاثرہ مریضوں کی تعداد 24 ہزار 324 تک پہنچ گئی ہے۔

لندن، لاہور (نمائندگان خبریں) پاکستان مسلم لیگ (ن) کے صدر اور قائد حزب اختلاف محمد شہبازشریف نے سابق وزیر اعظم وپارٹی قائد محمد نوازشریف کی صحت سے متعلق تشویش کا اظہار کرتے ہوئے کہا ہے کہ سابق وزیراعظم اور میرے برادر بزرگ میاں محمد نوازشریف کی صحت بدستور تشویشناک اور غیرمستحکم ہے۔ ان کے علاج ئے ضروری عمل میں دو مرتبہ تبدیلی کرنا پڑی کیونکہ ان کی صاحبزادی مریم نوازشریف جو ایسے وقت میں اپنے والد کے پاس ہونا چاہتی ہیں، کو پاکستان سے آنے کی اجازت نہیں دی گئی۔ انہوں نے کہا کہ پیچیدہ نوعیت کی متعدد جان لیوا بیماریوں کے لاحق ہونے کی بناءپر میاں نوازشریف کی صحت کی صورتحال نازک ہے۔ عارضہ قلب کی تکلیف کی بناءپرانہیں پہلے بھی دومرتبہ اوپن ہارٹ سرجری سمیت متعدد قسم کے علاج کے عمل سے گزرنا پڑا۔ انہوں نے کہا کہ میاں نواز شریف کے عارضہ قلب کی موجودہ صورتحال کی تشخیص اور علاج کی حکمت عملی سے متعلق جامع عمل لندن کے رائل برومپٹن ہسپتال میں مرتب ہوئی۔ معالجین نے ان کے دل کی شریانوں اور خون کے بہاو میں رکاوٹوں، دل کے بڑے حصے اور اس کے کام کرنے کے عمل کے شدید متاثر ہونے کا انکشاف کیا ہے۔انہوں نے کہا کہ بیگم کلثوم نواز نے دارفانی سے کوچ کیا تو میاں نوازشریف اپنی صاحبزادی کے ہمراہ جیل میں قید تھے۔ اپنی شریک حیات کھودینے کے شدید غم نے ان کی صحت پر انتہائی منفی اثرات مرتب کئے۔ اپنی زندگی کے اس مشکل ترین وقت میں مریم نواز ان کے لئے ڈھارس، عافیت وآسودگی، غم بانٹنے اور ان کی قوت کا باعث بنیں۔ یہ انتہائی افسوسناک ہے کہ انہیں اپنے والد کی دیکھ بھال کے لئے آنے کی اجازت نہیں دی جارہی ہے۔ مریم نوازشریف کے میاں صاحب کے پاس نہ ہونے کی بناءپر ماہر امراض قلب کو دو بار ’کارڈیک کیتھیٹرائزیشن‘ کا طے شدہ عمل تبدیل کرنا پڑا۔ انہوں نے مطالبہ کیا کہ میاں نواز شریف کی صحت کی تشویشناک حالت کے پیش نظر مریم نوازکو انسانی ہمدردی کی بنیاد پر اپنے والد کے پاس آنے کی اجازت دی جائے۔کیونکہ جتنا وقت گزررہا ہے اتنا ہی طبی عمل کے لئے گنجائش کم ہورہی ہے۔ میاں نوازشریف تین مرتبہ کے منتخب وزیراعظم پاکستان ہیں جن کی قومی معیشت اور دفاع کے لئے کاوشیں ناقابل فراموش اور مثالی ہیں۔ نیب عدالت کے فیصلے پر عمل کرتے ہوئے وہ اپنی صاحبزادی کے ہمراہ پاکستان واپس آگئے اور فیصلے پر شدید تحفظات کے باوجود وہ جیل چلے گئے اور ڈیڑھ سال تک ٹرائل اور ایک سو سے زائد پیشیوں کا سامنا کیا۔ ان کے علاج معالجے کے حق کے احترام کی ضرورت ہے۔ سابق وزیراعظم نواز شریف نے صاحبزادی مریم نواز کے لندن آنے تک علاج کرانے سے انکار کردیا ہے۔سابق وزیراعظم نواز شریف کے ذاتی معالج ڈاکٹر عدنان نے سماجی رابطے کی سائٹ ٹوئٹر پر کہا کہ کارنری انٹروینیشن کا آپریشن نواز شریف کی خواہش کے مطابق موخر کردیا گیا ہے، نواز شریف کی خواہش تھی کہ ان کے آپریشن کے وقت مریم نواز ان کے ہمراہ ہوں، گزشتہ جمعرات کو کارنری انٹروینیشن کا آپریشن ہونا تھا۔سابق وزیراعظم نواز شریف کے ذاتی معالج ڈاکٹر عدنان کے مطابق روبیڈیم کارڈیک پیٹ اسکین کی رپورٹ میں نواز شریف کو دل کی شدید بیماریوں کی نشاندہی ہوئی تھی جب کہ بند شریانوں کی بندش ختم کرنے کے لیے ان کی کارڈیک کیتھیٹائزیشن کی جانی تھی۔

مظفرآباد، اسلام آباد ، لاہور ،کراچی ، کوئٹہ (نمائندگان خبریں) مظلوم کشمیریوں پر بھارتی فوج کی جانب سے مسلسل اور بدترین مظالم کے خلاف لک بھر میں یوم یک جہتی کشمیر منایا گیا، کشمیری شہدا کوخراج عقیدت پیش کرنے کے لیے صبح 10 بجے ملک بھر میں ایک منٹ کی خاموشی اختیار کی گئی۔تفصیلات کے مطابق پاکستان سمیت دنیا بھر میں مظلوم کشمیریوں کے ساتھ اظہار یک جہتی منایا گیا ، ملک بھر میں دن کاآغاز مساجد میں کشمیریوں کیلئے دعاﺅں سے کیا گیا ،اظہاریکجہتی ریلیاں نکالی گئیں اور تقریبات منعقد کی گئیں ، اس سلسلے میں آزاد کشمیر میں بھی ریلیاں اور دیگر تقریبات کا انعقاد کیا گیا ۔ کوہالہ پل پر سائرن بجائے گئے اور ایک منٹ کی خاموشی اختیار کی گئی، انسانی ہاتھوں کی زنجیر بھی بنائی گئی۔راولپنڈی ہولاڑپل پر کشمیریوں سے یک جہتی کے لیے انسانی ہاتھوں کی زنجیر بنائی گئی، اراکین اسمبلی، اے سی کہوٹہ، سماجی کارکنان اور اسکول کے بچوں سمیت سیکڑوں افراد نے شرکت کی۔ کوئٹہ، چمن شہر میں بھی یوم یک جہتی کشمیر جوش و جذبے سے منایا گیا ، شہر کی اہم شاہراہوں اور اہم عمارتوں پر کشمیر کے پرچم لہرا دیے گئے ، مختلف ریلیوں کا انعقاد بھی کیا گیا ۔لاہورمیں بھی دن بھر مختلف تقاریب اور ریلیوں کا انعقاد کیا گیا ،دن کا آغاز مساجد میں کشمیریوں کیلئے دعاﺅں سے کیا گیا ۔ جنرل ہسپتا ل میں یوم کشمیر کے حوالے سے ریلی نکالی گئی ۔لاہور آرٹس کونسل کے زیر اہتمام بلڈ ان دی ویلی کے عنوان سے تصویری نمائش کا اہتمام کیا ۔کراچی میں کشمیری بھائیوں سے اظہار یکجہتی کے لئے گورنر اور وزیراعلی سندھ کی قیادت میں کراچی میں ریلی نکالی گئی، ریلی میں موجود طلبا اور اساتذہ نے کشمیر بنے گا پاکستان کے نعرے لگائے۔اس موقع پر وزیراعلی سندھ مراد علی شاہ کا کہنا تھا کشمیر کو پاکستان کا حصہ بنا کر رہیں گے، مودی نے نہتے مسلمانوں کو ظلم و بربریت کا نشانہ بنایا، قائداعظم کا دو قومی نظریہ بالکل درست تھا، پوری دنیا سے اپیل کرتے ہیں بھارتی مسلمانوں پر مظالم کا نوٹس لے، مودی کیخلاف عالمی عدالت انصاف میں مقدمہ کیا جائے۔گورنر سندھ عمران اسماعیل نے کہا کشمیر کو دنیا کی سب سے بڑی جیل میں تبدیل کر دیا گیا، وزیراعظم نے پوری دنیا میں کشمیر کاز کو اجاگر کیا، متنازعہ شہریت بل سے بھارت مزید ٹکڑوں میں تقسیم ہوگا، پاکستان دنیا بھر میں کشمیر کا مسئلہ موثر اندازمیں اٹھا رہا ، بھارت کو پیغام دینا چاہتے ہیں، کشمیر بنے گا پاکستان۔نعرہ تکبیر اور کشمیر بنے گا پاکستان کے نعروں سے فضا گونج رہی ہے۔ مظاہرین نے مودی کے پتلے اور تصاویر بھی نذر آتش کیں۔ شرکا نے عالمی برادری اور اسلامی ممالک کے سوئے ضمیروں کو جھنجوڑتے ہوئے کہا کہ پاکستانی ہر مشکل گھڑی میں کشمیریوں کے ساتھ ہیں۔ دن پوری قوم اپنے مظلوم کشمیری بہن بھائیوں کےلئے ہم آواز ہے ، مختلف تقاریب میں قابض سیکیورٹی فورسز کا چہرہ بے نقاب کیا گیا اور کشمیری ماﺅں، بہنوں اور بھائیوں کو سلام پیش کیا گیا ،پاکستان اور اذزاد کشمیر کو ملانے والے پ±لوں پر کچھ دیر میں انسانی ہاتھوں کی زنجیر بنا کر کشمیریوں سے یک جہتی کا اظہار کیا گیا ،خیبر پختون خواہ کو مظفرآباد سے ملانے والے مقام برار کوٹ پر بھی انسانی ہاتھوں کی زنجیر بنائی گئی ۔واضح رہے کہ وزیرِ اعظم عمران خان نے گزشتہ روز کشمیریوں کے لیے کوئی کردار ادا نہ کرنے پر اسلامی تعاون تنظیم کو تنقید کا نشانہ بنایا تھا۔کوالالمپور میں ملائیشین تھنک ٹینک سے خطاب میں عمران خان نے کہا تھا کہ ہم مسلم ممالک تو کشمیر پر او آئی سی کا ایک سربراہ اجلاس تک نہیں بلا سکے۔