لاہور(مانیٹرنگ ڈیسک) لیگل ایڈوائزر آغا باقر نے منڈی بہا?الدین کے علاقے میں پیر سید عزیز شاہ کے ہاتھوں تیزاب گردی کا شکار ہونے والی لڑکی ماریا سے متعلق کہا کہ ہر مرتبہ دل ہلا دینے والی سٹوری سامنے آتی ہے۔سات سال کی عمر میں ماریا کے والدین نے ماریا کو خدمت کے لئے پیر کے حوالے کیا تھا۔ہمارے معاشرے میں اس قسم کے جعلی پیر فیض کے نام پر بچیوں سے زیادتی کرتے ہیں۔ چینل فائیو کے پروگرام ہیومن رائٹس واچ میں گفتگو کرتے ہوئے انہوں نے کہا کہ لگتا ہے پیر کا کوئی مقصدپورا نہیں ہوا جس پر پیر نے اس پر تیزاب پھینک دیا بچی کا چہرہ جسم اور نازک اعضائ جل گئے۔مذہب کی آڑ لے کر لوگوں سے زیادتی کرنا انسانی حقوق کی سب سے بڑی خلاف ورزی ہے۔کسی نے واقعہ کی خبر سوشل میڈیا پر وائرل کر دی۔لڑکی انصاف کے لئے دوسال بھٹکتی رہی پچاس ہزار دے کر ماریا کی زبان بند کرنے کی کوشش بھی کی گئی۔ہمارے ملک میں بچوں کو اشٹام کے ذریعے کسی کے حوالے نہیں کر سکتے صرف ریاست قصور وار نہیں والد کا بھی قصور ہے جس کے ذمے کفالت ہے بچی کو کسی کے حوالے کرنا اپنی انفرادی و اجتماعی غیرت کسی کو دینا ہے اب یہ پورے پاکستان کا مسئلہ ہے پھر ریاست کی ذمہ داری ہے کہ اس پر قانون سازی ہونی چاہئے۔ چاہے فیملی کو معاشی مسائل تھے لیکن یہ جرم ہے۔ کسی کے چہرے پر تیزاب پھینکنا بڑا جرم ہے۔ بچی کا حق تھا اپنی مرضی سے شادی کرتی ایسے پیر کو عبرت کا نشان بنا دینا چاہئے۔لڑکی تو مردہ لاش بن گئی ہو گی۔ترجمان وزیراعلی شہباز گل متاثرہ فیملی کے گھر گئے جو قابل ستائش ہے۔بچی کو پانچ لاکھ بھی دیے لیکن یہ رقم بچی کا متبادل نہیں لیکن کیا پانی سر سے گزرنے کے بعد شہباز گل وہاں پہنچے۔کیا منسٹری واقعہ سے پہلے ایسی جگہ نہیں پہنچ سکتی۔ایسے کیسز میں عام طور پر صلح ہو جاتی ہے ایسے جاگیردارانہ علاقوں میں لوگوں کی زندگیاں ان کے اپنے کنٹرول میں نہیں ہوتیں۔ناجانے ظلم کی داسنان کب ختم ہو گی انسانی حقوق کے ادارے کب جاگیں گے۔اقدامات ایسے ہوں کہ پھر یہ واقعات نہ ہو سکیں۔غربت ختم کرنا طویل عرصے کی منصوبہ بندی ہے واقعہ ہونے سے قبل اسے روکنا چاہئے کیا ایس ایچ کو پیر کا نہیںپتہ ہو گا۔اداروں کو مضبوط کرنا ہو گا۔پنجاب کے بارہ سیکرٹری چائلڈ پروٹیکشن بیورو کے ممبرز ہیں جب بچی پر تیزاب پھینکا جاتا ہے سات سال کی بچی پیر کے حوالے کی جاتی ہے یہ چائلڈ پروٹیکشن بیورو کدھر تھا۔ باپ بھی قصور وار ہے پتہ نہیں پندرہ سال میں شاید باپ دام لیتا رہا۔ سینئر صحافی ضیائ شاہد نے کہا کہ پیر کی جانب سے لڑکی ماریا پر جو تیزاب پھینکا گیا ہمارے پروگرام میں یہ کسی پیر کی کارستانی کا پانچواں کیس ہے۔علم والے لوگ بھی موجود وہیں لیکن بہت کم جبکہ اس قسم کے جعلی پیروں کی تعداد زیادہ ہے۔ افسوس کس قسم کے لوگ رشد و ہدایت کی دکانداریاں بنا کر بیٹھے ہیں۔ماریا کو خدمت گزار کے طور پر پیر کے حوالے کیا گیا تو اس کی عمر سات سال تھی غربت اپنی جگہ لیکن کیا کوئی غربت کے باعث بیٹیوں کو کسی کو نذرانہ دے سکتا ہے،تھوڑی بہت تو شرم و حیا غیرت ہونی چاہئے ایسے واقعات روز ہوتے ہیں۔پانچ پروگرام اب تک پیروں پر ہو چکا یہ پیری مریدی کے نام پر کیا کھیل جاری ہے۔اہل علم کی بات چھوڑیں لیکن جو اس قسم کے پیر ہیں ان کے خلاف مہم چلانی چاہئے۔لڑکی پاس رکھی خدمت کرائی جب بڑی ہوئی تو اسے مجبور کیا گیا ہو گا جب وہ نہیں مانی چہرے پر تیزاب پھینک دیا یہ ایک مایوس اور مضطرب شخص کا کام ہوتا ہے۔جب وہ دیکھتا ہے اچھی شکل کی لڑکی اس کی بات نہیں مانتی تو وہ مشعتل ہو کر یہ قدم اٹھاتا ہے۔بچے والدین کی خدمت کے لئے تو ہیں پیر درمیان میں کہاں آ گیا۔بچی پندرہ سال پیر کے پاس رہی اگر بچی کا باپ لائن پر ہوتا تو اس سے پوچھتا اسے کب پتہ چلا پیر اسے بیٹی سے نہیں ملنے دے رہا اس وقت کیا کوئی پرچہ درج کرایا یا درخواست دی اگر پیر نے کچھ لکھوا بھی دیا ہو تو یہ تو نہیں لکھوایا ہو گا بچی والدین سے نہیں مل سکتی۔والدین سے ملنا بنیادی حق ہے اب وہ مظلوم بنا بیٹھا ہے میرے خیال میں پہلے نمبر پر باپ قصور وار ہے با پ کو کیا حق ہے سات سالہ بچی کسی پیر کے حوالے کر کے انگوٹھے لگوا کر گھر آ جائے کسی کے ساتھ اگر زیادتی ہو تو اسے فرشتہ نہیں سمجھ لینا چاہئے پندرہ سال باپ کیا کرتا رہا جس کا جو فرض ہے پورا کرنا چاہئے۔

اسلام آباد (نیٹ نیوز) وفاقی وزیر برائے سائنس و ٹیکنالوجی فواد چوہدری اور پیپلزپارٹی کے چیئرمین بلاول بھٹو زرداری کے درمیان ٹوئٹر پر جاری لفظی جنگ نے سب کو اپنی طرف متوجہ کر دیا۔ بلاول زرداری کی جانب سے دہشتگردوں کی مذمت کرنے پر فواد چوہدری نے طنزیہ ٹویٹ کیا کہ خر قمر واقعہ پرمحسن داوڑ کی حمایت اور آج کے نامعلوم قاتلوں کی مذمت سے بلاول بھٹو کی دوہری سیاست ظاہر ہوتی ہے۔ انہوں نے سوال کیا کہ کیا آپ شہدا کے خون پر سیاست کر رہے ہیں؟ اس کے جواب میں بلاول زرداری، فواد چوہدری پر برس پڑے اور اوپر تلے کئی ٹویٹس کر ڈالیں۔ انہوں نے کہا کہ جب آپ کا رہنما دہشت گردوں کو بھائی کہتا تھا میں اس وقت بھی فوج پر دہشت گردوں کے حملے کی مذمت کرتا تھا اور آج بھی کرتا ہوں۔ چیئرمین پاکستان پیپلزپارٹی نے کہا کہ اس کو تسلسل کہتے ہیں جس کا آپ کو کچھ علم نہیں، محسن اور علی وزیر ارکان اسمبلی ہیں، دہشت گرد نہیں۔ بلاول کا غصہ پھر بھی ٹھنڈا نہ ہوا اور انہوں نے اگلےٹویٹ میں لکھا کہ بطور ایک وکیل کے آپ بھی اس بات پر یقین رکھتے ہیں کہ آئین کی شق 10 اے کے تحت ہر شخص کو فیئر ٹرائل کا حق حاصل ہے۔ انہوں نے فواد چوہدری کو براہ راست مخاطب کرتے ہوئے کہا کہ پیشہ ور بھگوڑوں کو دوہری سیاست پر بات نہیں کرنی چاہیے، آپ کا وزیرداخلہ دہشت گردوں کا سہولت کار ہے اور ریلوے کا وزیر کالعدم تنظیموں کی حمایت کرتا ہے۔ وفاقی وزیر سائنس و ٹیکنالوجی فواد چودھری نے کہا ہے کہ بلاول کی جانب سے نامعلوم حملہ آور کی مذمت دوغلی سیاست ہے۔سماجی رابطے کی ویب سائٹ ٹوئٹر پر پیغام میں فواد چودھری کا کہنا ہے کہ بلاول بھٹو نے چیک پوسٹ پرحملے پرمحسن داوڑ کی حمایت کی تھی، کیا وہ شہدا کے خون پر سیاست کر رہے ہیں؟۔ واضح رہے کہ چیئرمین پیپلز پارٹی بلاول بھٹو زرداری نے شمالی وزیرستان میں فوج کی گاڑی پر دہشت گرد حملے کی مذمت کرتے ہوئے کہا تھا کہ آج پھر ایک جوان وطن پر قربان ہو گیا، پوری قوم دہشت گرد حملے میں شہید ہونے والا جوان کے اہل خانہ کے غم برابر کی شریک ہے۔چیئرمین پی پی کا کہنا ہے کہ دھرتی پر جان قربان کرنے والے جوان ہمارے ہیرو ہیں، ہزاروں شہریوں اور فوجی جوانوں کی قربانیوں سے قائم امن دہشت گرد پھر چھیننا چاہتے ہیں۔انہوں نے کہا کہ انتہاپسندی اور دہشت گردی کے خاتمے تک ہمارے حوصلے بلند رہیں گے، پیپلز پارٹی دہشت گردی کے خلاف جنگ میں افواج پاکستان کے ساتھ ہے۔ پاکستان پیپلزپارٹی کے چیئرمین بلاول بھٹو زرداری نے کہا ہے کہ دھرتی پر جان قربان کرنے والے جوان ہمارے ہیرو۔ہفتہ کے روز اپنے ایک بیان میں بلاول بھٹو نے شمالی وزیرستان میں فوج پر حملے کی شدید مذمت کرتے ہوئے کہا کہ آج پھر ایک جوان دھرتی پر قربان ہوگیا پوری قوم شمالی وزیرستان کے شہید اہلکار کے خاندان کے غم میں برابر کی شریک ہے انہوں نے کہا کہ دھتی پر جان قربان کرنے والے جوان ہمارے ہیرو ہیں پیپلزپارٹی دہشت گردی کے خلاف جنگ میں فوج کے ساتھ ہے انہوں نے کہا کہ انتہا پسندی اور دہشت گردی کے خاتمے تک ہمارے حوصلے پست نہیں ہوں گے۔

اسلام آباد (این این آئی) متحدہ اپوزیشن نے عدلیہ کےخلاف ریفرنس دائر کر نے کے اقدام کے خلاف بھرپور احتجاج کااعلان کرتے ہوئے کہا ہے کہ حکومت مشرف کا رویہ اپنا رہی ہے ،جودہ حکومت سلیکٹیڈ اپوزیشن اور سلیکٹیڈ جوڈیشری چاہتی ہے،حکومت کا صرف ایک مقصد ہے کہ عدلیہ سے من مانے فیصلے کےلئے دباو ڈالا جائے،عدلیہ کے خلاف سازش کو بے نقاب کریں گے،کہنے کو تو جمہوریت ہے مگر عمل جمہوریت کی خوشبو نہیں آئی،شمالی وزیرستان واقعہ پر پارلیمانی کمیشن بنایا جائے ، رولز کو نظر انداز کرتے ہوئے سپیکر نے اپوزیشن کو بات نہیں کر نے دی ،ملک کے مسائل حل کرنے کےلئے اپوزیشن ایک ساتھ رہے گی۔ان خیالات کا اظہار متحدہ اپوزیشن کے رہنماو¿ں مسلم لیگ (ن )کے سینئر نائب صدر شاہد خاقان عباسی، مریم اورنگزیب ، سردار ایاز صادق، نیشنل پارٹی کے سربراہ سردار اختر مینگل، پاکستان پیپلز پارٹی کے چیئر مین بلاول بھٹو زر داری ، سابق وزیر اعظم راجہ پرویز اشرف اور جے یو آئی (ف) کی شاہدہ اختر علی نے میڈیا سے گفتگو کرتے ہوئے کیا۔بلاول بھٹو زر داری نے کہاکہ پارلیمنٹ میں جو کچھ ہوا وہ قواعد و ضوابط کی خلاف ورزی ہے۔ بلاول بھٹو زرداری نے کہاکہ علی وزیر اور محسن داوڑ کے پروڈکشن آرڈر کی درخواست کی کی جس پر بتایا گیا کہ پراڈکشن آرڈر جاری نہیں کئے گئے۔بلاول بھٹو زرداری نے کہاکہ پاکستان کی ساری اپوزیشن جماعتیں آپ کے سامنے کھڑی ہیں ،جو آج پارلیمان میں ہوا یہ جمہوریت نہیں تھی۔ انہوںنے کہاکہ ہا?س رولز کی خلاف ورزی کرتے ہوئے حکومت نے اپوزیشن کو بولنے نہیں دیا۔ انہوںنے کہاکہ ایک دو روز قبل اسلام آباد کے سڑکوں پر امن پاکستانیوں پر حملہ کیا، انتظامیہ نے معصوم عوام کے ساتھ ارکان پارلیمنٹ پر بھی حملہ کیا۔ انہوںنے کہاکہ گرفتار کرنے کے بعد بھی ہمارے کارکنوں اور ارکان پارلیمنٹ پر حملہ کیا گیا۔گزشتہ روز گرفتارکے بعد رہا ہونےو الی ڈاکٹر شازیہ ثوبیہ نے کہاکہ پولیس نے ہم پر تشدد کیا،پولیس نے کہا ابھی تو آپ کو جیل میں نہیں ڈالا۔ انہوںنے کہاکہ پولیس تھانے پیپلز پارٹی کے ورکز آئے، لیکن ہمیں نہیں ملنے دیا گیا۔ ڈاکٹر شازیہ ثوبیہ نے کہاکہ ہم چیئرمین صاحب کے ساتھ اظہار یکجہتی کےلئے کھڑے تھے، ہم نے کوئی قانون کی خلاف ورزی نہیں کی۔ نہوںنے کہاکہ ہم نے پولیس کو کہا کہ ہم آپ کی یونیفورم کی عزت کرتے ہیں اور کر رہے ہیں۔سابق وزیر اعظم شاہد خاقان عباسی نے کہاکہ ہمیشہ کی طرح حکومت نے قومی اسمبلی سے راہ فرار اختیار کی، ریاستی دہشتگردی کے حالات آپ کے سامنے ہیں۔ انہوںنے کہاکہ خواتین پر حملے کی شدید مذمت کرتے ہیں، یہ خواتین پر حملہ نہیں بلکہ عدلیہ پر حملہ ہے۔انہوںنے کہاکہ سپریم کورٹ اور ہائی کورٹ کے ججز کے خلاف ریفرنس فائل کیے گئے ہیں۔بلاول بھٹو زر داری نے کہاکہ پھر سے مطالبہ کررہا ہوں کہ علی وزیر اور محسن داوڑ کے پروڈکشن آرڈر جاری کیے جائیں۔ انہوںنے کہاکہ موجودہ حکومت سلیکٹیڈ اپوزیشن اور سلیکٹیڈ جوڈیشری چاہتی ہے۔ انہوںنے کہاکہ موجودہ حکومت مشرف کا رویہ اپنا رہی ہے، اعجاز شاہ کے طریقہ کار مدینہ ریاست میں وہی آمرانہ رویہ اپنا رہے ہیں۔بلاول بھٹو زر داری نے کہاکہ اپوزیشن جماعتوں کے ساتھ ناروا سلوک کیا جارہا ہے۔ انہوںنے کہاکہ میں نے سپیکر کو خط لکھا ہے کہ علی وزیر اور محسن داوڑ کا پروڈکشن آرڈر جاری کیے جائیں۔ سابق وزیر اعظم شاہد خاقان عباسی نے کہاکہ ہم پھر سخت ترین الفاظ میں حکومت کے معاملات کی مذمت کرتے ہیں، ہم نے ہمیشہ عدلیہ کا احترام کیا ہے،پچھلے چیف جسٹس ہمارے خلاف کیمپین کا حصہ بنے، عدلیہ کو دبا? میں رکھنے کے لیے اس طرح کا رویہ اپنایا جارہا ہے۔ انہوںنے کہاکہ عدلیہ کے خلاف سازش کو بے نقاب کریں گے، ہم نے پیر کو دو مطالبات رکھے تھے۔ انہوںنے کہاکہ اسمبلی میں وزرائ کے رویے پر شدید مذمت کرتے ہیں۔بی این پی کے سربراہ اختر مینگل نے کہاکہ کہنے کو تو ہم ایک جمہوری ملک ہیں، دیکھنے میں یہی آرہا ہے کہ اداروں کو پابند سلاسل کیا جارہا ہے۔ انہوںنے کہاکہ کہنے کو تو جمہوریت ہے مگر عمل جمہوریت کی خوشبو نہیں آئی، جہاں تک ججز کے خلاف رفرنسز تعلق ہے اچانک کہاں سے نمودار ہوئے؟ انہوں نے کہاکہ کوئٹہ سانحے میں ہمارے وکلائ کو شہید کیا گیا تھا، جمہوریت کی بقا کے لیے لوگوں نے جیل اور کوڑے کھائے ہیں۔ انہوںنے کہاکہ ہماری گزارش ہوگی کہ شمالی وزیرستان میں جو واقعہ ہوا تھا اس پر پارلیمانی کمیشن بنائی جائے۔انہوںنے کہاکہ اسمبلی کو چلانا حکومت کی ذمہ داری ہے۔جے یو آئی (ف)کی شاہدہ اختر علی نے کہاکہ میران شاہ واقعہ پر کمیشن بنایا جائے۔ انہوںنے کہاکہ عدلیہ ریفرنس کے پیچھے کس کا ہاتھ ہے ؟یہ نہ ڈیموکریسی لائے ہیں اور نہ ان کے پیچھے ڈیموکریسی کا ہاتھ ہے۔ انہوںنے کہاکہ اسلام آباد میں خواتین پر تشدد کی بھر پور مذمت کرتے ہیں۔

اسلام آباد (مانیٹرنگ ڈیسک) چیئرمین نیب نے میگا منی لانڈرنگ کیس میں سابق صدر آصف علی زرداری کے وارنٹ گرفتاری جاری کردیے، سابق صدر جعلی اکاونٹس کیس میں10جون تک ضمانت پر ہیں۔ تفصیلات کے مطابق چیئرمین نیب جسٹس (ر) جاوید اقبال نے پیپلز پارٹی کے شریک چیئرمین اور سابق صدرِ مملکت آصف زرداری کے وارنٹ گرفتاری منظور کرتے ہوئے موقف اختیار کیا ہے کہ وہ میگا منی لانڈرنگ کی تحقیقات میں مطلوب ہیں۔ نیب کا کہنا ہے کہ دس جون کو اسلام آباد ہائی کورٹ میں سابق صدر کی ضمانت کے حوالے سے ہونے والی سماعت میں وارنٹ گرفتاری پیش کیے جائیں گے۔ بتایا جارہا ہے کہ نیب نے آصف زرداری سےمیگامنی لانڈرنگ تحقیقات میں پوچھ گچھ کرنی ہے۔ یاد رہے کہ گزشتہ روز اسلام آباد ہائی کورٹ میں جسٹس عامر فاروق اور جسٹس محسن اختر کیانی پر مشتمل ڈویڑن بینچ نے جعلی اکاو¿نٹس کیس میں پیپلز پارٹی کے شریک چیئرمین آصف زرداری اور ان کی بہن فریال تالپور کی عبوری ضمانت میں توسیع کے لیے درخواستوں پر سماعت کرتے ہوئے دونوں کی ضمانت میں دس جون تک توسیع کردی تھی۔ سماعت کے دوران نیب حکام نے موقف اختیار کیا کہ کیس کے تمام دستاویزات اور ریکارڈ کیس کےساتھ منسلک ہیں، جعلی اکاو¿نٹ کیس میں آصف زرداری براہ راست ملوث ہیں۔ آصف زرداری نے میڈیا پر کہا تھا کہ اگر ہم امیر نہیں ہوں گے تو کون ہوگا ، ان کوگرفتار کرنے کے لیے نیب کے پاس ٹھوس شواہد ہیں، آصف زرداری کی گرفتاری نیب کی انکوائری کاحصہ ہے۔ جسٹس عامرفاروق نے کہا کہ منی لانڈرنگ ایکٹ پڑھ کر سنایا جائے، کیا اینٹی منی لانڈرنگ ایکٹ کے تحت نیب تفتیش کرسکتی ہے؟ نیب کے وکیل کا کہنا تھا جی ایکٹ کی تعریف پر پورانہ اترنے کے باوجود نیب تفتیش کرسکتی ہے، اکاو¿نٹس دوسرے شخص کے نام اصل بینفشری کو ظاہرکیے بغیر بنائے گئے، یہ انتہائی پوشیدہ پیسوں کی منتقلی کا بھیانک جرم ہے۔ نیب پراسیکیوٹر نے بتایا کرپشن، رشوت کی خفیہ منتقلی کیلئے جعلی اکاو¿نٹس کا استعمال کیاگیا، جعلی اکاو¿نٹس میں فریال تالپور کے دستخط چیک پر موجود ہیں، جسٹس عامر فاروق نے نیب سے استفسار زرداری گروپ کا کیا اسٹیٹس ہے، جسٹس محسن اخترکیانی نے پوچھا اسٹیٹ بینک نے فریال تالپور سے متعلق کیا کہا؟ نیب نے بتایا اسٹیٹ بینک نے ایف آئی اے کو مطلع کیا۔

اسلام آباد (صباح نیوز) امریکی نمائندہ خصوصی برائے افغانستان زلمے خلیل زاد کی 2 جون کو اسلام آباد آمد متوقع ہے۔ نجی ٹی وی کے مطابق زلمے خلیل زاد وزارت خارجہ میں پاک، امریکہ دوطرفہ مشاورتی اجلاس میں شرکت کریں گے۔ پاکستانی وفد کی قیادت ایڈیشنل سیکرٹری امریکہ کریں گے جبکہ امریکی وفد کی قیادت کی سربراہی زلمے خلیل زاد کرینگے۔اجلاس میں دوطرفہ تعلقات اور علاقائی سلامتی کے امور زیر غور آئیں گے۔ زلمے خلیل زاد افغان مفاہمتی عمل میں پاکستان سے رہنمائی حاصل کریں گے۔ امریکی وفد اعلیٰ سول و عسکری حکام سے ملاقاتیں بھی کریگا۔ امریکی نمائندہ خصوصی برائے افغانستان زلمے خلیل زادسیکرٹری خارجہ سہیل محمود سے ملاقات بھی کرینگے۔ زلمے خلیل زاد کی تاحال وزیر خارجہ شاہ محمود قریشی سے ملاقات طے نہیں۔ وزیراعظم سے ملاقات طے کرانے کیلئے امریکی حکام سرگرم ہیں مگران سے تاحال زلمے کی ملاقات شیڈول نہیں کی جاسکی۔