لاہور(ویب ڈیسک)پاکستانی ٹیلی ویژن ڈراموں کی مقبول آن اسکرین جوڑی سجل علی اور احد رضا میر نے منگنی کرلی۔ڈرامہ ‘یقین کا سفر ‘ سے مداحوں کی پسندیدہ ترین جوڑی کا اعزاز حاصل کرنے والے گلوکار و اداکار احد رضا میر نے اداکارہ سجل علی کے ساتھ منگنی کا اعلان فوٹو شیئرنگ ویب سائٹ انسٹا گرام پر کیا۔احد رضا میر نے کہا کہ انہیں اس بات کا اعلان کرتے ہوئے انتہائی خوشی ہورہی ہے کہ اپنے خاندانوں کی دعاﺅں کے ساتھ ہم باضابط طور پر منگنی کے بندھن میں بندھ گئے ہیں۔اداکار احد رضا میر نے کہا کہ وہ اس بات کا اعلان کرتے ہوئے انتہائی خوشی محسوس کررہے ہیں کہ وہ سجل علی کے ساتھ باضابطہ طور پر منگنی کے بندھن میں بندھ گئے ہیں۔ان کا کہنا تھا کہ ہمارا خاص دن، ہمارے خاندان، دوستوں اور مداحوں کی دعاو¿ں اور محبت سے مزید خاص بن جائے گا۔بعدازاں سجل علی نے بھی انسٹاگرام پر منگنی کا اعلان کیا، انہوں نے اپنی اور احد رضا میر کی تصویر بھی شائع کی۔خیال رہے کہ اس جوڑی کے چرچے کافی عرصے سے ہیں جو پہلی بار ڈرامہ ‘یقین کا سفر’ میں ایک ساتھ نظر آئے تھے اور آج کل ‘آنگن’ میں کام کررہے ہیں۔اداکاروں اور مداحوں نے اپنی پسندیدہ جوڑی کو منگنی پر مبارک باد دی اور نیک تمناﺅں کا اظہار کیا۔ناول نگاری میں مقبولیت کے ساتھ ساتھ ہمسفر سمیت متعدد سپرہٹ ڈراموں کو تحریر کرنے والی فرحت اشتیاق نے یہ انکشاف خودذرائع سے بات کرتے ہوئے کیا تھا کہ سجل علی اور احد رضا میر ایک نئے ڈرامے میں دکھائی دیں گے۔ان کا کہنا تھا ‘سجل اور احد ایسے منفرد کرداروں میں نظر آئیں گے جو انہوں نے پہلے کبھی نہیں کیے’۔انہوں نے یکم جون کو بھی ایک ٹوئیٹ بتایا تھا کہ اس ڈرامے میں سجل علی اور احد رضا میر کے علاوہ عدنان صدیقی، میرا سیٹھی، مسرور پارس ہوں گے جبکہ یہ ایک رومانوی تھرلر ہوگا۔گزشتہ سال احد رضا میر نے اسکرین پر سجل علی کے ساتھ اپنی کیمسٹری اور جوڑی سے متعلق برطانوی نشریاتی ادارے ‘بی بی سی ایشین نیٹ ورک‘ سے بات کرتے ہوئے اعتراف کیا تھا کہ انہیں حقیقی زندگی میں بھی سجل علی بہت پسند ہے۔انٹرویو کے دوران احد رضا میر نے نہ صرف سجل علی کی بہترین اداکارہ اور خوبصورت خاتون قرار دیا بلکہ ان کی تعریفوں کے لیے ان کے پاس الفاظ بھی کم پڑ گئے۔احد رضا میر کا کہنا تھا کہ ان دونوں کی جوڑی کو ‘یقین کا سفر’ میں بہت سراہا گیا اور اس کا سبب یہ ہے کہ وہ دونوں ایک ہی طریقے سے کام کرتے اور چیزوں کو دیکھتے ہیں۔انہوں نے سجل علی کی خوبصورت خاتون اورذہین اداکارہ قرار دیتے ہوئے یہ اعتراف بھی کیا کہ انہیں ان کے ساتھ کام کرنا اچھا لگتا ہے۔اداکار کے مطابق سجل علی بھی انہیں خوب جانتی ہے، جس وجہ سے ان دونوں کے درمیان اچھے روابط ہیں اور انہیں ایک دوسرے کو سمجھنے میں آسانی ہوتی ہے۔

لاہور(ویب ڈیسک)اگرچہ تقسیم ہند کے موضوع پر متعدد پاکستانی ڈرامے اور کچھ فلمیں بھی بنائی جا چکی ہیں اور ان میں دونوں ممالک کے افراد میں محبت کو بھی دکھایا گیا ہے۔تاہم آنے والی تاریخی رومانٹک پاکستانی فلم ’کاف کنگنا‘ دیگر فلموں سے کچھ منفرد دکھائی دیتی ہے۔’کاف کنگنا‘ کے جاری کیے گئے ٹیزر سے فلم کی کہانی کو سمجھنا مشکل ہے، تاہم اندازا ہوتا ہے کہ فلم دیگر فلموں سے کچھ مختلف ہوگی۔ٹیزر میں فلم کی مرکزی کاسٹ کی جھلک کو دکھایا گیا ہے،تاہم کچھ اداکاروں کی جھلک کو دکھائے جانے کے باوجود ان کے کرداروں کو سمجھنا مشکل ہے۔فلم میں سمیع خان پاکستانی لڑکے جب کہ اشل فیاض بھارتی لڑکی کا کردار ادا کرتی دکھائی دیں گی۔فلم کی خاص بات یہ ہے کہ اس میں نہ صرف دو پڑوسی اور روایتی دشمن ممالک کے لڑکے اور لڑکی کو پیار کرتے دکھایا جائے بلکہ اس میں بھارت کی جانب سے کی جانے والی سیاسی سازشوں کو بھی بے نقاب کیا جائے گا۔فلم میں ایکشن، رومانس اور سیاسی کشیدگی کے علاوہ شائقین کو آئٹم سانگ اور سسپنس بھی بھرپور دیکھنے کو ملے گا۔ہدایت کار خلیل الرحمٰن قمر کی فلم کی دیگر کاسٹ میں عائشہ عمر، ساجد حسن، فضا علی اور دیگر شامل ہیں۔فلم کو رواں برس عیدالاضحٰی پر ریلیز کیا جائے گا۔فلم کو پاک فوج کے شعبہ تعلقات عامہ (آئی ایس پی آر)کے تعاون سے ریلیز کیا جائے گا۔

ممبئی(ویب ڈیسک)بولی وڈ پگی چوپس پریانکا چوپڑا نے گزشتہ برس خود سے 11 سال کم عمر امریکی گلوکار نک جونس سے شادی کرکے سب کو حیران کردیا تھا۔دونوں کی شادی دسمبر 2018 میں بھارتی ریاست راجستھان کے شہر جودھپور میں ہوئی تھی، تاہم ان کی شادی کی خبر آتے ہی اداکارہ کو خود سے کم عمر شخص سے شادی کرنے پر تنقید کا نشانہ بنانا شروع کردیا گیا تھا۔امریکی و برطانوی میڈیا سمیت بھارتی میڈیا میں بھی پریانکا چوپڑا کی کم عمر شخص سے شادی پر حیرانگی کا اظہار کرتے ہوئے ان کی شادی اور تعلقات سے متعلق چہ مگوئیاں شروع کردی گئی تھیں۔یہاں تک ایک امریکی میگزین نے پریانکا چوپڑا کی خود سے کم عمر شخص سے شادی کو دھوکہ قرار دیتے ہوئے اداکارہ پر شادی کے ذریعے فائدہ حاصل کرنے کا الزام لگایا تھا۔تاہم بعد ازاں امریکی میگزین نے اپنی خبر پر معذرت کرتے ہوئے خبر کو ہٹا دیا تھا۔بعد ازاں پریانکا چوپڑا اور نک جونس کے درمیان اختلافات کی خبریں بھی سامنے آئیں اور دعویٰ کیا گیا کہ جلد ہی دونوں میں طلاق ہوجائے گی۔خود سے زائد عمر خاتون سے شادی کرنے پر اگرچہ پریانکا چوپڑا کے شوہر نک جونس وضاحت کر چکے تھے کہ وہ کیوں خود سے 11 برس کم عمر خاتون سے شادی کر رہے ہیں؟۔نک جونس کا کہنا تھا کہ بڑی عمر کی خواتین سمجھدار ہوتی ہیں، انہیں پتہ ہوتا ہے کہ مرد ان سے کیا چاہتے ہیں۔لیکن اب پہلی بار پریانکا چوپڑا نے بھی خود سے کم عمر شخص سے شادی پر خاموشی توڑتے ہوئے تنقید کرنے والوں کو کرارا جواب دیا ہے۔امریکی فیشن میگزین ’ان اسٹائل‘ کو دیے گئے انٹرویو میں 37 سالہ پریانکا چوپڑا نے 26 سالہ نک جونس سے اپنی شادی کو روایات توڑنے کا آغاز قرار دیتے ہوئے کہا کہ ان کے شوہر کے کم عمر ہونے میں کوئی عجب بات نہیں۔اداکارہ نے وضاحت کی کہ جب کوئی مرد کسی خاتون سے عمر میں بڑا ہوتا تو کوئی سوال نہیں کرتا کہ نوجوان خاتون نے زائد العمر شخص سے کیوں شادی کی ہے؟اداکارہ کا کہنا تھا کہ اگر کوئی بھی زائد العمر شخص کسی نوجوان خاتون سے شادی کرتا ہے تو ان کی تعریفیں کی جاتی ہیں لیکن جیسے ہی کوئی زائد العمر کسی نوجوان شخص سے شادی کرتی ہے تو سوالات کیے جاتے ہیں، ان کی شادی اور رشتے کو شک کی نظر سے دیکھا جاتا ہے۔اداکارہ نے انٹرویو کے دوران امریکی ٹی وی انڈسٹری اور ہولی وڈ میں اپنے کیریئر سے متعلق بات بھی کی اور سوال کیا کہ آخر ہولی وڈ میں کیوں کسی ایشیائی اداکار کو مرکزی کردار نہیں دیا جاتا؟اداکارہ نے کہا کہ وہ امریکی ٹی وی انڈسٹری اور ہولی وڈ میں بھی روایات کو توڑنے میں کامیاب ہوئی ہیں۔اداکارہ نے انٹرویو کے دوران اپنے پسندیدہ لباس سے متعلق بھی بات کی اور بتایا کہ ساڑھی ان کا پسندیدہ ترین لباس ہے۔فیشن میگزین نے اداکارہ کی ساڑھی میں تصاویر بھی سر ورق پر شائع کیں جنہیں تنقید کا نشانہ بنایا جا رہا ہے۔پریانکا چوپڑا کی میگزین کے سرورق پر شائع تصویر پر بھارتی مداحوں نے سب سے زیادہ اعتراض کیا اور اداکارہ پر تنقید کرتے ہوئے ان سے سوال کیا کہ انہوں نے ’ساڑھی پہننے کے ساتھ بلاﺅز کیوں نہیں پہنا‘۔

لاہور(ویب ڈیسک) نامور ادیب، ڈرامہ نگار و اداکار ڈاکٹر انور سجاد علالت کے باعث 84 برس کی عمر میں انتقال کرگئے۔ڈاکٹر انور سجاد کی اہلیہ کا کہنا ہے کہ انور سجاد پچھلے کچھ دنوں سے علیل تھے اور انہوں نے کھانا پینا بھی چھوڑ دیا تھا۔انورسجاد علالت کے دوران لاہور رائیونڈ روڈ پر واقع اپنی رہائش گاہ پر ہی موجود رہے، انہوں نے سوگوار میں بیوی اور بیٹی چھوڑی ہے۔ڈاکٹر انور سجاد کی نماز جنازہ لاہور میں ادا کردی گئی، چیئرمین پاکستان پیپلزپارٹی بلاول بھٹو نے ڈاکٹر انور سجاد کے انتقال پر اظہار افسوس کرتے ہوئے ان کی مغفرت اور بلندی درجات کیلئے دعا کی اور کہا ترقی پسند ادب کیلئے ڈاکٹر انور سجاد کی خدمات کو ہمیشہ یاد رکھا جائے گا، ان کی رحلت اردو ادب کیلئے بڑا سانحہ ہے۔ڈاکٹر انور سجاد آخری ایام میں کسمپرسی کی زندگی گزارنے پر مجبور رہے اور انہیں علاج کے لیے بھی شدید مالی مشکلات کا سامنا رہا جب کہ اہلیہ نے صدر پاکستان کو خط لکھا تھا جس کے بعد امداد ملنا شروع ہوئی تاہم حکومت کی مالی امداد بھی معروف ادیب کی مشکلات کا مداوا نہیں کر سکی تھی۔انور سجاد نے بے شمار ٹی وی ڈراموں کی کہانی تحریر کی جب کہ خدمات کے اعتراف میں انہیں صدارتی تمغہ برائے حسن کارکردگی سے بھی نوازاگیا تھا۔ڈاکٹر انور سجاد نے 1965 میں پاکستان ٹیلی ویژن سے اپنے کیریئر کا آغاز بطور اداکار ومصنف کیا تھا، انہوں نے لاتعداد ڈرامے اور افسانے لکھنے کے ساتھ ساتھ کئی ڈراموں میں کام بھی کیا، ان کی تصانیف میں زردکونپل،سمندر، جنم روپ، نوٹ بک اور دیگر شامل ہیں۔