لاہور(ویب ڈیسک)صوبائی وزیر قانون ، پالیمارنی امور و بلدیات محمد بشارت راجہ نے آج پنجاب اسمبلی کے اجلاس میں حمزہ شہباز کی تقریر کا جواب دیتے ہوئے کہا کہ ±اس ملک کے خزانے کا کیا حال ہوگا جس ملک کا وزیراعظم سرکاری جہاز میں اشتہاری وزیر خزانہ کو ±ملک سے باہر چھوڑ آئے. انہوں نے کہا کہ 2008 ءمیں مسلم لیگ ن کی حکومت کو سوارب روپے خزانے میں سرپلس دے کر گئے تھے لیکن شہباز شریف نے جاتے جاتے اسی صوبہ کو چھبیس سو ارب روپے کا مقروض بنا دیا؟ یہ کیسے ہوا، انہیں پنجاب کے عوام کو جواب دینا پڑے گا. انہوں نے کہا کہ حمزہ شہباز کے والد نے چار چار کیمپ آفس بنا رکھے تھے جن کا سارا خرچہ سرکاری خزانے سے ادا ہوتا تھا. آج پنجاب کے وزیراعلیٰ عثمان بزدار نے ایک بھی کیمپ آفس نہیں بنا رکھا. راجہ بشارت نے کہا کہ زرداری ،نواز ، شہباز اور حمزہ ان سب کے مقدمات ہماری حکومت کے نہیں بلکہ انہوں نے خود ایک دوسرے پر بنائے. دونوں دس سال تک اقتدار میں رہے اور نیب کے سربراہ سمیت موجودہ افسر بھی خود ہی لگائے لیکن اسی نیب نے لوٹ مار پر پکڑا تو اس میں کیڑے نظر آنے لگے؟ انہوں نے کہا کہ اپنی کرپشن کا حساب آپ خود دیں نیب سے، عدلیہ سے اپنے آپ کو کلیر کروائیں ہم بھی آپ کو مبارک باد دیں گے. انہوں نے اسپیکر پنجاب اسمبلی چوھدری پرویز الٰہی کو پروڈکشن آڈر کے بل پر خراج تحسین پیش کرتے ہوئے کہا کہ دنیا مکافات عمل ہے، آج جس شخص کا بیٹا آپ کے پروڈکشن آڈر پریہاں آیا، ایک وقت تھا کہ حمزہ کے والد وزیر اعلیٰ تھے، آپ کا بیٹا سلاخوں کے پیچھے تھا لیکن اس کے والد نے پروڈکشن آڈر دینے سے انکار کر دیا تھا. انہوں نے کرپشن کے خلاف بے لچک رویہ اپنانے اور کرپٹ ٹولے کو کٹہرے میں لانے پر عمران خان اور وزیر اعلیٰ پنجاب عثمان بزدار کو خراج تحسین پیش کیا.
Monthly Archives: June 2019
احسان مانی کا پی ایس ایل فائیو کے تمام میچز پاکستان میں کرانے کا اعلان
لاہور(ویب ڈیسک) پاکستان کرکٹ بورڈ کے سربراہ احسان مانی نے کرکٹ شائقین کو خوشخبری سناتے ہوئے ایک بار پھر اس عزم کا اظہار کیا ہے کہ پی ایس ایل فائیو کے تمام میچز پاکستان میں ہی ہوں گے۔پی ایس ایل کے آئندہ ایڈیشن کے لیے چار مقامات لاہور۔ کراچی، ملتان اور راولپنڈی کا انتخاب کرلیا گیا ہے۔ نیشنل اسٹیڈیم کراچی کی تزین و آرائش پر دو ارب روپے خرچ ہوئے ، اس طرح ملتان اسٹیڈیم پر سو سے دو سو ملین جبکہ پنڈی اسٹیڈیم کو دو سو سے تین سو ملین کے اخراجات سے عالمی معیار کا بنائیں گے۔ لاہور میں کافی حد تک کام پہلے ہی ہوچکا ہے۔ انہوں نے دعوی کیا کہ غیر ملکی کرکٹرز کو پاکستان آکر پی ایس ایل میچز کھیلنے پر کوئی تحفظات نہیں رہے۔لاہور میں میڈیا سے بات کرتے ہوئے احسان مانی نے کہا کہ دونوں بورڈز کو کوئی مسئلہ نہیں، ہمارے تعلقات بہت اچھے ہیں، امید ہے کہ انتخابات کے بعد سیاسی تناﺅ کم ہونے سے کرکٹ روابط بھی بہتر ہوں گے، ایشیا کپ کے میزبانی کے لیے بھارت نے پاکستان کی حمایت کی ہے،ہم اگلے سال ایشیاکپ کے تمام میچ پاکستان میں کراناچاہتے ہیں، اگر بھارتی حکومت نے اپنی ٹیم پاکستان بھجوانے میں روڑے اٹکائے تو پھر یواے ای میں اس ایونٹ کی میزبانی کرنےکا بھی آپشن موجود ہے۔ بھارت نے بھی ایشیا کپ کی میزبانی ایواے ای میں ہی کی تھی۔احسان مانی نے کہا کہ ورلڈکپ کے بعد سلیکشن کمیٹی ، کپتان اور کوچنگ اسٹاف کی کارکردگی کا احتساب ہوگا۔ ایونٹ کے دوران وہ کسی کونکالنا چاہتے ہیں اور نہ ہی تبدیلی براے تبدیلی کا قائل ہوں۔ میگا ایونٹ کے ختم ہونے کے بعد جائزہ لیں گے کہ کس کو رکھنا ہے یا تبدیلی کرنا پڑے گا۔ان کا کہنا تھا کہ پی سی بی کو پروفیشنل ادارہ بنانے کے لئے ستر فی صد کام مکمل کرلیا ہے۔ کوالٹی ورک پر یقین رکھتا ہوں۔ گزشتہ چار سال میں دو سو دس بورڈ میں نئی بھرتیاں کی گئیں جو حیران کن ہے، تمام اختیارات اپنے پاس رکھنے کے حق میں کبھی نہیں رہا۔ بورڈ میں یہ نہیں کروں گا کہ کسی کو ایک انگلی کے اشارے سے نکال دوں۔ سب کو اپنا کام نیک نیتی اور ایمان داری سے کرنا ہوگا۔ ایسا سسٹم لارہے ہیں کہ حکومت تبدیل ہونے سے بورڈ کی پالیسیاں متاثر نہ ہو۔ ہر بندہ اپنا کام کرتا رہے۔
تیل کے ذخائر برآمد ہونے کے بعد کیا یہ دنیا کا امیر ترین ملک بن جائے گا؟
جارج ٹاﺅن(ویب ڈیسک)یہ سننے میں ناقابل اعتبار لگتا ہے لیکن گیانا کی ساڑھے سات لاکھ آبادی کی فی کس دولت آسمان کی بلندیوں تک پہنچ سکتی ہے جنوبی امریکہ کا دوسرا غریب ترین ملک گیانا تیل کی دریافت کے بعد خطے کے امیر ترین ممالک کی فہرست میں شامل ہو سکتا ہے۔ لیکن کیا گیانا تیل کی نام نہاد لعنت سے بچ کر اسے اپنے عوام کی فلاح و بہبود کے لیے استعمال کر سکے گا؟گذشتہ برس نومبر میں گیانا کے دارالحکومت جارج ٹاﺅن میں امریکی سفیر پیرے ہولووے نے بتایا ’بہت سے لوگوں کو ابھی تک یہ پتا ہی نہیں کہ یہ کتنی بڑی بات ہے۔ 2025ءآنے دیجیے یہاں کی جی ڈی پی میں 300 فیصد سے 1000 فیصد تک کا اضافہ ہو جائے گا۔ یہ بہت وسیع ہے۔ آپ اس خطے کے امیر ترین بلکہ ممکنہ طور پر دنیا کے امیر ترین ملک بن جائیں گے۔‘یہ سننے میں ناقابل اعتبار لگتا ہے لیکن گیانا کی ساڑھے سات لاکھ آبادی کی فی کس دولت آسمان کی بلندیوں تک پہنچ سکتی ہے۔ گیانا کے تیل کے مرکزی آپریٹر ایگزون موبل کے مطابق انھوں نے بحر اوقیانوس میں گیانا کی سمندری حدود کے نیچے 5.5 بلین بیرل جتنی مالیت کا تیل دریافت کیا ہے۔
جتنا مرضی زور لگا لیں احتساب سے نہیں بچیں گے ، صوبائی وزیراطلاعات صمصام بخاری
لاہور(ویب ڈیسک) صوبائی وزیراطلاعات سید صمصام علی بخاری نے مریم نواز کے خطاب پر تبصرہ کرتے ہوئے کہا ہے کہ ”ہائے ا±س زود پشیماں کا پشیماں ہونا”مریم بی بی کے گالیوں پر مبنی خطاب سے دلی دکھ ہوا۔ حالات کی ستم ظریفی ہے کہ نواز لیگ والوں کو پیپلز پارٹی کا دفاع کرنا پڑ رہا ہے۔ صوبائی وزیر نے کہا کہ عمران خان اور پی ٹی آئی کی مخالفت نے اپوزیشن کو اکٹھا کر دیا ہے۔ نواز شریف کے دونوں ادوار میں زرداری صاحب کو جیل میں ڈالا گیا۔ ایک دوسرے پرالزامات لگانے والے کیونکر حلیف ہو سکتے ہیں؟ انہوں نے کہا کہ 24ہزار ارب کے قرضوں سے لوٹ مار کرنے والے جتنا مرضی زور لگا لیں احتساب سے نہیں بچیں گے۔صوبائی وزیر نے کہا کہ نواز شریف نے خدمت اور جمہوریت پسندی کی راہ پر چلنے کی بجائے عزت کی سیاست کو کرپشن کی سیاست میں بدل ڈالا۔صمصام علی بخاری نے کہا کہ تحقیقات ہونی چاہئیں کہ 1985میں شریف برادران کے سیاست میں آنے کے بعد قومی خزانے لوٹ مار کا آغاز کیوں ہوا؟ یہ نوازشریف ہی تھے جنہوں نے ماڈل ٹاﺅن سے چھانگا مانگا تک کی سیاست کو فروغ دیا۔ صوبائی وزیرنے کہا کہ ملک بچانا ہے تو قومی خزانہ لوٹنے والے ڈاکوﺅں اور لٹیروں کو منطقی انجام تک پہنچانا اور قومی اداروں کا تحفظ کرنا ہوگا۔ وزیراطلاعات نے کہا کہ لیگی رہنماو¿ں کے فو ج کے خلاف بیانات سوچے سمجھے منصوبے کا حصہ ہیں۔ نواز شریف اور شہبا زشریف اپنا اپنا راگ الاپ رہے ہیں۔
رسی جل گئی بل نہیں گیاابو بچاﺅ تحریک پر بڑا شور ہے،فیاض الحسن چوہان
لاہور(ویب ڈیسک)وزیراعظم عمران خان کو قوم سے زبردست خطاب پرخراج تحسین دیتے ہوئے فیاض الحسن چوہان کا کہنا تھا کہ 24ہزار ارب قرضہ پر کمیشن ہر پاکستانی ان کو آج پھر ہیرو تسلیم کررہے ہیں مریم صفدر کا ظفروال جلسہ میں داخلے کیلئے غریبوں کی دکانیں مسماراس کی مزمت کرتے ہیں رسی جل گئی بل نہیں گیاابو بچاﺅ تحریک پر بڑا شور ہے ا بو بچانے نکلے ہیں آﺅ دنیا ہمارے ساتھ چلے کے نعرے کے ساتھ تحریک چلارہے ہیںاب 22 کروڑ عوام بیوقوف نہیںکرپٹ حکمرانوں نے پاکستان کو دیوالیہ کیااپوزیشن کی کوئی تحریک نہیں چلے گی پاکستان اب ترقی کرے گاآل شریف کی تاریخ ظلم وستم ستم سے بھری پڑی ہے اتفاق فاﺅنڈری ہو یا ماڈل ٹاﺅن کیس تحریک انصاف ایسا کوئی سٹیپ نہیں لے گی ۔مریم نواز کو دعوی ہے کہ وہ 50 ڈگری کی گرمی میں بغیر شامیانے کے سڑکوں پر نکلیںحمزہ شہباز انقلابی شاعری نہ کریں بلکہ جیل میں اپنا احتساب کروائیںجس نے بھی کرپشن کی ہے نیب آزاد ادارہ ہے اس کے خلاف کاروائی کررہی ہے آصف زرداری کے خلاف کرپشن کے کیسز پر گرفتاری ہوئی ہے آل پاکستان لٹ مار کا ہر کرندہ جیل میں ہوگااپوزیشن نے این آر او کی پوری کوشش کی لیکن وزیراعظم عمران خان کرپٹ ٹولے کے مخالف ہیںیہ کونسی جیل ہے جہاں اپنے میک اپ کا سامان بھی منگوا لیا گیایہ جیلوں میں برتھ ڈے پارٹیاں منانے نہیں آئے بلکہ کرپشن کا احتساب دینے آئے ہیں۔
ایمنسٹی انٹرنیشنل نے مقبوضہ کشمیر میں بھارت کا مکروہ چہرہ بے نقاب کردیا
سرینگر(ویب ڈیسک) ایمنسٹی انٹرنیشنل نے مقبوضہ کشمیر میں بھارتی ریاستی جبر و استبداد اور ظلم کا مکروہ چہرہ بے نقاب کرتے ہوئے بھارتی سرکار کو انسانی حقوق کی خلاف ورزیوں اورزبردستی جیلوں میں رکھنے کی مجرم قرار دیدیا۔ایمنسٹی انٹرنیشنل نے مقبوضہ کشمیر میں بھارت کی ریاستی دہشتگردی پر”بے لگام قانون کا ظلم“ کے عنوان سے رپورٹ جاری کی ہے جس میں جموں کشمیر پبلک سیفٹی ایکٹ کو انسانی حقوق کی خلاف ورزیاں بے نقاب کرنے کی راہ میں رکاوٹ قرار دیتے ہوئے بنیادی حقوق سے متصادم جموں و کشمیر پبلک سیفٹی ایکٹ فوری منسوخ کرنے کا مطالبہ کیا گیا ہے۔ایمنسٹی انٹرنیشنل نے 210 گرفتار کشمیری افراد پر تحقیق کے بعد یہ رپورٹ جاری کی ہے جس کے مطابق مقبوضہ کشمیر میں کالے قانون کے تحت زیر حراست افراد کو شفاف ٹرائل اور متعلقہ حقوق سے محروم رکھا گیا اور ضمانت کا حق بھی نہیں دیا گیا۔رپورٹ میں کہا گیا ہے کہ کالے قانون کے تحت بچوں کو بھی بغیر ٹھوس شواہد کے حراست میں لیا جاسکتا ہے، زیر حراست افراد کو عدالت سے رہائی ملنے پر نئی ایف آئی آر میں فوری حراست میں لے لیا جاتا ہے، انہیں بیک وقت 2 مختلف قوانین کے تحت گرفتار رکھا جاتا ہے، ان کے خلاف مجسٹریٹ کے سامنے ایک جیسے جرائم کی رپورٹس پیش کی جاتی ہیں۔رپورٹ میں مزید کہا گیا ہے کہ پولیس فوجداری قانون سے زیادہ پبلک سیفٹی قانون کا سہارا لیتی ہے جس سے متاثرہ افراد رہائی ملنے کے بعد نوکریوں سے محروم رہتے ہیں۔ مقبوضہ کشمیر میں بچوں کی نظربندی، خفیہ احکامات آنا اور ریوالونگ ڈور (غیر معینہ مدت تک) حراست معمول کی بات ہے۔قیدیوں کو ضمانت سے روک دیا جاتا ہے، ریوالونگ ڈور کے 71 واقعات میں حراست کا ایک کے بعد ایک نیا حکم جاری کیا گیا، 90 فیصد واقعات میں نظربند افراد کو ایک ہی الزام میں 2،2 کیسز میں پکڑ لیا گیا۔ بھارتی فوج گرفتار افراد کو اپنے گھروں سے دور جیلوں میں ڈالتی ہے تاکہ گھر والے نہ مل سکیں۔رپورٹ میں کہا گیا ہے کہ مقبوضہ کشمیر کی حکومت غیر قانونی حراستوں، اذیت رسانیوں اور تشدد کے تمام الزامات کی آزادانہ غیر جانبدارانہ تحقیق کرے۔ ایمنسٹی انٹرنیشنل کے مطابق پبلک سیفٹی ایکٹ کا قانون بھارت کے انسانی حقوق قوانین سے متصادم ہے، جو عدالتی نظام سے ماورا اور شفافیت و انسانی حقوق کے خلاف ہے، اس قانون کے تحت کسی بھی شخص کو 2 سال تک نظربند رکھنے کی اجازت ہے اور اس کی وجہ سے ریاستی انتظامیہ اور مقامی ا?بادی کے درمیان کشیدگی بڑھی ہے۔ماضی میں بھی انسانی حقوق کے عالمی ادارے سنگین خلاف ورزیوں کی رپورٹس دے چکے ہیں، اقوام متحدہ کے انسانی حقوق کے مبصرین کوزمینی حقائق دیکھنے کی اجازت نہیں دی جارہی اور دنیا کی سب سے بڑی نام نہاد جمہوریت بھارت نے ان خلاف ورزیوں کو بے نقاب کرنے پر فرانسیسی صحافی کو گرفتار بھی کیا۔
آصف زرداری کی طبیعت ناساز، اسپتال منتقل کردیا گیا
اسلام آباد(ویب ڈیسک) سابق صدر آصف علی زرداری کو طبیعت کی ناسازی کے باعث راولپنڈی انسٹی ٹیویٹ آف کارڈیالوجی منتقل کردیا گیا۔ذرائع کے مطابق منی لانڈرنگ کیس میں نیب کی زیر تفتیش سابق صدر اور پیپلزپارٹی کے شریک چیئرمین آصف زرداری کی طبیعت خراب ہوگئی ہے اور انہیں راولپنڈی انسٹی ٹیوٹ آف کارڈیالوجی منتقل کردیا گیا۔اس سے قبل صف زرداری کے طبی معائنے کے لئے ڈاکٹروں پر مشتمل ٹیم نیب کے دفتر گئی تھی اور سابق صدر کا مکمل چیک اپ کیا، اس دوران آصف زرداری کے دل کی دھڑکن، شوگر لیول اور بلڈ پریشر بھی چیک کیا گیا جس میں سے شوگر لیول کم اور دل کی ڈھرکن اور بلڈ پریشر نارمل تھا، تاہم بعد میں انہیں بلڈ پریشر ہائی ہونے پر اسپتال منتقل کردیا گیا۔ذرائع کا کہنا ہے کہ پولی کلینک کی تین رکنی خصوصی میڈیکل ٹیم آصف زرداری کے ہمراہ ہے، اور آر آئی سی اسپتال کی ایمرجنسی میں سابق صدر کا طبی معائنہ میجرجنرل (ر) اظہرمحمود کیانی کی نگرانی میں کیا جارہا ہے۔
وزیراعظم عمران خان شنگھائی تعاون تنظیم کے اجلاس میں شرکت کیلئے کرغزستان پہنچ گئے
اسلام آباد(ویب ڈیسک) وزیراعظم عمران خان شنگھائی تعاون تنظیم کے اجلاس میں شرکت کےلیے کرغزستان پہنچ گئے۔وزیراعظم عمران خان کے ہمراہ وزیر خارجہ مخدوم شاہ محمود قریشی اور معاون خصوصی عثمان ڈار بھی کرغزستان پہنچے ہیں۔کرغزستان کے دارالحکومت بشکک روانگی سے قبل میڈیا سے گفتگو کرتے ہوئے شاہ محمود قریشی نے کہا کہ ایس سی او اجلاس کا مقصد خطے کی اقتصادی حالت کے اقدامات کا جائزہ لینا ہے، چند روز قبل او آئی سی کی وزرائے خارجہ کونسل کا اجلاس ہوا تھا۔وزیر خارجہ نے کہا کہ پاکستان کی تجاویز ایس سی او لیڈر شپ کے سامنے رکھی جائیں گی جس پر وہ فیصلہ دیں گے، وزیراعظم عمران خان کی دیگر ممالک کی قیادت سے بھی ملاقات اور مشاورت ہو گی۔واضح رہے کہ شنگھائی تعاون تنظیم کے اجلاس میں بھارتی وزیراعظم نریندر مودی بھی شرکت کررہے ہیں تاہم وزیراعظم عمران خان اور بھارتی وزیراعظم کی اجلاس کے دوران سائیڈ لائن پر ملاقات کوئی امکان ظاہر نہیں کیا جارہا۔
سلمان خان کو مات دینے ارجن کپور میدان میں آگئے
ممبئی(ویب ڈیسک) بالی ووڈ سلطان سلمان خان کو مات دینے کے لیے سری دیوی کے سوتیلے بیٹے ارجن کپور میدان میں آگئے۔بالی ووڈ ہو یا ہالی ووڈ تمام ہی اداکار اپنے کردار کو بہتر سے بہتر کرنے کے لیے طویل جدوجہد کرتے ہیں حتیٰ کہ کچھ اداکار کردار کے تقاضے کے مطابق تن سازی بھی کرتے ہیں تاکہ اس کردار کو بھرپور طرح سے ادا کیا جائے اور اگر بات بالی ووڈ کی کریں تو بالی ووڈ میں تن سازی میں سلمان خان کا کوئی ثانی نہیں۔لیکن اب یہ بھی حقیقت ہے ہریتھیک روشن اور ٹائیگر شروف جیسے فنکار بھی اس فہرست میں آنا شروع ہو گئے ہیں اور اب ارجن کپور حقیقی زندگی میں سلمان خان سے تنازعات کے بعد انہیں فلموں میں بھی
مات دینے کے لیے میدان میں آگئے ہیں۔ارجن کپور نے انسٹا گرام پر ایک تصویر پوسٹ کی جس میں وہ خوبصورت باڈی کے ساتھ نظر آرہے ہیں۔ اداکار نے یہ باڈی اپنی نئی آنے والی فلم ’پانی پت‘ کے لیے بنائی ہے۔ ارجن کپور کے اس نئے انداز کو دیکھ کر ا±ن کے مداح بھی کافی حیران ہوئے۔ اداکار نے اپنی پوسٹ کے ساتھ یہ بھی لکھا کہ میں جنگجو موڈ میں ہوں۔ارجن کپور اور سلمان خان کے درمیان گزشتہ سال سے ارباز خان کی سابقہ اہلیہ ملائیکہ اروڑا کی وجہ سے کشیدگی چل رہی ہے کیوں کہ ارباز خان سے طلاق کے بعد ارجن اور ملائیکہ اروڑا
میں کافی قربتیں دیکھی گئیں حتی کہ یہ بھی کہا جارہا ہے کہ یہ جوڑی بہت جلد شادی کے بندھن میں بھی بندھ جائے گی۔واضح رہے کہ اشوتوش کی ہدایت کاری میں بننے والی فلم ’پانی پت‘ میں ارجن کپور، سنجے دت اور کریتی سنن مرکزی کردار ادا کر رہی ہیں۔ فلم رواں سال 13 دسمبر کو سنیما گھروں کی زینت بنے گی۔
سپریم کورٹ سے شیخ رشید کےلئے بڑی خوشخبری آگئی
اسلام آباد(ویب ڈیسک) سپریم کورٹ نے شیخ رشید کے خلاف توہین عدالت کی درخواست نمٹادی۔جسٹس عظمت سعید کی سربراہی میں سپریم کورٹ کے تین رکنی بنچ نے وزیر ریلوے شیخ رشید کیخلاف گرلز گائیڈ کی توہین عدالت کی درخواست کی سماعت کی۔ ایڈیشنل ایڈوکیٹ جنرل پنجاب نے بتایا کہ گرلز گائیڈ کی گرائی جانیوالی دیوار اگلے دن ہی تعمیر کر دی تھی۔گرلز گائیڈ کی وکیل عائشہ حامد نے معاملہ نمٹانے پر رضامندی کا اظہار کرتے ہوئے کہا کہ پنجاب حکومت کے وکیل نے گرلز گائیڈ کیساتھ مکمل تعاون کیا ہے۔ سپریم کورٹ نے گرلز گائیڈ کو دی جانے والی لیز اراضی کو صرف گرلز گائیڈ کے استعمال کیلئے پابند کرتے ہوئے وزارت ریلوے کو اس زمین کے استعمال سے روک دیا۔عدالت نے شیخ رشید، ان کے بھتیجے ایم این اے راشد شفیق، کمشنر اور ڈپٹی کمشنر راولپنڈی کیخلاف توہین عدالت کی درخواستیں نمٹا دیں۔واضح رہے کہ شیخ رشید اور ان کے بھتیجے راشد شفیق نے راولپنڈی میں گرلز گائیڈ اسکول کو خالی کرانے کے لیے اس کی دیوار گروادی تھی جس پر ان کے خلاف گرلز گائیڈ کی جانب سے توہین عدالت کا کیس دائر کیا گیا تھا کیونکہ سپریم کورٹ نے گرلز اسکول کی زمین 99 سالہ لیز پر دینے کا حکم دیا تھا۔
سیاسی رہنماﺅں کی گرفتاریوں پر شوبز فنکار آمنے سامنے
کراچی(ویب ڈیسک) سیاسی رہنماﺅں کی گرفتاریوں نے جہاں ملکی سیاست پر اثر ڈالا ہے وہیں شوبز فنکار بھی اس صوتحال میں اپنے خیالات کا اظہار کرنے سے خود کو روک نہیں سکے۔پاکستان میں پچھلے کئی روز بہت اہم رہے ہیں بانی ایم کیوایم الطاف حسین، پیپلز پارٹی کے شریک چیئرمین آصف زرداری اور قائد حزب اختلاف پنجاب اسمبلی حمزہ شہباز کی گرفتاری نے ملکی سیاست میں بھونچال پیدا کردیا ہے۔ ملک میں جہاں لوگ ان گرفتاریوں پر اپنے خیالات کا اظہار کررہے ہیں وہیں شوبز فنکار بھی سیاسی رہنماﺅں کی گرفتاریوں پر آمنے سامنے آگئے ہیں۔ کوئی ان گرفتاریوں پر خوشی کا اظہار کررہا ہے تو کوئی وزیراعظم سے درخواست کرتا نظر آرہا ہے کہ پاکستان کے اصل مسائل ان رہنماﺅں کی گرفتاریاں نہیں بلکہ معاشی مسائل ہیں۔نامور پاکستانی اداکار ومیزبان حمزہ علی عباسی نے ان گرفتاریوں پر اپنے خیالات کا اظہار کرتے ہوئے کہا مہنگائی تو ہردور میں دیکھی ہے، لیکن طاقتور امیر بدمعاشوں کو جیل جاتے ہوئے اور ان کی چیخیں نکلتے ہوئے پہلی بار دیکھا ہے ، الطاف، حمزہ اور زرداری کی جیل مبارک ہو۔جہاں حمزہ علی عباسی نے ان گرفتاریوں پر خوشی کااظہار کیا ہے وہیں اداکار مرزا گوہر رشید نے وزیراعظم کی توجہ دیگر ملکی مسائل کی طرف دلاتے ہوئے لکھا ہے آصف زرداری گرفتار ہوگیا، نواز شریف نااہل اور شہباز شریف ٹرائل کا سامنا کرنے کے لیے پاکستان واپس آگئے آپ نے بہت اچھا کام کیا ، لیکن وزیراعظم صاحب کیا ہم اب اس نفرت اورمحبت سے آگے بڑھ کر ملک کی خراب معاشی صورتحال اور ہمارے ملک کے مستقبل کے حوالے سے سوچ سکتے ہیں۔گوہر رشید نے مزید کہا کہ کرپشن کے بادشاہ جیل میں ہیں لیکن کیا ان کا جیل میں ہونا ہمارے لیے کوئی معنی رکھتا ہے؟ میں چاہتا ہوں ڈالر کی قدر نیچے آئے، تمام لوگوں کو برابری کی بنیاد پر روزگار حاصل ہو، میں اپنے ملک میں قانون کی بالادستی، منظم ٹریفک سسٹم، صاف پانی کی فراہمی اورپاکستان کو صاف ستھرا دیکھنا چاہتاہوں۔ میں اپنے پولیس والوں کو واقعی پولیس والا دیکھنا چاہتاہوں۔تاہم حمزہ علی عباسی نے گوہر رشید کے ان ٹوئٹس کے جواب میں ٹوئٹ کرتے ہوئے لکھا جولوگ کہہ رہے ہیں ان سیاسی رہنماﺅں کی گرفتاریوں سے ہمیں کیا فائدہ ہوگا تو میں ان کو بتانا چاہتاہوں ان کو سزا ملے گی، ان سے پیسہ واپس حاصل کیاجائے گا تو ملکی معاشی صورتحال بہتر ہوگی اور بعد میں اعلیٰ عہدوں پر آنے والے کرپشن کرنے سے گھبرائیں گے سمجھ آئی؟پاکستان میں پچھلے کئی عرصے سے یہ ٹرینڈ چل پڑا ہے جہاں شوبز فنکار بھی ملکی معاملات میں کھل کر اپنی رائے کا اظہار کرتے نظر آتے ہیں جو کہ پاکستان کے لیے بہت خوش آئند بات ہے۔
برطانیہ کے وزیر اعظم کی دوڑ، پہلے مرحلے میں بورس جانسن کامیاب
لندن(ویب ڈیسک)بورِس جانسن نے برطانیہ کے نئے وزیر اعظم کے لیے ہونے والی ووٹنگ کے پہلے مرحلے میں کامیابی حاصل کرلی۔تھریسا مے کے استعفے کے بعد ملک کے نئے وزیر اعظم کی دوڑ میں شامل امیدواروں نے تعداد 10 سے کم ہو کر 7 رہ گئی ہے۔غیر ملکی خبر رساں ادارے کے مطابق بریگزٹ کے حامی سابق وزیر خارجہ بورس جانسن نے برطانوی دارالعوام کے ایوان زیریں میں کنزرویٹو پارٹی کے قانون سازوں کی خفیہ ووٹنگ میں ڈالے جانے والے 313 میں سے 114 ووٹ حاصل کیے۔برطانیہ کے وزیر اعظم کے لیے 2016 میں ہونے والی ووٹنگ میں دوسرے نمبر پر رہنے والی اینڈریا لیڈسَم، مارک ہائیپر اور ایستھر مِک وے مطلوبہ 17 ووٹ حاصل کرنے میں ناکام رہے اور وزارت عظمیٰ کی دوڑ سے باہر ہوگئے۔بورس جانسن کے ترجمان نے صحافیوں کو بتایا کہ ‘ہم یقیناً اب تک کے نتائج سے خوش ہیں لیکن مقابلہ جیتنے کے لیے ابھی طویل سفر باقی ہے۔’انہوں نے کہا کہ ‘آپ کو اگلے مرحلے میں بھی کامیابی کے لیے ووٹ کی یہ تعداد برقرار رکھنا ضروری ہے جو ایک چیلنج ہے، حتمی دو امیدواروں میں شامل ہونے کے لیے بورس جانسن کو مقابلے کے اگلے مراحل میں 105 سے زائد ووٹ لینا ضروری ہے۔’وزارت عظمیٰ کے لیے آخری دو امیدواروں میں سے ایک کے انتخاب کے لیے ملک بھر میں کنزرویٹو پارٹی کے ایک لاکھ 60 ہزار اراکین ووٹ دیں گے۔آخری مرحلے میں کامیاب ہونے والا امیدوار پارٹی کا نیا سربراہ ہوگا اور ساتھ ہی تھریسا مے کی جگہ ممکنہ طور پر جولائی کے آخر میں ملک کا نیا وزیر اعظم بنے گا۔برطانیہ کے موجودہ وزیر خارجہ جیریمی ہَنٹ مقابلے کے پہلے مرحلے میں 43 ووٹ کے ساتھ دوسرے، وزیر ماحولیات مائیکل گوو 37 ووٹ کے ساتھ تیسرے اور سابق وزیر بریگزٹ ڈومینِک راب 27 ووٹ کے ساتھ چوتھے نمبر پر رہے۔سیکریٹری داخلہ ساجد جاوید 23 ووٹ کے ساتھ پانچویں، سیکریٹری ہیلتھ میٹ ہینکوک 20 ووٹ کے ساتھ چھٹے اور انٹرنیشنل ڈیولپمنٹ سیکریٹری روری اسٹیورٹ 19 ووٹ کے ساتھ چھٹے نمبر پر رہے۔
خلیج عمان میں دو تیل بردار بحری جہازوں پر حملہ، ایک جہاز میں آگ لگ گئی
دبئی(ویب ڈیسک) خلیج عمان میں دو تیل بردار بحری جہازوں پر حملہ ہوا جس کے بعد ایک بحری جہاز میں آگ لگ گئی۔غیرملکی خبر رساں ادارے رائٹرز کے مطابق 2 بحری جہاز متحدہ عرب امارات سے تیل بھروانے کے بعد سنگاپور کی طرف جا رہے تھے کہ اس دوران خلیج عمان میں دونوں تیل بردار بحری جہازوں پر حملہ ہوگیا جس کے بعد ایک جہاز میں آگ لگ گئی تاہم دونوں بحری جہازوں سے عملے کو باحفاظت نکال لیا گیا۔دوسری جانب امریکی بحریہ نے خلیج عمان میں امریکی بحری جہازوں پر حملے کی تصدیق کردی، بحری جہاز امریکی ففتھ فلیٹ کا حصہ تھے جب کہ حملے کے بعد عالمی مارکیٹ میں خام تیل کی قیمت میں 4 فیصد اضافہ کردیا گیا۔واضح رہے ایک ماہ پہلے بھی خلیج عمان میں اسی طرح کے حملے میں 4 بحری جہازوں کو نشانہ بنایا گیا تھا جس کے بعد برطانوی میرین سیفٹی گروپ کی جانب سے دوبارہ ایسے واقع کے رونما ہونے کا خدشہ ظاہر کیا گیا تھا
