اسلام آباد (این این آئی) پاکستان مسلم لیگ (ن) کے بعد پاکستان پیپلز پارٹی نے بھی میثاق معیشت کی پیشکش واپس لے لی۔ایک انٹرویومیں سینئر پارٹی رہنما اور سابق قائد حزب اختلاف خورشید شاہ نے میثاق معیشت پر اسپیکر قومی اسمبلی اسد قیصر کی طرف سے پارلیمانی کمیٹی کی مخالفت کر تے ہوئے کہا کہ اس معاملے پر وزیراعظم خود حزب اختلاف سے بات کریں۔ انہوں نے کہا کہ آصف زرداری کے معیشت پر تعاون کے سنجیدہ بیان کا مذاق اڑایا گیا وزیراعظم اس پر وزرا سے وضاحت طلب کریں۔ انہوں نے کہا کہ بجٹ منظوری رکوانے کےلئے پیر کے روز حکومتی اتحادیوں کے ساتھ بات کی جائے گی۔ جمعیت علمائے اسلام (ف) کے سربراہ مولانا فضل الرحمان کے اسلام آباد کے ممکنہ لاک ڈاو¿ن پر خورشید شاہ نے کہا کہ مولانا کو قائل کریں گے کہ ایسا نہ کریں۔ چیئرمین سینیٹ کی تبدیلی پر مریم نواز اور بلاول بھٹو کے اتفاق کی خبروں پر خورشید شاہ کا کہنا تھا کہ ابھی اس پر پیپلز پارٹی کی کوئی رائے نہیں ہے، کل جماعتی کانفرنس (اے پی سی) میں دوسری جماعتوں کی رائے سنیں گے۔

لاہو:(ویب ڈیسک)ر سمیت پنجاب اور خیبرپختونخوا کے مختلف علاقوں میں بارش کے بعد گرمی کا زور ٹوٹ گیا جب کہ بلوچستان کے بالائی علاقوں میں بارش کے بعد نشیبی علاقے زیر آب اور ندی نالوں میں طغیانی دیکھی گئی۔لاہور شہر کے مختلف علاقوں میں بارش ہوئی جس کے بعد موسم خوشگوار ہوگیا جب کہ بہاول نگر، پاکپتن اور گرد و نواح میں گرج چمک کے ساتھ بارش ہوئی۔بھاول نگر : شہر اور گردونواح میں تیز ہواکے ساتھ ہلکی بارش گلگت بلتستان کی وادی ہنزہ کے مختلف علاقوں میں تیز ہواو¿ں کے ساتھ بارش ہوئی جس نے موسم سرد کردیا۔بلوچستان کے ضلع دکی، شیرانی اور کوہ سلیمان کے علاقوں میں شدید بارشوں کے بعد ندی نالوں میں طغیانی کے باعث ڈی آئی خان ڑوب شاہراہ ٹریفک کے لیے بند کردی گئی۔ شیرانی میں آسمانی بجلی گرنے سے ایک شخص جاں بحق اور ایک زخمی ہوگیا۔محکمہ موسمیات کے مطابق بلوچستان کے مختلف شہروں میں موسم مطلع صاف اور خشک ہے تاہم آج قلات اور ڑوب ڈویڑن میں چند ایک مقامات پر بارش کا امکان ہے۔

لاہور (مانیٹرنگ ڈیسک) سینئر صحافی ضیا شاہد نے کہا کہ اول تو بارہ سالہ لڑکی کی شادی نہیں ہو سکتی قانون کہتا ہے شادی کے لئے اٹھارہ سال کا ہونا ضروری ہے اگر بارہ سالہ بچی کا نکاح کرا بھی دیا جاتا تو اس فسخ کیا جا سکتا ہے۔ہمارے دیہی علاقوں میں اکثر اوقات لڑکی کی عمر کا زیادہ خیال نہیں رکھا جاتا بس لڑکی ہونی چاہئے بارہ کی ہے تو سولہ کی ظاہر کر دی جاتی ہے جھوٹا سرٹیفکیٹ دے دیا جاتا ہے بعض اوقات تو باپ کا شناختی کارڈ ہی چل جاتا ہے سرٹیفکیٹ ہوتا ہی نہیں۔میرے خیال میں سب سے بڑی واچ عوام ہیں پڑوسیوں کو پتہ ہوتا ہے کس لڑکی کی شادی کم عمر میں ہو رہی ہے شہریوں کا فرض ہے اس سلسلے میں اپنی خدمات پیش کریں پہلے ایسے اقدام سے منع کریں منع نہ ہوں تو قانون سے مدد لیں تاکہ قانون حرکت میں آئے۔ مجھے شکایت ہے کہ عام طور پر ایسی شادیوں میں ہمسائے اور جاننے والے زبان نہیں کھولتے کیونکہ وہ اپنے پڑوسیوں سے لڑائی مول نہیں لینا چاہتے۔مجھے بڑے خطوط آتے ہیں کہ فلاں جگہ بارہ سالہ لڑکی کی شادی کی جا رہی ہے میں کوشش کرتا ہوں لیکن عین وقت پر کوئی سامنے نہیں آتا اور وہ شادی ہو جاتی ہے کیونکہ کوئی شکایت نہیں کرتا۔میں سمجھتا ہوں ہم سب کو ذمہ لینا چاہئے جونہی ہمیں پتہ چلے کہ لڑکی بالغ نہیں ہم شکایت درج کرائیں۔ سب انسپکٹر عظمت جوئیہ کو جب معطل کیا گیا تو بحال کیسے ہوا یہ تو ازخود غیر قانونی ہے۔فیس بک پر عظمت جوئیہ نے پانچ لاشیں جنہیں اس نے مارا تھا بڑے فخر سے ڈسپلے کی ہیں وہ علاقے کا بدمعاش بنا ہے لوگوں کو بتا رہا ہے پانچ قتل کئے ہیں ابھی اور بھی کروں گا۔ایسے لوگوں کو دوبارہ پولیس میں شامل کرنے کے بجائے فوری معطل کرنا چاہئے۔لیگل ایڈوائزر آغا باقر نے کہا ہے کہ صادق آباد کے علاقے چک 148 میں بارہ سالہ کمسن لڑکی کی شادی کرانے کی کوشش کی گئی جسے پولیس نے ناکام بنا دیا لڑکی کو بند کمرے سے بازیاب کرایا موقع سے چھ باراتی گرفتار کر لئے جبکہ نکاح خواںو دیگر باراتی فرار ہو گئے۔اب بارہ سالہ بچی کو اپنے حقوق کا علم نہیں ہو سکتا۔یعنی اب ریاست کی ذمہ داری ہے لڑکی کے حقوق کا تحفظ کرے۔ چینل فائیو کے پروگرام ہیومین رائٹس واچ میں گفتگو کرتے ہوئے انہوں نے کہا کہ اٹھارہ سال کی لڑکی شادی کرتی ہے تو یہ اس کا حق ہے لیکن بارہ سالہ لڑکی کو ابھی یہ حق نہیں نہ کسی اور کو حق ہے۔چائلڈ میرج ایکٹ 2015کے ایکٹ کے مطابق اگر کوئی اٹھارہ سال سے زیادہ کا شخص کسی کمسن لڑکی سے شادی کرے تو اس کی چھ ماہ قید ہے اور پندر ہ ہزار جرمانہ بھی ہے یعنی سب سے پہلے شادی کرنے والے کو سزا ملتی ہے۔صادق آباد میںاگر دولہا اور نکاح خواں یا باراتی سچے ہوتے تو بھاگتے کیوں۔ایسے کیس میں نکاح خواں کو بھی چھ ماہ سزا اور پندرہ ہزار جرمانہ ہو سکتا ہے۔بچی کے والدین کے خلاف بھی کارروائی ہو سکتی ہے۔فیملی کورٹ کو بھی کاررروائی کا اختیار حاصل ہے۔یونین کونسلز کو بھی اس میں ذمہ دار ٹھہرایا جاتا ہے کہ وہ جج کو ایسے کیسز فاورڈ کرے یونین کونسل کو اختیار بھی دیا گیا ہے۔انسانی حقوق کی خلاف ورزی پر ذمہ داران پر کاری ضرب لگنی چاہئے۔ سرگودھاکے علاقے خوشاب سے متعلق دوسرے کیس پر گفتگو کرتے ہوئے انہوں نے کہا کہ پولیس یونیفارم کسی اختیار کی علامت ہے جو لوگوں کو انصاف مہیا کرنے کے لئے تفویض کیا گیا ہے ضلع خوشاب میں تعینات سابق ڈی پی او وقاص حسن نتھو اور ان کے کار خاص سب انسپکٹر عظمت جوئیہ نے قتل و بربریت اور بھتہ خوری کا با زار گرم کئے ہوئے تھا خوشاب میں پانچ قتل ہوئے جس میں سابق ڈی پی او خوشاب وقاص حسن نتھو سب انسپکٹر عظمت جوئیہ سمیت دیگر دو پولیس والوں پر ملوث ہونے کا الزام ہے، پولیس کے ظلم کے شکار دو خاندان انصاف کے لئے خبریں ہیلپ لائن پہنچ گئے۔اب کھیت کے رکھوالے ہی کھیت اجاڑنا شروع کر دیں تو کیا ہو گا۔وزیراعظم شکایت سیل کو بھی درخواست دی گئی تھی۔عظمت جوئیہ کو ایک لیفٹیننٹ پر تشدد کرنے کے جرم میں معطل کیا گیا تھا لیکن پھر ڈی پی او نے اسے بحال کر دیا۔ اس سے قبل بھی ڈی پی او وقاص حسن نے شراب پی کر غل غپاڑہ کیا تھا۔عظمت جوئیہ سب انسپکٹر تھا لیکن لوگ اسے کار خاص ہونے کے باعث ڈپٹی ڈی پی او کہتے تھے۔ایک وزیر نے بتایا کہ وزیراعظم نے نوٹس لے لیا ہے۔والدین کا آرمی چیف اور وزیراعظم سے اپیل کا مطلب ہے متاثرین کا سسٹم اور اداروں سے اعتماد اٹھ چکا۔اس واقعے کی شفاف تحقیقات ہونی چاہئیں۔ایسے ظالم جب بحال ہو کر آتے ہیں تو زیادہ خونخوار ہو جاتے ہیں پانچ قتلوں کے لئے حوالات میں بند لوگوں کو استعمال کیا گیا جس سے اندازہ ہوتا ہے جنگل کا قانون ہے۔ہیومین رائٹس بنیادی حقو ق سے متعلق ڈیل کرتا ہے جتنے بھی پاکستانی ہیں سب کو قانون کے مطابق ڈیل کرنا سب کا آئینی ذمہ داری ہے۔

فاروق آباد(نمائندہ خبریں)سندھ اور بلوچستان کے بعد ©”ونی” نے پنجاب کا رخ بھی کرلیاحوا کی بیٹیاں” ونی” جیسے ظالمانہ نظام کی چکی میں پسنے لگی اسی طرح کا واقعہ ایک ماہ قبل فارو ق آباد کے نواحی گا?ں ڈھینگر باٹھ میں پیش آیا کہ ایک نوجوان منصب کھوکھر جو کہ دو بچوں کا باپ ہے نے اپنے سالے کی رشتہ دار آنسہ بتول سے مراسم قائم کر کے بعد ازاں اس سے شادی رچا لی۔جب آنسہ بتول کے گھر والوں کو پتہ چلا تو وہ 25روز قبل منصب کھوکھر کے گھر پر 10مسلح افراد کے ہمراہ اسلحہ سے لیس ہو کر آگئے اور ایک پنچایت اکٹھی کر کے تمام گھر والوں کو ہراساں کر کے یرغمال بنا لیا اور منصب کی بہن گل زریں حاتم کا نکاح آنسہ بتول کے بھائی تصور حسین سے کرنے کےلئے خالی نکاح نامے پر گل زریں حاتم اسکے باپ حاتم کھو کھر اور اسکے بھائی ناصر کے انگوٹھے زبردستی لگوالیے اور دھمکی دی کہ ہماری بہن آنسہ بتول کو 20روز کے اندر اندر واپس نہ کیا تو ہم گل زریں حاتم کو زبردستی ” ونی”کی شکل میں اٹھا کر لیں جائیں گے مظلومیت اور درندگی کا شکار ہونے والی حوا کی بیٹی گل زریں جان بچانے کےلئے بھاگ کر اپنے ننیال پہنچ گئی چنانچہ تین روز قبل ملزمان تصور حسین وغیرہ دس کس مسلح افراد نے دھاوا بول کر حاتم کھوکھر کی چار راس قیمتی بھینسیں اور گھر کا سارا سامان دو ٹریکٹر ٹرالیوں پر لوڈ کر کے زبردستی لے گئے۔ گھر والوں نے وقوعہ کی بروقت اطلاع پولیس ہیلپ لائن 15پر کی۔مگر انچارج پولیس چوکی اجنیانوالہ عبدالخالق ورک بھاری رشوت کی رقم لے کر ملزمان سے ساز باز تھا جس نے موقع پر پہنچ کر ملزمان کو گرفتار کر نے کی بجائے دونوں پارٹیوں کے افراد کو حوالات میں بند کر دیا حاتم کھوکھر وغیرہ پر صلح کا دبا? ڈالتا رہا اور بعد ازاں تین دن تک مدعی کے بیٹے اور اسکے عزیز کو حوالات میں بند رکھنے کے بعد دونوں پارٹیوں کی 7/51کر دی ظلم و بربریت کا شکا ر بننے والا خاندان اور عورتیں سب آفس خبریں فاروق آباد پہنچ گئے۔اور اپنے اوپر ہونے والی زیادتی اور بیٹی گل زریں کو ” ونی”کرنے کی جب معززین کی موجودگی میں داستان سنائی تو ہر آنکھ اشک بار تھی۔ نہ زمین پھٹی نہ آسمان گرا۔ مردو خواتین نے ہاتھ جوڑ کر پاکستان کوریاست مدینہ بنانے کے دعویدار حکمرانوں آئی جی پولیس پنجاب ، ڈی آئی جی شیخوپورہ رینج اور ڈی پی او شیخوپورہ سے خدا کے نام پر اپیل کی ہے کہ و ہ متاثرہ خاندان کو با اثر وڈیروںکے ظلم و ستم سے نجات دلا کر اسکا لوٹا ہوا قیمتی سامان اور چار راس بھینسیں واپس کروائیں اور انہیں تحفظ جان و مال فراہم کیا جائے۔ ادھر ” ونی”ہونے والی گل زریں حاتم نے دھمکی دی ہے کہ اگر اس کو ان ظالموں کے ظلم و ستم سے نجات نہ دلائی گئی تو وہ خود کشی کر لے گی۔خواتین کے حقوق کی دعوےدار تنظیمیں اور ادارے کہاں ہیں ؟کیا وہ ان ظالموں کے سامنے بے بس ہیں ؟مجھے ” ونی”ہونے سے آزاد کروایا جائے۔

اسلام آباد(ویب ڈیسک) صدر مملکت ڈاکٹر عارف علوی نے امیر قطر شیخ تمیم بن حمد الثانی کو اعلی ترین سول ایوارڈ نشان پاکستان سے نوازا۔ایوان صدر میں امیر قطر شیخ تمیم بن حمد الثانی کو نشان پاکستان سے نوازنے کے لیے خصوصی تقریب منعقد کی گئی جس میں چیئرمین سینٹ، اسپیکر قومی اسمبلی، وفاقی وزراء، اراکین اسمبلی اور اعلی سول و فوجی حکام نے شرکت کی۔ صدر مملکت ڈاکٹر عارف علوی نے اعلی ترین سول ایوارڈ نشان پاکستان سے نوازا۔اس سے قبل امیر قطر شیخ تمیم بن حمد الثانی ایوان صدر پہنچے جہاں صدر مملکت ڈاکٹر عارف علوی نے ا±ن کا خیر مقدم کیا، ایوان صدر میں گورنر پنجاب چوہدری محمد سرور، وزیراعظم کے معاون خصوصی زلفی بخاری، وفاقی وزرا اور دیگر مہمان بھی ایوان صدر میں موجود تھے۔بعد ازاں صدر عارف علوی اور امیر قطر کے درمیان وفود کی سطح پر ملاقات ہوئی جس کے دوران اہم امور پر تبادلہ خیال کیا گیا۔