کراچی(ویب ڈیسک) نقیب اللہ قتل کیس میں مفرور پولیس اہلکاروں کو اشتہاری قرار دینے کی کارروائی شروع کردی گئی ہے۔کراچی کی انسدادِ دہشت گردی کی عدالت کے حکم پر نقیب اللہ محسود قتل کیس میں مفرور پولیس اہلکاروں کو اشتہاری قرار دینے کے لیے اخبارات میں اشتہارات شائع کرادیے گئے۔مفرور ملزمان میں سب انسپکٹر شیخ محمد شعیب عرف شعیب شوٹر، سب انسپکٹر امان اللہ مروت، اے ایس آئی گدا حسین، ہیڈ کانسٹیبل محسن عباس، ہیڈ کانسٹیبل صداقت حسین شاہ، پولیس اہلکار راجہ شمس مختار، رانا ریاض احمد شامل ہیں۔ان ملزمان کے قتل، اغوا برائے تاوان، غیر قانونی اسلحہ اور دھماکہ خیز مواد رکھنے کی دفعات کے تحت الگ الگ اشتہارات شائع کیے گئے ہیں۔ عدالتی اشتہارات میں کہا گیا کہ یہ ملزمان نہیں مل رہے، اگر 9 فروری تک عدالت میں پیش نہ ہوئے تو انہیں اشتہاری قرار دے دیا جائے گا۔واضح رہے کہ 13 جنوری 2018 کو کراچی کے ضلع ملیر میں ایس ایس پی ملیر راﺅ انوار اور ان کی پولیس ٹیم نے جعلی مقابلے میں نقیب اللہ سمیت 4 بے گناہ نوجوانوں کو قتل کردیا تھا۔

اسلام آباد (مانیٹرنگ ڈیسک) پاکستان پیپلز پارٹی کے شریک چیئرمین آصف زرداری کا کہنا ہے کہ حکومت گرانے کے لیے میڈیا ہمارا ساتھ دے ہم صحافیوں کی مشکلات میں ان کا ساتھ دیں گے۔ اسلام آباد میں مسئلہ کشمیرسے متعلق اے پی سی میں خطاب کے دوران آصف زرداری نے کہا کہ سیاسی معاملات پر سیاسی جماعتوں کی پوزیشن مختلف ہو سکتی ہے لیکن مسئلہ کشمیر پر تمام پاکستانیوں کا ایک ہی موقف ہے، ہم کشمیر کو خود سے الگ نہیں کر سکتے کشمیر ہمارے خون میں شامل ہے، کشمیر ہم سے اور کشمیر سے جدا نہیں ہو سکتے۔صدر آصف علی زرداری نے میڈیا کو مدد کی پیشکش کرتے ہوئے کہا ہے کہ ہم میڈیا کی مد کرنے کوتیار ہیں، آپ ہمارے ساتھ اس حکومت کو گرانے میں کندھا لگائیں گے۔ کشمیر کانفرنس سے خطاب کرتے ہوئے آج کل کی مشکلات زیادہ ہیں، ہم آپ کو اس میں مدد کرنے کو تیار ہیں، آپ ہمارے ساتھ اس حکومت کو گرانے میں کندھا لگائیں ہم آپ کے ساتھ کندھا لگائیںگے۔آصف علی زرداری نے کہا ہے کہ کشمیر کاز پر تمام سیاسی جماعتوں کو مل کر کام کرنا ہو گا، کشمیر ہم سے اور ہم کشمیر سے جدا نہیں ہو سکتے، آمروں نے کشمیر کاز کو نقصان پہنچایا ہے کشمیر کے ہر گھر میں شہیدوں کی فہرستیں ہوں گی، انشاءاللہ اپنی زندگی میں کشمیر کو آزاد دیکھوں گا۔سابق صدر آصف زرداری نے کہا کہ ذوالفقار علی بھٹو نے 70کی دہائی میں کشمیر کی بات کی، بے نظیر بھٹو نے راجیو گاندھی سے کشمیر کے مسئلے پر بات کی، اس وقت پاکستان میں آمر کی حکومت تھی، بھارت کے ساتھ جتنی بھی کشیدگی پھیلی وہ آمروں کے دور میں لگی ہے، آمروں نے کشمیر کاز کو نقصان پہنچایا، کشمیر کے ہر گھر میں شہیدوں کی فہرست ہو گی، ان کی قربانیاں کوئی نہیں بھلا سکتا، مسئلہ کشمیر کے حل کےلئے تمام سیاسی قوتوں کو اکٹھا ہونا چاہیے، میں نے اپنی صدارت کے دوران مسئلہ کشمیر کو ہر فورم پر اٹھایا، پیپلز پارٹی کی بنیاد ہی کشمیر پر ہے، مقبوضہ کشمیر میں بھارتی فوج انسانی حقوق کی خلاف ورزیوں میں ملوث ہے، کشمیر ہم سے اور ہم کشمیر سے جدا نہیں ہو سکتے، ہم کشمیر کو کبھی نہیں بھول سکتے، مودی کو سمجھنا ہو گا کہ کشمیر پر پاکستان کا موقف تبدیل نہیں ہو گا،جتنی بھی مخالفت ہو سیاسی جماعتیں کشمیر کے مسئلے پر ایک ہیں، انشاءاللہ کشمیر کو اپنی زندگی میں آزاد دیکھوں گا۔

قصور (بیورورپورٹ) قصور کی شہریوں کا گیس کی عدم فراہمی پر انوکھا احتجاج ،سڑک کے دوران قبر بنا کر گھریلو برتن دفن کر کہ فاتحہ خوانی بھی کی۔موجودہ حالات میں یہ قبر حکمرانوں کی نااہلی کی عکاسی کرتی ہے شہریوں کی ہاتھ اُٹھا کر بددعائیں۔تفصیلات کے مطابق رکن پورہ،بستی چراغشاہ ،بھسر پورہ،بستی ونیکاں اور بستی صابری سمیت شہر کے مغربی حصے کو گیس کی عدم فراہمی پر بستی چراغشاہ کے رشید احمد بھٹی ، محمد شفیق،محمد ظہیر،محمد صدیق ،علی اکبر نقشبندی و دیگر نے روڈ کے درمیان ایک قبر بنا کر اس میں گھریلو برتن دفن کئے اورقبر کے اوپر گیس کی عدم فراہمی کا کتبہ بھی لگایا۔ کُتبہ لگانے کے بعدشہریوں نے قبر پر فاتحہ خوانی بھی کی اور اللہ تعالی کے حضور گڑگڑاکر حکومت کی بہتری کیلئے دعا ئیں کی۔ شہریوں کا کہنا تھا کہ جب سے حکومت آئی ہے ہم عذاب میں پھنس گئے ہیں ہر سہولت کی قلت ہمیں اس بات کی نشاندہی ہے کہ اللہ کا عذاب اس حکومت کے ذریعے ہم پر آچکا ہے۔

لاہور (این این آئی) صوبائی وزیر اطلاعات و ثقافت فیاض الحسن چوہان نے کہا ہے کہ نوازشریف کو سروسز ہسپتال منتقل کرنے کا فیصلہ کیا ہے ، ضرورت پڑنے پر انہیں پنجاب انسٹی ٹیوٹ آف کارڈیالوجی منتقل کیا جا سکتا ہے، پنجاب حکومت نے ایک فیصد بھی تعصب کا مظاہرہ نہیں کیا،سروسز ہسپتال میں نوازشریف کے تمام ٹیسٹ کرائے جائیں گے اور رو بصحت ہونے پر انہیں دوبارہ جیل منتقل کیاجائےگا۔ ان خیالات کا اظہار انہوں نے تقریب میں شرکت کے بعد میڈیا سے گفتگو کرتے ہوئے کیا ۔ انہوںنے کہا کہ نواز شریف کی صحت سے متعلق میڈیکل رپورٹ ملی ہے ،انسانی ہمدردی کے تحت نوازشریف کے لئے 3 میڈیکل بورڈ بنائے۔نواز شریف کوسروسز ہسپتال منتقل کرنے کا فیصلہ کیاگیا ہے مگر مسلم لیگ (ن) کے رہنماسروسز ہسپتال پر بھی اعتراض اٹھا رہے ہیں ۔ سروسز ہسپتال میں نوازشریف کے تمام ٹیسٹ کیے جائیں گے ،پی آئی سی سروسز کے بالکل ساتھ ہے، ضرورت پڑنے پر انہیں وہاں منتقل کیا جا سکتا ہے ۔فیاض الحسن چوہان نے کہا کہ مریم نوازاورآل شریف پروپیگنڈا کررہے تھے کہ بہترسلوک نہیں کیاجارہا۔واضح کرنا چاہتا ہوں کہ جیل میں نوازشریف کو تمام سہولیات فراہم کی جارہی ہیں،کھانا پینا بھی انکے معالج کی ہدایت کے مطابق دیا جائے رہا ہے۔ جبکہ ملنے جلنے سمیت دیگر سہولتیں بھی دی جا رہی ہیں۔انہوں نے کہا کہ پنجاب حکومت نے ایک فیصدبھی تعصب کامظاہرہ نہیں کیا، سروسز ہسپتال میں نوازشریف کے تمام ٹیسٹ کرائے جائیں گے اور ان کو رو بصحت ہونے پر دوبارہ جیل منتقل کیاجائےگا۔
چوہان

لاہور(خصوصی رپورٹر)سانحہ ماڈل ٹاو¿ن، نئی جے آئی ٹی کے کام میں تیزی سے جا ر ی ہے ۔ پنجاب پولیس سے واقعے کا تمام ریکارڈ طلب کر لیا۔ذرا ئع کا کہنا ہے کہ جے آئی ٹی نے سی سی پی او لاہور کو کو مراسلہ ارسال کیا ہے کہ سانحہ ما ڈل ٹاﺅن میں کتنے پو لیس اہلکا ر تھے اور پو لیس کی فا ئر نگ سے کتنے شہر ی جا ں بحق ہو ئے ۔ بتا ےا گےا ہے کہ مرا سلے میں مزید یہ پوچھا گیا ہے کہ اس سانحہ میں کتنے پولیس اہلکار اور لوگ جاں بحق ہوئے اور اس آپریشن میں کون کونسے پولیس افسران اور انتظامیہ نے حصہ لیا اس کا تفصیلی ریکارڈ ڈی آئی جی کو جلد ازجلد فراہم کیا جائے ۔

اسلام آباد(صباح نیوز) ملک کے بیشتر علاقوں میں آج اتوار کو موسم سرد اور خشک رہے گا۔ مغربی ہواﺅں کا نیا سلسلہ 4 فروری کو ملک میں داخل ہو گا۔محکمہ موسمیات کے مطابق بارش کے بعد آج اتوار کو ملک بھر میں موسم خشک اور سرد رہے گا جب کہ بلوچستان میں کہیں کہیں بارش کا امکان ہے۔لاہور سمیت پنجاب بھر میں سورج نے جلوہ کرا دیا جس کے بعد سردی کی شدت میں کچھ کمی واقع ہوئی ۔ ملک کے پہاڑی علاقوں میں بھی سردی کی شدت برقرار ہے تاہم برفباری کا سلسلہ تھم گیا ۔سب سے زیادہ سردی استور میں منفی 12 ڈگری سینٹی گریڈ ریکارڈ کی گئی۔ قلات سمیت پہاڑی علاقوں میں یخ بستہ سائبیرین ہواں کے باعث سردی کی شدت میں اضافہ ہوا جبکہ قلات کا درجہ حرارت چار منفی چار ڈگری سینٹی گریڈ ریکارڈ کیا گیا ہے۔محکمہ موسمیات کے مطابق ملک میں مغربی ہواﺅں کا نیا سلسلہ 4 فروری کو داخل ہو گا جس کی وجہ سے اسلام آباد، بالائی پنجاب اور بالائی سندھ سمیت مختلف ملک کے مختلف حصوں میں بارش کا امکان ہے۔پنجاب کے میدانی علاقوں میں صبح سویرے شدید دھند کے باعث ٹریفک کی روانی متاثر ہوئی جب کہ موٹروے پولیس نے گاڑیوں میں فوگ لائٹس استعمال کرنے کی ہدایت کی۔کراچی میں تیز ہواﺅں کے باعث سردی کی شدت میں اضافہ ہوا ہے جبکہ ہوا میں نمی کا تناسب 55 فیصد ہے۔