اسلام آباد (مانیٹرنگ ڈیسک) معروف مذہبی سکالر کل جماعتی کشمیر کونسل کے کنونیئر عبدالرشید ترابی نے کہا ہے کہ بھارت کی آٹھ لاکھ فوج کے مقابلے میں کشمیری جس جرات کا مظاہرہ کر رہے ہیں ہمیں یقین ہے کشمیری آزادی لینے میں کامیاب ہوں گے‘ ہندوستانی فوج کا کشمیر سے نکلنا نوشتہ دیوار ہے۔ شکر ہے دنیا کے ہر فورم پر مسئلہ کشمیر اجاگر ہوا۔ چینل فائیو کے پروگرام نیوز ایٹ 7 میں گفتگو کرتے ہوئے انہوں نے کہا کہ کشمیر میں بھارتی مظالم جاری ہیں‘ معصوم بچوں، عورتوں نوجوانوں کو بڑی تعداد میں شہید کیا جا رہا ہے‘ کشمیریوں کی نسل کشی کی کوشش کی جا رہی ہے۔گزشتہ پاکستان حکومتیں کشمیر کی حمایت کے لئے تقاریر تو کرتی رہیں لیکن جس ہمہ گیر حمایت کی کشمیریوں کو ضرورت تھی اس کو عملی طور پر نہیں کیا گیا۔ البتہ نئی حکومت نے بلاشبہ اچھی کوشش شروع کی ہے۔ بطور ممبر کشمیر اسمبلی ہم مقبوضہ کشمیر کی حمایت کےلئے ہر فورم استعمال کر رہے ہیں آزاد کشمیر کی ساری پارٹیاں متفق ہیں۔ جب بلایا جاتا ہے ساری قیادت جمع بھی ہوتی ہے ہم اپنے مورچے پر بیٹھ کر اپنی ذمہ داریاں ادا کر رہے ہیں۔ کشمیر میں بھارت کی پوزیشن ایک قابض کی ہے کشمیریوں کو آزادی کے لئے لڑنے کا پورا حق ہے۔ امریکہ پہلے جن کو دہشت گرد کہتا تھا آج ان سے مذاکرات کر رہا ہے۔کشمیریوں کی جدوجہد نے بھارتی ڈھونگ کے غبارے سے ہوا نکال دی ہے۔ مولانا فضل الرحمن کو بھی بہت کچھ کرنا چاہئے تھا لیکن نہیں کیا البتہ انہوں نے کشمیری قیادت سے تعلق رکھا۔ ہمیں توقع تھی وزیرعظم عمران خان سب سے پہلی میٹنگ کشمیر کے حوالے سے رکھیں گے لیکن ماضی کی طرح اب بھی اس کا فقدان نظر آیا۔ ہماری حکومت اورکشمیر کمیٹی کو بڑی جرات، اعتماد سے اپنا کردار ادا کرنا چاہئے۔ سابق وزیراعظم آزاد کشمیر سردار عتیق نے کہا کہ کشمیریوں نے قیام پاکستان سے بہت پہلے بھی بہت قربانیاں دیں جدوجہد کی ایک طویل داستان ہے۔ بھارت اپنی ساری عسکری قوت کشمیر میں لگا چکا ہے لیکن اس کے باوجود کشمیریوں کی جدوجہد آزادی کو دبا نہیں پایا۔انسانی حقوق کی پامالی کے لئے بھارت نے اسرائیل کی تقلید بھی کی۔ آج کشمیر پر پوری دنیا میں بات ہو رہی ہے بھارت کے تمام حربے ناکام ہو گئے۔گزشتہ دس سالوں کی حکومتوں نے کشمیر کے لئے آواز بلند نہ کی لیکن موجودہ حکومت پھر سے مسئلہ کشمیر کو اجاگر کر رہی ہے۔نریندر مودی ہندوستان کے ترکش کے آخری تیر تھے جو کشمیریوں کے حوصلے پست نہیں کر پائے۔ ماضی میں جو ہوا ہوگیا اب موجودہ حکومت کو چاہئے کشمیریوں پر ہونے والے مظالم کو دنیا بھر میں اجاگر کرے۔ نائن الیون کا واقعہ پوری دنیا کے مسلمانوں کو لڑانے کی امریکی سازش تھی۔انسانی حقوق کے کمیشن کی جو رپورٹ آئی اس پر پوری دنیا میں پاکستانی سفارتکاری مضبوط بنانے کی ضرورت ہے۔گزشتہ دس سالوں کی حکومتوں سے قبل کشمیری قیادت سے پاکستان سال میں دو مرتبہ ملاقات کرتا تھا لیکن اب ایسا نہیں ہو رہا اب فوری طور پر کشمیر کی حریت قیادت کو پاکستان آنے کی دعوت دینی چاہئے۔ ہندوستان کو کشمیر پر مذاکرات کرنا پڑیں گے۔ فضل الرحمن باصلاحیت آدمی ہیں اپنی صلاحتیوں کا دسواں حصہ بھی مسئلہ کشمیر کے حل پر لگاتے تو بھارت پر دباﺅ بڑھتا۔

لاہور (مانیٹرنگ ڈیسک) چینل ۵ کے تجزیوں و تبصروں پرمشتمل پروگرام ”ضیا شاہد کے ساتھ“ میں گفتگو کرتے ہوئے سینئر صحافی و تجزیہ کار ضیا شاہد نے کہا ہے کہ یوم یکجہتی کشمیر پر پورے پاکستان کے ہر شہر میں جلوس نکلے، ریلیاں نکالی گئیں۔ صدر پاکستان عارف علوی نے آزاد کشمیر اسمبلی میں خطاب کیا اور ایک روایت ہمیشہ سے چلی آ رہی ہے اس خطاب میں انہوں نے رسمی باتیں نہیں کیں بلکہ بڑے بھرپور طریقے سے پرجوش انداز میں مطالبہ کیا کشمیریوں کا قتل عام بند کیا جائے اور جس طرح سے لوگوں کے خون سے ہاتھ رنگا جا رہا ہے یہ سلسلہ ختم ہونا چاہئے انہوں نے یہ مطالبہ بھی کیا کہ جتنے گرفتار شدگان ہیں مسلمان جن کو جیلوں میں بند کیا گیا ہے ان سب کو رہا کیا جائے۔ ان کی بات میں پہلی مرتبہ سچائی کی آواز بلند کی گئی دوسرا یہ کہ نہ صرف پاکستان کے اندر ساری جگہوں پر ریلیاں نکلیں ہاتھوں کی زنجیر بنائی گئی اور تقاریر ہوئیں۔ اخبارات نے خصوصی ایڈیشن چھاپے ٹی وی چینلز نے خصوصی پروگرام کئے اور جگہ جگہ پر دکھایا گیا کہ مقبوضہ کشمیر میں مسلمانوں پر زندگی کتنی تنگ ہو چکی ہے۔ اس سلسلے میں جو بڑا ایک مظاہرہ ہوا ہے وہ یہ ہے برطانیہ کی ایک خاص اہمیت ہے۔ کیونکہ برطانیہ ہی سے ہندوستان اور پاکستان نے آزادی حاصل کی تھی تو اس لئے برطانوی پارلیمنٹ میں ایک کانفرنس ہوئی کشمیر کے سلسلے میں اس میں پاکستان سے اازاد کشمیر کے صدر وہاں پہنچے سردار مسعود خان صاحب، پاکستان کے وزیرخارجہ شاہ محمود قریشی، مشاہد حسین جو اپوزیشن کے کمیی کے سربراہ تھے وہ پہنچے اور اس میں برطانوی کانگریس کے بھی بہت سے مسلمان اور پاکستانی جو تھے اس میں تقاریر کیں، بعض غیر مسلموں نے تقاریر کیں۔ اس میں کشمیری لیڈروں نے شرکت کی۔ یہ ایک بھرپور دن تھا کہ کشمیری عوام امن سلامتی کے لئے حق رائے دہی چاہتے ہیں۔ آج جو آدھے صفحہ کا اشتہار چھپا ہے اس میں حبیب جالب کا ایک شعر ہے۔
ظلم رہے اور امن بھی ہو کیا ممکن ہے تم ہی کہو
اس شعر کو پڑھتے ہی میرے فوراً ذہن میں آیا کہ یہ پاکستان کی ایک معروف فلم ہمارے فلمساز، رائٹر اور ہدایت کار ریاض شاہد جو فلم ایکٹریس نیلو کے شوہر تھے عابدہ ریاض ان کا گھریلو نام ہے اور آج کل کے فلم ایکٹر شان کے والد تھے۔ ریاض شاہد نے ایک فلم بنائی تھی۔ انہوں نے کافی فلمیں بنائیں۔ ”فرنگی“ انہوں نے لکھی تھی۔ ”زرقا“ انہوں نے لکھی اور بنائی۔ شہید انہوں نے لکھی اور بنائی، لیکن یہ ایک فلم بنائی تھی ”یہ امن“ تو یہ میں درخواست کروں گا کہ اس کا ایک سین دیا جائے۔ اس میں ایک جدبہ بھی ہے۔ ریاض شاہد کو اس فلم کی تیاری میں بڑی مشکلات کا سامنا کرنا پڑا اور کئی سال تک فلم سنسر سے پاس نہیں ہو رہی تھی کیونکہ بڑے اعتراصات انڈین حکومت نے لگائے ہوئے تھے۔
ضیا شاہد نے کہا کہ یوم یک جہتی کشمیر صرف چھٹی منانے کا دن نہیں۔ ہم لوگ گھروں میں نہیں بیٹھے ہمارے نوجوان خاص طور پر سڑکوں پر نکل آئے ریلیاں نکالی گئیں۔ ہاتھوں کی زنجیر بنائی گئی اور وعدے وعید کئے گئے۔ تقریریں ہوئیں اور یہ یوم یک جہتی کشمیر یہ تھا کہ اپنے آپ کو ہم نے کشمیر میں جو جدوجہد جاری ہے جو آزادی کے لئے جو کوشش جاری ہے اس کے ساتھ اپنے آپ کو ملایا ہے۔ پاکستان جب بنا تو برطانیہ نے ہی کشمیر کا جو مسئلہ تھا برطانیہ کی شرارت کی وجہ سے ہوا تھا۔
ڈوگرہ حکومت نے جب کشمیر کا الحاق زبردستی بھارت کے ساتھ کیا تو پورے کشمیر میں ہنگامے پھوٹ پڑے۔ سلامتی کونسل میں یہ مسئلہ پاکستان نہیں بھارت لے کر گیا تھا کہ قبائلیوں نے حملہ کر دیا ہے سری نگر پر قبضہ کرنے چاہتے ہیں۔ اقوام متحدہ میں ھے پایا کہ کشمیر سے بھارتی فوج واپس جائے گی اور آزادانہ استصواب رائے سے طے کیا جائے گا کہ اہل کشمیر کس سے الحاق چاہتے ہیں۔ بھارت نے اس بات کو تسلیم نہ کیا اور آج بھی ہٹ دھرمی سے اپنے موقف پر کھڑا ہے تاہم کشمیر میں آزادی کی تحریک دن بدن بڑھ رہی ہے۔ بھارت 2019ءمی کسی کو زبردستی ساتھ نہیں رکھ سکتا۔ بھارت کا یہ ظلم کا کھیل اب زیادہ عرصہ نہیں چل سکتا، چند برس کا کھیل باقی ہے یہ بھارت کو کشمیری کو آزادی دینا ہی ہو گی۔
نوازشریف کی طبی رپورٹ میں سامنے آ گیا ہے کہ دل کی بیماری نہیں ہے بلڈ پریشر، گردے میں پتھری شریانوں کا مسئلہ سامنے آیا ہے جس کا پاکستان میں ہی بہترین علاج ممکن ہے۔ بیرون ملک جانے کی کوئی ضرورت نہیں ہے۔ نوازشریف سے پرانی دوستی ہے تاہم ابن کے سیاسی خیالات سے متفق نہیں ہوں۔ مریم نواز نے نوازشریف کے حوالے سے جذباتی بیان دیا ہے ورنہ وہ کیوں جیل جانا چاہیں گے، نوازشریف کا ہسپتال میں ہی علاج ہونا چاہئے۔ سروسز ہسپتال میں بہترین ڈاکٹرز موجود ہیں، دیگر ہسپتالوں سے سینئر ڈاکٹرز کو بلایا جا سکتا ہے، نوازشریف کے ذاتی معالج سے بھی مشورہ کیا جا سکتا ہے۔ بعض ناراض بلوچ رہنما کبھی لندن کبھی جنیوا احتجاجی مظاہرے کرتے رہتے ہیں اب پیرس میں بھی مظاہرہ کرنے کی کوشش کی گئی جسے پاکستانیوں نے ناکام بنا دیا۔ سی پیک، پاکستان، چین کے خلاف کوئی بھی آواز اٹھائے گا تو کوئی کان نہ دھرے گا۔ بلوچستان کی بڑی آبادی نے الیکشن میں بھرپور حصہ لیا، صوبائی حکومت بنی، چیئرمین سینٹ کا تعلق بلوچستان سے ہے۔ بلوچستان میں علیحدگی پسند رجحان ختم ہو چکا ہے۔ اب گنتی کے جو لوگ شور مچاتے ہیں وہ بھارت کی اشیر باد پر ایسا کرتے ہیں۔ بھارت کلبھوشن کی گرفتاری پر پریشان ہے اس نے اپنے دو ٹی وی چینلز صرف بلوچستان بارے پروپیگنڈا کیلئے مختص کر رکھے ہیں۔ کبیروالا میں افسوسناک واقعہ پیش آیا۔ لڑکی کے ساتھ زیادتی پر شکایت درج کرائی گئی تو پولیس کو ایکشن لینا چاہئے تھا لیکن وہ روایتی طور پر بے حس بیٹھی رہی اور ماں بیٹی جان سے ہاتھ دھو بیٹھیں۔ اس واقعہ پر آئی جی کو مستعفی ہو جانا چاہئے۔ پنجاب میں گورننس کی صورتحال پر وزیراعظم لاہور آئے اور اجلاس ہوئے، حکومت کا مختلف محکموں کے سیکرٹریوں کو تبدیل کرنے کا منصوبہ ہے، آئی جی کو بھی تبدیل کیا جا سکتا ہے۔ گورنر اور وزیراعلیٰ نے آئی جی کی تعریف کی تو عمران خان نے کہا کہ آئی جی اگر محنت کر رہے ہیں تو لوگ کیوں مطمئنن نہیں ہیں۔

اسلام آباد(ویب ڈیسک) وفاقی دارالحکومت اسلام آباد سمیت ملک کے کئی شہروں میں زلزلے کے جھٹکے محسوس کیے گئے ہیں۔ذرائع کے مطابق خیبرپختونخوا، پنجاب اور آزاد کشمیر کے مختلف حصوں میں زلزلے کے شدید جھٹکوں کے باعث لوگوں میں خوف و ہراس پھیل گیا۔ زلزلہ پیما مرکز کے مطابق ریکٹر اسکیل پر زلزلے کی شدت 5.6 ریکارڈ کی گئی جب کہ زلزلے کا مرکز بھارت میں تھا۔زلزلے کے جھٹکے، اسلام آباد، پشاور، راولپنڈی، ایبٹ آباد، نوشہرہ، مردان، مظفر آباد، بالا کوٹ، ہری پور، مانسہرہ، رائے ونڈ، ٹیکسلا، حسن ابدال اور پنڈ دادن خان سمیت دیگر شہروں میں محسوس کیے گئے۔

اسلام آباد(ویب ڈیسک) وزیر اطلاعات فواد چودھری نے اسلام آباد میں تقریب سے خطاب کرتے ہوئے کہا کہ حقوق کے لئے عسکری اور سیاسی قیادت کشمیری عوام کے ساتھ کھڑی ہے۔وزیر اطلاعات نے کہا کہ کشمیرمیں جب کوئی تکلیف آتی ہے تو پورا پاکستان محسوس کرتا ہے، مقبوضہ کشمیرمیں ایک کشمیری پر10بھارتی فوجی لگائے گئے ہیں، کشمیر اور کشمیریوں سے ہمارا دکھ درد کا رشتہ ہے، کشمیرمیں تحریک آزادی دبائی نہیں جاسکتی، مقبوضہ کشمیرمیں نام نہاد بھارتی جمہوریت بے نقاب ہو رہی ہے۔فواد چودھری نے اپنے خطاب میں یہ بھی کہا کہ کشمیر میں جب کوئی تکلیف آتی ہے تو پورا پاکستان محسوس کرتا ہے، بھارتی فوج مقبوضہ کشمیر میں ظلم کے پہاڑ توڑ رہی ہے، بھارت کشمیر کو محض علاقے کے طور پر دیکھتا ہے، بھارت کے برعکس پاکستان کشمیر کو انسانی مسئلے کے طور پر دیکھتا ہے، بھارت کو کھلے دل سے مذاکرات کی دعوت دی ہے۔اس سے قبل اطلاعات ونشریات کے وزیر فواد حسین نے یوم یکجہتی کشمیر پر اپنے پیغام میں کہا کہ پاکستان ہرفورم پر مسئلہ کشمیر کو اجاگرکرنے کا سلسلہ جاری رکھے گا اور مقبوضہ کشمیر میں بھارتی بربریت بے نقاب کرے گا۔وفاقی وزیر نے عالمی برادری پر زوردیا کہ وہ قابض بھارتی فوج کے ہاتھوں بے گناہ کشمیریوں کی خون ریزی کا نوٹس لے۔ انہوں نے کہا کہ بھارتی مظالم کشمیریوں کی خود ارادیت کے جائز حق کیلئے جدوجہد سے روک نہیں سکتے۔