لاہور (خبر نگار) وزیراعلیٰ پنجاب عثمان بزدارآج عمرہ کی ادائیگی کیلئے لاہور سے سعودی عرب روانہ ہو گئے۔ وزیراعلیٰ بغیر پروٹوکول علامہ اقبال انٹرنیشنل ایئرپورٹ پہنچے۔ائیرپورٹ پر وزیراعلیٰ نے پروٹوکول کے بغیر دیگر مسافروں کے ساتھ قطار میں کھڑے ہو کر بورڈنگ کارڈ لیا۔مسافروں نے وزیراعلیٰ کو قطار میں کھڑے دیکھ کر خوشگوار حیرت کا اظہار کیا اور وزیراعلیٰ سے ہاتھ ملایا اوران کے ہمراہ سیلفیاں بھی بنائیں۔ وزیراعلیٰ عثمان بزدار اپنی فیملی کے ہمراہ سعودی عرب میں عمرہ کی ادائیگی کے بعد مدینہ منورہ میں روضہ رسول پر بھی حاضری دیں گے اور مسجد نبوی میں نوافل ادا کریں گے۔ وزیراعلیٰ پنجاب کے ترجمان ڈاکٹر شہباز گل نے کہا ہے کہ وزیراعلیٰ عثمان بزدار نے اپنے اور اپنی فیملی کے عمرے کے اخراجات اپنی جیب سے ادا کئے ہیں۔

اسلام آباد(اے این این ) وزیر اطلاعات فواد چوہدری نے کہا ہے کہ اصغر خان کیس مسلم لیگ ن کے سیاسی کردار کو عیاں کرتا ہے،دلچسپ امر یہ ہے کہ بے نظیر شہید کے سیاسی وارث ن لیگ کی گود میں بیٹھے ہیں۔وزیر اطلاعات فواد چوہدری نے سوشل میڈیا پر بیان جاری کرتے ہوئے کہا ہے کہ اصغر خان کیس پر سپریم کورٹ کا بینچ خوش آئند ہے۔وزیر اعظم پہلے ہی ایف آئی اے کو ہدایات جاری کر چکے ہیں کہ کیس میں سپریم کورٹ کے فیصلے پر من وعن عمل کیا جائے یہ مقدمہ نون لیگ کے سیاسی کردار کو عیاں کرتا ہے دلچسپ امر یہ ہے کہ بے نظیر بھٹو شہید کے سیاسی وارث آج نواز لیگ کی گود میں بیٹھے ہیں۔

لاہور،بلوکی (نمائندگان خبریں) وزیر اعظم عمران خان نے کہا ہے کہ کسی کو این آر او دینے کا مطلب ملک سے غداری ہوگا، جو بھی یہ سوچ رہا ہے کہ حکو مت کسی کو این آر او دے گی وہ یہ سمجھے اگر ہم دیں گے تو ہم ملک سے غداری کریں گے، یہ ہو ہی نہیں سکتا ہم کسی طرح ان کو این آر او دیں۔ ہم نے کسی کو چھوڑنا نہیں ہے جس نے ملک کا دیوالیہ نکالا ہے ، جس نے کرپشن کی ہم نے کسی کو نہیں چھوڑنا۔ میں دیکھ رہا ہوں شور مچ رہا ہے، اسمبلی میں شور، ہم ان کے ساتھ پوری طرح کوشش کر رہے ہیں کہ اسمبلی ٹھیک طرح چل جائے۔ کبھی آج تک جمہوریت کی تاریخ میں ہوا ہی نہیں ہے کہ جیل سے ایک آدمی اٹھ کر آئے اور پارلیمنٹ کی پبلک اکاﺅنٹس کمیٹی کا چیئرمین بن جائے اور پھر اسی نیب کو طلب کر لے، یہ کسی جمہوریت میں کبھی کوئی تصور ہی نہیں کر سکتا، ہم نے یہ بھی کوشش کی کہ پارلیمنٹ چل جائے۔ میں آج کہہ رہا ہوں جتنی ہم نے کوشش کرنی تھی ہم نے کر لی ہے اب کسی قسم کی رعائت کسی قسم کے کرپٹ آدمی کو ہم نہیں دیں گے۔ تبدیلی کیا ہے میں بتاتا ہوں، کبھی کسی نے سنا ہے کہ حکومت کو تین ماہ ہوئے ہوں اس کے تین وزیر استعفیٰ دیں۔ یہاں ان کی اربوں روپے کی چوری آتی ہے، جعلی اکاﺅنٹس آتے ہیں ، مرے ہوئے لوگوں کے اکاﺅنٹس میں اربوں روپے نکل آتے ہیں، دبئی میں کسی کے ڈرائیور کے نام پر پانچ ، پانچ گھر نکل آتے ہیں کوئی استعفیٰ دینے کا نہیں سوچتا، یہ ہے تبدیلی کہ موجوہ حکومت اپنے اور دوسرے میں کوئی فرق نہیں کرتی۔ احتساب کسی کے ساتھ امتیاز نہیں کرتا، موجودہ حکومت ملک میں صحیح معنوں میں احتساب کرے گی ۔ جبکہ عمران خان نے متعلقہ حکام کو ہدایت کی کہ پنجاب میں جنگلات کی لیز پر دی گئی زمینیں واپس لی جائیں۔ ان خیالات کا اظہار عمران خان نے بلوکی میں بہار شجر کاری مہم 2019کا افتتاح کرنے کے بعد تقریب سے خطاب کرتے ہوئے کیا۔ ان کا کہنا تھا کہ میں آج بہت خوش ہوں ، ہم نے پورے پاکستان میں جو زمینوں پر قبضے ہوئے ہیں ان کو چھڑوا کر زیادہ سے زیادہ زمینوں پر جنگلات اگانے ہیں۔ درخت لگانا اب زندگی موت کا سوال ہو گیا ہے۔ ان کا کہنا تھا کہ پاکستان دنیا میں آٹھویں نمبر پر ہے جس کو موسمیاتی تبدیلی سے سب سے زیادہ خطرہ ہے۔ اگر اسی طرح موسم گرم ہوتا گیا تو پھر آگے جو حالات آئیں گے تو آئندہ نسل کے لیئے یہاں رہنا مشکل ہو جائے گا، یہاں خشک سالی آئے گی، بارشیں کم ہوں گئیں اور دریاﺅں میں پانی کم ہو جائے گا، شہروں میں آلودگی بڑھتی جائے گی، کیوں کہ ہم وہ ملک ہیں جہاں پر سب سے کم جنگلات ہیں۔ عمران خان کا کہنا تھا کہ لاہور میں گزشتہ 10سال میں 70فیصد درخت کاٹے گئے۔ہم نے آئندہ پانچ سال میں پاکستان میں 10ارب درخت لگانے ہیں ۔ ہم نے خیبر پختونخوا میں پانچ سالوں میں ایک ارب 18 کروڑ درخت لگائے ، اب ہم نے سارے پاکستان کو ہرا کرنا ہے۔ عمران خان کا کہنا تھا کہ آج کل این آر او کی بڑی بات چیت ہو رہی ہے، این آر اوکیا ہوتا ہے، این آر او یہ ہوتا ہے کہ آپ چھوٹے نہیں بڑے ، بڑے مجرموں کو معاف کردیں۔ ان کا کہنا تھا کہ یہاں دو این آر او نے ملک کو تاریخی نقصان پہنچایا ہے ، آج جو ہمارے حالات ہیں، ملک مقروض ہے اس کی بڑی وجہ دو این آر او تھی۔ ایک این آر اور جنرل (ر) پرویز مشرف نے نواز شریف کو 10 سال کے لیئے سعودی عرب بھیجنے کے لیئے دیا ۔ نواز شریف کے خلاف حدیبیہ پیپرمل کا کرپشن کا کیس تھا اس میں اسحق ڈار کا اقبالی بیان تھا کہ کیسے منی لانڈرنگ کر کے پیسہ پاکستان سے باہر گیا، اس کے اوپر بی بی سی کی ڈاکو مینٹری بنی ہوئی تھی۔ این آر او دے کر وہ کیس روکا گیا اور نواز شریف کو باہر جانے دیا تاکہ جنرل مشرف کی کرسی خطرے میں نہ ہو۔ اور دسری طرف آصف علی زرداری کے کے خلاف سوئس کیس پر قوم کا دو ارب روپیہ خرچ ہوا، لندن میں سرے محل پر کیس ہوا اور پاکستانی حکومت کیس جیت گئی، تاہم این آر او کیا گیا اور ہمیں پتہ ہے امریکن بھی درمیان میں تھے ، سرے محل کے پیسے جو پاکستان آنے تھے وہ بھی واپس نہیں آئے اور سوئٹزلینڈ میں کیس پر قوم کے دو ارب روپے خرچ ہوئے وہ کیس بھی چھوڑ دیا۔ ان دو این آر اوز سے کیا ہوا ، طاقتور لوگوں نے سمجھا چوری کوئی بری چیز نہیں ہے، کرپشن جتنی مرضی کرو اس ملک میں طاقتور چو ر کو نہیں پکڑا جاتا۔ عمران خان کا کہنا تھا کہ اس کا نتیجہ کیا ہوا، 2008 سے 2018 تک وہی این آر او والے لیڈر وں نے پانچ ، پانچ سال حکومت کی۔ ان کا کہنا تھا کہ 60سالوں میں پاکستان کا قرضہ چھ ہزار ارب روپے تھا، ان کے دو این آراو کے 10سال کے بعد پاکستان کا قرضہ 30ہزار ارب روپے تک پہنچ گیا۔ کسی کو خوف ہی نہیں تھا کیوں کہ یہاں بڑے، بڑے چوروں کو کوئی پکڑتا نہیں ہے۔ آج قوم کو مصیبتیں پڑی ہوئی ہیں، مہنگائی بڑھ رہی ہے اور روپے کہ قیمت کم ہو رہی ہے ۔جب آپ قرضے لیتے جائیں گے اور تاریخی خسارے چھوڑیں گے تو اس کی قیمت تو عوام ادا کرے گی۔ ان کا کہنا تھا کہ جہنوں نے 10سال ملک کو مقروض کیا آج میں ان کی شکلیں دیکھتا ہوں وہ کس منہ سے آکر ٹی وی پر بیٹھ کر تحریک نصاف کو کہتے ہیں کہ آپ نے پانچ ماہ میں وہ نہیں کیا۔ عمران خان کا کہنا تھا کہ کوئی گھر کو مقروض چھوڑ کر چلا جائے اور پھر کہے کہ میں تو بڑا اچھا کا م کیا اور آنے والا جواب دے، قرضے آپ چھوڑ جائیں اور آنے والے کو کہیں آپ جواب دیں۔ جب آپ چھ ہزار سے 30 ہزار ارب روپے قرض چھوڑ جائیں تو ملک کیسے ٹھیک ہو گا۔ ان کا کہنا تھا کہ جو بھی یہ سوچ رہا ہے یہ حکو مت کسی کو این آر او دے گی وہ یہ سمجھے اگر ہم دیں گے تو ہم ملک سے غداری کریں گے، یہ ہو ہی نہیں سکتا ہم کسی طرح ان کو این آر او دیں۔ ہم نے کسی کو چھوڑنا نہیں ہے جس نے ملک کا دیوالیہ نکالا ہے ، جس نے کرپشن کی ہم نے کسی کو نہیں چھوڑنا۔ میں دیکھ رہا ہوں شور مچ رہا ہے، اسمبلی میں شور، ہم ان کے ساتھ پوری طرح کوشش کر رہے ہیں کہ اسمبلی ٹھیک طرح چل جائے۔ کبھی آج تک جمہوریت کی تاریخ میں ہوا ہی نہیں ہے کہ جیل سے ایک آدمی اٹھ کر آئے اور پارلیمنٹ کی پبلک اکاﺅنٹس کمیٹی کا چیئرمین بن جائے اور پھر اسی نیب کو طلب کر لے، یہ کسی جموریت میں کبھی کوئی تصور ہی نہیں کر سکتا، ہم نے یہ بھی کوشش کی کہ پارلیمنٹ چل جائے۔ میں آج کہہ رہا ہوں جتنی ہم نے کوشش کرنی تھی ہم نے کر لی ہے اب کسی قسم کی رعائت کسی قسم کے کرپٹ آدمی کو ہم نہیں دیں گے۔ عمران خان کا کہنا تھا کہ تبدیلی کیا ہے میں بتاتا ہوں، کبھی کسی نے سنا ہے کہ حکومت کو تین ماہ ہوئے ہوں اس کے تین وزیر استعفیٰ دیں۔ یہاں ان کی اربوں روپے کی چوری آتی ہے، جعلی اکاﺅنٹس آتے ہیں ، مرے ہوئے لوگوں کے اکاﺅنٹس میں اربوں روپے نکل آتے ہیں، دبئی میں کسی کے ڈرائیور کے نام پر پانچ ، پانچ گھر نکل آتے ہیں کوئی استعفیٰ دینے کا نہیں سوچتا، یہ ہے تبدیلی کہ موجوہ حکومت اپنے اور دوسرے میں کوئی فرق نہیں کرتی۔ احتساب کسی کے ساتھ امتیاز نہیں کرتا، موجودہ حکومت ملک میں صحیح معنی میں احتساب کرے گی۔ ان کا کہنا تھا کی بلوکی میں جو پارک بنایا ہے میں چاہتا ہوں اسے بابا گرونانک کے نام پر بنائیں۔ ان کا کہنا تھا کہ ہم زبردست قسم کی یہاں پر گرونانک یونیورسٹی بھی بنائیں گے، مجھے اچھا لگتا ہے جب لوگ اسکول، کالج اور یونیورسٹیاں مانگتے ہیں یہ ایک زندہ معاشرے کی نشانی ہے کہ آپ تعلیمی ادارے مانگ رہے ہیں۔ ان کا کہنا تھا میں ملک میں رہنے والی تمام اقلیتوں سے کہنا چاہتا ہوں ہم وہ پاکستان بنا رہے ہیں جو سب کے لیے ہے۔ پاکستان میں اور بیرون ملک رہنے والے سکھ مذہب کے لوگوں سے میں کہنا چاہتا ہوں ہمیں پتہ ہے ننکانہ صاحب اور کرتارپور آپ کے لئے کتنی اہمیت رکھتا ہے ہم آپ کو بھر پور سہولیات فراہم کریں گے اور پور طرح مدد کریں گے۔ ہمیں پتہ ہے بابا گرونانک کی 550 برسی ہے ہم آپ کے لئے کرتارپور میں بڑا پروگرام منعقد کریں گے اور سہولتیں فراہم کریں گے۔ ان کا کہنا تھا کہ قائد اعظم محمد علی جناح نے پاکستان کے لیئے اس لئے جدوجہد کی کہ انہوں نے کہا تھا کہ ہمیں ہندوستان میں اقلیتوں کو پورے حقوق نہیں ملیں گے، یہ جدوجہد تھی اور چاہتے تھے کہ ہم برابر کے شہری ہوں اور آہستہ آہستہ واضح ہو گیا اور کانگریس میں آوازیں نکلنا شروع ہو گئیں کہ مسلمانوں اور اقلیتوں کو پوری طرح کے شہری نہیں بنایا جائے گا اس لیئے انہوں نے جدوجہد کی تھی۔ عمران خان کا کہنا تھا کہ ہم پاکستان میں اقلیتوں کو ہر قسم کے حقوق دی گے، برابر کے شہری بنائیں گے اور انہیں کبھی احساس نہیں ہو گا کہ وہ پاکستان میں دوسرے درجے کے شہری ہیں جس طرح بدقسمتی سے بھارت میں مسلمان محسوس کر رہے ہیں۔

اسلام آباد (مانیٹرنگ ڈیسک) سیکیورٹی خدشات کے پیش نظر چیئرمین نیب جاوید اقبال کی سیکیورٹی میں اضافہ کردیا گیا، اقدام کسی بھی نا خوشگوار واقعہ سے بچنے کےلیے اٹھایا گیا، ذرائع کا کہنا ہے چیئرمین نیب میگاکرپشن کیسز جلد منطقی انجام تک پہنچانے کےخواہاں ہیں۔ تفصیلات کے مطابق سیکیورٹی خدشات کے پیش چیئرمین نیب جسٹس (ر) جاوید اقبال سیکیورٹی میں اضافہ کردیا گیا ہے ، چیئرمین نیب کی نقل و حرکت کوبھی خفیہ رکھا جائے گا، یہ اقدام کسی بھی نا خوشگوار واقعہ سے بچنے کےلیےاٹھایا گیا ہے۔ ذرائع کا کہنا ہے چیئرمین نیب میگاکرپشن کیسز جلد منطقی انجام تک پہنچانے کے خواہاں ہیں جبکہ میگا کرپشن کیسز کی تحقیقات کرنیوالے افسران کی سیکیورٹی میں بھی اضافہ کردیا گیا ہے۔ گذشتہ روز چیئرمین نیب نے کہا تھا کہ نیب کا ایمان کرپشن فری پاکستان ہے، ہم ملک سے بدعنوانی کے خاتمے کو اپنی قومی ذمہ داری سمجھتے ہیں، اربوں روپے لوٹ کر بیرون ملک جانے والوں کو وطن واپس لایا جائے گا۔

ٹنڈو آدم، ٹنڈو الہیار (مانیٹرنگ ڈیسک، آن لائن) پیپلز پارٹی کے شریک چیئر مین آصف زرداری نے کہاہے کہ نیا بنگلہ دیش نہیں بننے دیں گے ، یہ بیوقوف ہیں ، ان کی ٹانگیں ویسے ہی ڈگمگا جاتی ہیں ،مخالفین کے ساتھ پاکستان کے وسائل کی جنگ لڑ رہے ہیں، اپنا حق لینے کیلئے لڑیں گے۔ تفصیلات کے مطابق ٹنڈو الہٰیار میں جلسے سے خطاب کرتے ہوئے آصف زرداری نے کہا کہ میں نے گڑھی خدا بخش کی دھرتی کی قسم کھائی ہے ، ہمیشہ ذوالفقار علی بھٹو اور بے نظیر بھٹو کے قول پر چلتا رہوں گا ، جس کو یہ پاکستان کہتے ہیں ، وہ ان کی جانب سے نہیں بنایا تھا ، پاکستان قائد اعظم محمد علی جناح نے مکالمہ کرکے بنایا تھا جو میرے بزرگوں کے سکول میں پڑھے تھے۔ انہوں نے کہا کہ اب ہم کوئی بنگلہ دیش نہیں بننے دیں گے اور اپنے حق کیلئے لڑیں گے ، پنجاب ، بلوچ اور پشتون ہمارے ساتھ ہیں۔ انہوں نے کہا کہ یہ بیوقوف ہیں ، ان کی ٹانگیں ویسے ہی ڈگمگا کرجاتی ہیں ، اتنا ڈرنے کی بات نہیں ہے جتنا یہ ڈرتے ہیں ،بجٹ ہم نے بھی بنایا تھا ، سرکاری ملازمین کی تنخواہوں میں سو فیصد اضافہ کیا تھا کیونکہ ہمیں غریبو ں کی سوچ ہوتی ہے جبکہ ان کو اپنے محلات کا سوچ ہوتی ہے۔ سابق صدر آصف علی زرداری نے کہا ہے کہ نیا بنگلہ دیش نہیں بننے دیں گے، تمام صوبے ہمارے ساتھ ہیں، یہ پاکستان کے وسائل کی جنگ ہے اور ہم یہ جنگ لڑتے رہیں گے،مولانا ابوالکلام آزاد پہلے سے پلان بنائے بیٹھے تھے پاکستان توڑنا ہے اور بعد میں بنگلہ دیش بنا لیکن اب ہم ایسا نہیں ہونے دیں گے، ہمارا وزیراعلیٰ سندھ کنجوس آدمی ہے یہ پیشے کے اعتبار سے بینکر ہیں اور بینکر سے جب پیسہ مانگا جائے تو کہتا ہے کہ میرے پاس پیسے نہیں ہیں،ہم نے گڑھی خدابخش کی مٹی کی قسم کھائی ہوئی ہے کہ لڑتے رہیں گے۔بی بی کے قول پر چلتے رہیں گے۔۔ ٹنڈو آدممیں جلسے سے خطاب کرتے ہوئے کہا کہ ہم اپنے حقوق کے لیے لڑتے آرہے ہیں اور یہ جنگ لڑتے رہیں گے، یہ پاکستان آج کے لوگوں نے نہیں بنایا بلکہ ہمارے بزرگوں نے بنایا اور یہ ملک جنگ سے نہیں ڈائیلاگ کے ذریعے حاصل کیا گیا۔سابق صدر نے کہا کہ پاکستان بننے کے بعد سوچی سمجھی سازش کے تحت خون ریزی کی گئی اور نیا بنگلہ دیش بنایا گیامولانا ابوالکلام آزاد 30 برس قبل پلان بنائے بیٹھے تھے کہ پاکسان کو توڑنا ہے اور بعد میں بنگلہ دیش بنا لیکن اب کوئی بنگلہ دیش نہیں بننے دیں گے۔ زرداری نے کہا کہ یہ اٹھارہویں ترمیم پر ڈھونگ رچائے بیٹھے ہیں اب سول ایوی ایشن کا کنٹرول بھی اسلام آباد منتقل کیا جارہا ہے قائد اعظم محدم علی جناح میرے بزرگوں کے اسکول میں پڑھے انہوں نے مذاکرات سے پاکستان حاصل کیا۔ ان کا کہنا تھا کہ وہ سندھی میں تقریر اس لیے نہیں کرتے کیونکہ سننے والوں کو سمجھ نہیں آتی۔ جنگ ان کی ہم سے ہمارے وسائل پر ہے بلکہ پورے پاکستان کے وسائل پر ان سے جنگ ہے۔ انہوں نے کہا کہ ہم تو لڑتے رہے ہیں اور عوام کے حقوق کے لیے جنگ جاری رکھیں گے۔ ان کا کہنا تھا کہ ڈرنے کی کوئی بات نہیں ہے۔ ہم نے بھی یہی بجٹ چلایا تھا اور سب کی تنخواہوں میں اضافہ کیا تھا کیونکہ ہماری سوچ غریب عوام ہے۔ہمین عوام کی فکر ہے اور ان کو اپنے محلات کی فکر ہے 1988 ءکے بعد سندھ بہت ترقی کر چکا ہے ہمارا وزیراعلیٰ سندھ کنجوس آدمی ہے کیونکہ پیشے کے اعتبار سے بینکر ہے او ربینکر سے جب پیسے مانگے جائیں تو وہ کہتا ہے کہ میرے پاس پیسے نہیں ہیں۔ سابق صدر نے کہا کہ ہم نے گڑھی خدابخش کی مٹی کی قسم کھائی ہوئی ہے کہ لڑتے رہیں گے۔بی بی کے قول پر چلتے رہیں گے۔ یہ بیوقوف ہیں،ان کی ٹانگیں ڈگمگا رہی ہیں، ہم نے ججز، فوج، ملازمین کی تنخواہوں اور پنشن میں اسی بجٹ میں 100فیصد اضافہ کیا،پیپلزپارٹی کی سوچ غریبوں کی ہے،جبکہ ان کی محلوں کی سوچ ہے۔ہم اپنے حق کیلئے لڑیں گے ۔اس حق میں پنجاب ، جنوبی پنجاب ، سندھ ، خیبرپختونخواہ اور بلوچستان ساتھ ہیں۔ انہوں نے کہا کہبی بی کہا کرتی تھیں کہ سندھ جاتی ہوں تووہاں کے غریب کی نوکری کی آواز مجھے پیٹ سے آتی ہے۔سندھ والے پیٹ سے بولتے ہیں۔ انہوں نے کہا کہ سندھ ترقی کررہا ہے۔

خان پور(نمائندہ خبریں) حکم امتناعی کے باوجود بااثر افرادمحنت کش خاندان کے زرعی رقبہ جات پر قابض،پولیس کی زیر نگرانی فصل کی کٹائی وفروخت کا سلسلہ جاری ،مبینہ نوٹوں کی چمک سے پولیس کا عدالتی حکم ماننے سے بھی صاف انکار،کاروائی کے لئے درخواستیں دینے پر ایس ایچ او کی ا±لٹامتاثرین کو تھانے بندکرنے کی دھمکیاں ،قبضہ مافیا کے ارکان علاقہ میں دہشت کی علامت بن گئے ،متاثرین کے گھر گھس کر اہلخانہ کا تشدد روز کا معمول علاقہ بدر نہ ہونے پر جان سے مارنے کی دھمکیاں،تفصیلات کے مطابق تھانہ ظاہرپیرکے علاقہ موضع ملک پو رکی بستی کے رہائشی اغوا ،چوری ،ڈکیتی اور اراضی پر قبضوں کے کئی واقعات میں ملوث جرائم پیشہ افراد ربنواز،خالد اور عابد نے تھانہ ظاہر پیر کے ایس ایچ او سیف اللہ کورائی کو بھی مبینہ طور پر بھاری رشوت دیکر خرید لیا ہے جس نے عدالتی احکامات بھی نذر انداز کرنا معمول بنا لیا ،پچھلے دنوں جرائم پیشہ گروہ کے سرغنہ ربنوازاوراس کے ساتھی خالد اور عابد وغیرہ نے موضع ملک پو رکی بستی نون کے غریب محنت کش جمیل احمدکی اراضی پر ناجائز طورپر قبضہ کرنے کیلئے دھاوا بولا تو انہوں نے پولیس تھانہ ظاہر پیرسے مدد مانگی لیکن پولیس کی جانب سے کسی قسم کی مدد نہیں کی اس دوران قبضہ مافیا کے ان ارکان نے اندھا دھند فائرنگ کرکے علاقہ میں دہشت کی علامت بن گئے لیکن اس کے باوجود پولیس ملزمان پر مہربان ہوگئی اور ان کے خلاف کسی قسم کی کاروائی عمل میں نہیں لائی جب کے اس سے قبل جمیل احمدنے عدالت سے حکم امتناعی بھی حاصل کررکھا تھاجو ظاہر پیر پولیس کو دکھایا گیا لیکن ظاہر پیر پولیس نے عدالت کے اس حکم کو ماننے سے بھی صاف انکار کردیامتاثرہ جمیل احمدنے کہاکہ ربنواز وغیرہ نے میرے گھر گھس کر مجھ سمیت میرے تمام اہلخانہ پر قاتلانہ حملہ کیا ہے جس کی وجہ سے ہم اہلخانہ نے نامعلوم مقام پر پناہ لے رکھی ہے،انہوں نے بتایا کہ ہم جب بھی اپنے گھر گئے تو قبضہ مافیا کے ارکان ہم پر حملہ آور ہوکر ہمیں علاقہ بدر کردیتے ہیں جس کی وجہ سے مجھے اورمیرے تمام اہلخانہ کو جان کا خطرہ ہے کیونکہ پولیس پیسوں کی لالچ میں ان جرائم پیشہ عناصر کا ساتھ دے رہی ہے انہوں نے کہاکہ ہم کئی بار خو دپر قاتلانہ حملے کی درخواستیں ا ور اپنی اراضی کا حکم امتناعی لے کر ایس ایچ او تھانہ ظاہر پیر سیف اللہ کورائی کے پاس گئے لیکن وہ یہ کہہ کر کاروائی سے صاف انکار کردیتاہے کہ میں کسی عدالت کے حکم کو نہیں مانتا جو عدالتی حکم مانتے ہیں وہ پولیس افسر کمزور ہوتے ہیں ،ادھر متاثرہ خیر محمد نے بتایاکہ ربنواز وغیرہ نے میری پانچ کنال گیارہ مرلے رقبہ پر ناجائز طورپر قبضہ کررکھاہے کئی بارایس ایچ او سیف اللہ کورائی کے پاس ارداس لے کرگیا لیکن انہوں نے مجھے الٹادھکے دیکر تھانہ سے نکال دیا اور یہ بھی کہہ دیا کہ ربنواز کی مخالفت آپ کو مہنگی پڑے گی جبکہ شفیق احمد نے بتایا کہ میری4کنال 10مرلے رقبہ اراضی پر ربنواز وغیرہ قابض ہیں اور یہ قبضہ ربنواز وغیرہ نے مقامی پولیس کی سرپرستی میں کیا ہے اسی طرح جام عبدالحمید کی 2کنال 9مرلے اور خلیل احمد کی 28کنال اراضی پر یہی قبضہ گروپ ناجائز طورپر قابض ہے لیکن پولیس ان کے سامنے بے بس چلی آرہی ہے،یہ قبضہ گروپ پولیس کی سرپرستی کی وجہ سے علاقہ میں دہشت کی علامت بنا ہوا ہے اور جس کو چاہیں پولیس کی نگرانی میں علاقہ بدر کردیتا ہے، متاثرین نے وزیراعلی پنجاب عثمان بزدار اور آئی جی پنجاب سے کرپٹ اور راشی افسیرسیف اللہ کورائی کے خلاف سخت ترین نوٹس لینے کا مطالبہ کیا ہے۔

لاہور (خبر نگار) روزنامہ خبریں کے چیف ایڈیٹر ضیا شاہد کے جواں سال بیٹے عدنان شاہد مرحوم کو اس دنیا سے بچھڑے 12سال بیت گئے لیکن ان کی یاد آج بھی اخبار کے قارئین اور اخبار سے وابستہ لوگوں کی دلوں میں تازہ ہے وہ ایک ایسی شخصیت تھے جن کو بھولنا ممکن ہی نہیں بلکہ ناممکن ہے ۔گزشتہ روز ان کی روح کے ایصال ثواب کےلئے قران خوانی لاہور سمیت کراچی ،اسلام آباد ،ملتان ،مظفرآباد ،آزاد کشمیر ،پشاور ،حیدرآباد ،سکھر ،کوئٹہ ،لاڑکانہ ،کندھ کوٹ ،فیصل آباد ،گجرانوالہ ،سیالکوٹ ،شیخوپورہ ،قصور ،سرگودھا ودیگر شہروں میں کرائی گئی اور دعائیہ تقریبات بھی منعقد کرائی گئیں ۔برسی کی مین تقریب لاہور ہیڈ آفس میں ہوئی جس میں چیف ایڈیٹر روزنامہ خبریں ضیا شاہد‘ نوفل اویس شاہد ،عبدالواسع شاہد، معاذعمران علوی ،جنرل منیجر آپریشن خبریں فرقان ہاشمی ،میاں اکبر‘ ایڈمن خبریں ارسلان ،کامران سرفراز چینل 5 اور خبریں وچینل 5آفس کے تمام سٹاف نے شرکت اس موقعہ پر قران خوانی کی گئی اور مرحوم عدنان شاہد کی روح کے ایصال کےلئے دعا بھی کرائی گئی ۔اس موقعہ پر چیف ایڈیٹر ضیا شاہد نے اپنے جواں بیٹے عدنان شاہد مرحوم کے حوالے سے بات کرتے ہوئے کہا کہ مجھے آج بھی یہی لگتا ہے کہ عدنان یہاں موجود ہے اس کی یادیں مجھ سے بھلائی نہیں جاسکتیں۔ عدنان نہ صرف زندگی کے تمام رنگوں سے بھرپور تھا بلکہ وہ انسانیت کی خدمت کر نے میں بھی پیش پیش تھا اللہ اس پر کروٹ کروٹ رحمتیں نازل کرے اور بروز محشر اللہ تعالیٰ جنت الفردوس میں جگہ عطا کرے امین اپنے بیٹے کے حوالے سے گفتگو کرتے ہوئے ضیا شاہد آبدیدہ ہوگئے ۔واضح رہے مرحوم عدنان شاہد دس فروری 2007ءکو عارضہ دل کی وجہ سے اس دنیا سے انتقال کر گئے تھے اللہ تعالیٰ ان کے والدین اور ان کے اہل وعیال کو صبر جمیل عطاءکرے آمین ۔