اسلام آباد (تجزیہ نگار) موسم سرما کی برفباری دیکھنے کیلئے ہزاروں کی تعداد میں لوگوں نے مری پر ہلہ بول دیا۔ جہاں بے پناہ رش کے باعث زبردست ٹریفک جام اور غلط پارکنگ کا ایک شدید طوفان بدتمیزی دیکھا جا رہا ہے۔ راولپنڈی ٹریفک پولیس کی رپورٹ کے مطابق اس وقت مری میں برفباری دیکھنے والوں کی 83 ہزار گاڑیاں مری کے پہاڑی علاقوں میں موجود ہیں جس کی وجہ سے پورے علاقے میں خوفناک حد تک ٹریفک جام ہے اس کے ساتھ ساتھ گاڑیوں کی بہت بڑی تعداد آ جانے کے باعث بے ہنگم اور غلط پارکنگ کے مناظر دیکھنے میں نظر آ رہے ہیں اور ایک طوفان بدتمیزی ہے جو سیر کے نام پر جاری ہے۔ ایک رپورٹ کے مطابق مری میں صرف 4 ہزار گاڑیوں کی پارکنگ کا انتظام ہے۔

قصور (بیورو رپورٹ) قصور کے نواحی علاقہ میں میں پولیس گردی کے ایک اور بدترین واقعہ میں مبینہ تشدد کے نتیجہ میں بیوہ خاتون جابحق ہوگئی علاقہ کے لوگوں نے پولیس کے اس بہیمانہ رویے کے خلاف روڈ بلاک کردی اور پولیس کے خلاف نعرے بازی کرتے رہے بتایا گیا ہے کہ بھوئے آصل کے علاقہ میں پولیس کا چھوٹا تھانیدار محمد اسلم دیگر ملازمین کے ہمراہ دیواریں پھیلانگ کر گزشتہ رات بیوہ زینب بی بی کے گھر میں داخل ہوا اور اس کے چودہ سالہ بیٹے افضل اور شہزاد جو ہائی سکول کے طالب علم ہیں کو پکڑ کر لیجانے لگے جس پر دونوں لڑکوںکی والدہ زینب بی بی نے مزاحمت کی تو پولیس اہلکاروںنے مذکورہ خاتون کو تشددکانشانہ بنانا شروع کر دیا جس کے نتیجہ میں زینب بی بی کی ہلاکت ہوگئی جس سے پولیس اہلکار گھبرا گئے اور عوامی غم وغصہ سے بچنے کے لیے دونوں لڑکوں کو چھوڑ کر موقع سے فرار ہوگئے روزنامہ خبریںنے جب ا س سلسلہ میں ایس ایچ او چھانگا مانگا میاںمحمد ادریس سے رابطہ کیا تو انہوںنے کہا کہ زینب بی بی کا ایک بیٹا ریکارڈ یافتہ ہے جس کی گرفتاری کے لیے چھاپہ مارا گیا تھا اور اسی دوران زینب بی بی کی دل کا دورہ پڑنے کے باعث ہلاک ہوئی ہے پولیس نے مذکورہ خاتون پر کوئی تشدد نہیںکیا جبکہ زینب بی بی کو دفن بھی کیاجاچکا ہے جبکہ علاقہ کے لوگوںکا کہنا ہے کہ پولیس نے زینب بی بی کے رشتہ داروں اور علاقہ کے لوگوںکے احتجاج کے باوجود زینب بی بی کا پوسٹمارٹم نہیں کرایا اورعجلت میں اختیارات کا ناجائز استعمال کرتے ہوئے زینب بی بی کو دفن کر دیا گیا ہے علاقہ کے لوگوںنے وزیر اعلیٰ پنجاب، آئی جی پنجاب اور ڈی پی او قصور سے مطالبہ کیا ہے کہ اس واقعہ کے ذمے دار ملازمین کے خلاف قتل کا مقدمہ درج کرکے قانونی کارروائی عمل میں لائی جائے بصورت دیگر ہم ڈی پی او آفس قصور کے سامنے تامرگ بھوک ہڑتال کر دیںگے۔

اسلام آباد(ویب ڈیسک) وفاقی وزیر ریلوے شیخ رشید احمد کا کہنا ہے کہ پبلک اکاﺅنٹس کمیٹی کی چیئرمین شپ کے معاملے پر عمران خان کے ساتھ نہیں ہوں۔ذرائع سے گفتگو کرتے ہوئے عوامی مسلم لیگ کے سربراہ و وفاقی وزیر ریلوے شیخ رشید کا کہنا تھا کہ شہباز شریف کو چیئرمین پبلک اکاﺅنٹس کمیٹی لگانے والے پچھتائیں گے۔انہوں نے کہا کہ پبلک اکاﺅنٹس کمیٹی کی چیئرمین شپ کے معاملے پر عمران خان کے ساتھ نہیں ہوں، ہم کوئی غنیمت کا مال تھے کہ 7سال جیل کاٹی اور 3سال میں پروڈکشن آرڈر ہوئے۔ان کا کہنا ہے کہ لعنت ہے ایسے نظام پر جس مں چور اور چوکیدار ایک ہی صف میں کھڑے کردیئے گئے ہیں، میں سپریم کورٹ جا رہا ہوں، جہاں پاناما کا کیس لڑا اور اب دوسرا لڑنے جا رہا ہوں وفاقی وزیر نے کہا کہ سانپ اور شہباز شریف اکھٹے آرہے ہوں تو پہلے سیاسی طور پر شہباز شریف کو مارو، یہ چوری بھی کریں اور اپوزیشن لیڈر بھی بنیں۔ ان کا کہنا تھا کہ اسپیکر کا فیصلہ ہے میں کچھ نہیں کہتا لیکن ریمانڈ کے وقت چیئرمین پی اے سی بنایا جانا درست نہیں۔انہوں نے مزید کہا کہ اگر یہ نظام چلتا تو یہ جیل میں ہوتے اور نیا پاکستان یہ ہے کہ قلندر باہر پھریں، قانون کے تحت چور اندر جائیں، عمران خان کا حقیقی دوست ہوں اور دوست وہ ہے جو صحیح مشورہ دے۔شیخ رشید کا کہنا ہے کہ شہباز شریف کو چیلنج کرتاہوںآجائیں ثابت کروں گا کہ وہ این آر او کے متلاشی ہیں اورپی اے سی چیئرمین بننا اس کا پہلا قدم ہے۔ایک سوال کے جواب میں انہوں نے کہا کہ رانا ثناءاللہ نیب جائیں یا الیکشن کمیشن یہ ان کا حق ہے۔

لاہور(ویب ڈیسک) صوبائی وزیر اطلاعات فیاض الحسن چوہان کا کہنا ہے کہ 40 سال سے ملک لوٹنے والے چور احتساب کے شکنجے میں آئے تو غصہ عمران خان پر نکال رہے ہیں۔پی پی چیئرمین بلاول بھٹو زرداری کے بیان پر ردعمل میں فیاض الحسن کا کہنا تھا کہ زرداری نے کہا تھا کون ثابت کرسکتا ہے کہ جعلی اکاﺅنٹس ان کے ہیں؟ زرداری نے کہا تھا کہ جعلی اکاﺅنٹ ثابت ہوگیا تو قصور اس کا ہوگا جس کے نام پر ہوگا۔انہوں نے کہا کہ یہ رویہ جن لیڈروں کا ہو اس پر کون کان دھرے گا؟ جس کی کرپشن کی دم پر پاﺅں آتا ہے تو وہ کہتا ہے کہ پاکستان کا خزانہ خالی ہے۔ان کا کہنا ہے کہ جس کی کرپشن کی دم پر پاﺅں آتا ہے تو وہ کہتا ہے کہ عمران خان ناتجربہ کار ہیں اور وہ کہتا ہے جمہوریت خطرے میں ہے۔فیاض الحسن کا کہنا تھا کہ جس کی کرپشن کی دم پر پاﺅں آتا ہے تو وہ کہتا ہے کہ 18 ویں ترمیم خطرے میں ہے، بکرے کی ماں کب تک خیر منائے گی کبھی تو چھری کے نیچے آئے گی۔انہوں نے مزید کہا کہ 40 سال سے ملک لوٹنے والے چور احتساب کے شکنجے میں آئے تو غصہ عمران خان پر نکال رہے ہیں، نہ ہم نے چیئرمین نیب کو لگایا نہ نیب کا کوئی چپڑاسی بھرتی کیا بلکہ زرداری کے خاص غلام خورشید شاہ اور نواز شریف کے غلام شاہد خاقان عباسی نےنیب کا چیئرمین بنایا۔فیاض الحسن کا کہنا ہے کہ نیب ان کی چوریاں پکڑ رہی ہے تو غصہ عمران خان اور پاکستان پر نکال رہے ہیں، مریم اورنگزیب کا اپنے قائدین کے ہجرو وصال میں رونا دیکھ کر دکھ ہوا، کاش یہ رولا اس وقت رولیتیں جب آل شریف کا خاندان لوٹ مار کرنے میں لگا ہوا تھا۔ان کا کہنا تھا کہ حمزہ شہباز کو پنجاب اور مریم نواز کو پورا پاکستان لوٹنے میں لگایا ہوا ہے، مریم اورنگزیب اس وقت درد دل دکھا دیتیں تو یہ ویڈیو وائرل کرنے کی ضرورت نہ پڑتی۔ یاد رہے کہ پی پی چیئرمین بلاول بھٹو نے لاہور میں پریس کانفرنس کرتے ہوئے کہا تھا کہ حکومت نا تجربہ کار ہے، نہ وفاق میں کردار ادا کر سکتی ہے اور نہ ہی پنجاب چلا سکتے ہیں۔