لاہور (ویب ڈیسک ) سوندھی خوشبو اور ہرے پتوں والی میتھی موسمِ سرما کی خاص سوغات ہے۔یہ صحت کے لیے بہت مفید سبزی ہے۔میتھی سے کئی قسم کی ڈشیں بنائی جاتی ہیں ،مثلاً میتھی آلو ،میتھی قیمہ اور میتھی کے پراٹھے وغیرہ۔میتھی سے بنے کھانے خوش ذائقہ اور غذائیت سے بھر پور ہوتے ہیں۔یہ بہت ذوق وشوق سے ہر گھر میں پکائے اور کھائے جاتے ہیں۔
میتھی اور پالک کوگوشت کے ساتھ بھی پکایا جاتا ہے۔یہ ڈش بہت مزے دار ہوتی ہے۔وہ افراد جو خون کی کمی اور کم زوری کا شکار ہوں ،ان کے لیے یہ مفید ڈش ہے۔
چہرے کی رنگت نکھارنے اور چمک پیدا کرنے کے لیے میتھی اور ٹماٹر کو ہلکی آنچ پر پکا کر کھا یا جائے تو فائدہ ہوتا ہے۔بالوں کی بھر پور نشوونما اور افزایش کے لیے بھی میتھی کو اپنی غذاو¿ں میں زیادہ شامل کرنا چاہیے
۔

مختلف کھانوں میں سوکھی میتھی بھی شامل کی جاتی ہے ،جس سے ذائقے اور لذت میں اضافہ ہوتا ہے۔کمر اور جوڑوں کے درد میں اگر میتھی دانے کی کھچڑی پکا کر دیسی گھی کے ساتھ کھائی جائے تو فائدہ ہوتا ہے۔
میتھی بھوک بڑھاتی اور ہاضمے کو بہتر کرتی ہے۔
میتھی دانوں کا قہوہ پینے سے حلق کے امراض د±ور ہوجاتے ہیں۔قہوہ بنانے کے لیے دو گلاس پانی لے کر اس میں ایک کھانے کا چمچہ میتھی دانہ شامل کرکے اس قدر جوش دیں کہ ایک گلاس پانی رہ جائے۔
پھر اس میں شہد ملا کر پییں ،کھانسی میں افاقہ ہوتا ہے۔اس کے علاوہ حلق کی سوزش ،بلغم اور گلے میں درد کی شکایات کا بھی خاتمہ ہوجاتا ہے۔دمے میں مبتلا افراد کو بھی یہ قہوہ فائدہ پہنچاتا ہے۔
جن افراد کو چکر آتے ہوں ،نقاہت محسوس ہوتی ہویا تھکن کا شکار ہوں ،ان کے لیے بھی میتھی ٹانک کا کام کرتی ہے ،کیوں کہ اس میں فولاد ہوتا ہے۔بڑھتے ہوئے،خاص کر اسکول جانے والے بچوں کو بھی میتھی ضرور کھلانی چاہیے۔

لاہور (ویب ڈیسک ) شہد کی افادیت واہمیت سے کون واقف نہیں۔زمانہ قدیم سے اسے غذا اور دوادونوں صورتوں میں استعمال کیا جارہا ہے۔اکثر اسے نیم گرم پانی میں شامل کرکے نہار منہ پینے کا مشورہ بھی دیا جا تا ہے۔اس میں کوئی شک نہیں کہ اس طرح شہد کی غذائیت اور اس سے جسم کو حاصل ہونے والے فوائد مزید بڑھ جاتے ہیں۔شہد ملا نیم گرم پانی پینے سے آپ کو اپنی صحت میں حیرت انگیز مثبت تبدیلیاں نظر آئیں گی۔ذیل میں وہ فوائد درج کیے جارہے ہیں ،جو پانی میں شہد ملا کر پینے سے حاصل ہوتے ہیں :وزن کم کرنے کی خواہش مند افراد اگر صبح کے وقت ایک گلاس نیم گرم پانی میں شہد ڈال کر پییں تو ان کا وزن تیزی کے ساتھ کم ہونے لگے گا۔عموماً تقلیل غذا (ڈائٹنگ )کرنے والے افراد کو شہد کے ساتھ لیموں کے چند قطرے بھی نیم گرم پانی میں ڈال کر پینے کے لیے کہا جاتا ہے۔اس سے جسم کا کو لیسٹرول کم ہوتا ہے۔اس کے علاوہ جسم کو توانائی بھی حاصل ہوتی ہے۔بہترین نتائج کے لیے شہد کو نیم گرم پانی میں شامل کرکے صبح نہار منھ یارات سونے سے پہلے پینا چاہیے۔
کھانسی میں آرام
کھانسی کی وجہ عام طور پر گلے میں ہونے والی خارش یا خشکی ہوتی ہے۔شہد ملا نیم گرم پانی پینے سے سانس کی نالی صاف ہو جاتی ہے اور سینے سے بلغم بھی خارج ہوجاتا ہے۔
کھانسی ختم کرنے کے لیے ایک چمچہ شہد میں لیموں کے چند قطرے نیم گرم پانی میں ڈال کر پیے جا سکتے ہیں۔اس سے کھانسی کی تکلیف دور ہو جاتی ہے اور آرام ملتا ہے۔
نظام ہضم میں بہتری کے لیے
عموماً نظام ہضم میں خرابی معدے میں پیدا ہونے والی تیزابیت کی وجہ سے ہوتی ہے۔اس کے علاوہ معدے کے تعدیے (انفیکشن)یا قبض کی وجہ سے بھی ہاضمہ خراب ہوسکتا ہے۔
اس خرابی کو د±ورکرنے کے لیے شہد کو نیم گرم پانی میں ڈال کر پینے سے بہت فائدہ ہوتا ہے۔
حسّاسیت سے نجات
شہد جِلد کے لیے بے حد مفید ہے۔اس کو نیم گرم پانی میں ڈال کر پینے سے جِلد اندر سے صاف ہوجاتی ہے۔جِلد پر ہونے والی حسّاسیت (الرجی )کو دور کرنے کے لیے شہد ملے نیم گرم پانی کا پینا فائدہ مند ہے۔اس سے جِلد کی نمی بر قرار رہتی ہے اور خشکی بھی نہیں ہوتی۔
طاقت بخش
شہد پانی کی کمی کو دور کرتا ہے۔جسم میں شہد ملا نیم گرم پانی مناسب مقدار میں رہے تو وہ توانا ،تندرست اور تروتازہ رہتا ہے۔

امریکہ (ویب ڈیسک) امریکی ریاست ٹیکساس میں پولیس نے ٹریفک جرائم سے نمٹنے کے لیے گتے سے بنے ہوئے سپاہی تعینات کردیے۔بین الاقوامی میڈیا کے مطابق کار سواروں کو تیز رفتاری سے روکنے کے لیے انوکھا اقدام کیا گیا ہے، سڑک کے کنارے گتے کے سپاہی لگا دیے گئے ہیں جنہوں نے ہاتھوں میں رفتار چیک کرنے والے آلات پکڑے ہوئے ہیں۔ کار سوار جب دور سے مصنوعی ٹریفک اہل کار کو دیکھتے ہیں تو وہ اسے اصلی پولیس اہل کار سمجھ کر کار کی رفتار کم کرلیتے ہیں۔اس منصوبے کو کامیاب آزمائش کے بعد متعارف کرایا گیا ہے جو کہ پولیس نفری میں کمی کے باعث کارگر ثابت ہونے کا امکان ہے۔

لاہور( ویب ڈیسک ) اس سال کنزیومر الیکٹرونکس شو میں دانتوں سے متعلق مصنوعات بھی پیش کی گئیں۔امریکن ڈینٹل ایسوسی ایشن دن میں 2 بار 2 منٹ تک دانت صاف کرنے کی ہدایت کرتی ہے۔لیکن ایک فرانسیسی کمپنی FasTeesH کا کہنا ہے کہ ایک نئے برش ، Y-Brush ، سے آپ کو ہر روز دانت صاف کرنےکے لیے صرف 10 سیکنڈ درکار ہونگے۔ اس نئے برش کو 10 سیکنڈ ٹوتھ برش کا نام دیا گیا ہے۔عام برش سے تو ہمیں ایک ایک دانت صاف کرنا پڑتا ہے لیکن Y-Brush سے ہم ایک وقت میں اوپر یا نیچے کےتمام دانت ایک ساتھ صاف کر سکتے ہیں۔

یہ برش دیکھنے میں عام برش جیسا دکھائی نہیں دیتا۔ اس کی شکل کھیلوں کے چھوٹے ماو¿تھ گارڈ کی طرح ہے۔
وائی-برش کی ٹرے میں 45 ڈگری کے زاویے سے نائیلون کے ریشے لگے ہیں۔ امریکن ڈینٹل ایسوسی ایشن بھی دانت صاف کرتے ہوئے برش پکڑنے کے لیے یہ زاویہ تجویز کرتی ہے۔

وائی-برش کے لیے چار سائزوں میں ٹرے متعارف کرائی گئیں ہیں جوبچوں سےلیکر کر بالغ افراد کےدانتوں کےمطابق ہے۔
برش ٹرے کے سامنے ایک بڑی موٹر کے ساتھ چھوٹا ہینڈل لگا ہوا ہے۔ یہ موٹر دانتوں کے صفائی کے لیے ارتعاش پیدا کرتی ہے۔ برش میں تین طرح کے ارتعاش (وائیبریشن) کی سیٹنگ ہیں۔ صارفین خود ہی ان میں سے اپنے لیے آرام دہ سیٹنگ کا انتخاب کر سکتے ہیں۔ اس برش کے ہینڈل اور ٹرے کی شکل انگریزی کے حرف Yسےملتی ہے، اسی وجہ سے اس برش کو وائی – برش کا نام دیا گیا ہے۔

اس برش کو استعمال کرنے کے لیے اس کی ٹرے میں ٹوتھ پیسٹ لگا کر اسے منہ میں جبڑے کے اوپر رکھنا پڑتا ہے۔ موٹر چلانے میں برش میں ارتعاش پیدا ہوتا ہے، جس سے آپ کے جبڑے، چبانے کی طرح حرکت کرتے ہیں۔ پانچ سیکنڈ کے بعد برش کو بند کر کے اس کا رخ بدل لیں اور پھر پانچ سیکنڈ کے لیے موٹر چلا دیں۔
وائی برش کو ابھی طبی مقاصد کے لیے استعمال کیا جا رہا ہے۔ امریکا میں ابھی امریکن ڈینٹل ایسوسی ایشن نے اس جائزہ نہیں لیا۔
وائی-برش کی قیمت 125 ڈالر ہے۔ اس قیمت میں برش کے ساتھ ایک ہینڈل، ایک چارجنگ سٹیشن، سٹوریج پوڈ اور ٹوتھ پیسٹ ایپلی کیٹر ملے گا۔

لاہور (ویب ڈیسک ) دنیا کی پہلی اسمارٹ واچ جسے چارجنگ کی ضرورت نہیں کیونکہ یہ سورج کی روشنی اور جسمانی حرارت سے ہی چارج ہوجاتی ہے۔لاس ویگاس میں کنزیومر الیکٹرونکس شو کے دوران میٹرکس پاور واچ 2 کو متعارف کرایا گیا تھا جس میں دل کی دھڑکن پر نظر رکھنے، قدموں کو گننا، آل ویز آن ریفلیکٹو کلر اسکرین، 200 میٹر واٹر ریزیزٹنس، نوٹیفکیشنز اور جی پی ایس جیسے فیچرز تو موجود تھے۔مگر اس کی خاص بات اس کی بیٹری چارجنگ خصوصیات ہیں کیونکہ یہ مکمل طور پر شمسی توانائی اور جسم سے خارج ہونے والی حرارت پر کام کرتی ہے۔اس اسمارٹ واچ کو تیار کرنے والی کمپنی میٹرک پہلے ہی ایسی فٹنس واچز تیار کرچکی ہے جن میں چارجنگ کی ضرورت نہیں مگر اتنے فیچرز اس میں پہلے نہیں دیکھے کیونکہ میٹرکس پاور واچ میں صرف قدموں کی ٹریکنگ اور وقت ہی دیکھا جاسکتا تھا۔مگر اب نئی اسمارٹ واچ میں سولر چارجنگ کا اضافہ کیا گیا جبکہ تھرمو الیکٹرک ٹیکنالوجی کے باعث یہ گھڑی مختلف فٹنس ٹریکرز کو چیلنج دینے کی پوزیشن میں آگئی ہے۔اس گھڑی میں 1.2 انچ ڈسپلے دیا گیا ہے جبکہ ریفلیکٹو سولر رنگ بھی واچ ڈسپلے میں موجود ہے۔یہ اسمارٹ واچ ایپل ہیلتھ کٹ اور گوگل فٹ پر کام کرسکتی ہے جبکہ تھرڈ پارٹی فٹنس ایپس سے بھی اسے کنکٹ کیا جاسکتا ہے۔کمپنی کے مطابق اس میں ایمبیک اپالو 3 پراسیسر موجود ہے جبکہ کمپاس ہارٹ ریٹ مانیٹرنگ اور جی پی ایس بھی دیا گیا ہے مگر اس میں میوزک پلے بیک سپورٹ موجود نہیں۔اس گھڑی کی قیمت 200 ڈالرز رکھی گئی ہے جس کے پری آرڈر انڈیگوگو پر دیئے جاسکتے ہیں جبکہ رواں سال کے آخر میں یہ ریٹیل میں 499 ڈالرز میں دستیاب ہوگی۔

لاہور( ویب ڈیسک ) اسمارٹ فونز تو آپ نے بہت دیکھیں ہوں گے مگر کوئی بھی چینی کمپنی ویوو کی نئی کانسیپٹ ڈیوائس کا مقابلہ نہیں کرسکتا جو اپنی مثال آپ ہے۔اس کمپنی نے گزشتہ سال اپنے اسمارٹ فون اپیکس کی اسکرین، کیمرے اور دیگر فیچرز سے لوگوں کو دنگ کردیا تھا مگر اب لگتا ہے کہ ویوو اسمارٹ فون ڈیزائن کا نیا معیار طے کرنے والی ہے جس کا ابھی دیگر کمپنیوں نے تصور بھی نہیں کیا ہوگا۔جیسا ذکر کیا جاچکا ہے کہ ویوو نیکس حیران کن ڈیزائن والا فون تھا جبکہ اس کا نیکس ڈوئل ڈسپلے ایڈیشن اس سے بھی زیادہ حیران کن تھا۔مگر یہ کمپنی یہاں پر ہی رکنے والی نہیں بلکہ ایک واٹر ڈراپ نامی فون پر کام کررہی ہے جس کا لوگوں نے کبھی ماضی میں تصور کیا ہوگا۔اسمارٹ فونز تفصیلات لیک کرنے کے لیے معروف ٹوئٹر صارف آئس یونیورس نے دی واٹر ڈراپ فون کی چند تصاویر لیک کی ہیں اور اس کا ڈیزائن دیکھ کر آپ ضرور حیران ہوں گے۔اس صارف نے اپنے ٹوئیٹ میں لکھا ‘کریزی فون لیک ہونا شروع، یہ ویوو کا ایک پراسرار اسمارٹ فون ہے جس کا کوڈ نام دی واٹر ڈراپ ہے’۔ٹوئٹر پر اس فون کی پوسٹ کی گئی دونوں تصاویر میں پورا ڈیزائن تو نظر نہیں آتا بلکہ 50 فیصد سے بھی کم حصہ دکھایا گیا مگر اس سے عندیہ ملتا ہے کہ یہ مکمل طور پر گلاس فون ہے جس کے ارگرد ایجز دیئے گئے ہیں۔اس میں کوئی بٹن اور پورٹ ہول نظر نہیں آرہا جس سے ذہن میں کئی سوالات ابھرتے ہیں کہ فرنٹ کیمرہ اور سنسر کہاں جائیں گے یا بیک کیمرے کا کیا ہوگا ؟یقیناً وائرلیس چارجنگ، اسکرین میں فنگرپرنٹ اسکینر اور بلیوٹوتھ آڈیو دینا ممکن ہے مگر ڈیٹا ٹرانسفر اور کیمروں کے لیے تو فون ڈیزائن میں سوراخ کی ضرورت ہوتی ہی ہے۔آئس یونیورس کے مطابق اس طرح کے فون ڈیزائن کو آپ نے کبھی نہیں دیکھا ہوگا اور یہ موبائل فونز کی تاریخ میں اپنی نوعیت کا پہلا فون ہوگا۔تاہم ٹوئٹر صارف نے یہ نہیں بتایا کہ اس فون کو کب تک متعارف کرایا جائے گا یا اس کا اعلان ہوگا۔