لاہور (ویب ڈیسک ) سماجی رابطے کی ویب سائٹ ٹوئٹر اب مکمل طور پر بدل جانے والی ہے اور اب اس کا نیا ڈیزائن اکثر صارفین کے لیے دستیاب ہے تاکہ اسے صارفین کے لیے زیادہ پرکشش بناسکے۔کمپنی کی جانب سے ٹوئٹر کے ری ڈیزائن ویب ورڑن کی آزمائش گزشتہ سال ستمبر سے کی جارہی تھی مگر اب اسے عام صارفین کے لیے متعارف کرانے کا سلسلہ شروع کردیا گیا ہے۔اس ری ڈیزائن کے بعد ٹوئٹر میں بک مارکس، ایکسپلور ٹیب اور ایک نیا ڈیٹا سیور موڈ بھی متعارف کرایا گیا ہے۔اکثر صارفین کو اس ری ڈیزائن کو استعمال کرنے کا موقع بھی فراہم کیا جارہا ہے جو کہ سائٹ کے دائیں جانب اوپر موجود ہے جس پر ٹیک اے لک پر کلک کرنا ہوگا۔اس پر کلک کرنے کے بعد ٹوئٹر پیج مکمل طور پر بدل جائے گا اور یہ صحیح معنوں میں سفید ہوجائے گی۔اس ری ڈیزائن میں نئے ٹوئیٹس خودکار طور پر شو ہوجائیں گے اور آپ کو بار بار کلک نہیں کرنا ہوگا۔اس نئے ری ڈیزائن میں ٹوئٹر کی جانب سے متعدد اچھے اضافے کیے جارہے ہیں۔اس نئے ڈیزائن میں سب سے پہلے تو آپ کو محسوس ہوگا کہ ٹوئٹر اب بہت زیادہ سفید ہوچکی ہے بالکل ویسا ہی ڈیزائن جیسا ایک سال قبل فیس بک نے متعارف کرایا تھا، جس کا مقصد سائٹ کو کلینر لک دینا ہے۔اسی طرح ٹرینڈنگ ٹاپکس کو بائیں سے دائیں جانب منتقل کیا گیا ہے جو کہ فالو سجیشن کے نیچے چلے گئے ہیں، اسی طرح پروفائل فوٹو، ٹوئٹس اور فالورز کی تعداد وغیرہ کا سیکشن بھی ختم کردیا گیا ہے۔آسان الفاظ میں بائیں جانب اب سب کچھ ہٹا دیا گیا ہے۔اسی طرح ٹوئیٹ کمپوز نیا بٹن دائیں جانب ٹرینڈنگ ٹاپکس کے نیچے دیا گیا ہے تو سائٹ میں اسکرولنگ کے دوران اوپر جاکر ٹوئیٹ کرنے کی ضرورت نہیں ہوگی جو کہ ایک اچھا اضافہ ہے۔اسی طرح بک مارکس کا فیچر اب موبائل کے علاوہ ڈیسک ٹاپ ورڑن میں بھی پیش کیا جارہا ہے جبکہ ایکسپلور ٹیب مومنٹس سیکشن کی جگہ لے گا۔ویب سائٹ میں نیا ڈیٹا سیور موڈ دیا گیا ہے جو کہ ویب سائٹ پری ویو اور امیجز کو خودکار طور پر لوڈ ہونے سے روکے گا اور یہ فیچر سلو کنکشن والے صارفین کے لیے فائدہ مند ہوگا۔

اسی طرح نائٹ موڈ کا اضافہ بھی کیا گیا ہے تاکہ کم روشنی سے مانیٹر سے خارج ہونے والی نیلی روشنی بینائی کے لیے نقصان دہ ثابت نہ ہو۔

اسکرین شاٹ
اسکرین شاٹ
ڈائریکٹ میسج کے فیچر کو بھی پہلے کے مقابلے میں زیادہ بہتر کیا جارہا ہے۔

فی الحال یہ ری ڈیزائن محدود تعداد میں صارفین کو دستیاب ہے اور ہر ایک تک اسے پہنچنے میں کچھ وقت لگے گا۔

دوسری جانب ٹوئٹر کی موبائل ایپ میں بہت جلد کلر کوڈڈ رئیپلائی کا فیچر بھی صارفین کے لیے فراہم کیا جائے گا جیسے کسی اکا?نٹ کو فالو کرنے والے افراد جب کسی میسج پر رئیپلائی کریں گے تو ایک گرین لیبل نظر آئے گا جبکہ ایسے صارفین جو فالو نہیں کررہے ان کے جوابی پیغام بلیو لیبل میں ہوں گے۔

ٹوئٹر بہت جلد ہارٹ اور فیورٹ آئیکونز بھی نیوزفیڈ سے غائب کردے گی اور یہ صرف کسی مخصوص ٹوئیٹ پر کلک کرنے پر ہی نظر آئیں گے، اس اقدام کا مقصد سماجی رابطے کی اس ویب سائٹ کو مقبولیت کے مقابلے کا پلیٹ فارم بننے سے بچانا ہے۔

لاہور (ویب ڈیسک ) سام سنگ کو اس وقت چینی کمپنیوں کے سستے اسمارٹ فونز کی وجہ سے کافی مشکلات کا سامنا ہے اور اس کے لیے وہ ایک نئی سستی مڈرینج ڈیوائسز کی سیریز کو حل سمجھ رہی ہے۔سام سنگ کی نئی گلیکسی ایم سیریز کے اولین 3 فونز رواں ماہ کی 28 تاریخ کو بھارت میں متعارف کرائے جارہے ہیں۔سام سنگ کی جانب سے کیے گئے اعلان کے مطابق یہ تین فونز ایم 10، ایم 20 اور ایم 30 ہوں گے جن میں سام سنگ کا نیا انفٹنی وی ٹیئر ڈراپ ڈسپلے دیا جائے گا۔بنیادی طور پر یہ ٹیئر ڈراپ ڈسپلے واٹر ڈراپ جیسا نوچ ہے اور حیران کن طور پر سام سنگ پہلی بار اپنے فونز میں نوچ دے رہی ہے حالانکہ ماضی میں اس کا مذاق بھی اڑاتی رہی ہے۔یہ تینوں فونز درحقیقت بھارت کو مدنظر رکھ کر ہی تیار کیے گئے ہیں جہاں سام سنگ کو شیامی کے ہاتھوں مارکیٹ شیئر میں شکست کا سامنا کرنا پڑا ہے۔گلیکسی ایم سیریز کے ان فونز کے فیچرز تو فی الحال سامنے نہیں آسکے۔مگر ایمازون انڈیا میں جاری تفصیلات کے مطابق یہ فونز ڈوئل بیک کیمرہ سیٹ اپ سے لیس ہوں گے۔اسی طرح فنگرپرنٹ سنسر بیک پر موجود ہوگا، یو ایس بی ٹائپ سی اور ہیڈ فون جیک موجود ہوگا۔ایک انٹرویو میں سام سنگ بھارت کے سنیئر نائب صدر عاصم وارثی نے بتایا تھا کہ یہ کمپنی کے ‘سستے فونز’ ہوں گے جن کی قیمتیں 10 سے 20 ہزار بھارتی روپے (19 سے 40 ہزار پاکستانی روپے) کے درمیان ہوں گی۔یہ بھی پڑھیں : سام سنگ ایس 10 فون 5 مختلف ورڑن میں متعارف ہوگا؟ان کا کہنا تھا کہ ان فونز میں بڑی بیٹریوں کے ساتھ تیز چارجنگ سپورٹ بھی دی جائے گی۔گزشتہ سال سام سنگ نے اعلان کیا تھا کہ وہ اپنے نئے فیچرز کو فلیگ شپ فونز سے پہلے مڈرینج فونز میں متعارف کرانے کی حکمت عملی اپنارہی ہے۔اس حکمت عملی کے تحت کمپنی نے دنیا کا پہلا 4 بیک کیمروں والا فون گلیکسی اے 9 متعارف کرایا جبکہ گلیکسی اے 8 وہ پہلا فون تھا جس میں انفٹنی او ڈسپلے دیا گیا تھا جس میں کیمرہ او شکل کے سوراخ میں موجود ہے۔

اب گلیکسی ایم اس کمپنی کی وہ پہلی سیریز ہے جس میں نیا ٹیئر ڈراپ ڈسپلے دیا جارہا ہے۔

لاہور (ویب ڈیسک ) نوکیا فونز کی فروخت کا لائسنس رکھنے والی کمپنی ایچ ایم ڈی گلوبل نے 2017 میں 3310 جبکہ گزشتہ سال 8110 نامی پرانے موبائل فونز کو نئی شکل میں متعارف کرایا تو وہ 2019 میں ماضی کی کس ڈیوائس کو ایک بار پھر پیش کرنے ارادہ رکھتی ہے؟تو اس کا جواب ہے نوکیا این 9۔

اگر آپ کو یاد نہ ہو تو نوکیا این 9 وہ فون ہے جسے 2011 میں متعارف کرایا گیا تھا جسے نوکیا کی تاریخ کے چند بہترین اسمارٹ فونز میں سے ایک قرار دیا گیا تھا اور اب وہ اس سال پھر واپس آنے والا ہے۔

بنیادی طور پر 2011 میں نوکیا این 9 ایک اسمارٹ فون جیسی اسکرین سے لیس تھا جس کی بنیاد پر ہی لومیا ونڈوز فون کو تیار کیا گیا تھا۔

اس فون میں می گو آپریٹنگ سسٹم دیا گیا تھا جبکہ جیسٹر نیوی گیشن انٹرفیس اور ایسے متعدد فیچرز تھے جو اب اینڈرائیڈ فونز میں نظر آتے ہیں۔

مگر نوکیا نے می گو آپریٹنگ سسٹم کو اپنی مستقبل کی ڈیوائسز کا حصہ نہیں بنایا تھا بلکہ ری ڈیزائن این 9 میں کائی آپریٹنگ سسٹم دیئے جانے کا امکان ہے جو کہ حال ہی میں کنزیومر الیکٹرونکس شو میں نظر بھی آیا۔

فوٹو بشکریہ کائی او ایس
نمائش میں نوکیا 8110 بنانا فون اور جیو فیچر فون کے ساتھ نوکیا این 9 جیسا فون تھا جس کے کیپشن میں لکھا تھا یہ کائی او ایس پاور ڈیوائسز ہیں۔

کائی آپریٹنگ سسٹم بنیادی طور پر فیچرز فون میں اسمارٹ فونز جیسی ایپس دینے کے لیے استعمال ہوتا ہے جس میں تمام مقبول اپلیکشنز جیسے فیس بک، واٹس ایپ، گوگل میپس اور اسسٹنٹ سمیت دیگر شامل ہیں۔

اگر این 9 ری لانچ ہوتا ہے تو اس کا ڈیزائن تو کچھ زیادہ مختلف نہیں ہوگا مگر اس میں پہلے سے بہتر پراسیسر، اسٹوریج اور کیمرہ ضرور دیا جائے گا۔

کینیڈا( ویب ڈیسک ) اگر آپ کسی بات یا سبق کو تا دیر یاد رکھنا چاہتے ہیں تو ماہرین نے اس کا سائنسی طریقہ ڈھونڈ نکالا ہے۔ اس کے لیے ضروری ہے کہ آپ اس شے کی کوئی تصویر بنائیں۔ ماہرین نے اس نسخے کو عمر رسیدہ افراد کے لیے انتہائی موزوں قرار دیا ہے کیونکہ اس سے یادداشت بھی بہتر ہوتے دیکھی گئی ہے۔کینیڈا میں یونیورسٹی آف واٹرلو کے ماہرین نے کہا ہے کہ یہ طریقہ الزائیمر اور ڈیمنشیا جیسی کیفیات کو روکنے میں بھی معاون ثابت ہوسکتا ہے تاہم اچھی خبر یہ ہے کہ اس تکنیک کے لیے آپ کو ڈرائنگ کا ماہر ہونے کی ضرورت نہیں بلکہ خاکوں (ڈوڈلنگ) کے ذریعے بھی یادداشت پر اس کے مثبت اثرات مرتب ہوتے ہیں۔یونیورسٹی آف واٹرلو کی ماہر میلیسا میِڈ نے کہا کہ عمر رسیدہ افراد میں ڈرائنگ اور خاکے سے یاد رکھنے کے بہت اچھے نتائج ملے ہیں۔ اب ماہرین نے ڈیمنشیا کے مریضوں کے لیے بھی اسے مو¿ثر پایا ہے جن کی یادداشت اور گفتگو تیزی سے زوال پذیر ہوتی ہے۔اس تحقیق میں 48 مختلف شرکا کو شامل کیا جن میں سے نصف کی عمر 20 سال کے لگ بھگ تھی اور بقیہ نصف کی عمر 80 برس تھی۔ ان شرکا کو مختلف ورزشیں کرائی گئیں۔ پہلے مرحلے میں انہیں کوئی لفظ یا اس لفظ سے وابستہ کوئی تصویر یا خاکہ بنانے کا کہا گیا۔ایک وقفے کے بعد رضا کاروں کو الفاظ دہرانے کا کہا گیا۔ ان میں نوجوانوں نے بوڑھوں کے مقابلے میں قدرے بہتر کارکردگی دکھائی لیکن دونوں گروہوں (جوان اور بوڑھوں ) نے وہ الفاظ سہولت سے دہرائے جن کے انہوں نے خاکے بنائے تھے۔ خاکہ سازی ایک سادہ سا کام ہےجسے روزمرہ زندگی میں اپنایا جاسکتا ہے اور اس سے یادداشت کو بہتر بنایا جاسکتا ہے۔
مثلاً اگر سودا لینے جارہے ہیں تو کوشش کریں کہ دال، چاول اور دیگر اشیا کو لکھنے کی بجائے خاکے بنالیں تو بازار میں جاکر انہیں دہرانے میں آسانی ہوتی ہے۔ماہرین کے مطابق سمعی، بصری، معنوی، زبانی اور حرکتی تجربات میں تصویر سازی سے یاد رکھنے کا عمل سب سے مو¿ثر ہے اور اسی بنا پر خاکہ سازی سے یاد رکھنے کا عمل بہت مو¿ثر ثابت ہوسکتا ہے۔

لاہور ویب ڈیسک ) بلڈ پریشر ایسا خاموش قاتل مرض ہے جو کہ بہت عام بھی ہے جس کے دوران خون کی شریانوں اور اہم اعضاءپر تناﺅبڑھ جاتا ہے جس کے نتیجے میں ہارٹ اٹیک اور فالج جیسے جان لیوا امراض خطرہ بڑھتا ہے۔مگر روزانہ صرف ایک کیلے کو کھانے کی عادت آپ کو ہائی بلڈ پریشر کا مریض بننے سے بچاسکتی ہے۔

یہ بات برطانیہ میں ہونے والی ایک طبی تحقیق میں سامنے آئی۔

ادارے بلڈ پریشر یوکے کی تحقیق کے مطابق کیلا پوٹاشم سے بھرپور پھل ہے جو کہ جسم میں نمکیات کے منفی اثرات کو متوازن کرنے میں مدد دیتا ہے۔

پوٹاشیم ایسا جز ہے جو جسمانی افعال کو مناسب طریقے سے کرنے میں مدد دیتا ہے اور تحقیق کے مطابق ہفتہ بھر میں 3 سے 4 کیلے کھانا بلڈپریشر میں مبتلا ہونے کا خطرہ کم کرنے کے لیے کافی ہے۔

کیلے کاربوہائیڈریٹس ، ٹرائی پتھوفن اور وٹامن بی سکس کے حصول کا بھی اچھا ذریعہ ہیں جبکہ نظام ہاضمہ بہتر ہوتا ہے جس سے بھی بلڈپریشر کو کنٹرول میں رکھنے میں مدد مل سکتی ہے۔

اس سے قبل بھی ایک تحقیق میں یہ دعویٰ سامنے آیا تھا کہ صرف ایک کیلے کو روزانہ کھانا ہارٹ اٹیک اور فالج سے بچانے میں مددگار ثابت ہوسکتا ہے۔

امریکا کی الاباما یونیورسٹی کی تحقیق میں بتایا گیا کہ پوٹاشیم سے بھرپور غذائیں خون کی شریانوں کو سکڑنے یا خون گاڑھا ہونے کے جان لیوا عمل سے تحفظ دینے میں مددگار ثابت ہوسکتی ہے۔

شریانیں سکڑنا کسی بھی فرد میں ہارٹ اٹیک یا فالج کا خطرہ بڑھاتا ہے۔

اس تحقیق میں بتایاگیا کہ پوٹاشیم ان جینز کو ریگولیٹ کرتا ہے جو کہ شریانوں کی لچک کی دیکھ بھال کرتے ہیں۔

یہ بھی پڑھیں : کیلے کا چھلکا پھینکنے کی بجائے یہ فائدہ اٹھائیں

اس تحقیق کے دوران چوہوں کو زیادہ کم، نارمل یا زیادہ مقدار والی پوٹاشیم سے بھرپور غذا?ں کا استعمال کرایا گیا۔

نتائج سے معلوم ہوا کہ کم پوٹاشیم والی غذا سے شریانیں زیادہ سخت اور غیرلچکدار ہوئیں جبکہ زیادہ پوٹاشیم سے شریانوں کی لچک میں اضافہ ہوا، جبکہ سختی بھی کم ہوئی۔

محققین کا کہنا تھا کہ روزانہ صرف ایک کیلا کھانے کی عادت بھی فالج اور ہارٹ اٹیک سے بچا? میں مددگار ثابت ہوسکتی ہے۔

لاہور (ویب ڈیسک ) آپ کے خیال میں گھر کی وہ کونسی چیز ہے جس کی سطح پر سب سے زیادہ جراثیم پائے جاتے ہیں ؟اگر تو آپ ٹوائلٹ سیٹ کے بارے میں سوچ رہے ہیں تو ایسا بالکل نہیں درحقیقت ایسی بہت سی چیزیں ہوتی ہیں جن کی سطح پر ٹوائلٹ سے زیادہ جراثیم ہوتے ہیں۔اور ہاں ہوسکتا ہے ان میں سے کسی ایک کو آپ نے آج چھوا بھی ہو یقین نہیں آتا تو اس فہرست کو دیکھ لیں۔
کٹنگ بورڈ
امریکا کی ایری زونا یونیورسٹی کی ایک تحقیق میں یہ بات سامنے آئی کہ عام کٹنگ بورڈ میں کسی ٹوائلٹ کے مقابلے میں 200 گنا زیادہ جراثیم ہوتے ہیں اور اس کی بڑی وجہ کچا گوشت ہوتا ہے۔ درحقیقت گوشت میں متعدد بیکٹریا ہوتے ہیں جو کٹنگ بورڈ پر گوشت کاٹنے کے دوران رہ جاتے ہیں۔

پالتو جانور کے کھانے کا برتن
ہوسکتا ہے کہ یقین کرنا مشکل ہو مگر پالتو جانور کے کھانے کا برتن بھی کسی ٹوائلٹ کے مقابلے میں زیادہ جراثیموں سے بھرا ہوا ہوسکتا ہے، اس برتن کے فی اسکوائر انچ 295 بیکٹریا ہوتے ہیں مگر یہ تعداد اس سے زیادہ بھی ہوسکتی ہے۔

مزید پڑھیں : اپنے اسمارٹ فون کو کبھی صاف کیا ہے؟

ٹی وی ریموٹ
ہوسکتا ہے یہ جان کر حیرت ہو مگر ٹی وی چینیل بدلنے میں مدد دینے والا ریموٹ حیران کن حد تک جراثیموں سے بھرا ہوا ہوتا ہے، جو کہ آپ کے ہاتھوں، زمین کی سطح یا جہاں بھی رکھا جائے، جراثیم اس میں اکھٹے ہوجاتے ہیں۔ اگر آپ ٹی وی کے سامنے کھانا پسند کرتے ہیں تو کھانے کے ذرات بھی اس میں جمع ہوتے رہتے ہیں اور اسی لیے ریموٹ کی صفائی چیلنج سے کم نہیں۔

اسمارٹ فون یا ٹیبلیٹ
ایک برطانوی تحقیق میں 30 ٹیبلیٹس، 30 اسمارٹ فونز اور ایک آفس ٹوائلٹ کا جائزہ لیا گیا تو ٹیبلیٹس ایسے جراثیموں کے 600 یونٹس تھے جو معدے کے امراض کا باعث بنتے ہیں جبکہ اسمارٹ فونز میں یہ تعداد 140 یونٹس اور حیرت انگیز طور پر ٹوائلٹ میں 20 سے بھی کم پائے گئے۔

کارپٹ یا قالین
بیکٹریا کو جلد کے مردہ خلیات میں رہنا پسند ہوتا ہے اور ہر فرد کے جسم سے ایسے خلیات ہر گھنٹے میں 15 لاکھ کی تعداد میں جھڑتے ہیں، جبکہ کارپٹ میں آپ کی خوراک کے اجزائ، پولن اور دیگر بہت کچھ پوشیدہ ہوتا ہے اور یہی وجہ ہے کہ اوسطاً اس کے فی اسکوائر انچ حصے میں 2 لاکھ بیکٹریا ہوتے ہیں، مجموعی طور پر آپ کے ٹوائلٹ سے 700 گنا زیادہ، جن میں ای کولی سمیت کئی خطرناک بیکٹریا بھی شامل ہیں۔

نلکے کا ہینڈل
باتھ روم کے نلکے کا ہینڈل ٹوائلٹ سیٹ کے مقابلے میں جراثیموں سے 21 گنا زیادہ آلودہ ہوتا ہے جبکہ کچن کے ہینڈل میں یہ بیکٹریا 44 گنا زیادہ ہوسکتے ہیں۔

کمپیوٹر کی بورڈ
کھانے کے دوران کمپیوٹر پر کلک کرنے ہاتھوں کو جراثیموں سے بھرسکتا ہے۔ ایک برطانوی تحقیق کے مطابق کی بورڈ کے بٹنز میں کسی ٹوائلٹ سیٹ کے مقابلے میں 5 گنا زیادہ جراثیم ہوسکتے ہیں اور کسی فرد کو بیماری کا سامنا ہو تو یہ کی بورڈ اسے پھیلانے کا کام بھی کرسکتے ہیں اور یہ انتباہ امریکا کے سینٹر فار ڈیزیز کنٹرول اینڈ پریونٹیشن نے جاری کیا تھا۔

فریج کے خانے
ایک تحقیق میں دریافت کیا گیا کہ فریج میں سبزیوں اور گوشت کے کھانے ایسے مقامات ہیں جہاں بیکٹریا کی مقدار بہت زیادہ ہوتی ہے اور وہ بھی امراض کا باعث بننے والے جراثیم۔ یہ سمجھنا ناقابل فہم بھی نہیں کیونکہ کھلی سبزی یا گوشت سے نکلنے والا پانی خطرناک جراثیموں کی افزائش نسل کاباعث بنتے ہیں۔

ہینڈ بیگ
ایک برطانوی تحقیق کے دوران 25 ہینڈ بیگز کا جائزہ لیا گیا تو معلوم ہوا کہ ایک ہینڈ بیگ اوسطاً کسی دفتری ٹوائلٹ سے تین گنا زیادہ گندہ ہوتا ہے اور اگر انہیں روز استعمال کیا جاتا ہے تو وہ 10 گنا زیادہ جراثیم سے آلودہ ہوسکتے ہیں اور ان کے اندر ہر چیز میں وہ بیکٹریا ہوسکتے ہیں۔

کچن کا کپڑا یا اسفنج
امریکا میں ہونے والی ایک تحقیق کے دوران کچن میں رکھے جانے والے ایک ہزار کپڑوں اور اسفنج کا معائنہ کیا گیا تو وہ ان کے فی انچ حصے پر 1 لاکھ 34 ہزار بیکٹریا پائے گئے اور وہ کسی ٹوائلٹ کے مقابلے میں 456 گنا زیادہ تھے۔ ان کپڑوں اور اسفنج میں ای کولی اور دیگر خطرناک بیکٹریا بہت زیادہ تعداد یں ہوتے ہیں جس کی وجہ یہ ہے کہ انہیں بہت کم تبدیل کیا جاتا ہے۔

یہ بھی پڑھیں : کچن اسفنج ٹوائلٹ سے بھی زیادہ گندے

ٹوتھ برش ہولڈر
امید ہے کہ آپ اپنا ٹوتھ برش ہر 3 سے 4 ماہ میں بدل دیتے ہوں گے مگر آپ کو یاد ہے کہ آخری بار اس ہولڈر کو کب صاف کیا تھا جس میں ٹوتھ برش رکھتے ہیں؟ ایک تحقیق میں ٹوتھ برش ہولڈرز کو کسی باتھ روم میں غلیظ ترین اشیائ میں سے ایک دریافت کیا گیا تھا۔

حلب( ویب ڈیسک ) کیا آپ مسلسل 35 برس تک صرف ایک ہی رنگ کا لباس پہن سکتے ہیں؟ اگر نہیں تو ملیے شام کے ایک باشندے سے جو مسلسل تین دہائیوں سے صرف پیلا لباس پہنتا ہے اور اسی بنا پر اسے پیلا آدمی بھی کہا جاتا ہے۔شام کے تاریخی شہر حلب میں 68 سالہ ابوذکور کی کہانی جنوری 1983ئ سے شروع ہوتی ہے جب اس نے فیصلہ کیا کہ وہ صرف پیلا لباس ہی پہنے گا یہاں تک کہ وہ ٹائی اور زیرجامہ بھی پیلے رنگ کا ہی پہنتا ہے۔اگر کوئی کپڑا پیلا ہونے سے رہ جاتا ہے تو وہ اسے رنگتا ہے یا اس پر پیلی نیل پالش پھیر دیتا ہے اور یہ سلسلہ گزشتہ 35 برس سے جاری ہے۔ اس کے پاس پیلے رنگ کے درجن سے زائد ہیٹ ہیں ان کی چھتری اور اسمارٹ فون کا کور بھی پیلا ہی ہے۔ابوذکور نے چینی میڈیا کو بتایا کہ میرے لیے پیلا رنگ محبت کی علامت ہے، میں سمجھتا ہوں کہ دنیا میں کسی شخص نے مسلسل 35 برس تک دن رات، گھر میں یا باہر پیلا لباس نہیں پہنا ہوگا، جب بھی میں نے رنگ بدلنے کی کوشش کی مجھے بہت عجیب گمان ہوا اور میں دوبارہ پیلے رنگ پر آگیا۔ابوذکور کے گھر کا دروازہ، میز، پردے ، بیڈ شیٹ اور کوڑے دان کا رنگ بھی پیلا ہی ہے۔ شام کی جنگ میں لوگ اسے کبھی صدر بشار الاسد کا ایجنٹ اور کچھ لوگ القاعدہ کا مخبر بھی سمجھتے ہیں اسی لیے 2013ئ میں شامی لبریشن آرمی کے لوگوں نے اسے تشدد کا نشانہ بنایا اور اس کی ویڈیو دنیا بھر میں دیکھی گئی۔تشدد کرنے والے افراد اس سے پوچھتے رہے کہ وہ کس کا وفادار ہے اور وہ کہتا ہے کہ میں تو بہت پہلے سے ہی پیلا لباس پہن رہا ہوں جو میری پہچان ہے۔