اسلام آباد(ویب ڈیسک)وزیراعظم عمران خان کا کہنا ہے کہ آسیہ بی بی کیس میں سپریم کورٹ کا فیصلہ آئین کے مطابق ہے۔قوم سے خطاب میں عمران خان کا کہنا تھا کہ سپریم کورٹ کا فیصلہ آیا ہے جس طرح چھوٹے سے طبقے نے ردعمل دیا ہے اور فیصلے کے بعد جوزبان استعمال کی گئی ہےاس پرآپ سے بات کرنا چاہتا ہوں۔انہوں نے کہا کہ پاکستان دنیا میں واحد ملک ہے جو مدینہ کی ریاست کے بعد اسلام کے نام پر بنا ہے۔وزیر اعظم کا خطاب میں کہنا تھا کہ جو ججز نے فیصلہ دیا ہے وہ آئین کے مطابق ہے لیکن اس فیصلے پر ججز کے خلاف توہین آمیز زبان استعمال کی گئی اور واجب القتل کہا گیا، فیصلے کے بعد بعض لوگ کہہ رہے ہیں کہ فوج کے جنرلز آرمی چیف کے خلاف بغاوت کریں۔

کراچی(ویب ڈیسک) پرائیوٹ اسکولز ایسوسی ایشن نے حالات خراب رہنے کی صورت میں کل شہر قائد میں تعلیمی ادارے بند رکھنے کا اعلان کیا ہے۔پرائیویٹ اسکولز ایسوسی ایشن کے مطابق کراچی میں خراب حالات اور بند راستوں کے باعث طلباءاسکول نہیں پہنچ پائیں گے لہٰذا حالات ایسے ہی رہے تو کل تعلیمی ادارے بند رکھیں گے۔پرائیوٹ اسکولز ایسوسی ایشن کا کہنا ہے کہ محکمہ تعلیم سندھ حالات کے پیش نظر اسکول بند رکھنے کا اعلان کرے، اگر محکمہ تعلیم سندھ نے اعلان نہ کیا تو ازخود اسکول بند کرنے پر مجبور ہوں گے۔دوسری جانب آل پاکستان پرائیویٹ اسکولز فیڈریشن نے پنجاب کے مختلف شہروں میں کل اسکولز بند رکھنے کا اعلان کیا ہے۔ فیڈریشن صدر کا کہنا ہے کہ اسکول بندش کا فیصلہ سیکیورٹی صورتحال کے پیش نظر کیا ہے۔یاد رہے کہ سپریم کورٹ نے آسیہ بی بی کو توہین رسالت کے جرم میں سزائے موت پانے والی مسیحی خاتون آسیہ بی بی کو ناکافی شواہد کی بناءپر بری کردیا۔کراچی کے مختلف علاقوں میں تحریک لبیک پاکستان کی جانب سے احتجاجی مظاہروں کے باعث لیاری ایکسپریس وے کراچی اور حیدرآباد کے دونوں روٹس کو بند کردیا گیا ہے۔کراچی میں بلدیہ ٹاو¿ن چار نمبر، نمائش چورنگی، شارع فیصل اسٹار گیٹ، سہراب گوٹھ الآصف اسکوائر، اورنگی ٹاو¿ن 5 نمبر، سرجانی ٹاو¿ن فور کے چورنگی پر احتجاج کیا جارہا ہے۔احتجاج کے باعث بلدیہ ٹاو¿ن جانے والی سڑک ٹریفک کیلئے بند ہے اور شیرشاہ سے بلدیہ جانے والی ٹریفک کو لیبر اسکوئر کی طرف موڑ دیا گیا ہے جب کہ مواچھ گوٹھ سے آنے والی ٹریفک کو ڈبہ موڑ کی طرف موڑا گیا ہے۔

کراچی (ویب ڈیسک)کراچی میں فالودے والے، سرکاری ملازم اور مردہ شخص کے بعد اب رکشہ ڈرائیور کے اکاو¿نٹ سے بھی اربوں روپے کی ٹرانزکش کا انکشاف ہوا ہے۔ایف بی آر کی جانب سے رکشہ ڈرائیور زور طلب خان کو نوٹس بھیجا گیا ہے جس میں اس کے اکاونٹ سے ساڑھے 8 ارب روپے کی ٹرانزکشن پر جواب طلب کیا گیا ہے۔ایف بی آر کے نوٹس کے مطابق سالار انٹرپرائزز اور سالار مائننگ کے ذریعے کم از کم 5 بینکوں سے ٹرانزکشن ہوئی، اکاونٹس کراچی اور بونیر کے مختلف بینکوں میں کھولے گئے۔ایف بی آر حکام کی جانب سے بھیجے گئے نوٹس کے مطابق ایک نجی بینک کی برانچ سے 4 ارب 60 کروڑ روپے، دوسری سے 3 ارب 60 کروڑ روپےکی ٹرانزیکشن ہوئی۔رکشے والے کا اکاو¿نٹ عمار خان نامی شخص استعمال کرتا رہا۔ ذرائع ایف بی آر کا بتانا ہے کہ جلد عمار خان کو بھی نوٹس بھیجا جائے گا۔ایف بی آر کی جانب سے رکشہ ڈرائیور کو بھیجے گئے نوٹس میں ٹیکس چھپانے اور منی لانڈرنگ کے الزامات کے جواب طلب کیے گئے ہیں۔رکشا ڈرائیور زور طلب خان کا کہنا ہے کہ وہ اس وقت بونیر میں ہے،کراچی آنے پر ایف بی آر حکام سے رابطہ کرے گا۔خیال رہے کہ اس سے قبل کراچی کے علاقے اورنگی ٹاو¿ن کے رہائشی ایک فالودے والے، ایک سرکاری ملازم، ایک رکشہ ڈوائیور اور ایک مردے کے نام پر بھی جعلی اکاو¿نٹ کے ذریعے بھی اربوں روپے کی ٹرانزکشن کا انکشاف سامنے آ چکا ہے۔

اسلام آباد(ویب ڈیسک)سابق صدر مملکت اور پیپلز پارٹی کے رکن قومی اسمبلی آصف علی زرداری کا کہنا ہے کہ نواز شریف کی حکومت کو سپورٹ کیا موجودہ حکومت کا ساتھ دینے کے لیے بھی تیار ہیں۔قومی اسمبلی میں اظہار خیال کرتے ہوئے آصف زرداری نے کہا کہ حکومت کو دو تین بلین ڈالر ملے ہیں لیکن یہ وسیع مدت تک ضرورت پوری نہیں کرسکتے، ہم حکومت کی 5 سال سپورٹ کرتے ہیں ہمارے ساتھ بیٹھیں۔آصف زرداری نے کہا کہ جمہوریت میں کمزوریاں ضرور ہیں لیکن یہ بہترین علاج ہے، وقت آگیا ہے کہ ملکی ترقی کے لیے ہم ایک ساتھ مل کر بیٹھیں اور ایک دوسرے کو اونچا نیچا دکھانا چھوڑیں۔ان کا کہنا تھا کہ ہیلی کاپٹر کا تیل بچانے کی باتیں اپنی جگہ مگر کہتے ہیں بھینس اپنی نکیل کھا لے تو اس کا پیٹ نہیں بھرتا۔آصف زرداری کا کہنا تھا کہ ‘میں نے سی پیک کا نظریہ سوچا، اگر اس منصوبے سے گوادر کو نکال دیں تو آگے کیا بچتا ہے’۔سابق صدر نے کہا کہ ان دنوں ڈیمز کی بھی بات ہورہی ہے، ڈیم ضرور بنائیں لیکن پہلے اس کی کنزرویشن کے لیے بھی اقدامات کریں۔

کراچی(ویب ڈیسک)مسیحی خاتون آسیہ بی بی کو سپریم کورٹ کی جانب سے بری کیے جانے کے بعد مذہبی جماعتوں کی جانب سے ہونے والے احتجاج کے پیش نظر سندھ بھر میں 10 روز کے لیے دفعہ 144 نافذ کردی گئی۔محکمہ داخلہ سندھ کی جانب سے جاری کیے گئے نوٹیفکیشن کے مطابق سندھ میں 10 روز کے لیے موٹر سائیکل کی ڈبل سواری پر پابندی عائد کی جارہی ہے۔نوٹیفکیشن کے مطابق صوبے میں جلسے، جلوس، ریلیوں اور 4 سے زائد افراد کے اجتماع پر بھی 10 روز کے لیے پابندی ہوگی۔نوٹیفکیشن کے مطابق سندھ میں اسلحہ لے کر چلنے کے اجازت نامے بھی 10 روز کے لیے منسوخ کردیئے گئے۔تاہم صحافی، پولیس اہلکار، قانون نافذ کرنے والی ایجنسیوں، سیکیورٹی گارڈز اور رجسٹرڈ پرائیویٹ سیکیورٹی کمپنیوں کے اہلکار اپنی ڈیوٹی کے اوقات کے دوران اس پابندی سے مستثنیٰ ہوں گے۔واضح رہے کہ ا?سیہ بی بی کو بری کیے جانے کے خلاف کراچی سمیت ملک کے مختلف شہروں میں تحریک لبیک پاکستان (ٹی ایل پی) کی جانب سے احتجاج کیا جارہا ہے۔کراچی کے مختلف علاقوں میں تحریک لبیک پاکستان کی جانب سے احتجاجی مظاہروں کے باعث لیاری ایکسپریس وے کراچی اور حیدرا?باد کے دونوں روٹس کو بند کردیا گیا ہے۔

کراچی(ویب ڈیسک) صدر مملکت ڈاکٹر عارف علوی نے کراچی میں 11 سال سے بند لوکل ٹرین کا افتتاح کریں کردیا جس کے ذریعے روزانہ ہزاروں افراد سفری سہولیات حاصل کرسکیں گے۔کراچی سٹی اسٹیشن سے دھابیجی تک چلنے والی ٹرین کی افتتاحی تقریب سٹی اسٹیشن پر منعقد جہاں وزیر ریلوے شیخ رشید سمیت ریلوے کے افسران شریک تھے۔ صدر مملکت ڈاکٹر عارف علوی نے ربن کاٹ کر دھابیجی ٹرین کا افتتاح کیا۔حکام کے مطابق کراچی سٹی اسٹیشن سے دھابیجی کے لیے لوکل ٹرین صبح 7 بجے اور شام پونے 6 بجے روانہ ہوگی جبکہ دھابیجی سے کراچی سٹی کے لیے صبح 6 بجے اور شام 5 بجے ٹرین روانہ ہوگی۔یہ ٹرینیں ڈرگ روڈ، ڈرگ کالونی، ملیر سٹی، لانڈھی اور بن قاسم اسٹیشنوں پر رکیں گی۔ٹرین کا روٹ 65 کلومیٹر پر محیط ہوگا جس کا کم از کم ٹکٹ 25 روپے اور زیادہ سے زیادہ 80 روپے ہوگا۔ کراچی میں لوکل ٹرین سروس کا آغاز 60 کی دہائی میں ہوا تھا اور روزانہ دو درجن سے زائد ٹرینیں تین مختلف روٹس پر کراچی کے سٹی اسٹیشن سے دھابیجی، ملیر کینٹ اور کھوکھراپار جاتی تھیں، بعد میں ایک توسیعی منصوبے کے تحت 70 کی دہائی میں سرکلر ریلوے کا آغاز ہوا۔ ریٹائرڈ ریلوے ملازم منظور رضی کو یہ اعزاز حاصل ہے کہ انھوں نے سرکلر ریلوے کا پہلا ٹکٹ فروخت کیا تھا۔کراچی شہر کی آبادی میں تیزی سے اضافے کے باوجود لوکل ٹرینیں رفتہ رفتہ کم ہوتی گئیں اور 2007 میں کراچی اور دھابیجی کے درمیان اور 2014 میں کراچی اور لانڈھی کے درمیان چلنے والی لوکل ٹرین بند کردی گئیں تھیں۔