لاہور (نادر چوہدری سے) ایس پی ڈسپلن کو پولیس لائنز قلعہ گجر سنگھ میں بھرتی سیکشن میں تعینات ہیڈکانسٹیبل کے خلاف خواتین کو نوکری دلوانے کی مد میں پیسے بٹورنے اور ہراساں کرنے کی درخواست دائر، درخواست گمنام خاتون کی جانب سے دائر کی گئی، بھرتی کیلئے فی کس 5 سے 10 ہزار وصول کرنے سمیت جسمانی ٹیسٹ میں کامیابی کیلئے جنسی ہراساں کیا جاتا ہے، ناجائز تعلقات استوار کرکے دھندہ کروایا جاتا ہے، بھرتی کی مد میں مبینہ رشوت کا سلسلہ نیچے سے اُوپر ایس پی ہیڈکوارٹر تک جاتا ہے، درخواست کا متن، درخواست میں نامزد اہلکاروں کی جانب سے الزامات کی تردید۔ ذرائع کے مطابق رواں سال 09 فروری 2018 کو ڈی آئی جی آپریشنز، ایس پی ہیڈکوارٹر اور ایس پی ڈسپلن کے نام لکھی جانے والی ایک درخواست میں گمنام خاتون کی جانب سے موقف اختیار کیا گیا تھا کہ میں ایک خاندانی لڑکی ہوں اور میں نے محکمہ پولیس میں بھرتی کیلئے پولیس لائنز میں بفارم جمع کروائے تھے لیکن پولیس لائنز قلعہ گجر سنگھ میں تعینات ہیڈ کانسٹیبل محمد سلیم اختر جو کہ عرصہ دراز سے بھرتی سیکشن میں تعینات ہے اور بھرتی کیلئے آنےوالی لڑکیوں کے موبائل نمبر حاصل کرکے ان سے رابطہ کرتا اور ان سے سلیکشن کی مد میں 5 سے 10 ہزار روپے رشوت وصول کرتا ہے جس کے متعلق اسکا کہنا ہے کہ یہ پیسے میرے لئے نہیں بلکہ یہ نائب کلرک اے ایس آئی محمد علی سے ہوتے ہوئے ایس پی ہیڈکوارٹر تک پہنچتے ہیں جبکہ لڑکیوں کو جسمانی ٹیسٹ میں پاس کروانے کا بول کر جنسی ہراساں کرتا اور ناجائز تعلقات قائم کرنے پر مجبور کرتا ہے جس کے بعد اس کے جال میں پھنس جانے والی لڑکیوں سے باقاعدہ غلط کاری بھی کرواتا ہے جس سے حصول رزق کیلئے آنیوالی بہت ساری لڑکیوں کی زندگیاں تباہ ہوچکی ہیں۔ درخواست میں مزید لکھا گیا ہے کہ اگر حوالدار محمد سلیم اختر کا موبائل ڈیٹا چیک کیا جائے تو اس میں سے بے تحاشہ لڑکیوں کے نمبر ملیں گے اور اگر کالز، میسجز اور واٹس ایپ وغیرہ چیک کیئے جائےں تو حقائق منظر عام پر آجائیں گے۔ درخواست کے آخر میں گمنام درخواست گزار کی جانب سے ڈی آئی جی آپریشنز اور ایس پی ہیڈکوارٹر سے التجاءکی گئی ہے کہ اگر آپ کے گھر میں بھی بچیاں ہیں تو خدارا میری گزارش ہے کہ سلیم حوالدار جیسے گندے انسان اور محکمہ کیلئے بدنماءداغ کو فوری طور پر محکمہ سے فارغ کر کے مزید لڑکیوں کی عزتیں بچائی جائیں اور اس کو قرار واقعی سزا دے کر عبرت کا نشان بنایا جائے۔ درخواست سی سی پی او آفس میں جمع کروائی گئی جہاں سی سی پی آفس کے عملے نے اس پر ڈائری نمبر667 13 لگا کر درخواست وصول کرلی جس پر افسران بالا نے جب ہیڈکانسٹیبل محمد سلیم اختر کو بلوا کر دریافت کیا تو اس نے اپنے بیان میں افسران بالا کو بتایا ہے کہ میرے خلاف دی گئی گمنام درخواست سراسر جھوٹ اور بہتان پر مبنی ہے کیونکہ میں عارضی طور پر بھرتی ڈیوٹی پر معمور ہوں اور دیگر ملازمین کے ہمراہ اجتماعی ڈیوٹی سرانجام دیتا ہوں۔ محمد سلیم اختر کا مزید کہنا تھا کہ میں نے ہمیشہ محکمانہ روابط کے علاوہ کبھی کوئی ذاتی رشتہ قائم نہیں کیا اور نہ ہی کسی کو لالچ دیکر یا رقم لے کر بھرتی کرنے کا جھانسہ دیا ہے۔ محمد سلیم اختر کا مزید کہنا تھا کہ محکمہ کے کسی ملازم نے مجھے بدنام اور نوکری سے فارغ کروانے کی غرض سے لڑکی کے نام سے گمنام درخواست دی ہے لہذا اسے داخل دفتر کیا جائے جبکہ درخواست میں نامزد دوسرے کردار پولیس لائنز قلعہ گجر سنگھ میں بطور نائب بھرتی کلرک خدمات سرانجام دینے والے محمد علی اے ایس آئی نے بھی اسی طرح کے بیانات دیتے ہوئے کہا کہ محمد سلیم اختر میرے ساتھ ڈیوٹی سرانجام دے رہا ہے اور نہایت ایماندار اور قابل اعتماد پولیس افسر ہے اس کے خلاف لگائے گئے الزامات جھوٹے اور بے بنیاد ہیں لہذا درخواست کو داخل دفتر کیا جائے۔

لاہور (ویب ڈیسک) پروفیسر حسن عسکری نے نگران وزیراعلیٰ پنجاب کے عہدے کا حلف اٹھالیا۔گورنر ہاو¿س لاہور میں حلف برداری کی تقریب منعقد ہوئی جس کے دوران گورنر رفیق رجوانہ نے پروفیسر حسن عسکری سے نگران وزیراعلیٰ پنجاب کے عہدے کا حلف لیا۔پروفیسر حسن عسکری کی تعیناتی پر مسلم لیگ (ن) کی جانب سے اعتراض کیا گیا جب کہ پیپلز پارٹی نے بھی اپنے خدشات کا اظہار کیا تاہم الیکشن کمیشن نے تمام تحفظات اور خدشات کو مسترد کرتے ہوئے پروفیسر حسن عسکری کی تعیناتی کو درست قرار دیا۔پروفیسر حسن عسکری کون ہیں؟پروفیسر حسن عسکری ایک نامور پروفیسر اور مستند کالم نگار ہیں۔انہوں نے 1980 میں یونیورسٹی آف پنسلوانیا سے پی ایچ ڈی کیا، جہاں انہیں فل برائٹ اسکالر شپ دی گئی۔پروفیسر حسن عسکری پنجاب یونیورسٹی میں پولیٹکل سائنس کے پروفیسر رہ چکے ہیں اور تعلیم اور ریسرچ کے شعبے میں اہم تجربہ رکھتے ہیں۔انہیں جنوبی ایشیا، خارجہ پالیسی اور سیکیورٹی امور پر خصوصی دسترس حاصل ہے۔پروفیسر حسن عسکری نے پاکستان میں جمہوریت اور سیاست پر کئی کتب لکھی ہیں، ان کی اکثر تصانیف کا موضوع سول ملٹری تعلقات رہا ہے۔پروفیسر حسن عسکری اخبارات اور جرائد میں آرٹیکل بھی لکھتے رہے ہیں۔23 مارچ 2010 کو صدر پاکستان نے انہیں ستارہ امتیاز سے بھی نوازا تھا۔

لاہور (خبریں رپورٹر) کاغذات نامزدگی جمع کروانے کیلئے پیچیدہ بیان حلفی سے امیدوار پریشان‘ سپریم کورٹ کے حکم پر بیان حلفی جمع کروانا امیدواروں کے لازم ہے۔ ریٹرننگ افسران بیان حلفی کے بغیر کاغذات نامزدگی وصول نہیں کر رہے۔ بیان حلفی فارم یں کوائف کا اندراج امیدواروں کے لئے درد سربن گیا۔ بیان حلفی فارم انگریزی میں ہونے کے باعث امیدواروں کو مشکلات کا سامنا ہے۔ بیان حلفی جلدی کے باعث اردو میں نہیں چھپوا سکے اس کو انگریزی میں ہی رہنے دیا گیا ہے۔ بیان حلفی فارم میں الیکشن کمیشن کی جانب سے 22 سوالات پوچھے گئے ہیں بیان حلفی 3 روز کے ادرجمع کرانے کی اجازت ہے ہائیکورٹ کے حکم پر بیان حلفی جمع کرانا لازم ہے۔ اس میں امیدواروں اور اہلخانہ کے اثاثوں کی تفصیلات مانگی گئی ہے۔

لاہور (فورم،طیب سندھو، عکاسی عمرفاروق) ن لیگ قبضہ مافیہ جماعت ہے۔یہ کاروباری لوگ ہیں اپنی خوشحالی کے لیے کوشاں ہے۔ (ان کا عوام کی خوشحالی سے کوئی تعلق نہیں ہے۔صوبہ میں بنانے والے سو فیصد منصوبے ن لیگ اور ان کے حمایتی کے کاروبار کو ترقی دینے کے لیے بنائے گئے۔ الیکشن 2018ءمیں قوم ان منافق حکمرانوں کو مسترد کرنے کا فیصلہ کرلیا ہے۔ یہ جلد جدہ اور لندن میں بھاگ جائیں گے۔ان خیالات کا اظہار پاکستان تحریک انصاف کے پی پی153 سے امیدوار ڈاکٹر وسیم ،پی پی 171سے اسد کھوکھر اور پی پی 173 ملک سرفراز نے خبریںفورم سے گفتگو کرتے ہوئے کیا۔ اسدکھوکھر کا کہنا تھا کہ ن لیگ ایک قبضہ مافیا گروپ ہے جن کا کام لوگوں کی زمینوں پر ناجائز قبضہ کرنا ہے ان کے ایم این اے اور ایم پی اے بس الیکشن کے دنوں میں حلقہ میں نظر آتے یہ حکمران عوام سے جھوٹے وعدے کرتے ہیں اور حکومت کا وقت پورا ہوتے ہی کہتے اب ہم لوڈشیڈنگ کے ذمہ دار نہیں ہیں۔ یہ شہباز شریف کہتے تھے ہم اس ملک سے لوڈشیڈنگ کے عذاب کو ختم کر دے گے لیکن اب تو بجلی ہی ختم ہونے کی نوبت آ گئی ہے۔ پی پی153 سے امیدوار ڈاکٹر وسیم کا کہنا تھا انہوں نے جتنے بھی منصوبے بنائے ہیں ہے ان سب میں کرپشن ہوئی ہے ہمارے حلقہ میںکھیلنے کے لیے گراﺅنڈ نہیں کوئی سرکاری ہسپتال نہیں پچھلے 10 سال میں ڈسپنسریوں کی حالت نہ گفتہ ہے۔ منشیات فروشی، جوا¿ خانے عام ہیں۔ گورنمنٹ سکولوں کی حالت تعلیم کے لیے نامناسب ہے قبضہ مافیا کی وجہ سے لاہور میں ترقی کے سب علاقوں سے ہمارا علاقہ سب سے پیچھے ہے اورنج ٹرین ہو یا میٹرو بس سارے منصوبہ کرپشن زدہ ہے۔ نیب والے ان کو بلاتے ہے تو یہ سارے ریکارڈوں کو جلا دیتے ہیں۔ لیب ٹاپ سکیم عمران خان کے خوف میں شروع کی گئی تاکہ نوجوانوں کو اپنی طرف راغب کیا جائے لیکن ہمارے حلقہ میں ایسے نوجوان ہے جو شہبازشریف سے لیپ ٹاپ لے کر عمران خان شکریہ کا نعرہ لگاتے ہے۔ اس موقع پر پی پی 173سے ملک سرفراز نے کہا پانامہ کیس نے ن لیگ کو بری طرع بے نقاب کر دیا ہے ان سے سوال کیا جاتا ہے کہ لندن فلیٹ کہا سے آئے تو یہ کہتے ہیں کہ ہمیں کیوں نکالا یہ چور ہے اس وجہ سے مریم نواز کچھ اور بیان دیتی ہے اور ان کے بیٹے کچھ اور کہتے ہیں۔ انہیں سپریم کورٹ نے نااہل کیا ہے۔ عوام بھی نااہل کریں گی عوام اس بار عمران خان کا ساتھ دے گی اور آنے والا وقت عمران خان کا ہے۔ اس موقع پر ثاقب سندھو ،رانا احسن ، خرم مغل ذےشان جٹ بھی ماجود تھے۔