لاہور(خبر نگار)عام انتخابات کی تیاریوں میں پولیس نے بھی ذمہ داری سنبھال لی۔ لاہور سے قومی و صوبائی اسمبلی کی نشستوں کیلئے کاغذات نامزدگی حاصل کرنے والے امیدواروں کا پولیس ریکارڈ چیک کیا جائیگا۔ ہر سو عام انتخابات 2018 کے چرچے۔ جرائم پیشہ امیدواروں کا الیکشن سے آو¿ٹ ہونے کا امکان۔ لاہور پولیس نے اہم اعلان کردیا۔ کاغذات نامزدگی جمع کروانے والے امیدواروں کا کریمنل ریکارڈ چیک کیا جائے گا۔ پولیس کے اعلیٰ حکام نے شہر کے تمام تھانوں سے امیدواروں پر درج مقدمات کی بارے رپورٹ مانگ لی۔ ایس پیز نے تمام تھانوں کے ایس ایچ اوز کو ریکارڈ مرتب کرکے فوری جمع کروانے کا حکم دیا ہے۔ ریکارڈ مرتب کرنے کے بعد اسے الیکشن کمیشن کو بھجوایا جائیگا۔

کراچی(صباح نیوز)چیف جسٹس پاکستان جسٹس میاں ثاقب نثار نے کالا باغ ڈیم بنانے سے متعلق درخواست کی سماعت کے دوران ریمارکس دئیے کہ پانی کی قلت کے خاتمے کا تہیہ کر لیا ، اب سپریم کورٹ ڈیمز بنانے سے متعلق آگے بڑھے گی اور اپنا کردار ادا کرے گی، آپ سب خطرہ محسوس نہ کریں، ہم کالا باغ ڈیم پر بات نہیں کر رہے، ہم چاہ رہے ہیں کہ پانی کے مسائل پر بات ہو اور پانی بحران پر قابو پایا جاسکے، ہم نے پرویز مشرف کو آنے کو کہا تو اس کا بھی سب کو خطرہ ہو رہا ہے، پرویز مشرف سے کسی کو کیا خطرہ ہوسکتا ہے، پرویز مشرف آئے اور قانون کا سامنا کرے، کسی کے لیے خطرے کی بات نہیں ہونی چاہیے، ہم کوئی اےسا حکم جاری نہےں کرےں گے جو کسی بھی فرےق کے خلاف ہو ےا کسی صوبہ کے خلاف ہو،سپریم کورٹ وفاق کی عدالت ہے، ہم جوڑنے کے لیے بیٹھے ہیں توڑنے کے لیے نہیں بیٹھے، ریفرنڈم عدالت نہیں وفاقی حکومت کراسکتی ہے، ہمارے لیے آئین سپریم ہے اور آئین کا احترام سب کو کرنا چاہیے۔ہفتہ کوسپریم کورٹ کراچی رجسٹری میں چیف جسٹس پاکستان کی سربراہی میں لارجر بینچ نے کالا باغ ڈیم بنانے سے متعلق بیرسٹر ظفر اللہ خان کی جانب سے دائر درخواست پر سماعت کی۔ دوران سماعت چیف جسٹس نے ریمارکس دئیے کہ اس وقت پاکستان میں بحث کالا باغ ڈیم کی نہیں کر رہے، ہم یہ دیکھ رہے ہیں کہ پانی کی قلت کیسے ختم ہوگی۔جسٹس میاں ثاقب نثار نے کہا کہ معلوم ہے آئندہ وقتوں میں پانی کی اہمیت کیا ہوگی لیکن 4 بھائی جس پر متفق نہیں تو پھر متبادل کیا ہے۔چیف جسٹس نے ریمارکس دئیے کہ ہم نے پانی کی قلت کے خاتمے کا تہیہ کر لیا ہے، اب سپریم کورٹ ڈیمز بنانے سے متعلق آگے بڑھے گی اور کردار ادا کرے گی، عید کے بعد سپریم کورٹ کا لا اینڈ جسٹس ڈیپارٹمنٹ سیمینار کرائے گا، ماہرین تجاویز دیں بیٹھ کر ایس او پیز بنائیں گے۔چیف جسٹس نے کہا کہ ہم ایک ٹیم بنا دیتے ہیں جس میں اعتزاز احسن اور دیگر ماہرین کی خدمات لیں گے۔چیف جسٹس نے کہا کہ بتایا جائے ملک میں ڈیمز کس طرح بنائے جائیں، آپ سفارشات دیں ہم پارلیمنٹ سے سفارش کریں گے۔جسٹس میاں ثاقب نثار نے کہا کہ قانون بنانے کی صلاحیت ملک میں ختم ہو چکی ہے، لا اینڈ جسٹس کمیشن کے ذریعے قانون بنا کر پارلیمنٹ کو سفارش کی جاسکتی ہے، قوم اختیار دے تو سپریم کورٹ اپنا کردار ادا کرنے کو تیار ہے۔چیف جسٹس نے کہا کہ ہمیں خود نمائی کرنے والے لوگ نہیں چاہییں، سیمینار کے ذریعے پہلا قدم اٹھائیں گے جس کا آغاز کراچی اور سندھ سے کریں گے۔دوران سماعت سابق چیئرمین واپڈا ظفر محمود عدالت میں پیش ہوئے جن سے چیف جسٹس نے استفسار کیا کہ آپ بتائیں پانی کی قلت کیسے پوری کریں جس پر انہوں نے کہا کہ کالا باغ ڈیم بنانے پر لوگوں کو مکمل آگاہی نہیں اور اسی تنازع کے بعد واپڈا کی چیئرمین شپ سے استعفیٰ دیا تھا۔چیف جسٹس پاکستان نے کہا کہ آپ سب خطرہ محسوس نہ کریں، ہم کالا باغ ڈیم پر بات نہیں کر رہے، ہم چاہ رہے ہیں کہ پانی کے مسائل پر بات ہو اور پانی بحران پر قابو پایا جاسکے۔چیف جسٹس نے کہا کہ ہم نے کل پرویز مشرف کو آنے کو کہا تو اس کا بھی سب کو خطرہ ہو رہا ہے، پرویز مشرف سے کسی کو کیا خطرہ ہوسکتا ہے، پرویز مشرف آئے اور قانون کا سامنا کرے، کسی کے لیے خطرے کی بات نہیں ہونی چاہیے،لوگوں سے ان کو کےا معاملہ ہے قانون سب کے لےے اےک ہے لہذا سابق صدر بھی پاکستان آ کر قانون کا سامنا کر سکتے ہےں، چےف جسٹس کا کہنا تھا کہ ہم کوئی اےسا حکم جاری نہےں کرےں گے جو کسی بھی فرےق کے خلاف ہو ےا کسی صوبہ کے خلاف ہو ۔ایڈووکیٹ مجیب پیرزادہ نے کہا کہ پانی کے بحران اور قلت پر کسی کو اعتراض نہیں لیکن کالا باغ ڈیم کا نام جہاں آتا ہے تو تنازع کھڑا ہو جاتا ہے۔چیف جسٹس پاکستان نے کہا کہ وعدہ کرتا ہوں سپریم کورٹ کوئی ایسا حکم نہیں دے گی جس سے کوئی فریق متاثر ہو، جہاں تنازع ہو اور 4 بھائی متفق نہیں تو متبادل حل نکالیں۔چیف جسٹس نے ریمارکس دئیے کہ ہم آنے والی نسل کو اچھا مستقبل دے کر جائیں گے جس پر ایڈووکیٹ مجیب پیرزادہ نے کہا کہ پوری قوم آپ کے ساتھ ہے اچھے فیصلوں کی حوصلہ افزائی کرتی ہے۔جسٹس میاں ثاقب نثار نے کہا کہ سپریم کورٹ وفاق کی عدالت ہے، ہم جوڑنے کے لیے بیٹھے ہیں توڑنے کے لیے نہیں بیٹھے۔سماعت کے دوران پیپلز پارٹی کے رہنما تاج حیدر نے کہا کہ پانی کی قلت پر قابو پانے کے کئی حل موجود ہیں اور کئی منصوبے ہیں جس میں سمندر کا پانی میٹھا بنانے کا منصوبہ بھی شامل ہے۔اس موقع پر چیف جسٹس نے ریمارکس دئیے کہ یہ منصوبے تو کاغذ پر تھے ہم نے نوٹس لیا تو کام شروع ہوا۔درخواست گزار بیرسٹر ظفراللہ نے عدالت سے استدعا کی کہ کالا باغ ڈیم بنانے کے لیے ریفرنڈم کرایا جائے جس پر چیف جسٹس نے کہا کہ ریفرنڈم عدالت نہیں وفاقی حکومت کراسکتی ہے، ہمارے لیے آئین سپریم ہے اور آئین کا احترام سب کو کرنا چاہیے۔سپریم کورٹ نے کالا باغ ڈیم سے متعلق درخواست پر سماعت ملتوی کردی جب کہ آئندہ سماعت پر شمس الملک سے بریفنگ لی جائےگی۔

کراچی (صباح نیوز) سابق چیئرمین واپڈا ظفر محمود عدالت میں پیش ہوئے جن سے چیف جسٹس نے استفسار کیا کہ آپ بتائیں پانی کی قلت کیسے پوری کریں جس پر انہوں نے کہا کہ کالا باغ ڈیم بنانے پر لوگوں کو مکمل آگاہی نہیں اور اسی تنازع کے بعد واپڈا کی چیئرمین شپ سے استعفیٰ دیا تھا۔ ظفر محمود نے کمرہ عدالت میں پروجیکٹر کے ذریعے کالا باغ ڈیم پر بریفنگ دیتے ہوئے بتایا کہ ماحولیات کی تبدیلی پر پاکستان میں سیلاب آنا شروع ہوئے، گلیشیر تیزی سے پگھلنا شروع ہو چکے ہیں۔سابق چیئرمین واپڈ نے کہا کہ بھارت نے راوی، ستلج اور بیاس کے پانی پر قبضہ کرلیا ہے اور انڈس واٹر معاہدے سے بھی خطرات ہو چکے ہیں، جب سیلاب آتا ہے تو بھارت پانی چھوڑ سکتا ہے جبکہ بھارت کے ڈیمز میں تکنیکی طور پر زیادہ پانی ذخیرہ کیا جاسکتا ہے۔ظفر محمود نے کہا کہ ڈیمز بنانے سے متعلق ہم نے کوتاہی کی جس پر چیف جسٹس نے استفسار کیا کہ کیا حکومتوں کو ان کا ادراک نہیں رہا جس پر ظفر محمود کا کہنا تھا کہ تمام حکومتیں ہی اس مجرمانہ غفلت کی ذمے دار ہیں، بھارت تسلسل کے ساتھ پانی بند کرنے کی کوشش کرے گا اور وہ اس حوالے سے ہمیں مزید تنگ کرے گا۔ چیف جسٹس نے استفسار کیا کہ زندگی کے لیے سب سے زیادہ پانی کی اہمیت ہے، یہ بتائیں عدالت اس میں کیا کردار ادا کر سکتی ہے۔سابق چیئرمین واپڈا نے کہا کہ کوئٹہ کا پانی اتنا نیچے جا چکا بحالی میں 200 سال لگیں گے جس پر چیف جسٹس نے کہا کہ 10 سال بعد تو کوئٹہ میں پینے کا پانی نہیں ہوگا تو لوگوں کو وہاں سے ہجرت کرنا پڑے گی۔ظفر محمود نے کہا کہ لوگوں میں پانی کے استعمال اور بچت پر آگاہی دینے کی ضرورت ہے، صنعتی ماحول سے زیر زمین پانی بھی خراب ہو رہا ہے، صنعتوں سے متعلق کوئی مربوط پالیسی نہیں، جس پر چیف جسٹس پاکستان نے کہا کہ معلوم ہے صنعتیں فضلہ صاف کرنے کے بجائے نالوں میں پھینک رہی ہیں، لاکھوں گیلن گندا پانی سمندر میں جا رہا ہے جس پر ظفر محمود نے کہا کہ اس کا حل یہ ہے کہ صنعتی فضلے کے لیے ٹریٹمنٹ پلانٹ بنائے جائیں۔سماعت کے دوران مجیب پیرزادہ ایڈووکیٹ نے عدالت کو بتایا کہ کالا باغ ڈیم کا معاملہ متنازع ہو چکا ہے اور چاروں صوبوں کے عوام نے اس ڈیم کو خطرہ قرار دیا ہے۔

اسلام آباد (صباح نیوز) پاکستان اور افغانستان کے مابین حالیہ مہینوں میں کئی ایک اعلی سطحی رابطے ہوئے جنہیں دوطرفہ تعلقات میں بہتری کے ساتھ ساتھ افغانستان میں قیام امن کی کوششوں کے لیے خوش آئند قرار دیا جا رہا ہے۔ میڈیا رپورٹس کے مطابق، آئندہ ہفتے ایک اعلیٰ سطحی افغان وفد اسلام آباد کا دورہ کرے گا جب کہ پاکستان کی بری فوج کے سربراہ جنرل قمر جاوید باجوہ کا دورہ کابل بھی متوقع ہے۔ باضابطہ طور پر اس بارے میں ابھی تک کوئی سرکاری بیان سامنے نہیں آیا ہے۔ تاہم، اسلام آباد اور کابل کے درمیان یہ رابطے ایک ایسے وقت ہو رہے ہیں جب افغان حکومت کی طرف سے عید الفطر کے موقع پر عارضی جنگ بندی کے اعلان کے بعد افغان طالبان نے عید پر تین روز کے لیے افغان سکیورٹی فورسز کے خلاف اپنی عسکری کارروائیاں روکنے کا اعلان کیا ہے۔ بعض مبصرین کا خیال ہے کہ افغانستان میں اس عارضی جنگ بندی کے لیے امریکہ اور پاکستان نے مل کر اپنا کردار ادا کیا ہے اور امریکہ کے محکمہ خارجہ کی ایک بریفنگ کے دوران پاکستان کے کردار کے بارے میں پوچھنے پر محکمہ خارجہ کے اعلی عہدیدار نے اسکا براہ راست جواب دینے کی بجائے کہا کہ “یہ افغان حکومت کا اقدام ہے جو افغان عوام کی خواہش کی ترجمانی کر رہی ہے اور یقینا ہمیں امید ہے کہ طالبان اور دیگر تنظیمیں یا ایسے ممالک بھی محدود دورانیے کی جنگ بندی کی برابر حمایت کریں گے جن کا طالبان پر کسی قدر اثر و رسوخ ہے۔” واضح رہے کہ افغان صدر اشرف غنی کی طرف سے طالبان کو عارضی جنگ بندی کی پیش کش سے پہلے امریکہ کے وزیر خارجہ مائیک پومپیو نے پاکستانی فوج کے سربراہ جنرل باجوہ سے فون پر ہونے والی بات چیت میں پاکستان امریکہ تعلقات اور افغانستان میں سیاسی مفاہمت اور دیگر امور پر گفتگو کی تھی۔ سلامتی کے امور کے تجزیہ کار طلعت مسعود کا کہنا ہے کہ امریکہ افغانستان کے مسئلہ کو سیاسی طور پر حل کرنے کے لیے ان کے بقول پاکستان کے کردار کو اہم خیال کرتا ہے۔ تاہم، یہ اسی صورت ممکن ہے جب اسلام آباد اور کابل کے درمیان مکمل اعتماد بحال ہو۔ بقول ان کے،” ابھی حال میں افغانستان سے بھی یہ کوشش ہے کہ پاکستان سے تعلقات کو بہتر کیا جائے اور آپ نے دیکھا ہوں گا کہ مختلف وفود کا تبادلہ ہو رہا ہے اور یا جو آئندہ دنوں میں آئیں گے اور پاکستانی فوج کے سربراہ افغانستان جا رہے ہیں یہ تمام چیزیں اس بات کی غمازی کرتی ہیں کہ پاکستان افغانستان سے اچھے تعلقات چاہتا تھا اب افغانستان بھی اس کا مثبت ردعمل دے رہا ہے۔” واضح رہے کہ حال ہی میں افغانستان کے قومی سلامتی مشیر حنیف اتمر کی سربراہی میں پاکستان کا دورہ کرنے والے وفد نے پاکستانی عہدیداروں سے افغانستان پاکستان ایکشن پلان برائے امن و استحکام پر عملدرآمد اور دیگر امور کے حوالے سے بات چیت کی تھی۔

لاہور (مانیٹرنگ ڈیسک) تحریک انصاف کی رہنما یاسمین راشد نے کہا ہے کہ جماعت کوئی بھی ہو ٹکٹوں کی تقسیم پر تھوڑی بہت نوک جھونک تو ہوتی ہے اب ہر بندے کو تو ٹکٹ مل نہیں سکتا کیونکہ سیٹوں کی تعداد مخصوص ہوتی ہے۔ چینل ۵ کے پروگرام ٹی ایٹ ۵میں گفتگو کرتے ہوئے انہوں نے کہا جس کو ٹکٹ نہیں ملتا وہ ناراض ہوتا ہے میں سمجھتی ہوں ایم این اے یا ایم پی اے بنے بغیر بھی پارٹی کی خدمت کی جاسکتی ہے پارٹی کی کوشش ہوتی ہے مضبوط امیدوار کو ٹکٹ دیا جائے عمران خان نے میرٹ کا خیال رکھا ہے۔ ٹکٹ کا اختیار عمران کے پاس ہے لہذا پیسے نہیں چل سکتے اس وقت جو لوگ پاکستان کی بہتری کا سوچتے ہیں وہ تحریک انصاف پر اعتماد کررہے ہیں سیاست میں اس لئے آتی ہوں کہ یہ کار خیر کا کام ہے اور عوام کی خدمت کرنی ہے جن پارٹیوں کو الیکشن ہارنے کا خطرہ ہے وہ تحریک انصاف پر اسٹیبلشمنٹ حمایت کا الزام لگارہی ہیں۔ انہوں نے کہا کہ آج تک کسی بھی حکومت نے پانی کے مسائل پر توجہ نہیں دی سندھ والوں کے مطالبے پر عمران خان سندھ سے بھی الیکشن لڑ رہے ہیں انہوں نے کہا میرے شوہر کو سیاست کا شوق نہیں۔

لاہور (مانیٹرنگ ڈیسک) چینل فائیو کے پروگرام مرحبا رمضان میں فطرانے کے شرعی احکامات اور اس کی ادائیگی کے حوالے سے مسائل پر روشنی ڈالی گئی۔ علامہ ضیاءاللہ بخاری نے بتایا کہ اسلام اپنے ہر پیروکار کو اللہ کی راہ میںخرچ کرنے والا سخاوت کرنے والا دیکھنا چاہتا ہے۔جس کا رزق تنگ ہوجائے اسے چاہئے تھوڑے رزق میں سے بھی اللہ کی راہ میں حسب استطاعت ضرور دے جس کے نتیجے میں اللہ تھوڑے رزق کو زیادہ کر دے گا۔سخی ویسے بھی اللہ کے قریب ہوتا ہے کیونکہ اس کے دل میں بندوں کی محبت ہوتی ہے اس لئے وہ اللہ کی راہ میں اس کے بندوں کی مدد کرتا ہے۔ اسی طرح فطرے اور حکم دیا گیا ہے جس کے مقصد یہ ہوتا ہے کہ روزے کے دوران اگر روزہ دار سے کوئی بھول چوک ہوجائے تو فطرہ اس کا کفارہ بن جاتا ہے جبکہ فطرہ ادا نہ کرنے کی صورت میں روزہ دار کے روزے آسمان اور زمین کے دوران معلق رہتے ہیں یہاں تک کہ وہ فطرہ ادا نہ کر دے۔صحیح بخاری کی حدیث کے مطابق نبی کریم نے فطرہ کو فرض قرار دیا ہے۔یہاں تک کہ ایک دن کا بچہ جو عید الفطر سے چاہے ایک گھنٹہ پہلے ہی کیوں نہ پیدا ہوا ہو اس کا فطرہ بھی ادا کرنا لازم ہے۔جس مسلمان کے پاس صبح اور شام کا کھانا ہو اس پر فطرہ فرض ہو جاتا ہے۔فطرہ عید کی نماز سے پہلے پہلے اداکرنا لازم ہوتا ہے اور اگر عید کی نماز سے ایک یا دودن پہلے ادا کیا جائے تو یہ ادا ہو جاتا ہے۔جو لوگ زکوة کے مستحقین ہیں وہی فطرانے کے حقدار بھی ہیں۔ اصل ہمارے معاشرے میں کچھ لوگ ضرورت مند تو ہوتے ہیں لیکن اپنی سفید پوشی کا بھرم رکھنے کےلئے کسی کے آگے ہاتھ نہیں پھیلاتے یا سوال نہیں کرتے اپنی کم آمدن اور زائد اخراجات کا رونا نہیں روتے ایسے لوگ ہمارے اردگرد ہی ہوتے ہیں بس ہمیں انہیں تلاش کرنا ہوتا ہے۔کوشش کی جائے سب سے پہلے اپنے قریبی رشتے داروں کا خیال کیا جائے۔ زکوٰة یا صدقہ اس طرح نہ دیا جائے جس سے لینے والے کی دل آزاری ہو۔اللہ پاک فرماتے ہیں اپنے صدقات کو احسان جتا کر ضائع مت کرو،چپکے چپکے سے اللہ کی راہ میں خرچ کرنے والے روز حشر اللہ کے عرش کے سائے تلے ہوں گے۔ علامہ محمد رشید ترابی نے بتایا کہ جو اجناس ہماری خوراک ہیں یعنی ہم روز مرہ کے معمولات میں استعمال کرتے ہیں فطرانہ ان سے دینا واجب ہے۔ یہ ہر گز نہیں دیکھنا کونسی سی اجناس سستی ہیں یا مہنگی ہیں بلکہ جو اجناس ہم خود اپنے گھر میں استعمال کرتے ہیں اس کی مناسبت سے ہی فطرانہ دینا ہے اگر کوئی خود سپر کرنل کھاتا ہے اور فطرانہ ٹوٹا چاول کے حساب سے دے تو اللہ کے نذدیک ہر گز قبول نہیں ہو گا کیونکہ یہ ریاکاری اور دھوکہ ہے اور اللہ تو صرف بندے کی نیت دیکھتا ہے ۔ پیمانہ تین کلو کا رکھا گیا ہے یعنی جو خوراک ہم کھاتے ہیں چاہے گندم ہو تو بھی تین کلو کے حساب سے کشمش ہے تو اس سے بھی تین کلو اسی حساب سے جو یا کھجور ہو تو قیمت کے مطابق تین کلو کے حساب سے فطرانہ دینا ہے۔ پروگرام میں بہالپور سے رابعہ کے ایک سوال کے جواب میں بتایا گیا کہ عید کا چاند نکلنے سے قبل اگر کوئی مہمان گھر آ جائے اور فطرانہ ادا کر سکتا ہو تو میزبان پر اس کا فطرانہ ادا کرنا بھی واجب ہے۔ سعدیہ نے پوچھا اگر کوئی شخص فطرانہ دینا بھول جائے تو کیا حل ہے جواب میں مولانا صاحب نے بتایا جب یاد آئے اللہ سے معافی مانگے اور صدقہ دے اور زیادہ دے کیونکہ عید کی نماز ادا ہوتے ہی فطرے کا وقت گزر جاتا ہے لہٰذا بعد میں دیا جانے والا مال صدقہ ہو گا فطرانہ نہیں۔ چینل فائیو کے مرحبا ر مضان پروگرام میں معروف گلوکارہ شاہدہ منی نے خصوصی طور پر شرکت کی اور ناظرین کی پر زور فرمائش پر کلام ”رحم کرو رحم کرو میرے مولا مجھ پر رحم کرو“”چاروں طرف ہے جلوہ تیرا رات بھی تیری دن بھی تیرا“ کلام سنایا پروگرام کے اختتام پر نعت رسول مقبول ”شاہ مدینہ شاہ مدینہ سارے نبی تیرے در کے سوالی“ ” تو نے جہاں کی محفل سجائی تاریکیوں میں شمع جلائی “پڑھ کر سنائی، شاہدہ منی کی خوبصو رت آوا ز اور کلام کے خوبصورت اشعار نے سماں باندھ دیااور سامعین کے دل جیت لئے۔