لاہور(این این آئی)چیف جسٹس پاکستان جسٹس میاں ثاقب نثار نے واضح کہا ہے کہ ریٹائرمنٹ کے بعد کوئی عہدہ نہیں لوں گا اور ریٹائرمنٹ سے ایک روز قبل اعلان کر کے جاﺅں گاکہ کوئی عہدہ آفرکرکے شرمندہ نہ ہوں،عدالت نے اپنے دائرہ اختیار سے باہر نہیں نکلنا ،آئین اور پارلیمنٹ سپریم ہے ،ہمارے پاس جوڈیشل ریویوکا اختیار ہے ،اگر رولز غلط ہوں گے تو عدالت اسے دیکھے گی۔ چیف جسٹس میاں ثاقب نثار کی سربراہی میںدو رکنی بنچ نے تعطیل کے باوجود سپریم کورٹ لاہور رجسٹری میں مختلف اہم نوعیت کے کیسز کی سماعت کی ۔ دوران سماعت ایک موقع پر چیف جسٹس پاکستان جسٹس میان ثاقب نثار نے کہا کہ اگر میں کسی ہسپتال جاتا ہوں تو اس میں کیا غلط ہے؟۔بلوچستان میں بچیوں کے 6ہزار سکولوں میں ٹوائلٹ موجود نہیں ، اگر سکولوں میں سہولیات دینے کا کہتا ہوں تو اس میں کیا غلط ہے؟۔عوام کو پینے کا صاف پانی نہیں مل رہا۔چیف جسٹس نے ریمارکس دیتے ہوئے کہا کہ عدالت نے اپنے دائرہ اختیار سے باہر نہیں نکلنا،آئین او رپارلیمنٹ سپریم ہے ،ہمارے پاس جوڈیشل ریویوکا اختیار ہے،اگر رولز غلط ہوں گے تو عدالت اسے دیکھے گی ۔چیف جسٹس پاکستان جسٹس میاں ثاقب نثار نے ککہ ریٹائرمنٹ کے بعد کوئی عہدہ قبول نہیں کروں گا،ریٹائرمنٹ سے ایک دن پہلے یہ واضح اعلان کر کے جاو¿ں گا کہ کوئی عہدہ آفر کر کے شرمندہ نہ ہوں۔چیف جسٹس پاکستان کی سربراہی میں دو رکنی بینچ نے ماحولیاتی آلودگی سے متعلق از خود نوٹس کیس کی سماعت کی ۔اس موقع پر سموگ کمیشن کے سربراہ نے اپنی رپورٹ عدالت میں جمع کرا دی جس کا جائزہ لینے کے بعد عدالت نے رپورٹ اور اس میں دی جانے والی تجاویز کی تعریف کی ۔چیف جسٹس نے رپورٹ ویب سائٹ اور پرنٹ میڈیامیں شائع کرانے کی ہدایت کرتے ہوئے کہا کہ اس رپورٹ پر حکومت اور عوام کی رائے کے بعد عملدرآمد کی طرف جائیں گے۔اس پر عدالت کی جانب سے رپورٹ اور تجاویز کی تعریف کی گئی۔دوران سماعت چیف جسٹس نے ریمارکس دیتے ہوئے کہا کہ اشفاق احمد کہتے ہیں باباوہ ہوتا ہے جو سب کیلئے سہولتیں پیدا کرتا ہے۔سموگ کمیشن کے سربراہ احمد پرویز بھی آج سے ہمارے بابے ہیں۔چیف جسٹس پاکستان نے کہا کہ آنے والے دسمبر میں سموگ قابل برداشت نہیں۔

لاہور (مانیٹرنگ ڈیسک) چینل ۵ کے پروگرام ”مرحبا رمضان“ میں گفتگو کرتے ہوئے علامہ ضیاءاللہ بخاری نے کہا ہے کہ اللہ پاک نے حضور کو شب معراج کو اپنے پاس بلایا تو وہاں 14 اصول زندگی عطا کئے۔ سورة اسراءمیں اللہ تعالیٰ نے تفصیل سے بیان فرمایا کہ آپ ایک اسلامی معاشرہ و ریاست تشکیل دینے جا رہے ہیں۔ وہاں پر 14 اصول لازمی طور پر نافذ العمل ہونے چاہئیں۔ معاشرے کا حسن انہی اصولوں کے ساتھ نکھرےے گا اور واضح ہو گا۔ اس میں سب سے پہلے اللہ نے فرمایا کہ ”تمہارے رب کا یہ فیصلہ ہے کہ تم اسی کی عبادت کرو“ یعنی توحید باری تعالیٰ، ”والدین کے ساتھ حسن سلوک برتو۔“ اسلام میں والدین کے بڑے واضح حقوق ہیں۔ حکم ہے کہ ماں باپ بڑھاپے کو پہنچ جائیں تو انہیں ”اُف“ تک نہیں کہنا۔ حضور نے ایک بار صحابہ کرام میں بیٹھے ہوئے دور سے ایک بوڑھی خاتون کو جاتے دیکھا تو تیزی سے اٹھے اور برے استقبال و احترام کے ساتھ انہیں مجلس میں لا کر بٹھایا، کسی کے پوچھنے پر بتایا گیا کہ یہ ”حلیمہ سعدیہ“ ہیں جنہوں نے آپ کو بچپن میں دودھ پلایا تھا۔ اللہ نے ”حلیمہ سعدیہ“ کو وہ مقام عطا کیا کہ وہ خود بھی صحابیہ بنی اور ان کی ساری اولاد سب صحابہ بنیں۔ ان کے خاوند بھی صحابی بنے۔ نبی پاک نے اپنی رضائی ماں و بہن سے بھی انتہائی حسن سلوک کیا۔ صحابہ کرام نے پوچھا یا رسول اللہ اگر والدین زندہ نہ رہیں تو کیسے حسن سلوک کیا جائے، آپ نے فرمایا چچا، تایا کا احترام کرو والد کے احترام جتنا ثواب ملے گا۔ خالہ کا احترام کرو والدہ کے احترام کا ثواب ملے گا۔ والدین کے درجات کی بلندی کے لئے دُعا گو رہو، اگر والدین میں سے کسی نے اپنی زندگی میں کسی سے کوئی معاہدہ کیا تھا تو اس کو پورا کرو، ایسے کام ان کے ساتھ حسن سلوک ہے۔ والدین کی وجہ سے بننے والے رشتوں کا احترام کرو، ایسے کام مرحوم والدین کے ساتھ حسن سلوک ہے۔ انہوں نے مزید کہا کہ جو بوڑھے والدین کو ”اولڈ ایج ہومز“ چھوڑ آتے ہیں، والدین وہاں بھی اولاد کے لئے دُعا گو رہتے ہیں۔ میں چھوٹی عمر میں مدینہ شریف گیا تو وہاں میرا دل نہیں لگ رہا تھا میں نے والدہ کو خط لکھا، جوابی خط میں ماں نے لکھا کہ بیٹا یہ مدینہ شریف کی تیری زندگی اتنی قیمتی ہے کہ تو ساری زندگی اس کو یاد کیا کرے گا۔ میں نے آج تک وہ خط سنبھال کر رکھا ہوا ہے۔ ماں کی دُعاﺅں سے زندگی میں بڑی کامیابی ملی۔ انہوں نے کہا کہ والدین کے گزر جانے کے بعد کثرت سے دُعا کرو۔ حدیث ہے کہ جب بندہ فوت ہو جائے تو نیکیوں کا رجسٹرڈ پروردگار بند کر دیتے ہیں لیکن نیک اولاد، ملاقات و خیرات کی نیکیوں کے رجسٹرڈ کھلے رہتے ہیں۔ بوڑھا شخص اگر روزے نہیں رکھ سکتا تو فدیہ کے طور پر کسی کو روزہ رکھوا دے۔ روزہ رکھنا اور کسی کو رکھوانا دونوں اللہ کی غلامی ہیں۔ مذہبی سکالر ہما تقی نے کہا کہ ”اولڈ ایج ہومز“ ہمارے معاشرے کا المیہ ہے۔ اسلام میں تو جتنے والدین بوڑھے ہوتے گئے، ان کے حقوق و فرائض بڑھتے چلے گئے۔ اسلام تو کہتا ہے کہ اگر بزرگ والدین کی طرف مسکرا کر دیکھ لو تو اللہ رحمت کے 70 فرشتے تمہارے اوپر معین کر دیتا ہے۔ انہوں نے مزید کہا کہ ہم بوڑھے والدین کی فیوض و برکات کو سمجھ ہی نہیں سکے، جو نہیں سمجھ پاتا وہ اپنے بزرگ والدین کو ”اولڈ ایج ہومز“ میں چھوڑ آتا ہے۔ اسلام کی بنیادیں ہی قدروں کے اوپر قائم ہیں۔ انہوں نے کہا کہ حضور کے اپنے والدین نہیں تھے لیکن پالنے والوں کی اس قدر خدمت و احترام کر کے دکھا دیا جو ہمارے لئے مشعل راہ ہے۔ حدیث ہے کہ والدین فوت ہو جائیں تو ان کی قبر پر اتنی دیر بیٹھو جب تک ایک اونٹ کی قربانی کر کے اس کا سارا گوشت تقسیم کر دیا جائے۔ انہوں نے کہا کہ حضرت اویس قرنیؓ واحد صحابی ہیں جنہوں نے رسول اللہ کو بغیر دیکھے صحابی کا درجہ حاصل کیا، ان کا کمال والدین کی عطا تھا۔ انہوں نے اپنی ماں کے کہنے پر عمل کیا، ماں نے صرف اتنا کہا تھا کہ بیٹا تم جا رہے ہو لیکن شام تک پلٹ کر واپس آ جانا، جب وہ مدینہ پہنچے تو معلوم ہوا کہ وہ یہاں نہیں تو بہت روکنے پر بھی وہ نہیں رکے اور ماں کے کہنے کے مطابق شام تک لوٹ آئے۔ انہوں نے کہا کہ والدین کی نافرمانی گناہ کبیرہ ہے۔ اولاد کی طرح والدین کے لئے بھی وقت نکالنا چاہئے۔ ٹیسٹ کرکٹر توفیق عمر نے کہا ہے کہ والدین جو ہمارے لئے کرتے ہیں ہم اس کا بدلہ نہیں چکا سکتے۔ خوش قسمت لوگ ہوتے ہیں جنہیں والدین اپنی زندگی میں ملتے ہیں۔ اگر جنت کمانی ہے تو اس سے بڑا ذریعہ نہیں ہو سکتا کہ اپنے بوڑھے والدین کی خدمت کریں، ان کے خود سے راضی کر لیں۔ والدین کی دُعاﺅں سے ہی زندگی میں کامیابیاں ملتی ہیں۔ انہوں نے مزید کہا کہ 5 سال کا تھا جب میرے والد کا انتقال ہو گیا لیکن ماں نے کبھی اس بات کا احساس ہی نہیں ہونے دیا۔ آج میں جو ہوں وہ والدہ کی وجہ سے ہی ہوں۔

لاہور(ملک مبارک سے )کچھ لوگوں کی ہٹ دھرمی ،نااہلی یا اقتدار کی ہوس کی وجہ سے پاکستان کا اہم مسئلہ پس پشت ڈال دیا گیا ہے اپنے مفادات کی خاطر قوانین میں ترامیم تو ایک منٹ میںہوجاتی ہے جبکہ ان سیاستدانوں سے 40سال سے کالاباغ ڈیم کامسئلہ حل نہ ہوسکا ۔روزنامہ خبریں کے چیف ایڈیٹر ضیا شاہد نے اس اہم مسئلے کا علم بلند کیا سوئے ہوئے حکمرانوں کو دریاوں کی آنے والی خطرناک صورت حال سے اگاہ کیا پھر بھی حکمران خواب غفلت کا شکار رہے ، سپریم کورٹ کا دروازہ کھٹکھٹایا اور چیف جسٹس جناب ثاقب نثار نے پانی کے مسئلہ کو اہم قرار دے دیا ہے ۔تفصیلات کے مطابق پاکستان کی ڈھائی کروڑ ایکڑ اراضی پانی نہ ہونے کی وجہ سے بے آباد پڑی ہے۔ اس میں سے 91 لاکھ ایکڑ سے زائد اراضی صوبہ سندھ میں ہے۔ وسیع تھر زرخیزی کے لحاظ سے کسی سے کم نہیں لیکن پانی نہ ہونے کی وجہ سے بنجر پڑا ہے بلکہ ہر سال اوسطاً سو ڈیڑھ سو بچے قحط کے ہاتھوں لقمہ اجل بن جاتے ہیں۔ کالا باغ ڈیم سے سندھ کے پانی میں جو اضافہ ہوگا، اس سے تھر کی وادی کو پانی ملے گامنگلا اور تربیلا ڈیم کی تعمیر کے بعد صوبوں کے مابین پانی کی تقسیم کا مجموعہ 102.73 ملین ایکڑ فٹ لگایا گیا تھا۔ 1975 میں تربیلا ڈیم کے مکمل ہوتے ہی بھٹو مرحوم نے حکم دیا کہ کالا باغ ڈیم پر فوری کام شروع کیا جائے چنانچہ تخمینہ لگانے کا کام شروع ہوا تربیلا سے تمام تعمیراتی مشینری کالا باغ پہنچا دی گئی۔ کالا باغ ڈیم کی ڈیزائن کے مطابق تعمیر کے لئے پلاننگ کی گئی۔ رہائشی عمارات بھی تعمیر ہوئیں۔ اس دوران ان کی حکومت کا تختہ الٹ دیا گیا۔ضیاء الحق کے دور میں 1982 میں دوبارہ کام شروع کیا گیا۔ ایک برطانوی کمپنی کو سروے کا کام سونپا گیا۔ اس کمپنی کے کنسلٹنٹس نے اندازہ لگانا چاہا کہ 1929 میں بڑا سیلاب کہاں تک آیا تھا۔ اس سیلاب کے حوالے سے وہ نوشہرہ میں نشان لگا رہے تھے کہ شور مچ گیا کہ کالا باغ ڈیم بنا تو نوشہرہ ڈوب جائے گا۔ عبدالغفار خان باچا خان آئے اور ہڑتال شروع ہو گئی۔ گورنر فرنٹیئر جنرل فضل حق نے بھی اس کی حمایت کی۔ جئے سندھ بھی میدان میں کود پڑی۔ اس طرح کالا باغ ڈیم خوامخواہ متنازعہ بن گیا۔ چنانچہ فرنٹیئر کے انجینئر شاہنواز اور سندھ کے دو انجینیئرز اصغر علی عابدی اور شیخ منظور احمد کا تین رکنی کمیٹی بنا دی گئی۔ جس نے 1984 میں فیصلہ کیا کہ کالا باغ جھیل کی سطح 925 فٹ سے کم کرکے 915 فٹ کر دیا جائے۔ نوشہرہ کو کوئی خطرہ نہیں ہوگا۔ حالانکہ نوشہرہ کی بلندی 961 فٹ ہے۔کے پی کے گورنمنٹ نے اس رپورٹ کو تسلیم نہ کیا جس پرکے پی کے گورنمنٹ کو اختیار دیا گیا کہ وہ پوری دنیا سے اپنی مرضی کا ماہر چن لے۔ اس کی نگرانی میں سٹڈی کروا لیتے ہیں۔ اسے مان لیں گے۔ فرنٹیئر گورنمنٹ نے امریکہ کے ڈاکٹر کنیڈی کا نام چوائس کیا۔ چنانچہ ان کی نگرانی میں سٹڈی کروائی گئی جس نے 1987 میں فیصلہ کیا کہ کالا باغ ڈیم سے نوشہرہ کو کوئی خطرہ نہیں۔ اس دوران کالا باغ ڈیم کے مقام پر اصل ڈیم کے علاوہ تمام کام مکمل ہو چکا تھا۔ دفاتر پاور ہاو¿س کی بلڈنگ ملازمین اور افسران کے لیے رہائشی کالونیاں، سکول، ڈسپنسری سب کچھ بن چکا تھا۔لیکن پھر ضیائ الحق فضائی حادثہ کا شکار ہو گئے محترمہ بینظیر بھٹو کے پہلے دور میں 1989 میں پلاننگ اینڈ ڈیویلپمنٹ ڈویڑن میں کالا باغ ڈیم کا منصوبہ منظوری کے لئے پیش کیا گیا۔ سندھ نے اعتراض اٹھایا کہ کالا باغ ڈیم بڑا منصوبہ ہے اس کی تعمیر سے پہلے صوبوں کے مابین پانی کی تقسیم کا فارمولا طے ہونا چاہیے کہ کس صوبے کو کیا ملے گا۔ بلوچستان نے بھی سندھ کی تائید کی۔1991 میں چاروں صوبوں کے ماہرین کے درمیان مذاکرات کے کئی دور ہونے کے بعد 16 مارچ کو چاروں صوبوں کے وزرائے اعلیٰ نے صوبوں کے مابین پانی کی تقسیم پر دستخط کئے جس کے بعد 21 مارچ 1991 کو مشترکہ مفادات کونسل نے باقاعدہ منظوری دے کر آئینی شکل دی۔معاہدے کے مطابق حاصل ہونے والے فاضل پانی میں سے صوبہ پنجاب، سندھ، فرنٹیئر اور بلوچستان کو بالترتیب 37, 37,، 14 اور 12 فیصد پانی ملے گا۔یہاں یہ واضح رہے کہ کالا باغ ڈیم کی جھیل میں مستعمل پانی ذخیرہ کرنے کی گنجائش 6.1MAF ہے۔ ڈیم کا کام محض پانی جمع کرنا نہیں بلکہ پانی کی روانی کو کنٹرول کرنا بھی ہوتا ہے۔ چنانچہ اضافی پانی کا تخمینہ 11.62MAF لگایا گیا۔ جسے فارمولے کے تحت تقسیم ہونا تھا۔ اس موقع پر سندھ نے تھر اور فرنٹیئر نے جنوبی اضلاع کی خستہ صورتحال بتائی چنانچہ پنجاب نے قربانی دے کر اپنا پانی کم کر لیا۔ جس کا تخمینہ لگانے کے بعد اس پانی کو واٹر اکارڈ میں جمع کر دیا گیا۔صوبوں کو اضافی پانی کی فراہمی کا شیڈول بھی طے پاگیا جس کے مطابق سندھ 5.72MAF،کے پی کے 2.69MAF،بلوچستان1.76MAF،پنجابF 1.45MAسندھ میں اس فاضل پانی سے ایک تو گدو سے رینی کینال نکال کر خان پور کے وسیع صحرا کو آباد کرنا تھا۔ دوسرے نارا اور تھر کے علاقوں میں بھی پانی پہنچانا تھا۔ پانی کی تقسیم کا فارمولا تو طے پا گیا۔ کالا باغ ڈیم بننے کی صورت میں بھی اس سے حاصل ہونے والے پانی کو بھی تقسیم کرکے واٹر اکارڈ میں جمع کر دیا گیا۔ مگر کالا باغ ڈیم تو نہ بنا تھا۔ یہ فاضل پانی کہاں سے آتا۔ چنانچہ جب موسم برسات کے بعد اکارڈ کے مطابق پانی کی فراہمی کا سوال اٹھایا گیا تو 16 ستمبر 1991 میں مشترکہ مفادات کونسل میں وضاحت کی گئی کہ اکارڈ میں ظاہر کیا فاضل پانی جب ملے گا جب کالا باغ ڈیم بنے گا۔اس بارے ضیا شاہد نے اپنی زندگی کا کافی حصہ صرف کیا ہے صوبوں کو اکٹھا کر نے میں عوام کو اگاہی دینے میں پانی کی بندش کے حوالے سے کئی کتابیں تحریر کر ڈالیں ۔آبی ماہرین کا کہنا ہے جو کام حکمرانوں نے کرنا تھا وہ ایک عوام کا ددر دل رکھنے والے محب پاکستان ضیا شاہد نے کردیا پنجاب اور خاص کر جنوبی پنجاب کی عوام نے ضیا شاہد کو اپنے حقوق کا علمبردار قرار دے دیا ہے پانی کے مسئلے کو اجاگر کر نے پر جنوبی پنجاب کی عوام نے بھی خراج تحسین پیش کیا ہے۔

لاہور (ویب ڈیسک) سپریم کورٹ رجسٹری لاہور کے باہر اس وقت دلچسپ صورتحال پیدا ہوگئی جب ایک شہری جسٹس اعجاز الاحسن کی گاڑی کے نیچے گھس گیا۔جسٹس اعجاز الاحسن مقدمات کی سماعت کیلئے سپریم کورٹ رجسٹری لاہور آئے تو عدالت کے باہر موجود ایک شخص ان کی گاڑی کے آگے آگیا اور گاڑی کے آگے لیٹ گیا۔ اس وقت اور بھی دلچسپ صورتحال پیدا ہوگئی جب جسٹس اعجازالاحسن کی گاڑی رکتے ہی وہ شخص اس کے نیچے پہنچ گیا۔ سکیورٹی عملے نے بڑی مشکل سے شہری کو احتجاج سے منع کیا۔

مظفرگڑھ(ویب ڈیسک)مظفرگڑھ کے علاقہ شہرسلطان کے ایک گھر میں 4 ملزمان نے2خواتین پر تیزاب پھینک دیا۔متاثرہ خواتین میںسے ایک خاتون کا 50 فیصدحصہ جل گیاجبکہ دوسری معمولی زخمی ہوئی ہے۔پولیس ذرائع کے مطابق خواتین پر تیزاب پھینکنے کا واقعہ مظفرگڑھ کے علاقہ شہرسلطان کے ایک گھر میں پیش آیا جہاں 4 ملزمان 2خواتین پر تیزاب پھینک کر فرار ہو گئے۔پولیس کا کہنا تھا کہ متاثرہ خواتین کو نشتر اسپتال ملتان منتقل کردیاگیا ہے۔ خواتین میںسے ایک خاتون کا 50 فیصدحصہ جل گیا اور دوسری معمولی زخمی ہوئی ہے۔پولیس کا مزید کہنا تھا کہ ابتدائی تفتیش کے مطابق فریقین میں زمین کا تنازع ہے اور واقعے کامقدمہ درج کر لیا گیا ہے۔

اسلام آباد(ڈیلی پاکستان آن لائن)پاکستان تحریک انصاف کے سینئر رہنما اور سابق ممبر قومی اسمبلی علی محمد خان نے کہا ہے کہ مجھے اپنے لیڈر پر اعتماد ہے،مسلم لیگ ن کی وکالت کی کوئی ضرورت نہیں اس سے تو میرا کیس اور خراب ہو گا،میری ٹکٹ کا فیصلہ ہونا باقی ہے ،میرے حلقے میں ابھی سروے ہورہا ہے جس کے بعد ٹکٹ کا فیصلہ ہوگا تاہم مجھے پارٹی ٹکٹ ملے یا نہ ملے میں عمران خان کے ساتھ ہوں۔علی محمد خان کا کہنا تھا کہ انہوں نے سیاست کبھی کسی عہدے کے لئے نہیں کی ،میں نے کبھی نہیں سوچا کہ میں ایم این اے بنوں گا ،میں تو ایک وکیل اور انجیئنر تھا ،عمران خان کے ساتھ اس لئے شامل ہوا کیونکہ ملک بنانےکی ایک سوچ تھی اور وہ سوچ اب بھی ہے ،جب آپ ایک سفر میں جاتے ہیں تو راستے میں ایک سٹاپ اوور بھی ملتا ہے ،جب آپ ایک تحریک کا حصہ ہوتے ہیں تو آپ وزیر بھی بنتے ہیں اور ایم این اے بھی بنتے ہیں، میں خوش ہوں کہ شہریار آفریدی اور شوکت یوسفزئی کو ٹکٹ مل گئے ہیں،میرے حلقے میں سروے ہو رہا ہے ،ابھی میرے حلقے کا کوئی فیصلہ نہیں ہوا لیکن مجھے امید ہے کہ عمران خان میرٹ پر فیصلہ کریں گے ،مجھے امید ہے کہ اس کا اچھا ہی فیصلہ نکلے گا اور عمران خان نظریاتی لوگوں کو سپورٹ کریں گے۔انہوں نے کہا کہ کچھ ورکرز کو ٹکٹ نہیں بھی ملے اور کارکنوں کو اس پر تحفظات بھی ہیں ،اسی لئے ان تحفظات کو دور کرنے کے لئے عمران خان نے ایک کمیٹی بھی تشکیل دے دی ہے ، ہر جماعت چاہتی ہے کہ وہ ایسے امیدوار کو ٹکٹس دے جو الیکشن جیت جائے ،29 اپریل کے جلسے کے بعد بہت سے لوگوں نے تحریک انصاف میں شمولیت اختیار کی ہے اور بہت سے لوگ پی ٹی آئی میں شامل ہو رہے ہیں ،ہر جماعت کو بیلنس رکھنا ہوتا ہے کہ جماعت میں نظریاتی کارکن بھی رہیں اور ایسے لوگوں کو بھی اکاموڈیٹ کیا جائے جو حلقوں سے جیتتے رہیں ہیں ،تحریک انصاف نے یہ بیلنس ڈھونڈنا ہے ،کئی حلقوں میں تحفظات بھی ہیں اور انہیں دور کرنے کی کوشش کی جا رہی ہے۔

لاہور(ویب ڈیسک)چیف جسٹس پاکستان میاں ثاقب نثار نے کہا کہ اشفاق احمد کہتے ہیں باباوہ ہوتا ہے جو سب کیلئے سہولتیں پیدا کرتا ہے،احمد پرویز بھی آج سے ہمارے بابے ہیں۔چیف جسٹس آف پاکستان کی سربراہی میں بنچ نے سپریم کورٹ رجسٹری میں ماحولیاتی آلودگی کیس کی سماعت کی ،سموگ کمیشن کے احمد پرویز نے اپنی رپورٹ عدالت میں پیش کردی،اس پر عدالت کی جانب سے رپورٹ اور تجاویز کی تعریف کی گئی۔چیف جسٹس ثاقب نثارنے ریمارکس دیتے ہوئے کہا کہ اشفاق احمد کہتے ہیں باباوہ ہوتا ہے جو سب کیلئے سہولتیں پیدا کرتا ہے،احمد پرویز بھی آج سے ہمارے بابے ہیں۔چیف جسٹس پاکستان نے کہا کہ آنے والے دسمبر میں سموگ قابل برداشت نہیں،عدالت نے رپورٹ ویب سائٹ اور پرنٹ میڈیامیں شائع کرانے کی ہدایت کرتے ہوئے کہا کہ اس رپورٹ پر حکومت اور عوام کی رائے کے بعد عملدرآمد کی طرف جائیں گے۔