فورٹ عباس ( تحصیل رپورٹر ) فورٹ عباس کے تپتے ہوئے صحرائے چولیستان میں ریت کے اُڑتے ہوئے طوفان نے تین کمسن بچیوں کی زندگیوں کا نگل لی۔ چولیستان کے گاﺅ ں 466/HRٹوبہ شارے والا کی ود سگی بہنے اور ایک قریبی رشتہ دار کی بچی تینوں اکھٹی ہو کر دو کلو میٹر دور اپنے خالو نصیر احمد کے گھر جا رہی تھیں کہ ریت کے شدید طوفان میں راستہ بھٹک گئیں اور صحرائے چولیستان میں تےن روز تک بھوکی پیاسی رہنے کے باعث دم توڑ گئیں تینوں بچیوں نے گم ہو نے کے خوف سے ایک دوسرے کے ہا تھ پکڑ رکھے تھے اور اسی حالت میں تینو ں کی مو ت واقع ہوئی ۔بچیو ں کی گمشد گی کے اعلانات مقامی دےہات اور ارد گرد کے گاﺅں میں کرائے گئے تو سینکڑوں موٹر سائکل سوار در جنوں جیپوں اور پیدل چلنے والے حضرات بچیوں کی تلاش کے لیئے ریسکیواپریشن شروع کیا جسے مقامی انتظامیہ کی مدد حاصل تھی بچیوں کی گمشد گی کی اطلاع پر علاقہ بھر کے لو گوں اور انتظامات بر وقت نہ مل سکی جس کی وجہ سے رےسیکو اپریشن لےٹ شروع ہو ا اور بچیوں کو زندہ بازیاب نہ کرواجا سکا 12جون کی شام کو 466/HRکے ظفر اقبال کی دو بچیاں 8سالہ طاہرہ بی بی اور 6سالہ اللہ معافی اور رشتے دار نصیر احمد کی ایک بےٹی ثریا بی بی راستہ بھٹک گیئں ورثا ءنے اپنے طور پر تلاش جا ری رکھی ۔اگلے روز قریبی گاﺅں میں اعلانات کروائے گئے 13جو ن کو اپنی مدد آپ کے تحت دیہاتی لوگ بچیوں کی تلاش کر تے رہے نا کامی پر 14جون کو انتظامیہ کو اطلاع دی گئی جس پر انتظامیہ فو ری حرکت میں آگئی ۔ڈپٹی کمشنر کی ہداےت پر اسسٹنٹ کمشنر اور آرپی او کی ہدایت پر ایس پی ، ڈی ایس پی فورٹ عباس اور رےنجر ر کے نوجوان نے رےسکیو اپریشن شروع کیا جو 15جون شام ساڑھے چار بجے تک جاری رہا سےنکڑوں موٹرسائکل درجنوں گاریوں اور پیدل کھوجی حضرات کی کاوشوں سے بچیوں کی نشیںدریافت ہو گیئں فوت ہو نے کے بعد بھی بچیوں نے ایک دوسرے کے ہاتھ پکڑرکھے تھے اور ایسی حالت میں ان کی نشیں ملیں جن کو تحصیل ہیڈکواٹر ہسپتال فورٹ عباس لا یا گیا ۔ پو سٹ مارٹم کے بعد نعشیںور ثا ءکے حوالے کر دیں لیڈی ڈاکٹرابتدائی رپو رٹ میں بچیوں کی موت قدرتی قرار اور جسم کے نمونہ جا ت فرانزک لیبارٹےری کو بھجوادیئے گئے ہےں تا کہ مو ت کی اصل وجہ پتاچل سکے ۔لیڈی ڈاکٹر کی طرف سے فرانزک نمونہ جات بھجوانے کے عمل کو سوشل میڈیا میں لو گو اپنے اپنے ر نگ میں پیش کر نے کی کو شش جس کی لیڈی ڈاکٹر نے نشاندی کی ڈپٹی کمشنر بہاول نگر نے صوبائی ڈینرا سٹر منجمیٹ اتھارٹی پنجاب کو تفصیلی رپورٹ کے سا تھ سفارشکی ہے کہ بچیوں کے ورثاءکو مالی معاونت کی جا ئے اس واقع کی مکمل رپورٹ ڈپٹی کمشنر بہاو لنگر چیف سیکرٹری پنجاب کو بھی ارسال کردی ہے علاوہ زٰیں ریجنل پولیس آفیسر وسیم احمد خاں کے تر جمان کے مطابق ریسکیو اپریشن 13جون کو شروع کیا گیا اور اس میں کو ئی کمی کو تاہی نہیں بر تی گئیں ۔نعشیں کی برآمدگی کے بعد عےد کی صبح پانچ بجے بچیوں کی تدفین کی گئی ۔عید کے پر مسر ت مو قع پر صحرائے چو لیستا ن میں تین بچیوں کی ہلاکت کی وجہ سے فورٹ عباس کے لو گ صدمے میں مبتلا رہے اور پو رے وعلاقہ میں سوگ کی فضاطاری رہی لو گ جوق در جوق بچیوں کے ورثاءسے تعزیت کا اظہار کرتے نے کے لیے عید کے روز بھی جا تے رہے بچیوں کی ہلاکت کی خبر سن کر ہر آنکھ اشکبار اور دل غمگین تھے تحصیل فو رٹ عباس کے عوام عید الفطر کو نہایت سادگی سے نبایا اور ورثاءکے رنج و غم میں برابر کے شر یک رہے ۔
Monthly Archives: June 2018
بنی گالہ کے باہر احتجاج کرتے کارکنان نے جہانگیر ترین کو گھیرلیا
اسلام آباد (مانیٹرنگ ڈیسک) پاکستان تحریک انصاف کے کارکنان عمران خان کی رہائشگاہ بنی گالہ کے باہر ٹکٹوں کی تقسیم کے حوالے سے احتجاج کر رہے ہیں اور اپنے امیدوار کیلئے ٹکٹ کا مطالبہ کر رہے ہیں تاہم ایسے میں عمران خان نے انہیں تسلی دیتے ہوئے کہا کہ وہ اپنی شکایت کی درخواست جمع کروا دیں جس پر نظر ثانی کی جائے گی تاہم عمران خان کی روانگی کے بعد کارکنان وہیں موجود تھے کہ جہانگیر ترین آن پہنچے اور وہ کارکنان کے ہتھے چڑھ گئے ۔ بنی گالہ کے باہر کارکنان نے جب جہانگیر ترین کو دیکھا تو انہیں گھیر لیا اور احتجاج شروع کر دیا جبکہ کارکنان کی جانب سے جہانگیر ترین کے مخالف نعرے بھی لگائے گئے تاہم پی ٹی آئی رہنما وہاں سے نکلنے میں کامیاب ہو گئی۔
دنیا کا امیر ترین شہنشاہ کون ،ایسا نام سامنے آگیا سب حیران ہو گئے
تھائی لینڈ(ویب ڈیسک) تھائی لینڈ کے بادشاہ کو شاہی خاندان کی تمام دولت کا مالک قرار دے دیا گیا۔ شاہ واجیرا لونگ کرن اب دنیا کے امیر ترین شہنشاہ بن جائیں گے۔تھائی لینڈ کے شاہی اثاثوں کا انتظام گزشتہ آٹھ دہائیوں سے سرکاری ایجنسی کراون پراپرٹی بیورو کے کنٹرول میں تھا۔ تاہم گزشتہ سال تھائی فوجی حکومت نے اثاثوں کی شہنشاہ کو منتقلی کے قانون کی منظوری دی تھی۔غیر ملکی ٹی وی کی رپورٹ کے مطابق اب سرکاری ایجنسی نے 65 سالہ بادشاہ واجیرا لونگ کرن کو تمام شاہی اثاثوں کا مالک قرار دے دیا جن کی مالیت کا تخمینہ 30 سے 60ارب ڈالر تک ہے۔ان اثاثوں میں بینکاک میں قیمتی اراضی اور عمارتیں بھی شامل ہیں۔
خواجہ احمد حسان کل ، شہباز شریف 24 جون کو نیب طلب
لاہور ( این این آئی) سابق وزیراعلیٰ پنجاب محمد شہباز شریف صاف پانی کمپنی سکینڈل میں 24 جون کو نیب میں پیش ہوں گے جبکہ قومی احتساب بیورو ( نیب ) نے لاہور ویسٹ مینجمنٹ اور صاف پانی کمپنی کرپشن سکینڈل میں خواجہ احمد حسان کو کل ( بدھ ) 20 جون کو طلب کر لیا ۔ ذرائع کے مطابق خواجہ احمد حسان کی سربراہی میں کوڑے کو ٹھکانے لگانے سے متعلق کئی اہم فیصلے ہوئے، نیب نے خواجہ حسان کی مداخلت کرنے اور ٹھیکوں میں مبینہ مداخلت کرنیکا اہم ریکارڈ حاصل کر لیا ہے، لاہور ویسٹ مینجمنٹ کمپنی میں میرٹ کے برعکس من پسند کمپنیوں کو ٹھیکے دئیے گئے، نیب کی ٹیم نے شہبازشریف اور خواجہ حسان کی طلبی کے نوٹس موصول کروا دئیے۔
فاروق ستار بھی نا اہل ہو گئے متحدہ حلقوں میں بھونچال
کراچی( ویب ڈیسک) ایم کیوایم کے رہنما ڈاکٹر فاروق ستار کے این اے 245 سے کاغذات نامزدگی مسترد کردیئے گئے۔ڈاکٹر فاروق ستار نے عام انتخابات میں حصہ لینے کے لیے قومی اسمبلی کی نشست پر کراچی کے تین حلقوں سے کاغذات نامزدگی جمع کرائے ہیں جن میں این اے 245،241 اور 247 کے حلقے شامل ہیں۔ریٹرننگ افسر احسان خان نے حلقہ این اے 245 سے ڈاکٹر فاروق ستار کے کاغذات نامزدگی کی جانچ پڑتال کی جس کےبعد انہیں مسترد کردیا گیا۔ریٹرننگ افسر نے بتایا کہ ایم کیوایم رہنما فاروق ستار 2 مقدمات میں مفرور ہیں اور انہوں نے کاغذات نامزدگی میں مفروری کا ذکر نہیں کیا جس بناءپر ان کے کاغذات مسترد کیے گئے۔
ٹرمپ کی بے وقو فیاں جاری شمالی کورین جنرل سے مصافحہ کی بجائے حیرت انگیز کام کر دیا
واشنگٹن(ویب ڈیسک) امریکی صدر ٹرمپ بوکھلاہٹ کا شکار ہو گئے اور شمالی کورین جنرل سے مصافحہ کے بجائے سلیوٹ کر ڈالا۔شمالی کوریا کے سرکاری ٹیلی وڑن نے 2 روز قبل امریکی ٹرمپ اور شمالی کوریا کے ایک جنرل کے درمیان سلام اور مصافحے کے مناظر نشر کیے تھے جس کے بعد امریکی میڈیا میں اس پر خاصی لے دے ہوئی۔اس مختصر وڈیو کلپ میں ٹرمپ نے پہلے شمالی کوریا کے مسلح افواج کے وزیر نو کوان چول کی طرف مصافحے کے لیے ہاتھ بڑھایا تاہم شمالی کوریا کے جنرل نے ہاتھ ملانے کے بجائے انہیں فوجی سلیوٹ کیا۔ اس پر ٹرمپ کے پاس بھی جوابی سلیوٹ کے سوا کوئی چارہ نہ تھا۔اس کے فوری بعد جنرل چول نے مصافحے کے لیے ٹرمپ کی جانب ہاتھ بڑھا دیا جس پر امریکی صدر یک دم بوکھلا گئے اور اس بوکھلاہٹ اور شرمندگی کو کیمروں کی آنکھ نے بھی محفوظ کر لیا۔اس حوالے سے ٹرمپ کے چاہنے والوں کا کہنا ہے کہ یہ عام سی بات تھی اور اس میں کوئی شرمندگی کی بات نہیں۔ دوسرے جانب بعض لوگوں کا کہنا ہے کہ یہ بوکھلاہٹ پر مبنی عجیب سا منظر تھا۔
آسٹریلین ننھی پری ،عمر 15ماہ ہو گئی فٹبال فیور میں مبتلا
سڈنی /ماسکو(این این آئی)فٹبال کے شائقین آسٹریلوی والدین نے اپنی 15 ماہ کی ننھی پری کو بھی ورلڈ کپ فیور میں مبتلا کردیا ¾2006 کے فٹبال ورلڈ کپ ٹورنامنٹ کے دوران ڈیوڈ کوہن نے اپنی اہلیہ ساندرا کو پروپوز کیا تھا اور اب 2018 میں ان کی پندرہ ماہ کی بیٹی ایمی بھی فٹ بال ورلڈ کپ کے دوران میچ دیکھنے کےلئے ان کے ساتھ اسٹیڈیم پہنچی۔گروپ سی کی ٹیموں آسٹریلیا اور فرانس کے مابین ہونے والا فٹبال میچ زرد اور سبز لباس پہنے ننھی ایمی نے بھی دیکھا۔اس دوران ایمی نے نیند کے جھونکے بھی لیے اور ساتھ ہی فینز کا شور شرابا بھی خوب انجوائے کیا۔ایمی کی والدہ ساندرا نے بتایا کہ وہ آدھے میچ کے دوران سوتی رہی، جو میرے لیے اچھا تھا اور میں نے آرام سے میچ دیکھا۔انہوں نے بتایا کہ میچ کے دوسرے ہاف میں وہ ارگرد موجود لوگوں سے کھیلتی رہی اور اسٹیڈیم کے شور کو بھی خوب انجوائے کیا۔
عمران خان کی گھر کے گیٹ پر چڑھ کر ناراض کارکنوں سے واپس گھروں کو جانے کی اپیل
اسلام آباد (ویب ڈیسک) پارٹی چیئرمین نے مرکزی دروازے کے گیٹ پر چڑھ کر احتجاجی کارکنوں سے واپس جانے کی اپیل کی، کارکن بات سننے کی بجائے شور شرابا کرتے رہے، سیکیورٹی کے پیشِ نظر پولیس کا تعینات کر دیا گیا۔ناراض کارکنوں کے احتجاج کی وجہ سے پاکستان تحریکِ انصاف (پی ٹی آئی) کے چیئرمین عمران خان کے گھر کے اندر سیکیورٹی گارڈز کو ہٹا کر پولیس کے دستے تعینات کر دیے گئے ہیں، جنہوں نے اپنی پوزیشنیں سنبھال لی ہیں۔ٹکٹوں کے معاملے پر یہ ناراض کارکن بنی گالا کے باہر سراپا احتجاج ہیں۔ان ناراض کارکنوں کی بات سننے عمران خان آئے اور وضاحت کی لیکن انہوں نے اسے ماننے سے انکار کرتے ہوئے احتجاج جاری رکھا۔ عمران خان نے اپنی رہائش گاہ کے مرکزی دروازے پر چڑھ کر کارکنوں سے واپس جانے کی اپیل کی لیکن کارکن بات سننے کی بجائے شور شرابا کرتے رہے۔پی ٹی آئی چیئرمین عمران خان احتجاج کرنے والے ناراض کارکنوں کے پاس پہنچے اور دو ٹوک موقف اختیار کرتے ہوئے ان پر واضح کہا کہ ٹکٹوں کی تقسیم پارلیمانی بورڈ کی مشاورت اور میرٹ پر کر رہا ہوں، 10 ہزار کارکن بھی آ جائیں تو فیصلہ تبدیل نہیں کروں گا۔ اگر آج پریشر لیا تو کل اتنے لوگ اور آ جائیں گے۔
فلم سستی تفریح ‘ اداس چہروں پر مسکراہٹیں لاسکتی ہے
لاہور (شوبزڈیسک ) اداکارہ وماڈل مایا علی نے کہا ہے کہ فلم ہی ایک سستی اورعمدہ تفریح ہے جولوگوں کے اداس چہروں پرمسکراہٹ لاسکتی ہے۔ میڈیا سے گفتگو کرتے ہوئے مایاعلی نے کہا کہ عیدالفطرایک ایسا تہوارہے جس پرہرکوئی ایک دوسرے سے گلے شکوے مٹاکرگلے ملتے ہیں اورخوشیوں کو بانٹتے ہیں۔ ایسے گرینڈ ایونٹ پراگرکوئی پاکستانی فلم شائقین کی دلچسپی کا مرکز بن جائے تواس سے خوشی کی کوئی دوسری بات نہیں ہوسکتی۔مایا علی نے کہا کہ اس وقت ہمارے ملک میں اچھی اورمعیاری فلمیں پروڈیوس کی جارہی ہیں۔ اداکارہ نے کہا کہ عید کیلئے بنائی گئی تمام فلموں کومنفرداوردلچسپ بنانے کیلئے ایک یا دونہیں بلکہ کئی مہینوں کی محنت لگائی گئی ہے۔ فنکار توفنکار، تکنیک کاروں نے بھی اپنی فلموں کوعیدکے موقع پرکامیابی دلوانے کیلئے سرتوڑ کوشش کی ہے۔
اس مرتبہ نمائش کیلئے پیش کی جانے والی فلموں کی کہانی، میوزک، لوکیشنز اورڈائیلاگ کے علاوہ فنکاروں کی پرفارمنس بہت جاندار ہے۔ میں نے کچھ کے ٹریلر دیکھیں اورمیں بھی کوشش کرونگی کہ عیدکے موقع پرسینما گھر جاکران فلموں کودیکھوں اورخوب انجوائے کروں۔ایک سوال کے جواب میں مایا علی نے کہا کہ جب کوئی فلم اچھی ہوتی ہے توپھر اس کے سامنے کوئی بھی فلم لگ جائے ، فرق نہیں پڑتا۔ اس لئے اب وہ دورگئے جب غیرملکی فلموں کی نمائش سے ہماری فلموں کا بزنس متاثرہوتا تھا، اب ہماری اپنی فلموں کا معیار بہترہوچکا ہے اوراس میں دن بدن اضافہ ہورہا ہے۔
کامیابی کے پیچھے لمبی داستان ،ٹرک ڈرائیونگ بھی کی
لاہور ( شوبزڈیسک) گلوکار عطاءاللہ عیسیٰ خیلوی نے کہا ہے کہ میری کامیابی کے پیچھے لمبی جدوجہد کی داستان ہے ، میرے ہر گانے کے پیچھے ایک کہانی ضروری ہے ،کبھی سوچا نہیں تھا کہ گائیکی کو بطور پروفیشن اختیار کروں گا ۔ انہوں نے ایک انٹرویو کے دوران کہا کہ ہر نوجوان محبت میں مبتلا ہوتا ہے اور میرے ساتھ بھی ایسا ہی حادثہ ہوا تھا ،میری گائیکی میں جو ہجر کا درد ہے یہ قدرتی امر ہے ،میں شروع میں ذاتی تسکین کے لئے گاتا تھا مگر میرا گھریلو ماحول اور قبیلے کے لوگ گانا سننے اور گانے والے کے اس قدر خلاف تھے کہ گائیکی پر میرے بارے میں جو الفاظ استعمال کیے گئے وہ ناقابل بیان ہیں مانہوں نے سولہ سترہ سال کی عمر میں میرا بائیکاٹ کر دیا پھر زندگی کی گاڑی چلانے کے لئے میں نے ٹرک ڈرائیونگ بھی کی ۔عطاءاللہ عیسیٰ خیلوی نے کہا کہ زندگی کی نئی جدوجہد شروع ہو گئی تو پھر خدا کی ذات نے مجھے شہرت کی ان بلندیوں پر پہنچا دیا جس کا میں نے خواب میں بھی تصور نہیں کیا تھا ۔ انہوں نے اپنے مشہور زمانہ گانے ”قمیض تیری کالی “ کے حوالے سے بتایا کہ یہ استاد امیر حسین کا لکھا ہوا گانا تھا اور وہ طویل عرصے سے میرے پیچھے پڑے ہوئے تھے کہ میں اس گانے کو گاﺅں مگر مجھے گانے کی استائی ٹھیک نہیں لگتی تھی جس کی وجہ سے میں انکار کر دیتا تھا مگر وہ مسلسل دو سال تک میرے پیچھے پڑے رہے تو میں نے ایک شرط پر حامی بھرلی کہ اسکی استائی میں خود لکھوں گا اور انہوں نے میری بات مان لی تو پھر میں نے اس گانے کور یکارڈ کروایا اور نعیم بخاری کے ایک شو میں بغیر میوزک کے گایا تو اگلے دن پورے ملک میں یہ گانا مقبول ہو چکا تھا۔انہوں نے کہا کہ عمران خان سے میری دوستی کافی پرانی ہے اور وہ میری سیاسی محبت ہیں اور جس طرح میں عمران خان کے بارے میں جانتا ہوں اس وجہ سے میں سمجھتا ہوں کہ یہ ایک بندہ ملک میں انقلاب لا سکتا ہے۔
ایشا گپتا کامیڈی فلم ”ٹوٹل دھمال “ کی کاسٹ کا حصہ ہوںگی
ممبئی (شوبزڈیسک) بالی وڈ اداکارہ ایشا گپتا کےکامیڈی فلم ”ٹوٹل دھمال “ کی کاسٹ کا حصہ بننے کا انکشاف کیا گیا ہے۔ بھارتی ذرائع ابلاغ کے مطابق خبریں سامنے آرہی ہیں کہ اداکارہ ایشا گپتا کامیڈی فلم ”ٹوٹل دھمال “ کی کاسٹ کا حصہ بن گئی ہیں لیکن اس حوالے سے ابھی باقاعدہ اعلان نہیں کیا گیا ہے جبکہ یہ بھی سننے میں آرہا ہے کہ ان کے حصے کی عکسبندی 3ڈی میں کی جائے گی، فلم میں اداکارہ مادھوری ڈکشٹ، انیل کپور 17سال کے بعد ایک ساتھ دکھائی دیں گے۔ جبکہ فلم میں اداکار اجے دیوگن، ارشد وارثی، رتیش دیش مکھ اور جاوید جعفری مرکزی کردار ادا کر رہے ہیں، فلم کے ہدایتکار اندرا کمار ہیں۔
معمر رانا کی” مارکیٹ “ بہترین میوزیکل ڈرامائی فلم ہونے کا اعزاز
لاہور (شوبزڈیسک) اداکار معمر کرانا کی پنجابی فلم ” مارکیٹ “ نے بہترین میوزیکل ڈرامائی فلم ہونے کا اعزاز حاصل کر لیا۔فلم میں معمر رانا کے سا تھ ماہی شاہی حماد شاہ‘ نواز انجم‘ اور سکندر آصف خان نے بھ بہت اچھا کام کیا ہے۔ اس فلم میںاداکار نسیم وکی بھی شامل ہیں۔اس فلم کے ڈائریکٹر انجم پرویز ہیں جبکہ اس کے ڈسٹری بیوٹر قیصر ثنا ءاللہ خان ہیں۔فلم بینوں کا کہنا ہے کہ عرصہ بعد پنجابی فلموں میں اچھی فلم دیکھنے کو ملی۔
ایشوریہ نے ابھیشک کو پریانکا چوپڑا کے ساتھ کام سے روک دیا
ممبئی(شوبزڈیسک )ایشوریہ رائے بچن نے شوہر ابھیشیک بچن کو پریانکا چوپڑا کے ساتھ فلم میں کام کرنے سے روک دیا ہے۔بھارتی میڈیا رپورٹس کے مطابق معروف ہدایتکارہ سونالی بوس نے اپنی نئی فلم میں ابھیشیک بچن کو کام کی پیشکش کی تھی، فلم کا مرکزی کردار دنگل کی اداکارہ زائرہ وسیم ادا کریں گی جب کہ ابھیشیک بچن کو ان کے والد کا کردار ادا کرنا تھا۔ ابھیشیک بچن کے مدمقابل پریانکا چوپڑا اداکاری کے جوہر دکھانے والی تھیں، تاہم اب خبریں یہ ہیں کہ ایشوریہ رائے بچن نے ابھیشیک کو فلم میں کام کرنے سے روک دیا ہے۔سابق ملک حسن کا خیال ہے کہ فلم کی کہانی زائرہ وسیم اور پریانکا چوپڑا کے گرد ہی گھومتی ہے اور ابھیشیک کا کردار ثانوی ہے، اس لئے بہتر ہے کہ ابھیشیک فلم میں کام کرنے کے بجائے کسی اور اچھی پیشکش کا انتظار کریں۔ دوسری جانب ایشوریہ رائے بچن کی جانب سے اس خبر کو بے بنیاد اور غلط قرار دیتے ہوئے کہا گیا ہے کہ ابھیشیک کو ایسی کوئی پیشکش نہیں ہوئی۔واضح رہے کہ امیتابھ بچن اور جیہ بہادری جیسے سپر اسٹارز کی اولاد ہونے کے باوجود ابھیشیک بچن کا فلمی کیرئیر کامیاب نہیں رہا اور ان کی زیادہ تر فلمیں ناکامی کا شکار ہوئی ہیں۔
