ممبئی (ویب ڈیسک)نامور بالی ووڈ اداکارسنجے دت کی زندگی کسی فلم سے کم نہیں یہی وجہ ہے کہ ہدایت کار راجکمار ہیرانی نے ان کی زندگی پر فلم بنانے کا فیصلہ کیاہے تاہم اب بھی ان کی زندگی کے مختلف پہلو ایسے ہیں جنہیں فلم میں شامل نہیں کیاگیا۔اداکار سنجے دت کی زندگی منشیات کے استعمال، اسلحہ اسمگلنگ سمیت متعدد تنازعات سے بھری پڑی ہےجب کہ ان کے بالی ووڈ کی متعدد اداکاراو¿ں سے بھی تعلقات رہے ہیں لیکن فلم میں سنجے دت کی زندگی کےصرف دو پہلوو¿ں کو فلمایاگیا ہے جو ان کے جیل میں گزارے گئے دن اورمنشیات کےاستعمال سے متعلق ہے۔ تاہم سنجے دت کی زندگی کے بہت سے پہلوو¿ں کو فلم میں شامل ہی نہیں کیاگیا۔ فلم کے ہدایت کارراجکمار ہیرانی کاایک انٹرویو کے دوران کہنا تھا کہ سنجے دت کی زندگی پر فلم بنانے کا فیصلہ اسلیے کیا ہے کیونکہ وہ ان کی زندگی کے غلط تاثر کوسدھار سکیں اس کے علاوہ 50 برسوں کو دو ڈھائی گھنٹوں میں نہیں دکھایاجاسکتا، یہی وجہ ہے کہ ان کی زندگی کے مختلف پہلوو¿ں کو فلم میں شامل نہیں کیاگیا۔سنجے دت کی زندگی کے4 متنازعات پہلو جنہیں فلم میں شامل نہیں کیاگیا۔جوانی کے دور میں سنجے دت کے متعدد اداکاراو¿ں کے ساتھ تعلقات رہے ہیں جن میں ایک اداکارہ ٹینامینم ہیں، ٹینا مینم کے ساتھ سنجے کا تعلق تقریباً دوسال تک رہا، سنجے دت ٹینا سے بہت محبت کرتے تھے اور ایک بار وہ بھارتی فلموں کے ولن گلشن گروور کے ساتھ رشی کپور کو مارنے ان کے گھر پہنچ گئے تھےکیونکہ رشی کپور بھی ٹینا کی محبت میں گرفتار ہوگئے تھے۔سنجے دت کا اداکارہ مادھوری ڈکشٹ کے ساتھ افیئر کسی سے ڈھکا چھپا نہیں، تاہم اب سنجے دت اس بارے میں بات بھی نہیں کرتے۔ ابتدا میں کہاجارہا تھا کہ فلم ’سنجو‘میں سونم کپور سنجے دت کی مبینہ گرل فرینڈ مادھوری ڈکشٹ کا کردار نبھائیں گی لیکن بعد میں یہ خبرغلط ثابت ہوئی۔سنجے دت کی زندگی کا ایک اورمتنازع پہلو ملازمہ پر فائرنگ کا واقعہ ہے۔ سنجے دت جب چھوٹے تھےان کے ہاتھ ان کے والد سنیل دت کی ایک لائسنس یافتہ بندوق لگ گئی اور وہ اسے لے کر ہوامیں فائرنگ کرنے لگے اور اسی دوران ایک گولی گھر میں کام کرنے والی ملازمہ کو لگ گئی، تاہم دت فیملی نے نوکرانی کاعلاج کراکے معاملے کو وہیں دبادیا۔کیریئر کی ابتدا میں سنجے دت کافی غصے والے تھے یہی وجہ تھی کہ ان کے ساتھی اداکاروں کے ساتھ تعلقات ٹھیک نہیں تھے، اداکار گووندا اورسلمان خان کے ساتھ بھی سنجے دت نے اپنے رشتوں کو بگاڑا، ایک وقت تھا جب گووندا اور سنجے دت بہت اچھے دوست تھےلیکن بعد میں ان کے رشتوں میں دراڑ اوگئی جب کہ سلمان خان کے ساتھ بھی ان کا رشتہ اتار چڑھاو¿ کا شکار رہا تاہم اس بات کو بھی فلم میں شامل نہیں کیا گیا۔واضح رہے کہ سنجے دت کی زندگی پر مبنی فلم’سنجو‘رواں ماہ کے ا?خر میں ریلیز کی جارہی ہے، فلم میں رنبیر کپور سنجے دت کا مرکزی کردار اداکررہے ہیں جب کہ دیگر کاسٹ میں منیشا کوئرالہ، پاریش راول، سونم کپوراور دیا مرزا شامل ہیں۔

کراچی (ویب ڈیسک)علی ظفر اور مایا علی کی فلم ’طیفا ان ٹربل‘ کے آئٹم سانگ نے تو پہلے ہی دھوم مچا رکھی ہے اور آج اس کی ویڈیو بھی ریلیز ہونے جارہی ہے۔فلم کا گانا ’میں آئٹم نمبر نہیں کروں گی‘ اس وقت سب کی توجہ کا مرکز بن چکا ہے جس کے بول علی ظفر نے خود لکھے ہیں۔گانے کی کوریوگرافی بالی وڈ کے کوریو گرافر فیروز خان نے کی ہے، جو علی ظفر کے بہترین دوست بھی ہیں۔اس آئٹم سانگ کی ویڈیو آج ریلیز ہوگی جس کا مداحوں کو بے صبری سے انتظار ہے۔واضح رہے کہ یہ فلم علی ظفر کی ڈیبیو پاکستانی فلم ہے، اس سے قبل وہ بالی وڈ میں ’میرے برادر کی دلہن‘، ’لندن پیرس نیویارک‘ اور ‘چشم بددور’ جیسی فلموں میں کام کرچکے ہیں۔’طیفا ان ٹربل‘ اداکارہ مایا علی کی بھی ڈیبیو فلم ہوگی۔فلم کی کاسٹ میں علی ظفر اور مایا علی کے علاوہ جاوید شیخ، فیصل قریشی، ٹام کولسٹن اور نیئر اعجاز شامل ہیں۔فلم ’طیفا ان ٹربل‘ 20 جولائی کو سینما گھروں کی زینت بنے گی۔

ممبئی (ویب ڈیسک)نوجوانوں میں ‘جب لائف ہو آو¿ٹ آف کنٹرول، ہونٹوں کو کرکے بول، آل از ویل’ کا گیان بانٹنے والے ‘بابا رنچھوڑ داس’ ایک بار پھر فلم ’3 ایڈیٹس‘ کے سیکوئل کے ساتھ آنے والے ہیں۔جی ہاں فلمساز راج کمار نے 2009 کی مشہور اور یادگار فلم ’3 ایڈیٹس‘ کا سیکوئل جلد بنانے کا فیصلہ کرلیا ہے۔بھارتی نیوز ویب سائٹ مڈ ڈے کی رپورٹ کے مطابق راج کمار ہیرانی اس وقت فلم ’سنجو‘ کی تشہیر میں مصروف ہیں جس کے بعد وہ فلم ’منا بھائی 3 ‘ کی تیاری مکمل کریں گے۔ان دونوں فلموں سے فارغ ہونے کے بعد راج کمار ہیرانی فلم ’3 ایڈیٹس‘ کے سیکوئل پر کام شروع کردیں گے جس کے اسکرپٹ کا کچھ حصہ لکھ لیا گیا ہے۔راج کمار ہیرانی کا کہنا ہے کہ ان کی اور مسٹر پرفیکشنسٹ عامر خان کی خواہش تھی کہ فلم کا سیکوئل ضرور بنے اور تینوں دوستوں کے سفر کو آگے لے کر جایا جائے۔فی الحال فلم کی کاسٹ کے حوالے سے کوئی تفصیلات سامنے نہیں آئیں۔واضح رہے کہ فلم ’3 ایڈیٹس‘کی کہانی 3 دوستوں کے گرد گھومتی ہے، جس میں مرکزی کردار عامر خان نے نبھایا تھا جب کہ ان کے دیگر دو دوستوں میں شرمن جوشی اور مادھون شامل تھے۔فلم کی کاسٹ میں کرینہ کپور خان اور بومن ایرازنی بھی شامل تھے۔رپورٹس کے مطابق فلم ’3 ایڈیٹس‘ کا سیکوئل 2020 میں ریلیز کیا جائے گا۔

ممبئی (ویب ڈیسک)بالی وڈ اداکار سنجے دت کی زندگی پر بننے والی فلم ’سنجو‘ کے لیے رنبیر کپور فلمساز کی پہلی پسند نہیں تھے۔سنجے دت کی بھارتی فلم نگری کے واحد اداکار ہیں جن کی زندگی میں ہی ان پر فلم بنائی جارہی ہے جس میں رنبیر کپور نے مرکزی کردار کیا ہے۔رنبیر کپور سنجے کا روپ دھار کر مداحوں کو اپنا گرویدہ کر چکے ہیں اور ہر طرف سے اداکاری کی تعریفیں سمیٹ رہے ہیں۔ فلم کے پروڈیوسر ودھو ونود چوپڑا کا ایک انٹرویو میں کہنا تھا کہ ہدایت کار راج کمار ہیرانی نے فلم کے مرکزی کردار کے لیے رنبیر کپور کو کاسٹ کرنے کا کہا تو میں بالکل خوش نہیں تھا کیوں کہ میں رنویر سنگھ کو اس کردار کے لیے سوچ رہا تھا۔انہوں نے کہا کہ مجھے لگا کہ رنویر میں اس کردار کو نبھانے کی قابلت موجود ہے اور وہ اداکاری کے ساتھ ساتھ سنجے کے روپ میں بھی جاندار نظر آئیں گے لیکن راجکمار ہیرانی رنبیر کو ہی کاسٹ کرنے پر بضد رہے۔پروڈیوسر کا کہنا تھا کہ جب ہم نے شوٹنگ شروع کی اور رنبیر کی اداکاری اور روپ کو دیکھا تو مجھے اپنے الفاظ واپس لینے پڑے کیوں وہ کردار اور سنجے دت کی روح میں ڈھل چکے تھے۔یاد رہے کہ فلم ’سنجو‘ اگلے ہفتے ریلیز کی جائے گی جس میں رنبیر کپور، پاریش راول، انوشکا شرما اور سونم کپور سمیت کئی اداکار نظر آئیں گے۔