اسلام آباد (ویب ڈیسک ) چین نے پاکستانی کاروباری برادری اور تاجروں کیلئے ویزہ اجراء کو نہایت آسان اور سہل کر دیا ہے ،یکم اپریل سے نئی ویزہ پالیسی پر عملدرآمد شروع کر دیا گیا ہے ، ، کاروباری برادری کے لیے انتہائی سادہ درخواست فارم متعارف کر ایا گیا ہے، کاروباری و تاجر برادری کی جانب سے نئی ویزہ پالیسی کا خیرمقدم کرتے ہوئے اس کو زبردست سراہا گیا ، نئی ویزہ پالیسی سے یکم اپریل سے 15جون کے درمیان ویزہ کے اجراءمیں 11فیصد اضافہ ہواہے جبکہ کاروباری ویزہ میں 19فیصد اضافہ ہوا اور اڑھائی ماہ میں15ہزار افراد کو ویزے جاری کیے گئے، اسلام آباد میں چینی سفارتخانے کے قونصلر سیکشن میں پاکستانی سٹاف بھرتی کیا گیا ہے جو اردو میں بات چیت کرتا ہے ، قونصلر سیکشن میں ویز ہ درخواست گزاروں سے دو پاکستانی خواتین درخواستیں وصول کرتی ہیں جو درخواست گزاروں سے اردو میں گفتگو کرتی ہیں پہلے اردو میں گفتگو کی سہولت حاصل نہیں تھی ، قونصلر سیکشن کے ڈائر یکٹر یانگ لیان چن نے کہا ہے کہ قونصلر سیکشن میں زیادہ سےز یادہ پاکستانی سٹاف سے ویزہ درخواست گزاروں کو سہولت میسر آئے گی اور زبان کے مسائل حل ہونگے ، انہوں نے کہا کہ نئے چینی سفیر ڑاﺅ جنگ کی ہدایت پر پاکستانی سٹاف کو بھرتی کیا گیا ، یکم اپریل سے نئی ویزہ پالیسی پر عملدرا?مد شروع کر دیا گیا ہے اور اب وہ درخواست گزار جنہوں نے یکم جنوری 2016سے اب تک تین مرتبہ چین کا سفر کیا یا مقامی چیمبر ا?ف کامرس میں رجسٹرڈ کمپنیوں کے کام کرنیوالے کاروباری افراد یا سرکاری افسران یا ملازمین کوچین سے دعوتی لیٹر سے استثنیٰ حاص ہو گا ، پاکستان کی تاجر برادری ، چیمبرز ا?ف کامرس نے چین کی نئی ویزہ پالیسی کو سراہا ہے، فیصل ا?باد کے تاجر فیصل سعید جو حال ہی میں چین کا دورہ کر کے ا?ئے ہیں نے کہا ہےکہ نئی پالیسی نے پاکستانی کاروباری افراد کے لیے ویزہ اجرائ کو نہایت ا?سان بنادیا ہے ، کراچی چیمبرز ا?ف کامرس کے فرحان مغل نے کہا کہ نئی ویزہ پالیسی نے کاروباری برادری کو چین میں کاروبار کے زیادہ سے زیادہ مواقع ملیں گے۔

اسلام آباد(ویب ڈیسک) پاکستان تحریک انصاف کے چیئرمین عمران خان نے اتوار کو میانوالی سے ملک گیر انتخابی مہم شروع کرنے کا اعلان کیا ہے۔اپنے ویڈیو بیان میں عمران خان کا کہنا تھا کہ میانوالی سے انتخابی مہم شروع کرنے کے پیچھے خاص مقصد ہے کیوں کہ 2002کے انتخابات میں میانوالی کے لوگوں نے مجھے پہلی مرتبہ منتخب کیا، اگر میانوالی کے عوام میرا ساتھ نہ دیتے تو شاید آج سیاست نہ کر رہا ہوتا۔انہوں نے کہا کہ میانوالی کے نوجوانوں کی بدولت تحریک انصاف آج سب سے بڑی جماعت بن چکی ہے اور میانوالی سے انتخابی مہم سے ملک میں تحریک انصاف کی حکومت قائم ہوگی۔ان کا کہنا ہے کہ اتوار کی شام میانوالی کے ہاکی اسٹیڈیم سے 2018 کی انتخابی مہم کا آغاز کروں گا جس میں میانوالی کی عوام کو شرکت کی دعوت دیتا ہوں۔عمران خان کا کہنا تھا کہ پاکستان کو وہ ملک بنائیں گے جس کے لیے قائد نے کوشش اور اقبال نے خواب دیکھا اور تحریک انصاف ہی پاکستان کے عظیم خواب کو شرمندہ تعبیر کرے گی۔

لاہور (ویب ڈیسک)پاکستان تحریک انصاف کے چیئرمین عمران خان کا کہنا ہے کہ انتخابی ٹکٹ صرف ان امیدواروں کو جاری کیے جو الیکشن لڑنے کی سائنس جانتا ہے۔انتخابی ٹکٹوں کی تقسیم کے معاملے پر بنی گالہ میں دھرنے پر بیٹھے کارکنوں سے خطاب کرتے ہوئے عمران خان کا کہنا تھا کہ انصاف کے لیے 126 دن ڈی چوک میں دھرنا دیا لیکن اس سے بھی مشکل کام ٹکٹوں کی تقسیم ہے۔ان کا کہنا تھا کہ ساڑھے 4 ہزار لوگوں نے ٹکٹ کے لیے اپلائی کیا تھا، ہم نے امیدواروں کو ٹکٹ دیے، لوگوں نے اعتراض کیا جس پر ہم نے نظر ثانی کی۔انہوں نے کہا کہ ٹکٹوں کی تقسیم پر اعتراض آپ لوگوں کا حق تھا، آپ لوگوں کو یقین دلاتا ہوں کہ تین روز میں ٹکٹوں کی تقسیم کا جائزہ لے کر فیصلہ کروں گا، کسی کے ساتھ نا انصافی نہ ہو جائے اس لیے اللہ سے ڈرتا ہوں۔چیئرمین تحریک انصاف نے کہا کہ زیادہ تر حلقوں میں واضح تھا کہ ٹکٹ کس کو ملنا چاہیے اس لیے ٹکٹ ان امیدواروں کو جاری کیے جو الیکشن لڑنا جانتے ہیں، الیکشن جیتنے کے لیے لڑ رہے ہیں کیونکہ جیتیں گے تو ملک میں تبدیلی لے کر آئیں گے۔انہوں نے کہا کہ عمران خان کے کسی بھی رشتہ دار یا دوست کو ٹکٹ نہیں ملا۔ان کا کہنا تھا کہ سب سے مشکل کام خواتین کو ٹکٹ دینا ہے، ن لیگ میں کوئی میرٹ نہیں ہے، وہاں پر جن خواتین کو ٹکٹ ملے ان میں سے کوئی کسی کی بیوی ہے، کوئی خالہ ہے تو کوئی کسی کی بہن ہے۔

اسلام آباد(ویب ڈیسک) سابق وزیرداخلہ چوہدری نثار علی خان نے کہا ہے کہ میں نے کوئی بغاوت نہیں کی صرف نوازشریف سے سیاسی اختلاف ہے اگر اقتدار اور عہدہ عزیز ہوتا تو جاکر معافی مانگ لیتا۔اسلام آباد میں پریس کانفرنس کرتے ہوئے چوہدری نثار علی خان نے کہا کہ میں نے پارٹی سے کوئی بغاوت نہیں کی،میں ناراض یا نالاں نہیں لیکن صرف اور صرف نوازشریف سے سیاسی اختلاف کیا ہے اگر پارٹی میں اظہار اختلاف بغاوت ہے تو کوئی اسے جو مرضی کہے میں اسے بغاوت نہیں سمجھتا، میں مسلم لیگ(ن) اورنوازشریف کو نقصان پہنچانے کا سوچ بھی نہیں سکتا میرا پارٹی رہنماو¿ں اور کارکنوں کے ساتھ اب بھی دوستی سے بڑھ کرتعلق ہے۔انہوں نے کہا کہ اختلافات پر خود کو وزارت سے علیحدہ کرلیا مجھے شاہد خاقان عباسی نے کابینہ میں شامل کرنے کا کہا لیکن منع کردیا کیونکہ اصولوں پر سمجھوتا نہیں کرتا، میں نے سینیٹ الیکشن میں ووٹوں کی بندر بانٹ پر آنکھیں بند کرلیں اور مجیب الرحمان کو محب وطن کہنے پر بھی نہیں بولا لیکن ممبئی حملوں پر ملکی مفاد کے خلاف بیان پر خاموش نہیں رہ سکتا تھا کیونکہ پاکستان کا ریکارڈ درست کرنے کے لیے بیان دینا ضروری تھا اور میں نے ایک ایک لفظ سوچ سمجھ کر کہا، میں نے واضح کیا کہ ممبئی حملوں کے حوالے سے کیس بھارت کی ہٹ دھرمی کی وجہ سے ا?گے نہیں بڑھا اس میں پاکستان کی طرف سے کوئی کوتاہی نہیں ہوئی۔چوہدری نثار علی خان نے کہا کہ بعض ٹی وی چینلز اور اخبارات نے میرے سے منسوب بیان چلایا جس پر دلی تکلیف اور دکھ ہوا، میں نے کبھی یہ نہیں کہا تھا کہ منہ کھولوں گا تو نوازشریف منہ نہیں دکھا سکیں گے تاہم کچھ میڈیا کے اداروں نے غلط بیان شائع کیا جس کی تردید کرتا ہوں۔ انہوں نے کہا کہ میری سیٹ ایڈجسٹمنٹ کے حوالے سے بھی جعلی خبریں چلائیں، میرا کسی جماعت سے کوئی رابطہ نہیں کیونکہ مجھے کوئی لالچ نہیں، میں قوم اور حلقے کی عوام کے لیے آزاد حیثیت میں الیکشن لڑرہاہوں۔