اسلام آباد(ویب ڈیسک) پاکستان تحریک انصاف کی انتخابی مہم بھرپور جوش و جذبے سے جاری ہے اور ایسے میں پی ٹی آئی نے گلوکار فرحان سعید کا انتخاب کرلیا ہے، جو کارکنوں اور ووٹروں کا لہو گرمانے کے لیے پارٹی کا نیا آفیشل گانا گائیں گے۔گزشتہ روز فرحان سعید نے بنی گالا میں چیئرمین پی ٹی آئی عمران خان سے ملاقات کی اور الیکشن مہم 2018 کا آفیشل گانا گانے کے لیے ان پر اعتماد کرنے پر شکریہ ادا کیا۔فرحان سعید نے ٹوئٹر پر ملاقات کی تصاویر بھی شیئر کیں اور کہا کہ وہ عمران خان اور پی ٹی آئی کے شکرگزار ہیں کہ انتخابی مہم کا آفیشل گانا گانے کے لیے ان پر بھروسہ کیا گیا۔
گلوکار نے مزید لکھا کہ وہ پی ٹی آئی کی سوشل میڈیا ٹیم کی کوششوں اور سپورٹ کو بھی سراہتے ہیں۔
واضح رہے کہ فرحان سعید متعدد سپر ہٹ گانے گا چکے ہیں جن میں، ’سجنی‘، ’تھوڑی دیر‘، ’دل ہوا پنچھی‘، ’ہلکا ہلکا سرور‘ اور دیگر شامل ہیں۔فرحان سعید گلوکاری کے ساتھ اداکاری میں بھی جوہر دکھاتے ہیں اور حال ہی میں ان کا رمضان کا خصوصی ڈرامہ سیریل ’سنو چندا‘ ریکارڈ توڑ ہٹ ثابت ہوا ہے۔
Monthly Archives: June 2018
دفاعی چیمپئن جرمنی ورلڈ کپ سے باہر
کازان(ویب ڈیسک) فٹ بال ورلڈ کپ 2018 کے گروپ ایف کے میچ میں جنوبی کوریا نے جرمنی کو 0-2 سے شکست دے کر دفاعی چیمپئن کو ورلڈ کپ سے باہر کردیا۔مجموعی طور پر جرمن کھلاڑیوں نے 70 فیصد سے زائد بال کا پوزیشن اپنے پاس رکھ کر میچ پر اپنا غلبہ برقرار رکھا تاہم جنوبی کوریا کے خلاف گول اسکور نہ کرسکی۔جرمنی نے گول کرنے کے لیے متعدد شاندار مووز بنائیں تاہم جنوبی کوریا کے کھلاڑی اسے ناکام بنانے میں کامیاب رہے۔
جنوبی کوریا کے گول کیپر نے شاندار کھیل کا مظاہرہ کرتے ہوئے جرمن شاٹس کو گول کے جال سے دور رکھا۔ شکست کے نتیجے میں جرمنی کو کوئی پوائنٹ نہیں مل سکا جبکہ سوئیڈن نے میکسیکو کو تین کے مقابلے میں صفر گولز سے ہراکر پری کوارٹر فائنلز مرحلے کے لیے کوالیفائی کرلیا۔سوئیڈن کی جانب سے 50ویں منٹ میں لگوگ اوگسٹنسن، 62ویں منٹ میں انڈریاز گرانکوسٹ جبکہ 74ویں منٹ میں میکسیکو کے دفاعی کھلاڑی ایڈسن الوریز نے گیند کو اپنے ہی گول میں بال داغ کر اون گول کردیا۔خیال رہے کہ جرمنی نے 2014 ورلڈ کپ میں ارجنٹینا کو ہراکر ورلڈ کپ کا تاج اپنے سر پر سجایا تھا۔
رنویر ہدایتکار سنجے لیلا کے بعد کرن جوہر کی پسند بن گئے
ممبئی (ویب ڈیسک)بالی وڈ اداکار رنویر سنگھ ہدایت کار سنجے لیلا بھنسالی کے بعد کرن جوہر کی بھی پسند بن گئے ہیں۔رنویر سنگھ نے بہت ہی کم وقت میں فلم نگری میں اپنا مقام بنالیا ہے اور ایک کے بعد ایک سپر ہٹ فلمیں دے کر نا صرف سپر اسٹار بن گئے ہیں بلکہ اپنی اداکاری سے سب کا دل بھی موہ لیا ہے۔نوجوان اداکار کی سپر ہٹ فلموں میں ’بینڈ باجہ بارات‘، ’لیڈیز ورسز رکی بہل‘، ’لٹیرا‘، ’رام لیلا‘، ’با جی راو¿ مستانی‘ اور ’پدماوت‘ شامل ہیں۔’پدماوت‘ کی کامیابی کے بعد رنویر نے اپنا معاوضہ بڑھا دیا۔رنویر نے ’باجی راو¿ مستانی‘ اور ’پدماوت‘ میں تاریخی کردار نبھاکر فلم بینوں کے ساتھ بڑے بڑے اداکاروں سے بھی داد سمیٹی تھی جس کے بعد اب کئی ہدایت کار ان کے ساتھ کام کرنے کے خواہش مند ہیں۔رنویر سنگھ اس وقت کرن جوہر کے پروڈکشن ہاو¿س کے بینر تلے بننے والی فلم ’سمبا‘ میں مرکزی کردار میں نظر آئیں گے جس کی عکس بندی جاری ہے لیکن اب کرن جوہر رنویر کی اداکاری سے بہت متاثر ہو گئے ہیں۔ہدایت کار کرن جوہر کو رنویر کی تاریخی فلموں میں اداکاری بھا گئی ہے جس کے بعد انہوں نے رنویر کو ایک اور فلم میں کاسٹ کر لیا ہے جس کا باقاعدہ اعلان چند روز میں کیا جائے گا۔رنویر نے ’پدماوت‘ میں کردار پر امیتابھ کے تحفے کو ایوارڈ قراردیدیا۔یاد رہے کہ اس سے قبل رنویر نے بھی ہدایت کار سنجے لیلا بھنسالی کے ساتھ 3 فلمیں کی ہیں جس میں ’رام لیلا‘، ’باجی راو¿ مستانی‘ اور ’پدماوت‘ شامل ہیں۔ واضح رہے کہ رنویر سنگھ اس وقت ’سمبا‘ اور ’گلی بوائے‘ کی شوٹنگ میں مصروف ہیں۔
مہوش حیات اور فہد مصطفی کی فلم ’لوڈ ویڈنگ‘ کا ٹیزر جاری
کراچی (ویب ڈیسک )اداکار فہد مصطفی اور مہوش حیات کی فلم ’لوڈ ویڈنگ‘ کے ٹیزر نے جاری ہوتے ہی دھوم مچا دی۔فہد مصطفی اور مہوش حیات کی رومانس کامیڈی فلم ’لوڈ ویڈنگ‘ کے ٹیزر نے پہلی جھلک میں سب کو دیوانہ بنا لیا۔ فلم کا ٹیزر ایک منٹ 5 سیکنڈز پر مشتمل ہے جس میں فہد مصطفی کا بھولا پن مداحوں کو خوب بھا رہا ہے۔ یہ ہدایت کار نبیل قیریشی، مہوش حیات اور فہد مصطفی کے ٹرائیکا کی ایک ساتھ تیسری فلم ہے اور اس سے قبل فلم ’ نامعلوم افراد‘ میں مہوش حیات نے مختصر کردار کیا تھا جب کہ 2016 کی فلم ’ ایکٹر ان لائ‘ میں انہیں فہد مصطفی کے مدمقابل کاسٹ کیا گیا اور یہ دونوں فلمیں سپر ہٹ ثابت ہوئیں۔فلم کے ٹیزر نے ٹریلر اور گیتوں کے لیے مداحوں کے انتظار میں شدت کو مزید بڑھا دیا ہے۔فلم ’لوڈ ویڈنگ‘ رواں سال عید الاضحی کے موقع پر نمائش کے لیے پیش کی جانی ہے جو ’فلم والا‘ اور ’جیو فلمز‘ کی پیشکش ہے۔یاد رہے کہ فلم کے ہدایت کار نبیل اور پروڈیوسر فضہ کی جوڑی نے 2014 میں پہلی فلم ’نامعلوم افراد‘ بنائی تھی جس کے بعد 2016 میں ’فلم ایکٹر ان لائ‘ اور رواں سال تیسری فلم ’نامعلوم افراد 2‘ بنائی اور یہ تینوں فلمیں باکس آفس پر سپر ہٹ رہی ہیں۔واضح رہے کہ فضہ اور نبیل نے اب تک جتنی بھی فلمیں بنائی ہیں ان میں ہیرو کا کردار فہد مصطفٰی نے ہی نبھایا ہے۔
این اے 57: سابق وزیراعظم شاہد خاقان عباسی تاحیات نااہل قرار
راولپنڈی(ویب ڈیسک) الیکشن ایپلٹ ٹریبونل نے سابق وزیراعظم شاہد خاقان عباسی کے آبائی حلقے این اے 57 مری سے کاغذات نامزدگی مسترد کرتے ہوئے انہیں اس حلقے سے الیکشن کے لیے نااہل قرار دے دیا۔راولپنڈی کے الیکشن ایپلٹ ٹریبونل کے جج جسٹس عباد الرحمان لودھی نے پی ٹی ا?ئی کارکن مسعود احمد عباسی کی جانب سے شاہد خاقان عباسی کے کاغذات نامزدگی کی منظوری کے خلاف دائر اپیل پر سماعت مکمل کرکے دو روز قبل اس پر فیصلہ محفوظ کیا تھا۔الیکشن ٹریبونل نے اپنے تحریری فیصلے میں کہا ہے کہ شاہد خاقان عباسی آئین کے آرٹیکل 62 اور 63 پر پورانہیں اترتے۔فیصلے کے مطابق سابق وزیراعظم نے کاغذات نامزدگی میں اثاثے چھپائے، وہ 62 ون ایف کے تناظرمیں اہل نہیں ہیں۔تحریری فیصلہ الیکشن ٹریبونل کے سربراہ جسٹس عبادالرحمان لودھی نے جاری کیا۔اعتراض کنندہ مسعود احمد عباسی نے مو¿قف اپنایا تھا کہ شاہد خاقان عباسی نے ریٹرننگ افسر کو دیئے گئے ریکارڈ میں ٹیمپرنگ کی اور جائیداد کی درست تفصیلات نہیں بتائیں۔اعتراض کنندہ کا کہنا تھاکہ شاہد خاقان عباسی نےلارنس کالج کےجنگل پر قبضہ کر رکھا ہے، ان کے کاغذات میں ایف سیون ٹو میں مکان کی ملکیت بھی کاغذات نامزدگی میں کم لکھی گئی ہے، کاغذات نامزدگی میں پہلے 100 روپے والا اسٹامپ پیپر لگایا گیا اور بعد ازاں 500 روپے والا پیپر لگایا گیا۔الیکشن ایپلٹ ٹریبونل نے درخواست گزار کے تمام اعتراضات کو منظور کرتے ہوئے سابق وزیراعظم کے کاغذات نامزدگی مسترد کردیئے اور انہیں قومی اسمبلی کے حلقے این اے 57 سے نااہل قرار دے دیا۔واضح رہےکہ شاہد خاقان عباسی اسلام آباد سے قومی اسمبلی کے حلقے این اے 53 سے بھی (ن) لیگ کے امیدوار ہیں۔ماہر قانون فررغ نسیم نے جیو نیوز سے گفتگو میں کہا کہ یہ فیصلہ ایک حلقے سے متعلق ہے جس کا اثر اثر دیگر حلقوں پر نہیں پڑے گا۔تاہم ان کا یہ بھی کہنا تھا کہ اگر دیگر حلقوں سے اعتراض داخل کروایا جائے تو وہاں سے بھی انہیں نااہل قرار دیا جاسکتا ہے۔دوسری جانب شاہد خاقان عباسی نے کہا ہے کہ اپیلٹ کورٹ کو تاحیات نااہلی کا اختیارحاصل نہیں۔انہوں نے کہا کہ مجھے اثاثوں کی مارکیٹ ویلیو کے معاملے پر نااہل کیا گیا، میرے والد نے 1974 میں گھر لیا تھا، جس قیمت پر لیا وہی قیمت لکھی ہے۔
غیر قانونی ٹھیکے: سابق وزیر خزانہ مفتاح اسماعیل دوبارہ نیب میں طلب
کراچی(ویب ڈیسک) قومی احتساب بیورو (نیب) نے سابق وزیر خزانہ مفتاح اسماعیل کو ایک بار پھر طلب کرلیا۔سابق وزیر خزانہ مفتاح اسماعیل پر بطور چیئرمین سوئی سدرن گیس کمپنی غیر قانونی ٹھیکے دینے کا الزام ہے اور اس سلسلے میں نیب انہیں پہلے بھی 20 جون کو طلب کرچکا ہے۔ نیب کراچی نے مفتاح اسماعیل کو 5 جولائی کو پھر طلب کرلیا ہے، انہیں جے جے وی ایل ایس کیس میں طلب کیا گیا ہے۔دوسری جانب نیب حکام کا کہنا ہےکہ سینیٹر رانا محمود الحسن کے خلاف آمدن سے زائد اثاثوں کی تصدیق کرانے کی منظوری دے دی گئی ہے۔
مریم نواز کا انتخابی حلقہ ایک بار پھر تبدیل کر دیا گیا
(ویب ڈیسک)مسلم لیگ ن کی رہنما اور سابق وزیراعظم نواز شریف کی صاحبزادی مریم نواز کا انتخابی حلقہ ایک بار پھر تبدیل کر دیا گیا ہے۔مریم نواز کو پہلے لاہور سے قومی اسمبلی کے حلقے این اے 127 سے انتخاب لڑانے کا فیصلہ کیا گیا تھا لیکن پھر مسلم لیگ ن کی جانب سے جاری کی گئی امیدواروں کی انتخابی فہرست کے مطابق مریم نواز کو این اے 125 لاہور سے ٹکٹ جاری کیا گیا۔اب ایک بار پھر مریم نواز کا حلقہ تبدیل کر کے انہیں این اے 127 سے ٹکٹ جاری کر دیا گیا ہے۔ذرائع مسلم لیگ ن کا کہنا ہے کہ این اے 125 سے پرویز ملک کو ٹکٹ دیے جانے کا امکان ہے۔دوسری جانب مسلم لیگ ن کے رہنما بلال یاسین کا کہنا ہے کہ این اے 127 پر مریم نواز ہیں جب کہ این اے 125 سے انتخاب لڑنے کا میرا حق بنتا ہے۔
چیمپئنز ٹرافی ہاکی میں گرین شرٹس کو مسلسل تیسری شکست
چیمپئنز ٹرافی ہاکی ٹورنامنٹ میں پاکستان کی مایوس کن کارکردگی کا سلسہ جاری ہے، ایونٹ میں نیدرلینڈز کے خلاف میچ میں قومی ٹیم کو چار صفر سے شکست کا سامنا کرنا پڑا، یہ گرین شرٹس کی تیسری مسلسل ناکامی تھی۔بریڈا میں جاری ایونٹ میں میزبان نیدرلینڈز اور پاکستان کے درمیان پہلا کوارٹر بغیر کسی گول کے برابر رہا، دوسرے کوارٹر میں نیدرلینڈز نے پاکستان کے گول پر بھرپور حملے کیے جس کے نتیجے میں 25 ویں منٹ میں کیمپرمین رابرٹ اور پھر 29 ویں منٹ میں ورگا ویلنٹن نے گول کرکے ٹیم کو دو صفر کی برتری دلادی۔دونوں ٹیموں کے درمیان تیسرے کوارٹر میں کوئی گول نہ بن سکا۔ چوتھے کوارٹر میں بھی نیدرلینڈز نے دو گول اسکور کیے جو وین ڈیم تھائس اور مرکو نے بنائے۔یوں نیدرلینڈز نے 0-4 سے فتح سمیٹی جبکہ ایونٹ میں پاکستان کو مسلسل تیسری ناکامی کا سامنا کرنا پڑا۔پاکستانی ٹیم 28 جون کو ارجنٹائن کو خلاف میچ کھیلے گی۔
ملائیشیا کے سابق وزیراعظم نجیب رزاق کے 273 ملین ڈالر کے اثاثے تحویل میں لے لیے گئے
کوالا لمپور(ویب ڈیسک) ملائیشیا کے سابق وزیراعظم نجیب رزاق سے اب تک 273 ملین ڈالر کی مالیت کے غیر قانونی اثاثہ جات برآمد کرائے جا چکے ہیں۔بین الاقوامی خبر رساں ادارے کے مطابق تحقیقاتی اداروں نے ملائیشا کے سابق وزیر اعظم نجیب رزاق کے گھر، دفاتر اور دیگر مقامات سے تحویل میں لئے گئے اثاثوں کی فہرست جاری کردی گئی ہے۔ ان ثاثوں کی مالیت لگ بھگ 273 ملین ڈالر بنتی ہے جن میں 12 ہزار سے زائد زیورات، 423 مہنگی گھڑیاں، مشہور برانڈ کے 234 چشمے اور 567 ہینڈ بیگز ہیں جو سابق وزیراعظم اور ان کی اہلیہ کے زیر استعمال تھے۔ سابق وزیراعظم نجیب رزاق اور ان کی اہلیہ روسماءمنصور پر آمدنی سے زائد اثاثے رکھنے کے الزامات ہیں۔میڈیا سے بات کرتے ہوئے تجارتی جرائم کے وفاقی تحقیقاتی ادارے کے سربراہ امر سنگھ کا کہنا تھا کہ ملائیشیا کی تاریخ میں آج تک اس سے زیادہ مالیت کی اشیاءتحویل میں نہیں لی گئی ہیں جس پر سابق وزیراعظم اور ان کی اہلیہ کے خلاف مقدمہ درج کرایا جائے گا اور تفتیش کے لیے طلب بھی کیا جائے گا جس کے لیے وزارت داخلہ و قانون کی اجازت درکار ہے۔واضح رہے کہ ملائیشیا کے نئے وزیر اعظم مہاتیر محمد نے ذمہ داریاں سنبھالتے ہی سابق وزیراعظم نجیب رزاق پر سرکاری خزانے سے چار ارب ڈالر کی ہیرا پھیری کے الزام کی تحقیقات کا حکم دیا تھا جس پر عمل در آمد کرنے کے لیے سابق وزیراعظم اور ان کی اہلیہ کے بیرون ملک سفر پر پابندی عائد کی گئی تھی۔ تاہم سابق وزیراعظم نے خود پر لگنے والے الزامات کی تردید کی تھی۔
امریکی پابندیوں کا بوجھ برداشت کرسکتے ہیں ٹرمپ کے سامنے نہیں جھکیں گے، ایرانی صدر
تہران(ویب ڈیسک) ایرانی صدر حسن روحانی نے کہا کہ حکومت نئی امریکی پابندیوں کے بعد پڑنے والے اقتصادی دباوٓ کو برداشت کرنے کے قابل ہے۔حسن روحانی نے کہا پیر کو ہی ایرانی تاجروں نے کرنسی کی قیمت میں بڑی گراوٹ کے خلاف پارلیمان کے سامنے مظاہرہ کیا تھا، اقتصادی حوالے سے اپنی حکومتی کارکردگی کا دفاع کرتے ہوئے ایرانی صدر حسن روحانی نے کہا کہ حالیہ مہینوں کے دوران حکومت کی آمدنی میں کوئی کمی واقع نہیں ہوئی ہے جبکہ غیر ملکی ذرائع ابلاغ کی جانب سے پھیلائی جانے والی افواہیں ریال کی قدر میں کمی کی وجہ بنی ہیں، انھوں نے کہا کہ ٹرمپ کے دباو¿ کے سامنے نہیں جھکیں گے۔روحانی نے سرکاری ٹی وی پر نشر کی جانے والی اپنی تقریر میں مزید کہا کہ ”یہاں تک کہ بدترین حالات میں بھی، میں آپ سے وعدہ کرتا ہوں کہ ایرانیوں کو بنیادی سہولتوں کی فراہمی جاری رہے گی، ہمارے پاس چینی، گندم اور پکانے کیلیے استعمال ہونے والا تیل وافر مقدار میں موجود ہے، کاروبار کی منڈی کو سہارا دینے کیلیے ہمارے پاس غیر ملکی کرنسی بھی مناسب تعداد میں ہے، روحانی کے بقول نئی امریکی پابندیاں نفسیاتی، اقتصادی اور سیاسی جنگ کا ایک حصہ ہیں اور واشنگٹن کو اس کی بھاری قیمت چکانا پڑے گی۔انھوں نے مزید کہا کہ اس معاہدے سے الگ ہونا ایسی سب سے بڑی غلطی تھی، جو وہ (ٹرمپ) کر سکتے تھے، یہ ہولناک غلطی تھی، اس وجہ سے عالمی سطح پر امریکا کی ساکھ متاثر ہو گی، امریکا نے مئی میں ایران کے ساتھ طے پائے جوہری معاہدے سے دستبرداری کا اعلان کیا تھا تاہم اس پر دستخط کرنے والے دیگر ممالک جن میں جرمنی، فرانس، روس، برطانیہ اور چین شامل ہیں، اسے بچانے کی کوششوں میں لگے ہوئے ہیں، واشنگٹن اسی ماہ سے ایران پر معاشی پابندیاں عائد کرنے کا سلسلہ شروع کرنے والا ہے۔
تارکین وطن کے معاملے پر 17 امریکی ریاستوں کی ٹرمپ کے خلاف قانونی چارہ جوئی
واشنگٹن(ویب ڈیسک) امریکا کی 17 ریاستوں نے تارکین وطن کے اہل خانہ کو غیر قانونی طور پر منقسم کرنے پر ٹرمپ انتظامیہ کے خلاف مقدمہ دائر کردیا ہے۔بین الاقوامی نشریاتی ادارے کے مطابق واشنگٹن، نیویارک اور کیلیفورنیا کے ڈیموکریٹک اٹارنی جنرلز سمیت امریکا کی 17 ریاستوں نے تارکین وطن کے معاملے پر ٹرمپ انتظامیہ کو ملزم ٹہراتے ہوئے مقدمہ دائر کیا ہے۔ مقدمے میں موقف اختیار کیا گیا ہے کہ تارکین وطن خاندانوں کو ظالمانہ اور غیر قانونی طور پر منقسم کیا گیا ہے جس کے لیے ٹرمپ انتظامیہ سنگین انسانی حقوق کی خلاف ورزی کی مرتکب ہوئی ہے۔یہ مقدمہ امریکی ریاست واشنگٹن کے شہر سیئٹیل میں دائر کیا گیا ہے جس میں صدر ٹرمپ کے 20 جون کے حکم نامے کو پرفریب قرار دیتے ہوئے کہا ہے کہ تارکین وطن کے خاندانوں کو ضابطے کی کارروائی اور پناہ حاصل کرنے کے حق سے محروم کیا گیا ہے۔ اور اس اقدام سے دنیا بھر میں امریکا کے لیے نفرت میں اضافے ہوگا۔واضح رہے کہ ایسا پہلی بار ہوا ہے کہ 17 امریکی ریاستوں نے اپنے اٹارنی جنرلز کے ذریعے ایگزیکٹیو آرڈر کے خلاف جاتے ہوئے مقدمہ دائر کیا ہو اور ریاستوں نے پناہ حاصل کرنے کے لیے امریکا آنے والوں کو داخلہ دینے سے انکار کرنے والی پالیسی کی سخت الفاظ میں مخالفت کی ہو۔
ماضی میں بھیڑ بکریاں چرانے والے گول کیپر نے رونالڈو کی پنالٹی روک لی
سارانسک(ویب ڈیسک) پرتگال کے سپر اسٹار کرسٹیانو رونالڈو کی پنالٹی شوٹ کے سامنے دیوار بننے والے ایرانی گول کیپر علی رضا کو اس مقام تک پہنچنے کیلیے کڑی محنت و مشقت سے گزرنا پڑا وہ خانہ بدوش گھرانے میں پیدا ہوئے۔گول کیپر علی رضا بھیڑ بکریاں چرانے کے دوران دوستوں کے ساتھ فٹبال کھیلتے رہے، 12 برس کی عمر میں انھیں ایک مقامی کلب میں شامل ہونے کا موقع ملا جہاں پر انھوں نے اپنی صلاحیتوں کا اظہار کیا۔علی رضا گلیوں میں پلے بڑھے، پارکس کی صفائی کی، پیزا شاپس پر کام کیا مگر فٹبال کے ساتھ عشق ان کو آخر ورلڈ کپ تک لے آیا۔
اہم ترین مقابلے سے قبل جرمنی کی دھڑکنیں بے ترتیب
کازان(ویب ڈیسک) اہم ترین مقابلے سے قبل دفاعی چیمپئن جرمنی کی دھڑکنیں بے ترتیب ہونے لگیں پہلے راو¿نڈ سے آو¿ٹ ہونے کی خفت سے بچنے کیلیے بدھ کو لازمی طور پر جنوبی کوریائی ٹیم کو ٹھکانے لگانا ہوگا گروپ ایف چاروں ہی ٹیموں کیلیے اوپن ہے میکسیکو کا مقابلہ سوئیڈن سے ہوگا۔
دوسری جانب گروپ ای میں برازیلین امیدیں داو¿ پر لگی ہوئی ہیں، سفر جاری رکھنے کیلیے سربیا کو راہ سے ہٹانا ہوگا، سوئٹزرلینڈ کی ٹیم کوسٹاریکا کی دیوار ڈھانے کی کوشش کرے گی۔ فیفا ورلڈ کپ میں بدھ کو گروپ ای اور ایف سے لاسٹ 16 میں جانے والی ٹیموں کا فیصلہ ہوگا، سب سے دلچسپ صورتحال گروپ ایف کی ہے جہاں پر کوئی بھی ٹیم پری کوارٹر فائنل کیلیے رسائی حاصل کرلے گی، خاص طورپرجرمنی کی حالت کافی نازک ہے، وہ اگرچہ سوئیڈن کو گذشتہ مقابلے میں 2-1 سے شکست دے کرریس میں شامل رہا مگر ابھی خطرہ ٹلا نہیں ہے، اسے ابتدائی راو¿نڈ سے باہر ہونے والی چھٹی دفاعی چیمپئن سائیڈ بننے کی خفت سے بچنے کا چیلنج درپیش ہوگا۔گذشتہ ورلڈ کپ میں اسپین پہلے مرحلے میں باہر ہونے والی پانچویں دفاعی چیمپئن بنی تھی۔ اس وقت میکسیکو 6 پوائنٹس کے ساتھ ٹاپ پرہے، جرمنی اور سوئیڈن 3، 3 پوائنٹس کے ساتھ دوسرے اور تیسرے جبکہ بغیر کسی پوائنٹ کے جنوبی کوریا آخر پر ہے۔ جرمنی جنوبی کوریا سے 2یا زائد گول سے جیت کر اگلے مرحلے میں چلا جائے گا، اگر جنوبی کوریا بڑے مارجن سے فتحیاب ہوا اور سوئیڈن ، میکسیکو سے ہار گیا تو پھر کوریائی ٹیم بھی آگے جا سکتی ہے۔ جرمنی اور سوئیڈن مقابلہ برابر کرتے ہیں تو بہتر اسکورنگ والی ٹیم آگے جائے گی۔ اسی طرح برازیل کو بھی اگلے مرحلے میں رسائی کیلیے سربیا کو زیر کرنا ہوگا، سوئس ٹیم بھی کوسٹاریکا کو قابو کرنے کیلیے پ±راعتماد ہے۔
