لاہور (ویب ڈیسک)گرمیوں کا لازمی جزو،وٹامن اے اور وٹامن سی کی خوبیوں سے مالامال اور صحت پر خوشگوار اثرات مرتب کرنے والا رس دار ” تربوز ،،ایک ایسا ہی پھل ہے جسے موسم گرما کا تحفہ قرار دیاجاتا ہے۔تربوز کو ہر زبا ن میں مختلف ناموں سے پکارا جاتا ہے پنجابی میں ہندوانہ ، انگریزی میں واٹر میلین ، عربی میں بطیخ ، اور ترکی میں تاجور کہتے ہیں۔تربوز تقریباً دنیا کے ہر علاقے میں پایا جاتا ہے لیکن خاص طور پر پاکستان ، ہندوستان ، ایران ،شمالی بنگال ، صوبہ سرحد اور افغانستان میں اس کی کاشت کی جاتی ہے۔
صحت کے لئے مفید اس پھل کاغالب حصہ پانی پر مشتمل ہوتا ہے جبکہ اس میں حیاتین اور معدنی اجزاءبھی پائے جاتے ہیں۔ ماہرین تربوز کی غذائیت سے متعلق کہتے ہیں کہ اس قدرتی پھل میں 90فیصدپانی اور 10فیصدفو لاد، پوٹاشیم،سوڈیم ،کیلشیم،فاسفورس، نشاستہ اور روغنی اجزاء شامل ہیں۔

لاہور (ویب ڈیسک) لاہور کے شہریوں کے لئے بڑی خوشخبری آگئی اورنج لائن میٹرو ٹرین منصوبہ کا سول ورکس 88 فیصد اور67 فیصد تک الیکٹریکل ومکینکل ورکس مکمل کرلیا گیا، ٹرینیں چلنے کے لئے تیار۔میڈیا رپورٹس کے مطابق مشیر وزیر اعلی خواجہ احمد حسان کی زیر صدارت اورنج سائٹ آفس میں سٹیئرنگ کمیٹی کا اجلاس ہوا۔ جی ایم نیسپاک سلمان حفیظ اورچیف انجینیر ایل ڈی اے مظہرحسین خان نے بریفنگ دیتے ہوئے بتایا کہ پیکیج ون کا 93.33 فیصد، پیکیج ٹوکا 82.53فیصد، پیکیج تھری کا 88.87 فیصد جبکہ پیکیج کی فورتھ کا 90.55فیصد کام مکمل کرلیا گیا ہے۔ جبکہ مجموعی طور پر 88 فیصد سول ورکس مکمل کیاجاچکاہے۔ علاوہ ازیں منصوبے کا 66.65 فیصد الیکٹریکل ومکینیکل ورکس بھی مکمل کر لیاگیاہے۔ بریفنگ میں بتایا گیا کہ جی پی اوچوک میں بیرل نمبر2کی کھدائی مکمل ہونے کے بعد اورنج لائن کا ایک سے دوسرے سرے تک 27.1 کلومیٹر طویل راستہ بنانے کا کام مکمل کرلیا گیا ہے۔13.77کلومیٹر طویل پیکیج ون کے 9.73 کلومیٹر حصے پر پٹری بچھا لی گئی ہے، جبکہ 13.42 کلومیٹر طویل پیکیج ٹو میں 5.6کلومیٹر طویل حصے پر پٹری بچھائی گئی ہے۔

لاہور(ویب ڈیسک) سعودی عرب سے بے دخل کئے گئے 150 پاکستانی لاہور ائیرپورٹ پر پہنچ گئے ہیں۔سعودی عرب نے 150 پاکستانی بے دخل کرکے وطن واپس بھیج دیئے ہیں۔ بے دخل کئے گئے پاکستانی سعودی ایئر لائن کی پرواز 734 کے ذریعے لاہور ایئرپورٹ پہنچ گئے ہیں۔ایئرپورٹ پہنچنے والے مسافروں کا کہنا ہے کہ سعودی حکام نے 10 سال کیس لڑنے کے باوجود ہمارے خلاف فیصلہ دیا اور ہمیں بے دخل کردیا گیا جب کہ لاہور ایئرپورٹ پر ہمارے سامان میں سے موبائل فون بھی غائب کردیئے گئے۔

پشاور(ویب ڈیسک)تحریک انصاف کے باغی ارکان نے وزیراعلیٰ پرویز خٹک پرعدم اعتماد سے متعلق گورنر خیبر پختونخوا اقبال ظفر جھگڑا کو خط لکھ دیا۔پی ٹی آئی کے ناراض ارکان نے خط میں کہا ہے کہ وزیراعلیٰ خیبر پختونخوا کے پاس اکثریت نہیں رہی ،گورنر آئین کے مطابق وزیراعلیٰ سے اعتماد کا ووٹ لینے کاکہیں ، خط تحریک انصاف کے باغی ارکان ،پیپلزپارٹی اور جے یو آئی (ف)کی جانب سے تحریر کیا گیا۔دریں اثنا پی ٹی آئی کے رکن اسمبلی یاسین خلیل نے دیگر ارکان کے ہمراہ پریس کانفرنس کرتے ہوئے کہا کہ ہارس ٹریڈنگ کے حوالے سے20 ارکان پر بہتان تراشی کی گئی، رنگے ہاتھ پکڑنے اور وڈیو کا ثبوت کا دعویٰ کیا گیا تھا،ہم ہارس ٹریڈنگ کی تحقیقات کوخوش آمدید کہتے ہیں۔انہوں نے کہا کہ عین موقع پراسمبلی اجلاس ملتوی کیا گیا جس کی مذمت کرتے ہیں۔