اسلام آباد(آئی این پی) پاکستان اس سال موسم گرما میں روس میں منعقد ہونے والے فیفا عالمی کپ 2018 میں استعمال ہونےوالے فٹبال فر اہم کرے گا، وزارت تجارت نے فٹ بال کے عالمی کپ 2018 میں استعمال ہونے والے آفیشل فٹ بالز ٹیل سٹار اور ایمرجنگ پاکستان بارے یہاں خصوصی تقریب کا انعقاد کیا ۔سیالکوٹ کی فارورڈ سپورٹس نامی فرم ٹیلی سٹار 18نامی فٹ بال فراہم کر رہی ہے جبکہ اسی فرم نے 2014 کے اس فیفا عالمی کب 2014کے لئے بھی آفیشل فٹ بالز فراہم کئے تھے جو کہ برازیل میں منعقد ہوا تھا۔پاکستان سالانہ تقریبا4کروڑ فٹ بالز برآمد کرتا ہے۔ 2017-18 میں پاکستان دس ماہ میں 122 ملین ڈالرز مالیتی فٹ بالز برآمد کئے جو کہ 2016-17کی برآمد سے دس فیصد زیادہ ہیں ۔
Monthly Archives: May 2018
پنجاب پولیس رات کو دیکھنے والی عینکیں خریدے گی
لاہور (نیا اخبار رپورٹ) پنجاب پولیس نے دہشتگردوں کو پکڑنے کیلئے جدید ٹیکنالوجی کو استعمال کرنے کا فیصلہ کر لیا۔ تفصیلات کے مطابق اب دہشتگرد اور جرائم پیشہ افراد رات کے اندھیرے کا فائدہ بھی نہیں اٹھا سکیں گے کیونکہ پولیس نے دہشتگردوں اور جرائم پیشہ افراد کے خلاف کارروائی کیلئے نائٹ ویژن گوگلز خریدنے کا فیصلہ کر لیا۔ پہلے مرحلے میں 24 نائٹ ویژن گوگلز خریدیں جائیں گے‘ نائٹ ویژن گوگلز رات کی تاریکی میں خصوصی آپریشن کیلئے استعمال ہوں گے۔ پولیس حکام نے بتایا کہ نائٹ ویژن گوگلز کی خریداری کیلئے 72 لاکھ روپے بجٹ رکھا گیا ہے‘ ایک نائٹ ویژن گوگلز کی قیمت کا تخمینہ 3 لاکھ روپے لگایا گیا‘ نائٹ ویژن گوگلز کی 4 کمپنیوں نے پولیس کو سیمپلز جمع کروادیئے ‘ ٹیکنیکل بذز کے بعد ٹینڈرز کا اجراءہو گا‘ کم قیمت دینے والی کمپنی کو ٹھیکہ دیا جائے گا۔
ویمنز پلیئرز کےلئے شاندارمثال بنناچاہتی ہوں،ثانیہ
نئی دہلی(آئی این پی ) بھارتی ٹینس اسٹارثانیہ مرزا نے کہا ہے کہ ماں بننے کے بعد کھیل چھوڑدینے والوں کے لئے مثال بننا چاہتی ہوں،ماں بننے کے بعد وزن کم کرلوں گی، اولمپکس 2020 پرنظریں ہیں اس کے لیے ابھی کافی وقت ہے۔ ایک انٹرویو میں بھارتی ٹینس اسٹارثانیہ مرزا نے کہا کہ ماں بننے سے ٹینس کیرئرمتاثرنہیں ہوگا، ماں بننے کے بعد کھیل چھوڑدینے والوں کے لئے مثال بننا چاہتی ہوں۔ انہوں نے کہا ماں بننے کے دوران وزن کا بڑھنا فطری ہے، اس سے کوئی فرق نہیں پڑتا، چاہے آپ اسٹارہوں یا نہ ہوں، ہرماں چاہتی ہے کہ اس کا بچہ صحت مند ہوجب کہ ماں بننے کے بعد وزن کم کرلوں گی۔ثانیہ مرزا نے کہا کہ گھٹنے کی تکلیف کے باعث چھ ماہ سے ٹینس کھیل نہیں سکی، تکلیف بالکل ٹھیک نہیں ہوئی پرکافی بہترہے جب کہ اولمپکس 2020 پرنظریں ہیں جس کے لیے ابھی کافی وقت ہے۔
تجارتی اشیا ءپر ٹیکس میں 100 فیصد اضافہ
اسلام آباد (خصوصی رپورٹ) عالمی تجارتی تنظیم (ورلڈ ٹریڈ آرگنائزیشن) سمیت دیگر تجارتی تنظیموں کے بین الاقوامی معاہدوں کی پاسداری کیلئے فیڈرل گورنمنٹ نے انتہائی حساس نوعیت کی اشیاءکی ملک میں درآمد یا برآمد پر ریگولیٹری ڈیوٹی کی زیادہ سے زیادہ شرح بڑھا کر 100فیصد مقرر کرنے اور درمیانے درجے کی اشیاءکی ملک میں دستیابی کو یقینی بنانے یا ان کے بیرون ملک جانے پر قدغن لگانے کیلئے ریگولیٹری ڈیوٹی کی دوسری حد 35فیصد مقرر کرنے کا فیصلہ کیا ہے۔ حکومت نے کسٹمز ایکٹ 1969ءمیں ترمیم متعارف کرا دی ہے۔ ٹیکس بڑھنے سے کھانے کا تیل، ادویات، الیکٹرونکس، خشک دودھ، کپڑے، کاسمیٹکس دوگنا مہنگی ہو جائینگی۔
برآمدی ڈیوٹی
5 ماہ بیت گئے،ہاکی فیڈریشن الیکشن نہ کرواسکی
اسلام آباد(آئی این پی)پاکستان ہاکی فیڈریشن کے انتخابات میں پانچ ماہ سے زائد تاخیر کے باعث پاکستان سپورٹس بورڈ نے پی ایچ ایف کو 15مئی تک فیڈریشن کے انتخابات کروانے کی تنبیہہ کر دی ، تفصیلات کے مطابق پاکستان ہاکی فیڈریشن کے الیکشن سپورٹس پالیسی اور پی ایچ ایف کے آئین کے مطابق گزشتہ سال نومبر میں منعقد ہونے سے لیکن پانچ ماہ کا عرصہ گزر جانے کے باوجود ان الیکشن کو التوا کا شکار کیا گیا جس سے فیڈریشن عہدداران کی آئینی حیثیت اورکئے جانیوالے فیصلوں پر بھی سوالات اٹھنے شروع ہو گئے ہیں ، ریکارڈ کے مطابق پی ایچ ایف کے الیکشن نومبر 2013میں منعقد ہوئے تھے جس کے بعد اگست 2015میں قومی ہاکی ٹیم کی ناقص کارکردگی کی بنیاد پر اختر رسول اور رانا مجاہد کو پاکستان ہاکی فیڈریشن کی صدارت اور سیکرٹری شپ سے ہاتھ دھونے پڑئے تھے اور اگست 2015میں ہی بریگیڈئر (ر)خالد سجا د کھوکھر اور شہباز سینئر پر مشتمل فیڈریشن کا نیا سیٹ اپ تشکیل دیا گیا جن کی آئینی مدت 26نومبر 2017کو پوری ہو چکی ہے اور فیڈریشن تاحال اپنے الیکشن کے شیڈول کا اعلان نہیں کر سکی ہے ۔ دوسری جانب پاکستان سپورٹس بورڈ نے بھی پاکستان ہاکی فیڈریشن کو تنبہہ کی ہے کہ وہ 15مئی تک پی ایچ ایف کے انتخابات کے انعقاد کو یقینی بناتے ہوئے اس حوالے سے اپنی رپورٹ سے انہیں آگاہ کریں ۔ اس سے قبل سابق اولمپینز نے بھی پاکستان ہاکی فیڈریشن کے الیکشن کے انعقاد کیلئے تاخیری حربے استعمال ہونے پر انٹرنیشنل ہاکی فیڈریشن اور انٹرنیشنل اولمپک کمیٹی کو خطوط لکھے تھے جبکہ ہاکی فیڈریشن کے عہدداران پر بعض ایسو سی ایشن کی جانب سے کروڑوں روپے کے فنڈز بھی خرد برد کرنے کے الزامات لگائے جا چکے ہیں۔
زیڈ ٹی بی ایل کی لگاتار چوتھی جیت
لاہور(سپورٹس ڈ یسک ) ویمنزڈیپارٹمنٹل ٹی 20 کپ میں زیڈٹی بی ایل نے پی سی بی الیون کو26رنزسے ہراکر ایونٹ میں مسلسل چوتھی فتح حاصل کرلی ۔ سٹیٹ بنک نے ایچ ای سی کو9وکٹوں سے شکست دیدی۔ایچ ای سی میگا ایونٹ میں اب تک ایک بھی میچ نہیں جیت سکی۔کراچی میں جاری میگا ایونٹ کے راﺅنڈرابن مرحلے میں پی سی بی الیون کیخلاف زیڈٹی بی ایل نے پہلے کھیلتے ہوئے2وکٹوں پر170رنزبورڈپرسجائے۔نین عابدی نے عمدہ بلے بازی کامظاہرہ کرتے ہوئے 64رنزبنائے۔بسمہ معروف51رنزکیساتھ ناٹ آﺅٹ رہیں۔جواب میں پی سی بی الیون کی ٹیم مقررہ اوورزمیں7وکٹوں پر144رنزہی بناسکی۔جویریہ کی ففٹی بھی کسی کام نہ آئی۔زیڈٹی بی ایل کی جانب سے نشرہ سندھواوربسمہ معروف نے2،2شکارکیے۔عمدہ پرفارمنس پر بسمہ میچ کی بہترین پلیئرقرارپائیں۔دوسرے میچ میں ایچ ای سی کی ٹیم پہلے کھیل کر8وکٹوں پر101رنزکرسکی۔حفضہ امجد نے 3کھلاڑیوں کوپویلین کی راہ دکھائی۔جواب میںسٹیٹ بنک نے ہدف13.1اوورزمیں1وکٹ پرپوراکرلیا۔حفضہ امجد نے 54رنزکی ناقابل شکست اننگز کھیلی اوربہترین پلیئرقرارپائیں۔
پاکستانی نژاد رخسانہ فیاض لندن بروز کی مئیر بن گئیں
لندن (خصوصی رپورٹ) پاکستانی نژاد برطانوی خاتون رخسانہ فیاض نے گزشتہ روز تاریخ رقم کر دی اور لندن برو کی پہلی براہ راست منتخب میئر بن گئیں، رخسانہ فیاض 2014 سے مسلسل ایسٹ لندن میں کسٹم ہاﺅس کی کونسلر منتخب ہوتی رہیں ہیں اور 3مئی کو نیوہیم میں ہونے والے انتخابات میں وہ53ہزار214 ووٹ لے کر میئر منتخب ہوگئیں، انتخابات میں نیوہیم کے35.84 فیصد ووٹروں نے اپنا حق رائے دہی استعمال کیا۔ اسی دن 150 انگلش کونسلوں کے انتخابات بھی ہوئے ، رخسانہ فیاض اب سر رابن ویلز کی جگہ سنبھالیں گی جو 16 سال بعد اس عہدے کو خیرباد کہیں گے، اپنے آخری انتخاب میں سررابن ویلز نے 61 فیصد ووٹ حاصل کئے تھے، رخسانہ فیاض میئر کی حیثیت سےنیوہیم کے250 ملین پونڈ کے بجٹ کی ذمہ دار ہوں گی نیو ہیم کو مغربی یورپ کاانتہائی کثیر الجہتی بروز پر مشتمل ہے اس کے علاوہ یہ نہ صرف برطانیہ بلکہ پورے مغربی یورپ کاانتہائی پسمانہ علاقہ تصور کیاجاتاہے۔اس برو کی زیادہ تر آبادی کاتعلق بھارت، پاکستان، سری لنکا، بنگلہ دیش اور افریقی ممالک سے ہے۔
چنائی سپرکنگز کے ہاتھوں بنگلورشکست سے دوچار
پونے(سپورٹس ڈیسک)آئی پی ایل میں چنائی سپرکنگزنے رائل چیلنجرزبنگلور کو 6وکٹوں سے ہراکر میگا ایونٹ میں 7ویں کامیابی حاصل کرلی اورپلے آف مرحلے میں رسائی انتہائی روشن کرلی۔پونے میں کھیلے گئے میچ میں رائل چیلنجرزبنگلورکی ٹیم مقررہ 20اوورزمیں9وکٹوں پر 127 رنز ہی بناسکی۔کپتان ویرات کوہلی صرف 8رنز بناسکے۔ڈویلیئرز1رن پر ہی پویلین لوٹ گئے ۔ برینڈن میکولم بھی صرف 5رنز بناسکے۔رویندراجدیجہ نے3کھلاڑیوں کوپویلین بھیجا۔جواب میں چنائی سپرکنگز نے ہدف 18اوورز میں 4 وکٹوں پرحاصل کرلیا۔کپتان مہندراسنگھ دھونی 31 رنز کیساتھ ناقابل شکست رہے ۔امباتی رہودو نے 32 رنزبنائے۔عمدہ باﺅلنگ پرفارمنس پر جدیجہ بہترین پلیئر قرار پائے۔
مدینہ میں آتشزدگی،200پاکستانی پھنس گئے
مدینہ منورہ(خصوصی رپورٹ)سعودی عرب کے مقدس شہر مدینہ منورہ میں عمرہ زائرین کی رہائش گاہ مرکز الیاس میں آگ لگ گئی ہے۔عالمی نشریاتی ادارے کے مطابق ابتدائی طور پر بتایا گیا کہ آگ عمارت کی 14ویں منزل پر شارٹ سرکٹ کے خوفناک آگ بھڑک اٹھی،جائے حادثہ پر امدادی کارروائیاں جاری ہیں اور زیادہ تر زائرین کو نکال لیا گیا ہے۔حکام کے مطابق مرکز الیاس میں 200 سے زائد پاکستانی عمرہ زائرین بھی رہائش پذیر ہیں۔اس کے علاوہ وہاں مصر، شام اور عراق سے تعلق رکھنے والے عمرہ زائرین بھی موجود ہیں۔
لاہور میں بارش نے جل تھل کر دیا
اسلام آباد (خصوصی رپورٹ)شہر کے کئی علاقوں میں تیز ہوا کے ساتھ ہلکی بارش ہوئی‘ بارش برسانے والا نیا سلسلہ ملک میں داخل ہونے سے پنجاب میں کہیں کہیں بارش اور کہیں ژالہ باری کا امکان ہے۔محکمہ موسمیات کے مطابق مرطوب ہواو¿ں کا سلسلہ ہفتہ کو بھی جاری رہا جس نے پنجاب کے بیشتر حصوں کو اپنی لپیٹ میں لے لیا اور 9 مئی تک جاری رہے گاجس کے باعث اتوار اور پیر کو بیشتر بالائی علاقوں مری، اسلام آباد، راولپنڈی، گوجرانوالہ، سرگودھا، لاہور ڈویژن میں بارش متوقع ہے۔پنجاب کے وسطی علاقوں فیصل آباد، ساہیوال، اوکاڑہ، بھکر میں بھی کہیں کہیں اور جنوبی پنجاب میں چند مقامات پر بارش کا امکان ہے۔ محکمہ موسمیات کا کہنا ہے کہ پنجاب کے علاوہ خیبر پختونخواہ کے بالائی اور وسطی علاقوں میں کہیں کہیں اور جنوبی علاقوں میں چند مقامات پر اور کشمیر گلگت بلتستان کے بیشتر علاقوں میں بارش کا امکان ہے تاہم بلوچستان میں موسم خشک رہنے کی توقع ہے۔دوسری جانب سندھ کے بیشتر علاقوں میں مرطوب اور تیز ہوائیں چلنے کا امکان ہے تاہم بارش کا کوئی امکان نہیں۔
آئین کہتا ہے کہ ملک منتخب نمائندوں کے ذریعے ہی چلایا جائے گا، چیف جسٹس
اسلام آباد(ویب ڈیسک )چیف جسٹس نے آٹھویں جوڈیشل کانفرنس کے اختتامی اجلاس سے خطاب کرتے ہوئے کہا کہ ’ہم مقننہ کا احترام کرتے ہیں، کبھی بھی اپنے حلف کی خلاف ورزی نہیں کریں گے‘۔اس موقع پر چیف جسٹس نے جوڈیشل کانفرنس کی سفارشات پرعمل درآمد کمیٹی بنانے کا بھی اعلان کیا۔ اپنے خطاب میں چیف جسٹس ثاقب نثار نے کہا کہ تنازعات کے متبادل حل کا طریقہ کار پاکستان میں کوئی نیا تصور نہیں۔انہوں نے کہا کہ تنازعات کے متبادل حل کے طریقے کی جڑ گاو¿ں میں پنچایت نظام سے ہے، بابا رحمتے کے فیصلے کو اس کی ساکھ پر اعتماد کے باعث سب مانتے ہیں۔چیف جسٹس نے کہا کہ ہم بہت خوش نصیب ہیں کہ ہمارے پاس آئین ہے، قانون کی حکمرانی سے معاشرے کامیابیاں حاصل کرتے ہیں،آئین کا ابتدائیہ کہتا ہے کہ ملک منتخب نمائندوں کے ذریعے چلایا جائے گا اور یہی آئین کی کمانڈ ہے۔جسٹس ثاقب نثار نے کہا کہ ہم مقننہ کا احترام کرتے ہیں، عدلیہ نے آئین کے تحفظ اور دفاع کا حلف لے رکھا ہے، ہم کبھی اپنے آئینی حلف کی خلاف ورزی نہیں کریں گے، ہم عوام کے بنیادی حقوق کے محافظ ہیں۔
جاوید شیخ کی فلم ’وجود‘ کا دوسرا ٹیزر ریلیز
کراچی (ویب ڈیسک)چھوٹی عید کے لئے تیار کی گئی بڑی فلم “وجود” کا دوسرا ٹیزر ریلیز کر دیا گیا جس سے فلم بینوں کا تجسس مزید بڑھ گیا ہے۔معروف اداکار جاوید شیخ کی ہدایتکاری میں بننے والی فلم “وجود” میں پہلی مرتبہ سپر اسٹار ندیم، شاہد اور جاوید شیخ ایک ساتھ نظر آئیں گے۔ٹی وی اداکار دانش تیمور اس فلم میں پائلٹ کے روپ میں مرکزی کردار ادا کرتے نظر ا?ئیں گے اور ان کے ساتھ اداکارہ سعیدہ امتیاز اور بھارتی اداکارہ ادیتی سنگھ اپنی اداکاری کے جلوے دکھائیں گی۔اگرچہ فلم کے پہلے ٹیزر کی طرح دوسرے ٹیزر میں بھی فلم کی کہانی واضح نہیں ہوتی مگر یہ ضرور دیکھا جا سکتا ہے کہ فلم کی شوٹنگ کے لیے انتہائی خوبصورت جگہوں کا انتخاب کیا گیا۔فلم کو رواں سال عیدالفطر پر ملک بھر میں ریلیز کیا جائے گا۔
نوازشریف میں ہمت ہے تو بتائیں خلائی مخلوق کیا ہے: چوہدری شجاعت
پشاور(ویب ڈیسک) میڈیا سے گفتگو کرتے ہوئے چوہدری شجاعت حسین نے کہا کہ ’اگر نوازشریف میں ہمت ہے تو بتائیں خلائی مخلوق کیا ہے، ان کا مطلب فوج ہے، یہ فوج کو بدنام کرنا چاہتے ہیں، کبھی خلائی مخلوق تو کبھی کچھ نام دیتے ہیں‘۔انہوں نےکہا کہ ’لوگ اپنی مرضی سے پارٹیوں میں جارہے ہیں، کوئی دودھ پیتے بچے نہیں جو انہیں اٹھا کرلے جایا جارہاہے‘۔مسلم لیگ (ق) کے صدر کا کہنا تھاکہ ’الیکشن کے لیے خاص عینک لگائیں گے تو پتا چل جائے گا الیکشن کب اور کیسے ہورہے ہیں، انتخابی اتحاد پر فیصلہ کررہے ہیں اگر اتحاد کرنا پڑا تو کریں گے‘۔ایک سوال کےجواب میں چوہدری شجاعت نے کہا ’پرویز مشرف سے ٹیلی فون کے ذریعے رابطہ ہوتا ہے‘۔اوپر سے حکم آنے کے سوال پر ان کا کہنا تھا کہ ’جن کو اوپر سے حکم آتا ہے وہی بتاسکتے ہیں جب کہ پہلے پارلیمنٹ بن لینے دیں پھر بات کرتے ہیں کیسی بنتی ہے‘۔
