ممبئی (ویب ڈیسک ) بالی ووڈ کی خوبرو اداکارہ دپیکا پڈوکون فلم ”پدماوت“ میں رانی پدمنی کا کردار نبھانے کے بعد سے کافی مشکلات کا شکار ہیں، اداکارہ کو ہندوانتہا پسندوں کی جانب سے نہ صرف تنقید کا نشانہ بنایا گیا بلکہ قتل کرنے اور ناک کاٹنے کی دھمکی بھی دی گئی، ان دھمکیوں پر اس وقت تو دپیکا کی جانب سے کوئی ردعمل سامنے نہیں آیا تھا تاہم فلم ریلیز ہوجانے کے بعد پہلی بار انہوں نے اس حوالے سے اپنا موقف بیان کیا ہے۔
Monthly Archives: January 2018
راﺅ انوار کال کر رہے ہیں مگر گرفتار کیوں نہیں ہوتے،صحافی کے سوال پر آئی جی نے ایسا جواب دیدیا کہ سن کر آپ کو ہنسی آجائے گی
کراچی(ویب ڈیسک )آئی جی سندھ اے ڈی خواجہ نے راو¿ انوار کی گرفتاری پر بے بسی کا اظہار کرتے ہوئے کوئی ڈیڈ لائن دینے سے انکار کردیا۔سپریم کورٹ کراچی رجسٹری کے باہر میڈیا نمائندوں نے آئی جی سندھ سے سوالات کیے اور ان سے راو¿ انوار کی عدم گرفتاری کی وجہ جاننے کی کوشش کی۔صحافی کے سوال پر کہ راو¿ انوار کال کررہے ہیں لیکن گرفتار کیوں نہیں ہورہے؟ آئی جی سندھ نے جواب دیا کہ ہمارے پاس واٹس ایپ کال ٹریس کرنے کا کوئی نظام نہیں۔میڈیا نمائندوں نے آئی جی سندھ سے پوچھا کہ راو¿ انوار ایئرپورٹ سے کس طرح نکل گئے؟ اے ڈی خواجہ نے کہا کہ اس کا جواب اسلام آباد ائیر پورٹ سے لیں۔اے ڈی خواجہ کا کہنا تھا کہ اس حوالے سے کیس درج کرلیا ہے، جو قانونی کارروائی کرنا تھی کرلی لیکن گرفتاری پر کوئی تاریخ نہیں دے سکتا۔یاد رہے کہ چیف جسٹس پاکستان نے آئی جی سندھ کی استدعا پر انہیں 27 جنوری کے روز راو¿ انوار کی گرفتاری کےلیے تین روز کی مہلت دی تھی لیکن نقیب اللہ قتل کیس میں نامزد روپوش معطل ایس ایس پی راو¿ انوار کو پولیس اب تک گرفتار نہیں کرسکی ہے۔
ملک کے مختلف حصوں میں زلزلے کے شدید جھٹکوں کے بعد محکمہ موسمیات نے وارننگ جاری کردی
اسلام آباد (ویب ڈیسک) اسلام آباد سمیت ملک بھر میں آج زلزلے کے شدید جھٹکے محسوس کیے گئے۔ تفصیلات کے مطابق ملک بھر میں محسوس کیے جانے والے زلزلے کی شدت 6.2 ریکارڈ کی گئی۔ زلزلے کے بعد لوگ کلمہ طیبہ کا ورد کرتے ہوئے گھروں اور دفاتر سے باہر نکل آئے۔ زلزلے کے بعد لوگوں میں خوف و ہراس پھیل گیا، ماہرین موسمیات نے زلزلے کے آفٹر شاکس سے متعلق بھی امکان ظاہر کیا ہے۔ ماہرین کا کہنا ہے کہ زلزلے کے آفٹر شاکس ملک کے کچھ حصوں میں محسوس کیے جا رہے ہیں جبکہ دیگر شہروں میں بھی آفٹر شاکس کا امکان ہے۔
شیخ رشید نے مستعفی ہونے کا فیصلہ واپس لے لیا ۔۔۔صحافی کے سوال پر یوٹرن کا جواب دیدیا
اسلام آباد(ویب ڈیسک) شیخ رشید نے قومی اسمبلی سے مستعفی ہونے کا فیصلہ واپس لے لیا۔عوامی تحریک کے سربراہ شیخ رشید نے یوٹرن لیتے ہوئے قومی اسمبلی سے مستعفی ہونے کا فیصلہ واپس لے لیا۔ اپنڈکس آپریشن کے بعد شیخ رشید احمد پہلی مرتبہ پارلیمنٹ ہاؤس آئے اورکچھ دیرپبلک اکاؤنٹس کمیٹی کے اجلاس میں شریک ہوئے۔اجلاس کے بعد شیخ رشید سے صحافی نے سوال کیا کہ آپ نے استعفی جمع کرادیا؟، جس پرشیخ رشید نے جواب دیا کہ اب ضرورت ہی نہیں رہی اور وقت گزرگیا ہے۔ صحافی نے استفسارکیا کہ آپ کی طبیعت ابھی بھی بوجھل لگ رہی ہے، جس پران کا کہنا تھا کہ اپنڈ کس آپریشن کے بعد ابھی پوری طرح طبیعت بحال نہیں ہوئی، ایک سودو، تین تک بخاررہتا ہے، شاید آپریشن کے زخم بھرنے تک ایسا رہے اورآپ دعا کریں، آج شام ٹانکے کھل جائیں گے۔
ماضی کی خوبروماڈل و اداکارہ بھیک مانگنے پر مجبور ۔۔۔حالت دیکھ کر آنکھیں بے اختیار نم ہو جائیں
اسلام آباد (ویب ڈیسک)زندگی کیسے کیسے روپ لے کر سامنے آتی ہے اس کی مثال پاکستان کی ایک خوبرو ماڈل و اداکارہ سیدہ نائلہ شاہ بن کر ہمارے سامنے آئیں جنہیں دیکھ کر آنکھیں یقین کرنے کو تیار ہی نہیں ہوتیں کہ یہ وہی خوبرو ماڈل و اداکارہ سیدہ نائلہ شاہ ہے جو کبھی شہرت کی بلندیوں کو چھو رہی تھی۔
پاکستان میںکئی ایسے فنکار ا س سے قبل منظر عام پر آچکے ہیں جو حالات کی ستم ظریفی کا شکار ہوئے اور دنیا سے رخصت ہوتے چلے گئے۔سیدہ نائلہ شاہ بھی انہی میں سے ایک ہیں۔ نائلہ شاہ نے ایف اے مکمل کرنے کے بعد ماڈلنگ و اداکاری شروع کی اور دیکھتے ہی دیکھتے شہرت کی بلندیوں پر پہنچ گئی مگر آج وہی نائلہ شاہ انتہائی ذلت آمیز زندگی گزارنے پر مجبور ہے۔شہرت کی بلندیوں کو چھونے والی نائلہ شاہ نے شادی کا فیصلہ کیا جو اس کو راس نہ آسکا اور کچھ ہی عرصے کے بعد اس کا شوہر انتقال کر گیا۔ پہلے شوہر کے انتقال کے بعد دوسری شادی کی تو وہ بھی جان کا روگ بن گئی۔ آج یہ عالم ہے کہ اس کے پاس نہ کھانے کو پیسے ہیں اور نہ رہنے کو مکان اور نہ ہی علاج کرانے کیلئے پیسے ہیں۔ ایک ہاتھ کی ہڈی ٹوٹ چکی ہے اور شوگر نے ایسا ’حشر‘ کیا ہے کہ دیکھنے والوں کی آنکھیں بے اختیار نم ہو جاتی ہیں۔سیدہ نائلہ شاہ نے بتایا کہ پہلے شوہر کے انتقال کے بعد دوسری شادی کی تو شوہر تشدد کا نشانہ بناتا، اس کے ہاتھ پاﺅں بھی جلے ہوئے ملے اور جسم پر جگہ جگہ تشدد کے نشانات بھی پائے، وہ اپنے اور بچوں کے پیٹ کا دوزخ بھرنے کیلئے بھیک مانگنے پر مجبور ہے۔خیال رہے کہ اس سے قبل پاکستان کے علاوہ بھارت کی فلم انڈسٹری بالی ووڈ سے بھی ایسے اداکار اور اداکارائیں سامنے آچکی ہیں جو حالات کی ستم ظریفی کے باعث بھکاری بننے پر مجبور ہو گئے۔ ان میں میتالی شرما بھی شامل ہیں۔میتالی مسلسل کام نہ ملنے کے باعث ڈپریشن کا شکار ہوئیں اور پھر بھکاری بن کو بھیک مانگے لگیں۔دوسری خوبرو اداکارہ گیتانجلی ناگپال منشیات کی عادی تھیں اور اسی کی وجہ سے ان کا کیریئر اور زندگی دونوں ہی برباد ہوگئیں اور کام نہ ملنے کے باعث انتہائی غربت کا شکار ہوگئیں۔پروین بابی ماضی کی بے حد مقبول اداکاری تھیں اپنی جاندار اداکاری کے باعث انہوں نے بولی وڈ میں خاصی شہرت حاصل کی تاہم وہ اپنے آخری ایام میں خاصی غریب ہوگئیں اور کوئی دوست یا فیملی ممبر بھی ان کی حمایت میں نہ تھا۔معروف سینئر بالی ووڈ اداکار اے کے ہنگل نے بھی اپنے کیریئر کے دوران کئی کامیاب فلموں میں کام کیا تاہم آخری ایام میں وہ بھی غربتکا شکار ہوئے ان کی موت سنہ 2012 میں ہوئی۔
لاہور :سیشن عدالت میں فائرنگ ۔۔۔ ہر طرف افرا تفری پھیل گئی
لاہور(ویب ڈیسک) سیشن عدالت میں دو گروپوں کے درمیان تصادم سے ایک ملزم ہلاک جب کہ پولیس اہلکار بھی شہید ہوگیا۔لاہور کی سیشن عدالت میں ایڈیشنل جج عمران شفیع کی عدالت کے باہر دو گروپوں کے درمیان مسلح تصادم ہوا جس میں ایک گروپ نے احاطہ عدالت میں فائرنگ کردی جس کے نتیجے میں پولیس کے زیر حراست ملزم امجد ہلاک جب کہ اس کا ساتھی زخمی ہوگیا۔تصادم کے دوران پولیس صورتحال کنٹرول کرنے پہنچی تو اس دوران ایک سپاہی نے بیچ بچاؤ کرانے کی کوشش کی تاہم وہ بھی مسلح افراد کی فائرنگ کا نشانہ بن گیا اور گولی لگنے سے شدید زخمی ہوا جسے فوری طبی امداد کے لیے اسپتال منتقل کیا گیا جہاں وہ زخموں کی تاب نہ لاتے ہوئے دم توڑ گیا۔پولیس کے مطابق شہید ہونے والے اہلکار کی شناخت آصف کے نام سے ہوئی ہے۔پولیس نے واقعے کےبعد عدالت کے تمام دروازے بند کرکے ملزم کی تلاش کے لیے آپریشن شروع کردیا جب کہ عدالت کے اطراف بھی پولیس کی بھاری نفری تعینات ہے۔ملزم امجد کی احاطہ عدالت میں فائرنگ سے ہلاکت پر اس کے اہل خانہ مشتعل ہوگئے اور شدید احتجاج کیا۔
پاکستان کی معروف ترین یونیورسٹی کی طالبہ سے زیادتی ،جب وائس چانسلر کے پاس گئی تو انہوں نے کیا کہا،استادوں کی استادی بارے تہلکہ خیز انکشاف
ملتان (ویب ڈیسک ) بہاﺅالدین زکریا یونیورسٹی کی طالبہ نے یونیورسٹی کے لیکچرارسمیت 6 افراد پر زیادتی کا الزام لگا دیا۔تفصیلات کے مطابق بہاوالدین زکریا یونیورسٹی کی نوجوان طالبہ مبینہ طور پر زیادتی کا نشانہ بنائے جانے پرانصاف کیلئے درخواست لے کر ایس ایس پی آپریشنز کے پاس پہنچ گئی ہے ،متاثرہ لڑکی کا کہناہے کہ وائس چانسلر نے شکایت کا نوٹس نہیں لیا جس کے بعد پولیس کے پاس آئی ہوں ،ان تمام ملزمان نے مجھے ایک سال قبل زیادتی کا نشانہ بنایا اور ویڈیو بنا کر بلیک میل کر نا شروع کر دیا جس کے بعد میں نے یونیورسٹی کے وائس چانسلر سے بھی تحریری شکایت کی لیکن میری کوئی درخواست نہیں سنی گئی۔ایس ایس پی آپریشنز سیف اللہ خٹک نے ایس پی گلگشت جلیل عمران کو تحقیقات کا حکم جاری کر دیاہے۔ان کا کہناتھا کہ واقعہ کی تحقیقات کی جارہی ہیں اور جلد ہی پیش رفت دیکھنے میں آئے گی۔ پولیس ذرائع کا کہناہے کہ متاثرہ لڑکی کو وائلنس اگینسٹ وویمن سنٹر منتقل کر دیا گیاہے۔
اربوں کی کرپشن ۔۔۔فریال تالپور کے گرد گھیرا تنگ
کراچی(ویب ڈیسک) سندھ ہائی کورٹ نے لاڑکانہ میں مبینہ 90 ارب روپے کی کریشن کے معاملے پر فریال تالپور ودیگر کے خلاف اربوں روپے کریشن کی درخواست بحال کردی۔سندھ ہائی کورٹ نے لاڑکانہ میں مبینہ 90 ارب روپے کی کریشن کے معاملے پر فریال تالپور ودیگر کے خلاف اربوں روپے کریشن کی درخواست بحال کردی۔ عدالت نے فریال تالپور، ایاز سومرو، شفقت سومرو، چیف سیکرٹری ودیگر کو نوٹس جاری کرتے ہوئے 22 فروری تک جواب داخل کرنے کی ہدایت کردی۔اس سے قبل درخواست گزار نے موقف اپنایا کہ خاندان کو لاحق خطرات کے پیش نظر درخواست واپس لی تھی تاہم خاندان کو محفوظ مقام پر منتقل کردیا لہذا مفاد عامہ کی خاطر درخواست کو بحال کیا جائے اور لاڑکانہ میں ہونے والی کریشن کی تحقیقات کا حکم دیا جائے۔
راؤ انوار کی گرفتاری کی تاریخ نہیں دے سکتا ,آئی جی سندھ بے بس
کراچی(ویب ڈیسک )آئی جی سندھ اے ڈی خواجہ نے راو¿ انوار کی گرفتار پر بے بسی کا اظہار کرتے ہوئے کوئی ڈیڈ لائن دینے سے انکار کردیا۔سپریم کورٹ کراچی رجسٹری کے باہر میڈیا نمائندوں نے آئی جی سندھ سے سوالات کیے اور ان سے راو¿ انوار کی عدم گرفتاری کی وجہ جاننے کی کوشش کی۔صحافی کے سوال پر کہ راو¿ انوار کال کررہے ہیں لیکن گرفتار کیوں نہیں ہورہے؟ آئی جی سندھ نے جواب دیا کہ ہمارے پاس واٹس ایپ کال ٹریس کرنے کا کوئی نظام نہیں۔میڈیا نمائندوں نے آئی جی سندھ پوچھا کہ راو¿ انوار ایئرپورٹ سے کس طرح نکل گئے؟ اے ڈی خواجہ نے کہا کہ اس کا جواب اسلام آباد ائیر پورٹ سے لیں۔اے ڈی خواجہ کا کہان تھا کہ اس حوالے سے کیس درج کرلیا ہے، جو قانونی کارروائی کرنا تھی کرلی لیکن گرفتاری پر کوئی تاریخ نہیں دے سکتا۔یاد رہے کہ چیف جسٹس پاکستان نے آئی جی سندھ کی استدعا پر انہیں 27 جنوری کے روز راو¿ انوار کی گرفتاری کےلیے تین روز کی مہلت دی تھی لیکن نقیب اللہ قتل کیس میں نامزد روپوش معطل ایس ایس پی راو¿ انوار کو پولیس اب تک گرفتار نہیں کرسکی ہے۔
مسلم لیگ ن کے سینئر رہنما سینیٹر مشاہد اﷲ خان نے راﺅ انوار کا پتہ بتا دیا
کراچی(ویب ڈیسک ) مسلم لیگ ن کے سینئر رہنما سینیٹر مشاہد اللہ خان نے کہا ہے کہ راو¿انوار کہا ں ہے یہ صرف آصف زرداری کو پتہ ہے ۔ایم کیو ایم کو کراچی کامجرم سمجھتے ہیں ،پیپلزپارٹی کو پنجاب میں ایک سیٹ نہیں ملے گی۔کراچی میں میڈیا سے گفتگو کرتے ہوئے مشاہد اللہ خان نے کہا کہ نواز شریف عدل کی بحالی کے لیے تحریک چلا رہے ہیں،کل مسلم لیگ ن کے صدر کراچی آئیں گے،گرین لائن منصوبے کا وہ کل 2 بجے دورہ بھی کریں گے،2013 سے اب تک پی ایم ایل این نے تاریخی کام کیا ہے ،بجلی کے بے پناہ کارخانے لگائے گئے ہیں،کے فور منصوبے پر کام نواز شریف نے ہی شروع کرایا ہے، موٹرویز پر کام بھی وفاق کا ہی کارنامہ ہے،شہر کے لوگوں کو محصور کرلیا گیا تھا، شہر کا امن برباد کردیا گیا تھا ،ہر چوتھے دن ہڑتال کے نام پر معیشت بند ہوتی تھی،کوئی مسجد کوئی امام بارگاہ شہر قائد میں نہیں بچی تھی ،انہوں نے کہا کہ ساڑھے تیرا ہزار میگا واٹ بجلی ان چار سالوں میں پیدا کی ہے،کے پی کے میں ایک بھی میگا پراجیکٹ شروع نہیں ہوا ،اگر ایک دفعہ عوام نے کراچی میں نواز شریف کو ووٹ دیا تو لاہور بہت پیچھے رہ جائے گا ،جو لوگ کرپشن اور قتل کرتے ہیں ان سے حساب کتاب نہین ہوتا،مشاہد اللہ خان کا کہنا تھا کہ نواز شریف آتا ہے تو رینجرز امن بحال کر دیتی ہے ،راو¿ انوار کے بارے میں کسی کو معلوم ہے تو وہ آصف زرداری ہیں،پیر پگارا سے ہم رابطے میں ہے ،کل گیارہ بجے کے بعد نواز شریف لینڈ کریں گے، شہر کو گندگی کا ڈھیر کس نے بنایا ہے؟انہوں نے آصف زرداری کو مخاطب کر کے کہا کہ آصف زرداری یہ سندھ تمہارے ہاتھ سے نکل رہا ہے ،کل پورا دن نواز شریف کراچی والوں کے ساتھ ہوں گے ،وزارت اعظمیٰ سے ہٹا دیا لیکن عوام کے دلوں میں نواز شریف بسا ہوا ہے ،بلوچستان کے عوام بکاو¿ مال نہیں ہیں،حکومتیں تو الٹتی رہتی ہیں،نواز شریف کل وزیراعظم تھے آج نہیں ہیں،پیسہ چلانے کا مطلب ہے کہ آپ نے سیاست میں ہتھیار ڈال دیئے ہیں،ووٹ اسے ملے گا جس نے پاکستان کی خدمت کی ہے ،ہم ایم کیو ایم کو کراچی کامجرم سمجھتے ہیں ،پیپلزپارٹی کو پنجاب میں ایک سیٹ نہیں ملے گی۔
نواز شریف کی ہدایت پر مطلوب ترین غیر ملکی کا نام ای سی ایل سے کیوں نکالا،چودھری نثار کا اہم انکشاف
اسلام آباد (ویب ڈیسک )سابق وزیر داخلہ چوہدری نثار علی خان کے ترجمان نے وضاحت کی ہے کہ سابق وزیر داخلہ چوہدری نثار علی قومی ائیر لائن پی آئی اے کے جرمن سی ای او کو بیرون ملک جانے کی اجازت دینے کے مخالف تھے ،وزیراعظم آفس کی ہدایت پر ای سی ایل سے نام نکالا گیا تھا۔سابق وفاقی وزیر داخلہ اور مسلم لیگ ن کے سینئر رہنما چوہدری نثار علی خان کے ترجمان کی جانب سے جاری وضاحتی بیان میں کہا گیا ہے کہ پی آئی اے کے جرمن نڑاد سابق سی ای او برنڈ ہلڈن برینڈ کو بیرون ملک جانے کی اجازت دینے سے متعلق آنے والی خبریں مضحکہ خیز اور بے بنیاد ہیں، ان میں کوئی حقیقت نہیں۔ ترجمان نے کہا کہ چوہدری نثار علی خان جرمن باشندے کو بیرون ملک جانے کی اجازت دینے کے مخالف تھے اور ان کا موقف تھا کہ قومی ایئرلائن کے غیر ملکی سی ای او کا کرپشن الزامات پراحتساب ضروری ہے،وزیراعظم آفس کی مداخلت پر ان کا نام ای سی ایل سے نکالا گیا۔ ترجمان کے مطابق اس وقت جرمن سفارتخانے نے وزارت خارجہ سے رابطہ کر کے یقین دہانی کرائی تھی کہ پی آئی اے کا سی ای او برنڈ ہلڈن برینڈ ایک ماہ بعد واپس آ جائینگے اور وزارت خارجہ کی سفارشات کی روشنی میں وزیراعظم کے سیکرٹری نے چوہدری نثار سے ذاتی طور پر ملاقات کی اور اس وقت کے وزیراعظم نواز شریف کی ہدایات چوہدری نثار علی خان تک پہنچائیں جن میں کہا گیا تھا کہ برنڈ ہلڈن برینڈ کو ایک ماہ کیلئے بیرون ملک جانے کی اجازت دی جائے۔
ناممکن کو ممکن کس نے بنایا ،،مریم نواز نے اہم راز سے پردہ اٹھا دیا
لاہور(ویب ڈیسک) سابق وزیر اعظم نواز شریف کی صاحبزادی مریم نواز نے کہا ہے کہ نوازشریف کی اس سے بڑی فتح کیا ہوگی کہ مخالفین کے پاس اپنی کارکردگی دکھانے کو کچھ نہیں ہے، ان کی ہر بات نوازشریف سے شروع ہو کر انھیں پر ختم ہوتی ہے اور یہ اپنی ساڑھے چار سالہ ناکامی کی شرمندگی کو نوار شریف پر الزامات لگا کر چھپا رہے ہیں ۔ سماجی رابطوں کی ویب سائٹ ٹوئٹر پر ٹوئٹ کرتے ہوئے مریم نواز کا کہنا تھا کہ کوئی دس ہزار میگاواٹ بجلی بنانے کا ناممکن کام بھی کر گیا اور کوئی ساڑھے چار سال بعد بھی ناکامی کی شرمندگی کو الزامات میں چھپا رہا ہے ۔ رہنما مسلم لیگ (ن) کا مزید کہنا تھا کہ عوام سے کئے گئے وعدے پورے کرنے اور عوامی خدمت کے لیے دن رات ایک کرنا پڑتا ہے ۔ لیڈروں کو اپنا آرام قربان کرنا پڑتا ہے۔
سپریم کورٹ نے چیئرمین متروکہ وقف بورڈ صدیق الفاروق کوعہدے سے ہٹادیا
اسلام آباد(ویب ڈیسک) سپریم کورٹ نے چیئرمین متروکہ وقف املاک بورڈ صدیق الفاروق کوعہدے سے ہٹاکر حکومت کو قواعد کے مطابق نئے چیئرمین کی تقرری کاحکم دیا ہے۔چیف جسٹس پاکستان ثاقب نثار کی سربراہی میں 3 رکنی بنچ نے کٹاس راج مندر کیس کی سماعت کی جس میں عدالت نے چیئرمین متروکہ وقف بورڈ صدیق الفاروق کو فوری عہدے سے ہٹانے کا حکم دیتے ہوئے کہا کہ صدیق الفاروق چیر مین متروکہ وقف املاک کے عہدے کے اہل نہیں، حکومت قواعد کے مطابق نئے چیئرمین کی تقرری کرے۔اس سے قبل ایڈیشنل ایڈووکیٹ جنرل نے صدیق الفاروق کا بطور چیئرمین متروکہ وقف املاک ریکارڈ پیش کرتے ہوئے کہا کہ صدیق الفارق کی مدت ختم ہوچکی ہے، نئے چیئرمین کی سمری جلد بھیج دی جائے گی جس پر چیف جسٹس نے ریمارکس دیے کہ سمری موو کریں لیکن صدیق الفاروق کوفارغ کریں۔وکیل متروکہ وقف املاک نے کہا کہ قوانین کے مطابق نئے چیئرمین کی تعیناتی تک صدیق الفاروق کام جاری رکھ سکتے ہیں جب کہ چیف جسٹس نے صدیق الفاروق سے مکالمہ کیا کہ آپ کا تعلق مسلم لیگ (ن) سے ہے، یہ سیاسی اقربا پروری کا کیس ہے جب کہ صدیق الفاروق نے کہا کہ جب مسلم لیگ سیکرٹریٹ میں تھا تو آپ بھی میرے پاس آتےتھے۔
