اسلام آباد (ویب ڈیسک) نواز شریف نے انکشاف کیا ہے کہ 2014 کے دھرنوں سے خفیہ ادارے کے سربراہ کا براہ راست تعلق تھا۔ تفصیلات کے مطابق معروف اور سینئر صحافی سہپیل وڑائچ کی جانب سے لکھے گئے کالم میں تہلکہ خیز انکشافات کیے گئے ہیں۔ سہیل وڑائچ کا کہنا ہے کہ نواز شریف نے ان سے ٹیلی فونک رابطہ کرکے تہلکہ خیز انکشاف کیے ہیں۔سہیل وڑائچ کا بتانا ہے کہ نواز شریف نے انہیں بتایا ہے کہ 2014 کے دھرنوں سے خفیہ ادارے کے سربراہ کا براہ راست تعلق تھا۔ اس حوالے سے ان کے پاس ٹھوس شواہد بھی آ گئے تھے۔ سہیل وڑائچ کا مزید بتانا ہے کہ نواز شریف کے پاس یہ مبینہ شواہد اب بھی موجود ہیں۔ گفتگو کے دوران نواز شریف نے انہیں مزید بتایا کہ انہوں نے اس تمام معاملے کا پہلے اس لیے انکشاف نہیں کیا کیونکہ تب وہ وزیراعظم تھے۔ بطور وزیراعظم ان پر اداروں کو ساتھ لے کر چلنے کا دباو تھا۔ تاہم اب ان پر ایسا کوئی دباو نہیں رہا اس لیے وہ ایسے حقائق سامنے لے کر آئیں گے۔

لاہور (آئی این پی) صوبائی وزیر قانون رانا ثنا اللہ خان کے استعفی لینے کیلئے دینی جماعتیں ایک مرتبہ پھر سرگرم ہوگئیں۔ سنی تحریک، تحریک مستقیم اور تحریک لبیک نے احتجاجی پروگراموں کا فیصلہ کر لیا۔ ذرائع کے مطابق تفصیلات کے مطابق دینی جماعتوں نے وزیر قانون رانا ثنا اللہ کے استعفے کے لیے حکومت پر دبا بڑھانے کا فیصلہ کرلیا ہے۔ سنی تحریک، تحریک صراط مستقیم اور تحریک لبیک نے احتجاجی پروگراموں کو حتمی شکل دے دی۔ تحریک صراط مستقیم نے 4 جنوری کو احتجاج کا اعلان کرتے ہوئے داتا دربار سے اسمبلی ہال تک ختم نبوت ریلی نکالنے کا فیصلہ کیا ہے۔ تحریک لبیک 4 جنوری کو اسلام آباد میں پاور شو کرے گی جبکہ سنی تحریک 5 جنوری کو اسلام آباد سے کراچی تک ٹرین مارچ کرے گی لا ہور ریلوے اسٹیشن پر جلسہ بھی کیا جائے گا6 جنوری کو متحدہ علما بھی لاہور اسمبلی ہال کے سامنے احتجاج کرے گی۔

اسلام آباد(خصوصی رپورٹ) صوبائی وزیر قانون رانا ثناءاللہ نے اپنے باس وزیر اعلی پنجاب شہباز شریف کا حکم رد کرتے ہوئے مستعفی ہونے سے انکار کر دیا ہے اور پارٹی صدر میاں نواز شریف پر واضح کیا ہے کہ وہ ان کے استعفے کے حوالے سے فیصلہ کر دیں وہ صرف ان کا حکم مانیں گے مگر پیر حمید الدین سیالوی کے مطالبے اور وزیر اعلی کی ہدایت پر بھی وہ مستعفی نہیں ہونگے۔ ذرائع کا کہنا ہے کہ وزیر اعلی پنجاب شہباز شریف چاہتے تھے کہ رانا ثنا ءاللہ مستعفی ہو جائیں تاکہ پیر حمید الدین سیالوی کے میدان میں آنے کی وجہ سے جو مذہبی ووٹ ن لیگ سے دور ہو رہا ہے وہ نہ ہو اور آئندہ عام انتخابات میں مسلم لیگ ن اس مذہبی ووٹ سے کہیں محروم نہ ہو جائے شہباز شریف چونکہ ن لیگ کے آئندہ عام انتخابات کے بعد وزارت اعظمی کے امیدوار ہونگے اس لئے وہ اس مذہبی ووٹ کی کسی اور کے حق میں تقسیم نہیں چاہتے اور رانا ثناءاللہ کو اسی لئے انہوں نے مستعفی ہونے کا کہا تھا لیکن رانا ثناءاللہ نے یکسر انکار کر دیا اور ذرائع نے انکشاف کیا ہے کہ چند دن قبل رائے ونڈ میں ہونے والے ایک اجلاس میں بھی یہ معاملہ زیر غور آیا تھا اور شہباز شریف سمیت بعض رہنماﺅ ں کی رائے تھی کہ رانا ثنائ اللہ مستعفی ہو جائیں ورنہ مذہبی اور دینی ووٹ کی تقسیم سے ن لیگ کو آئندہ انتخابات میں نقصان ہوگا اس موقع پر رانا ثناءاللہ نے موقف اختیار کیا کہ وہ بلیک میل ہو کر استعفی نہیں دینگے میرے استعفے کا فیصلہ پارٹی قائد نواز شریف کر دیں میں انھیں مکمل اختیار دیتا ہوں کہ وہ جب چاہیں میرے استعفے کے حوالے سے اعلان کر دیں مگر کسی اور کے کہنے پر مستعفی نہیں ہون گا جس پر شہباز شریف اور رانا ثناءمیں ناراضگی بھی ہو گئی تھی تاہم نواز شریف نے معاملے کو سنبھالا اور کہا کہ وہ پارٹی کے سینئر رہنماﺅ ں سے مشاورت کے بعد رانا ثناءکے استعفے پر حتمی فیصلہ کرینگے تاہم ایسی روایت نہیں ڈالنی چاہیے کیونکہ وفاقی حکومت پہلے ہی ختم نبوت کے معاملے پر زاہد حامد سے استعفی لے چکی اس لئے رانا ثناءاللہ سے استعفی مانگنا درست نہیں تاہم وہ ایک دو دن میں اس حوالے سے واضح فیصلہ کرینگے اور رانا ثناءاللہ کے موقف کو بھی سنا جائے گا ۔

جھنگ (خصوصی رپورٹ) حکوتم نےپنجاب بھر میں مشینی جھولوں پر الئسنس فیس عائد کر نے کا فیصلہ کر لیا ہے۔ ذرائع کے مطابق اس سلسلے ”دی ڈسٹرکٹ کونسل“ ریگولیشن آف ملینیکل رائڈز بائی لاز 2017ءکے نفاذ کا نوٹیفکیشن جاری کر دیا گیا ہے۔ پنجاب حکومت نے متینی جھولوں کی رجٹریشن لازمی قرار دے کر نہ صرف لائسنس فیس وصولی کا فیصلہ کر لیا ہے بلکہ جھولا مالکان کو 10 مختلف سرکاری محکموں سے این او سی حاصل کرنے کا بھی پابند کیا ہے۔ ذرائع کے مطابق کہ دیہی علاقوں میں بغیر اجازت کے مشینی جھولے نصب کرنے والے مالک کالائسنسن منسوخ ، جھولے ضبط اور سزاد جرمانے کا مرتکب ٹھہرایا جائے گا جبکہ انسانی سانحہ کی صورت میں متاثرہ خاندان کو مالی امداد بھی مالک کی طرف سے دلوائی جائے گی۔

لاہور (آئی این پی) پاکستان پیپلز پارٹی کے چیئرمین بلاول بھٹوزرداری نے کہاہے کہ صرف پیپلزپارٹی کوہی دہشت گردی اور امریکا سے نمٹنے کا تجربہ ہے، انتہاپسندی کاخاتمہ اس لیے نہیں کرینگے کہ ٹرمپ نے کہا بلکہ یہ ہمارے مفادمیں ہے۔امریکی صدر ڈونلڈٹرمپ کی دھمکی پر درعمل کا اظہار کرتے ہوئے بلاول بھٹوزرداری نے کہاکہ ہم انتہاپسندی کا خاتمہ کریںگے کیونکہ یہ ہمارے مفادمیں ہے، انتہاپسندی کاخاتمہ اس لیے نہیں کریں گے کہ ٹرمپ نے کہا۔صرف پیپلزپارٹی کوہی دہشتگردی اورامریکا سے نمٹنے کا تجربہ ہے، ہمارے دور میں پہلی بار انسداد دہشتگردی کا کامیاب آپریشن لاﺅنچ کیاگیا، سلالہ حملے پر امریکا کے معافی مانگنے تک نیٹو سپلائی اور فضائی اڈے بند کیے۔انہوں نے کہا کہ کوئی ٹرمپ کو کولیشن سپورٹ فنڈ، خدمات کے عوض ادائیگی کا فرق سمجھائے، یو ایس ایڈ انسانی ہمدردی کی بنیاد پر دلوں کو جیتنے کیلئے دی جاتی ہے، خدمات کے عوض عدم ادائیگی سے مستقبل میں تعاون پر اثر پڑسکتا ہے۔