کراچی(شوبز ڈیسک )اداکارہ و پروڈیوسر حریم فاروق نے اپنی نئی زیر تکمیل فلم پرچی کیلئے بیوٹیشن مسرت مصباح کی خدمات حاصل کرلیں گزشتہ روز فلم کی عکسبندی کیلئے حریم فاروق سمیت دیگر فنکاروں علی رحمن خان، احمد علی اکبر، شفقت خان، عثمان مختار ، شفقت چیمہ کا میک اپ مسرت مصباح اورانکی ٹیم نے کیا۔ حریم فاروق نے کہا کہ فلم انڈسٹری میں آرٹسٹوں کے میک اپ کے حوالے سے ایک نیا ٹرینڈ دینے کی کوشش کی ہے ، بیوٹیشن کے حوالے سے نت نئے تجربات نہیں کررہے بلکہ فلم کے کرداروں کو مدنظر رکھتے ہوئے ان کا گیٹ اپ اور میک اپ کیا ہے جدید دور میں فنکاروں کو میک اپ کے ذریعے رنگ و روپ دیکر سنوارنا کسی چیلنج سے کم نہیں۔ مسرت مصباح کا کہنا تھا ہم نے ایک نیا قدم اٹھایا ہے ماڈلز اور فلمی اداکارائیں میک اپ کیلئے رابطے کرتی رہی ہیں۔ اب شوبزمیں میک اپ اور سٹائلش آرٹسٹ کے طور پر ہماری ٹیم کام کررہی ہے۔واضح رہے آئی آر کے فلمز کے بینرتلے بننے والی مذکورہ فلم رواں برس ریلیز کردی جائیگی۔

لاہور( شوبز ڈیسک) نامور گلوکارہ سائرہ نسیم نے کہا ہے کہ فلم کی موسیقی ابھی ختم نہیں ہمیں صرف معیار کی ضرورت ہے اور اگر ہم معیار بہتر کر لیں تو حالات اچھے ہو سکتے ہیں ۔ایک انٹر ویو میں گلوکارہ کا کہنا تھا کہ موسیقی جتنی بھی مارڈن ہو جائے غزل گائیکی کا انداز نہیں بدل سکتا۔ ہمارے ہاں آج بھی بڑی خوبصورت آواز کے حامل غزل گائیک موجود ہیں جنہیں لوگ سننا چاہتے ہیں۔ انہوں نے کہا کہ میرے خیال میں ہمیں باقاعدہ منصوبہ بندی کر کے اپنی موسیقی کو ترقی دینے اور اسے عام لوگوں میں مقبول بنانے کے لیے از سر نو محنت کرنا ہو گی۔ سائرہ نسیم نے کہا کہ موسیقی میرے خون میں شامل ہے اور اس سے دوری کا سوچ بھی نہیں سکتی ۔ گلوکاری باقاعدہ ایک فن ہے اور اسکے رموز کو سمجھنے میں کئی دہائیاں لگ جاتی ہیں ۔

لاہور(شوبز ڈیسک)فنکاروں نے محرم الحرام کے حوالے سے تیاریوں کا آغاز کردیا ،یکم سے 14محرم الحرام تک مختلف فنکار اپنی رہائشگاہوں پر مجالس و نیاز کا اہتمام کرینگے ۔فنکاروں نے محرم الحرام کے حوالے سے تیاریوں کا آغاز کردیا ،یکم سے 14محرم الحرام تک مختلف فنکار اپنی رہائشگاہوں پر مجالس و نیاز کا اہتمام کرینگے ،ان میں نادیہ علی،شین ،ترنم ناز ، یاسمین شوکت ،حمیرا چنا،بی جی، خوشبو ، مدیحہ شاہ، شاہدہ منی ،حمیراارشد، انور رفیع،جرار رضوی اور دیگر شامل ہیں جبکہ میگھا ،نداچودھری، صائمہ خان، نرگس سمیت متعدد فنکارائیں 12محرم تک شوبز سے دوررہیں گی۔

لاہور(شوبز ڈیسک ) بالی ووڈ اداکار سلمان خان کو برطانیہ کے ہاﺅس آف کامنز کی جانب سے “گلوبل ڈائیورسٹی” ایوارڈ سے نوازا گیا ہے۔ بھارتی میڈیا کے مطابق یہ ایوارڈ انہیں عالمی سطح پر عدم مشابہت اور اختلافات کو کم کرنے میں شاندار خدمات کے اعتراف میں دیا گیا ہے۔سلمان خان کو یہ ایوارڈ ہاو¿س آف کامنز میں سب سے زیادہ عرصے تک ممبر پارلیمنٹ کا اعزاز حاصل کرنیوالے ایشیائی نڑاد برطانوی کیتھ واز نے دیا۔

لاہور( شوبز ڈیسک )نامور اداکار و ہدایتکار شان نے کہا ہے کہ معیار ی اور بامقصد فلموں کی تخلیق کے ذریعے ہی فلمی انڈسٹری کے بحران پرقابو پا یا جا سکتا ہے ،اس کے لئے ضروری ہے کہ نت نئے موضوعات پرمعیاری اور با مقصد فلمیں بنائیں جاتی او رسینئر فنکاروں کیساتھ ساتھ نئے ٹیلنٹ کی بھی حوصلہ افزائی کی جا ئے ۔ ایک انٹرویو میں شان نے کہا کہ ویسے بھی اب زمانہ او روقت بدل چکا ہے ،صرف معیاری اور اچھی میوزیکل فلمیں ہی شائقین کو کو دوبارہ سینما گھروں تک لاسکتی ہیں۔ اس کے ساتھ ساتھ دیگر ممالک میں حکومتیں اپنی فلم انڈسٹری کو بہت زیادہ سپورٹ کرتی ہیںاسی لئے وہاںکی فلمیں ہمیشہ کامیابی سے ہمکنار ہوتی ہیں ۔حکومت کو چاہیے کہ فلم انڈسٹری کی دوبارہ بحالی کے لئے ہنگامی بنیادوں پرفوری اقدامات کئے جائیں تاکہ انڈسٹری دوبارہ اپنے پاﺅ ںپر کھڑی ہو سکے۔

لاہور(شوبز ڈیسک) معروف اداکارہ میرا نے کہا ہے کہ آج کے دورمیں برسوں فلموں میں کام کرنیوالے فنکاروں سوچی سمجھی سازش کے تحت نظرانداز کیا جارہا ہے۔اداکارہ میرا نے ’میڈیا‘ سے گفتگو کرتے ہوئے کہا کہ یہ بات توبہت خوش آئند ہے کہ ملک بھرمیں سینما گھربن رہے ہیں اورجدید ٹیکنالوجی کے ساتھ فلمیں بنائی جارہی ہیں لیکن ان پراجیکٹس میں فلم کا وہ انگ دکھائی نہیں دیتا، جس کودیکھنے کے لیے فلم بین اصل میں سینما کا رخ کرتے تھے۔ انہوں نے کہا کہ فلم کی کہانی، کرداروں کی تقسیم، میوزک ، لوکیشنز اوربہت کچھ آج کے دورمیں بننے والی فلموں میں دکھائی نہیں دے رہا۔ یہی وجہ ہے کہ شائقین کی بڑی تعداد پاکستانی فلم سے مایوس دکھائی دیتی ہے۔ اس سلسلے میں نوجوان فلم میکرز کوسوچنا چاہیے کہ وہ کثیرسرمائے سے فلمیں بنا رہے ہیں لیکن اس کے باوجود بھی اگررسپانس نہیں مل پا رہا تویقینناً انہیں اس پرغورکرنے کی ضرورت ہے۔میرا نے کہا کہ اکثرلوگ گزشتہ دہائیوں میں بننے والی فلموں پرتنقید کرتے دکھائی دیتے ہیں۔ فلم کی کہانی، فنکاروں اوربدمعاش کلچر کو شدید تنقید کا نشانہ بنایا جاتا ہے۔ بہت سے تویہ الزام لگاتے کہ ایک ہی طرح کے چہرے ہرفلم میں دکھائی دیتے ہیں۔ انہوں نے کہا کہ آج کے دورمیں توسوچی سمجھی سازش کے تحت برسوں فلموں میں کام کرنے والے فنکاروںکو نظرانداز کیا جارہا ہے، اس کے بعد بھی فلم کووہ مقام نہ ملنا نوجوان فلم میکرز کے لیے ایک ایسا سوالیہ نشان بنتا چلا جارہا ہے، جس کے بار ے میں سوچنے کی اشد ضرورت ہے۔ اگر آج بھی اس کے بارے میں غورنہ کیا گیا تو پھر آنے والے چند برسوں میں مزید بحران پیدا ہوجائے گا۔