حیدرآباد (بیورورپورٹ) تحریکِ انصاف کے چیئرمین عمران خان نے کہا ہے کہ شریف خاندان الوداع، ظلم کی سیاہ رات ختم ہوگئی ہے اور تمہاری سیاست بھی ، آصف زرداری تمہارا وقت بھی ختم ہوگیا ہے ، بلاول ، مریم ، حمزہ اور سلمان کا وقت بھی ختم ہوگیا ہے ، میں جب تک زندہ ہوں ان ظالموں کا مقابلہ کرتا رہوں گا ۔ حیدرآباد بائی پاس پر ایک تاریخی جلسے سے خطاب کرتے ہوئے انھوں نے آصف زرداری کو سخت تنقید کا نشانہ بنایا اور کہا کہ سندھ کی صرف ایک بیماری زرداری ہے ، اس نے سندھ کاپیسہ لوٹ کر دبئی میں ہوٹلز اور لندن میں محلات خریدے ہیں ، نواز شریف اور زرداری اس ملک کا پیسہ لوٹ کر باہر لے گئے ہیں اور کوئی دشمن بھی اس ملک کے ساتھ ایسا نہیں کرے گا جیسا ان دونوں نے مل کر کیا ہے ۔ عدالتیں اگر اس طریقے سے صحیح کام کرتی جیسے سپریم کورٹ نے کیا ہے تو زرداری جیل میں ہوتے ۔ زرداری نے اتنی لوٹ مار کی ہے کہ 150ایکڑ سے ایک لاکھ ایکڑ کا مالک بن گی اہے ۔ انھیں پکڑنا والا کوئینہیں ہے چارٹرڈ آف ڈیموکریسی کے نام پر مک مکا کیا گیا ، 30سال پہلے پاکستان برصغیر میں سب سے خوشخال ملک تھا اب بنگلہ دیش اور بھارت بھی ہم سے آگے نکل گئے ہیں ، ہم سب سے پیچھے رہ گئے ہیں ۔ یہ دو خاندان اور ان کے بچے امیر ترین بن گئے ہیں ، ایک تو چلا گیا اب ہم زرداری کے چیچھے جائیں گے اس کو بھی جیل میں ڈالیں گے ۔ عمران خان نے نے دلچسپ انداز میں بلاول کو تنقید کا نشانہ بنایا اور کہا کہ میں آپ سے پوچھتا ہوں کہ آپ نے کبھی ایک دن کام بھی کیا ہے ، اایک دن کمائی بھی کی ہے کبھی آپ ایک کلومیٹر پیدل بھی چلیں ہیں ، پھر آپ پاکستان پر حکومت کیسے کریں گے ، اس ملک کو ٹھیک کیسے کریں گے ۔ ذولفقار علی بھٹو کے انداز میں ہاتھ ہلانے سے کوئی لیڈر نہیں بنتا ۔ آپ کے نانا بڑے لیڈر تھے انھوں نے سخت محنت کی تھی اور وہ ہر چھوٹے سے چھوٹے شہر گئے تھے ۔ آپ ہمیں بتارہے ہیں کہ پی پی کیا کرے گی ، آپ ہمیں یہ بتائیں کہ پی پی نے سندھ میں کیا کام کئے ہیں ، آپ نے کبھی اپنے والد سے پوچھا کہ انھوں نے اربوں روپے کیسے بنائیں آپ نے کبھی اپنی پھپھی سے پوچھا کہ سندھ میں ہر نوکری کیوں بکتی ہے ، سندھ میں نوکریاں بکتی ہیں اور یہ پیسہ کس کی جیب میں جاتا ہے ۔ 30سال سے آپ پیسہ بنارہے ہیں ، آپ کا پیٹ کب بھرے گا ۔ سندھ میں جو حالات ہیں میں نے کہیں نہیں دیکھے ، میں بار بار سندھ آو¿ں گا ۔ اپنے لوگوں کو کھڑا کروں اور ظالم کا مقابلہ کروں گا ۔ پیپلز پارٹی اور نوازلیگ نے چھ چھ باریاں لی ہیں مگر ایک بھی ایسا اسپتال نہیں بناسکے ہیں جہاں زرداری ، نوازشریف ، شہباز اور کلثوم نواز کا علاج ہوسکے ۔ یہ اسپتال ہی نہیں بناسکے تو آگے کیا کریں گے ۔ عمران خان نے کہا کہ پی پی سندھ میں نہیں بنی تھی لاہور میں بنی تھی اسے لاہور کے لوگوں نے اٹھایا تھا این اے 120سے پیپلز پارٹٰ تین مرتبہ جیتی تھی اس بار پی پی کو صرف 1500ووٹ ملے ہیں زرداری نے اتنی بڑی پارٹی کو اتنی چھوٹی پارٹی بنادیا ہے ۔ انھوں نے کہا لاہورمیں نوازشریف اور اس کے بعد مریم نے سپریم کورٹ کے خلاف مہم چلائی عدلیہ پر سازش کا الزام سرعام لگایا گیا ۔ الیکشن کے دنوں میں مریم نے فوج پرسازش کا لزام لگایا ڈان لیکس کے پیچھے کون تھا اب واضح ہوگیا ، اب لندن میں دو گاڈ فادر جمع ہوگئے ہیں ، نواز اور الطاف حسین دونو بھائی پاکستانی فوج کے خلاف ٹیلی فونک خطاب کے ذریعے باتیں کریں گے اور اپنے دوست نریندر مودی کی تعریف کریں گے ۔ ان سب ک اوقت ختم ہونے جارہا ہے انھیں اپنے گڑھ میں تیس فیصد ووٹ کم ملے ہیں ، جہاں سارے وزیروں نے زور لگالیا ، سارا عملہ ان کا تھا۔ عوامی مسلم لیگ کے سربراہ شیخ رشید نے کہا ہے کہ چوروں اور ڈاکوﺅں سے عمران خان ہی عوام کو نجات دلا سکتا ہے، نیب نے پورے شریف خاندان کو لپیٹ لیا ہے آج شریف خاندان اپنی بنائی ہوئی نیب عدالت میں پیش نہیں ہوا کیا یہ توہین عدالت نہیں ہے، وزیراعظم شاہد خاقان عباسی این ایل جی گیس اسکینڈل میں پارٹنر ہے میں مناظرے کا چیلنج دیتا ہوں اگر ان کی کرپشن ثابت نہ کر سکا تو کرپشن چھوڑ دوں گا، چوہدری نثار گھونگھٹ اتاریں بلاول نہ بنیں، دادو میں جلسی ہوئی تھی اور یہاں جلسہ ہو رہا ہے۔وہ تحریک انصاف سندھ کے زیراہتمام حیدرآباد میں ہٹڑی بائی پاس پر ہونے والے جلسہ عام سے خطاب کر رہے تھے جس کی صدارت تحریک انصاف کے چیئرمین عمران خان نے کی۔عوامی مسلم لیگ کے سربراہ شیخ رشید نے خطاب کرتے ہوئے کہا کہ حیدرآباد کے لوگوں نے میرا دل جیت لیا ہے سنا ہے ایک جلسی دادو میں ہوئی تھی اور یہاں ایک جلسہ پنڈال میں ہو رہا ہے ایک اسٹیج پر ہے اور ایک باہر ہو رہا ہے اس سے جلسے اور جلسی کا فرق واضع ہے، انہوں نے کہا کہ آج ڈیزل کا ذکر چھوڑ دیں کیونکہ ہم بڑی لڑائی لڑ رہے ہیں، شیخ رشید نے چہرے پر ہاتھ پھیرتے ہوئے شریف خاندان اور وزیراعظم شاہد خاقان عباسی کو چیلنج کیا اور کہا کہ وزیراعظم این ایل جی اسکینڈل میں 200 ارب روپے کی کرپشن میں ملوث ہیں اگر میں ان کے پارٹنرشپ کو ثابت نہ کر سکا تو سیاست چھوڑ دوں گا، انہوں نے کہا کہ نیب نے پورے شریف خاندان کو لپیٹ لیا ہے اور اب وہ اپنی بنائی ہوئی نیب عدالت میں پیش نہیں ہو رہا، انہوں نے کہا کہ نوازشریف دبئی میں ملازم ہیں اور کلثوم نواز سعودی عرب کا اقامہ رکھتی ہیں پورے خاندان کے اقامے نکل آئے ہیں، انہوں نے کہا کہ جو لوگ بھی قومی اداروں کے خلاف زبان درازی کر رہے ہیں ان کی زبان کھینچ لینی چاہیے، شیخ رشید نے کہا کہ چوہدری نثار بلاول نہ بنیں اور گھونگھٹ اتاریں، انہوں نے کہا کہ میں عمران خان کے ساتھ ہوں اور غریبوں تبدیلی اور انقلاب کی آواز ہوں میں نے ہمیشہ دوستی اور دشمنی نمبر ون سے کی ہے، انہوں نے کہا کہ جب تک ملک میں کرپشن ختم نہیں ہوتی عوام کو کوئی حق نہیں مل سکتا جس ترقی کی بات کی جا رہی ہے وہ صرف شریف خاندان کی ہوئی ہے، انہوں نے کہا کہ رانا ثناءاللہ کی باتیں سنیں کیا وزیر اس طرح کے ہوتے ہیں، انہوں نے کہا کہ سندھ کے عوام ڈاکو حکمرانوں کے خلاف اٹھ کھڑے ہوں اسی صورت میں ملک کے حالات تبدیل ہو سکتے ہیں۔

نیویارک (محسن ظہیر سے) وزیراعظم شاہد خاقان عباسی ان دونوں نیویارک میں ہیں جہاں وہ اقوام متحدہ کی جنرل اسمبلی میں بھی شرکت کر یں گے۔ اس موقع پر وزیر اعظم نے ترک صدر رجب طیب اردگان سے بھی ملاقات کی جس دوران روہنگیا مسلمانوں پر ہونے والے مظالم پر اظہار افسوس کیا گیا۔ ترکی اور پاکستان نے اس بات پر اتفاق کیا کہ روہنگیا مسلمانوں کے مسائل حل کرنے کے لیے اقوام متحدہ پر دباو ڈالنے کی کوشش کی جائے گی۔ دونوں رہنماﺅں نے علاقائی صورتحال پر بھی تبادلہ خیال کیا۔ ترک صدر طیب اردگان نے کہا کہ ترکی پاکستان کے ساتھ باہمی مفادات پر مبنی اسٹرٹیجک شراکت داری کو مضبوط رکھنے کے عزم پر قائم ہے۔ طیب اردگان نے کہا کہ دونوں ممالک کے دوطرفہ تعلقات، مختلف شعبوں میں تعاون اور علاقائی اور عالمی معاملات پر ایک جیسا مو¿قف اپنانے کو سراہا جبکہ وزیراعظم شاہد خاقان عباسی نے کہا کہ دنوں ممالک کے درمیان تعلقات اور اسٹرٹیجک پارٹنر شپ ہر گزرتے دن کے ساتھ مضبوط ہو رہے ہیں۔ اس موقع پر دونوں رہنماﺅں کی جانب سے اقتصادی تعاون بڑھانے پر بھی تبادلہ خیال کیا گیا۔ شاہد خاقان عباسی اور طیب اردگان نے دونوں ممالک کے درمیان گہرے سیاسی، دفاعی، تجارتی تعلقات اور سرمایہ کاری پر بھی اطمینان کا اظہار کیا۔ خیال رہے کہ روہنگیا مسلمانوں کی حالت زار پر اسلامی تعاون تنظیم کے کنٹیکٹ گروپ کاخصوصی اجلاس بھی نیویارک میں ہو گا جس میں ترکی اور پاکستان مل کر روہنگیا مسلمانوں کا مسئلہ اٹھائیں گے۔جنرل اسمبلی اجلاس کے دوران وزیراعظم شاہد خاقان عباسی ایران کے صدراور اردن کے شاہ سے بھی ملاقات کریں گے۔ ملاقات میں افغانستان کی صورتحال بھی زیربحث آئی اور دونوں قائدین نے اس بات پر اتفاق کیا کہ افغان تنازعہ کا کوئی فوجی حل نہیں بلکہ افغانستان سے شروع ہونے والے با ت چیت کے عمل اور علاقائی اپروچ کے ذریعے مسئلہ کا افغان حالات کا سیاسی حل نکال کر ملک میں امن وترقی کو یقینی بنانا چاہیے۔ وزیراعظم شاہد خاقان عباسی نے نیویارک میں ترک صدر رجب طیب اردگان،افغان صدر ڈاکٹر اشرف غنی ،سری لنکا کے صدر میتھری پالا سری سینا سے ملاقات کی جس میں دوطرفہ تعلقات،خطے کی صورتحال اور دیگر اہم امور پر تبادلہ خیال کیا گیا ۔ منگل کو یہاں نیویارک میں اقوام متحدہ کی جنرل اسمبلی کے اجلاس کے موقع پر وزیراعظم شاہد خاقان عباسی اور ترک صدر رجب طیب اردگان کے درمیان ملاقات ہوئی جس میں دوطرفہ تعلقات کو مستحکم بنانے پر تفصیلی تبادلہ خیال کیا گیا۔دونوں رہنماﺅں نے علاقائی امن وسلامتی کی صورتحال پر جائزہ لیا۔وزیراعظم شاہد خاقان عباسی نے کہا کہ پاکستان اور ترکی کے تعلقات مشترکہ ثقافتی ، تاریخی اور مذہبی رشتے پر ہیں ۔ دوطرفہ تعلقات تذویراتی شراکت داری میں ڈھل رہے ہیں اوردونوں ملکوں کی دوستی ہر گزرتے دن کے ساتھ مضبوط تر ہو رہی ہے۔دونوں رہنماﺅں کا باہمی تعاون کے فروغ پر اطمینان کا اظہار کیا۔دونوں رہنماﺅں نے سیاسی، دفاعی ، تجارتی اور سرمایہ کاری کے شعبوں میں تعاون پر اظہار اطمینان کیا۔دونوں رہنماﺅں نے اس بات پر اتفاق کیا کہ آزادانہ تجارت کامعاہدہ دوطرفہ تجارت کوفروغ دے گا۔دونوں رہنماں نے آزادانہ تجارت کے معاہد ے کو جلد حتمی شکل دینے پرزور دیا۔مقبوضہ کشمیرکے عوام کی حمایت پروزیراعظم شاہد خاقان عباسی نے ترک صدر کاشکریہ ادا کیا۔ ترک صدر طیب اردگان نے پاکستان کےساتھ منافع بخش سٹریٹجک شراکت داری کو مضبوط بنانے کےلئے جاری کوششوں کےلئے ترکی کے عزم کی توثیق کی۔ افغانستان میں امن واستحکام کی کوششوں کے حوالے سے دونوں رہنماﺅں نے اس بات پر اتفاق کیا کہ افغان مسئلے کا کوئی فوجی حل نہیں ، افغانستان میں وہاں کی قیادت میں امن عمل کے ذریعے افغانستان میں داخلی سیاسی حل کےلئے ایک علاقائی نقطہ نظر کے لئے کوششیں جاری رکھی جائیں گی۔ وزیر اعظم شاہد خاقان عباسی نے جنرل الیکٹرک کے وائس پریذیڈنٹ جان رائس سے ملاقات کی جس میں مختلف امور پر تبادلہ خیال کیا گیا۔ اس موقع پر وزیراعظم کا کہنا تھا کہ پاکستان میں غیرملکی کمپنیوں کیلئے سرمایہ کاری کے دروازے کھلے ہیں امریکی کمپنیوں کو سرمایہ کاری پر خوش آمدید کہیں گے۔ وزیر اعظم شاہد خاقان عباسی 21 ستمبر کو اقوام متحدہ کی جنرل اسمبلی سے خطاب کریں گے۔ جبکہ جنرل الیکٹرک کے نائب صدر جان رائس نے کہا کہ پاکستان جنرل الیکٹرک کیلئے ایک اہم مارکیٹ ہے، ہم پاکستان میں لوکو موٹو اور شعبہ صحت میں سرمایہ کاری کے خواہاں ہیں۔منگل کو وزیراعظم شاہد خاقان عباسی سے جنرل الیکٹرک کمپنی کے نائب صدر نے یہاں ملاقات کی جس میں پاکستا ن میں سرمایہ کاری سمیت مختلف امور پر تبادلہ خیال کیاگیا ۔ اس موقع پر وزیر اعظم نے کہا کہ غیر ملکی کمپنیوں کی سرمایہ کاری کیلئے دروازے کھلے ہیں۔ملاقات میں نائب صدر جنرل الیکٹرک کمپنی جان رائس کا کہنا تھا کہ ان کا ادارہ پاکستان میں لوکو موٹیو اور شعبہ صحت میں سرمایہ کاری کرنا چاہتے ہیں اور پاکستان میں اپنے کاروبار کو وسیع کرنے کے لیے پرعزم ہیں۔اس موقع پر وزیراعظم شاہد خاقان عباسی نے جنرل الیکٹرک کی پاکستان سے وابستگی کی تعریف کرتے ہوئے کہا کہ پاکستان جنرل الیکٹرک کمپنی کی مہارت سے بہت فوائد حاصل کر رہا ہے،وزیراعظم نے امریکی کمپنیوں کو پاکستان میں مختلف شعبوں میں سرمایہ کاری کی دعوت دیتے ہوئے کہا کہ امریکی کمپنیوں کو پاکستان میں مختلف شعبوں میں سرمایہ کاری کیلئے خوش آمدید کہیں گے۔