اسلام آباد(مانیٹرنگ ڈیسک) وزیر اعلیٰ سندھ مراد علی شاہ، ڈاکٹر عاصم، منظور کاکا، اویس مظفر ٹپی وعدہ معاف گواہ بن چکے ہیں، صرف ایک بٹن دبایا جائے گا تو باہر گئے وطن واپس آجائیں گے اور فرفر بولنے لگیں گے، یہ انکشافات سینئر تجزیہ کار نے نجی ٹی وی پروگرام میں گفتگو کرتے ہوئے کئے، انہوں نے کہا کہ مراد علی شاہ وزیراعظم بننے سے سکیورٹی فورسز کے پاس گئے، اپنے8 سالہ بطور وزیر خزانہ کام کی تفصیلات بتائیں، بتایا کہ کس طرح پیسہ باہر بھیجا جاتا ہے، سارے معاملات کون چلاتا ہے، مراد علی شاہ وعدہ معاف گواہ بنے اور یہ سارا معاملہ کور ہیڈ کوارٹر میں پیش آیا، آصف زرداری کو پتہ ہے کہ مراد علی شاہ وعدہ معاف گواہ بن چکے ہیں، تمام وعدہ معاف گواہ ایک دوسرے کے خلاف بیانات دے چکے ہیں، سندھ میں سخت آپریشن بلکہ جھاڑو پھرنے والا ہے، عوام کو بد معاشیہ کی چیخیں سنائی دینگی، منظور کاکا28 مئی2015 ءکو بیرون ملک گیا اور اسی سے48 گھنٹے قبل سکیورٹی اداروں کے سامنے کانپتے ہوئے آصف زرداری اور ادی فریال کے ملکی وغیر ملکی اکاو¿نٹس کی تمام تر تفصیل بتا چکا تھا، یہی معاملہ ڈاکٹر عاصم کا بھی ہے، وزیر خزانہ کے گھر نیب کاچھاپہ پڑا، اب انٹر پول کے ذریعے وفاقی وزیر کو چوہے کی طرح پکڑ کر لایا جائے گا، ن لیگ لندن اور ن لیگ پاکستان میں ہے، پی ایس پی بھی نکلے گی جسے غالباً سعد رفیق لیڈ کرینگے، آنے والے دنوں میں قوم بڑے زبردست مناظر دیکھے گی، خبریں سنے گی اور محظوظ ہوگی۔

لاہور (حسنین اخلاق/وقائع نگار) سوئیٹزر لینڈمیں پاکستان مخالف مہم کے پیچھے بلوچستان ہاﺅس نامی تنظیم کا ہاتھ ،تنظیم کے پنجابی ایگزیکٹو ڈائریکٹر کا بلوچستان سے کچھ لینا دینا نہیں ہے۔بھارتی خفیہ ایجنسی اور بھارتی نژاد کینڈین شہریوں نے تنظیم کو اب تک ساڑھے تین ارب ڈالرز دئیے ۔تنظیم کا ایگزیکٹو ڈائریکٹرطارق فتح نامی کینیڈین شہری،خود کو سلمان رشدی کی روحانی اولادکہتا ہے،اغلام بازی اور ہم جنس پرستی کا حامی اور شرعی قوانین کے دنیا سے خاتمے کا داعی ہے۔تفصیلات کے مطابق جنیوا میں پاکستان مخالفت میں چلائی جانے والی اشتہاری مہم کے پیچھے بلوچستان ہاﺅس نامی ایک گم نام تنظیم کام کررہی ہے جس کے متعلق کچھ زیادہ معلومات دستیاب نہیں ہیں ۔انٹرنیٹ پر موجود انکی ویب سائٹ کے بھی اکثر پیجز یا تو ہٹائے گئے ہیں اوریا انہیں کھولنے پر آپ کے کمپیوٹر کو ہیک کرنے کی کوشش کی جاتی ہے جبکہ اس پر موجود معلومات بھی بے بنیاد اور بغیر ثبوت کے دی گئی ہیں جس سے یہ ویب سائٹ بنانے والوں کا مقصد بالکل واضع ہوجاتا ہے۔بی ایچ کے نام سے بنائی گئی یہ تنظیم غیر سرکاری ہے جس کا ایگزیکٹو ڈائریکٹر طارق فتح نامی شخص ہے جس کا نہ تو بلوچستان سے کچھ لینا دینا ہے بلکہ اس کے بقول وہ پاکستان میں پیدا ہونے والا ہندوستانی ہے جو کراچی میں ایک پنجابی خاندان میں پیدا ہوا۔ذرائع نے خبریں کو بتایا ہے مذکورہ شخص کینیڈین ہے اور اس سے قبل بھی پاکستان مخالف سرگرمیوں میں شریک رہ چکا ہے جبکہ اس کا ایک پروگرام ”فتح کا فتویٰ “ کے نام سے ایک انڈین نیوز چینل پر باقاعدگی سے ٹیلی کاسٹ ہوتا ہے جس میں صرف پاکستان مخالف جماعتوں اور افراد کو بلوایا جاتا ہے جو خود ہندوستانی مسلمانوں میں خاصہ متنازعہ پروگرام سمجھا جاتا ہے۔ذرائع نے مزید بتایا کہ طارق فتح ہی وہ آدمی ہے جس نے براہمداغ کو انڈین خفیہ ایجنسی سے ملوایا تھاجبکہ اب تک ” را “ اسے براہ راست اور بالخصوص امریکہ و کینیڈا میں کاروبار کرنے والے ہندوستانی بزنس مینوں سے اربوں ڈالرز دلواچکی ہے جبکہ صرف حالیہ مہم کے لیے ساڑھے تین ارب ڈالرز کا فنڈ اکھٹا کیا گیا۔جس سے سوئیٹزر لینڈ بالخصوص جنیوا شہر میں چلنے والی تقریبآ تمام بسوں پر پاکستان مخلاف نعرے درج کئے گئے اسی طرح سٹریٹ لائٹس پولز پر موجود ہورڈنگز کو بھی اس مقصد کے لیے ہائر کیا گیا۔اس تنظیم کی جانب سے اس کام کے لیے جنیوا شہر کے مئیر کو پندرہ کروڑ ڈالرز کرائے کی مد میں ادائیگی کی گئی جس کی تصدیق نہیں ہوسکی۔

کراچی(این این آئی) میرمرتضی بھٹو کی21 ویں برسی کے موقع پر ا ن کی صاحبزادی فاطمہ بھٹو نے انسٹا گرام پر اپنے والد کی تصویر کے ہمراہ پیغام شیئر کیا ہے،جس میں کہاہے کہ دکھ یہ ہے کہ انصاف نہیں ملا۔پاکستان پیپلزپارٹی کے بانی ذوالفقار علی بھٹو کے صاحبزادے میر مرتضی بھٹو کی21 ویں برسی بدھ کو منائی گئی۔ وہ 42سال کی عمر میں20 ستمبر1996 کو کراچی میں اپنے گھر کے قریب فائرنگ سے جاں بحق ہوگئے تھے ۔برسی کے سلسلہ میں مرحوم کی بیوہ غنوی بھٹواور پیپلز پارٹی شہید بھٹو گروپ کے زیر اہتمام لاڑکانہ سمیت ملک بھر میں تعزیتی تقریبات انعقاد کیاگیااور مرحوم کی روح کو ایصال ثواب پہنچانے کے لئے فاتحہ خوانی اور قرآن خوانی کا اہتمام بھی کیاگیا۔سوشل میڈیا پر شیئر کردہ پیغام میں فاطمہ بھٹونے کہاکہ 21 سال قبل میرے والد کو ہمارے گھر کے سامنے قتل کیا گیا۔ ہمیں ان کی عدم موجودگی کا صدمہ اٹھائے 21 سال گزر گئے اور ساتھ ہی یہ ہمیں یہ دکھ بھی سہنا پڑا کہ انہیں اور ان کے ساتھ قتل ہونے والے ساتھیوں کو انصاف نہیں ملا۔ لیکن ان تمام عرصے میں میں جب بھی ان کے بارے میں سوچتی ہوں تو میرے تصور میں ان کا ہنستامسکراتا چہرہ ہی آتا۔

ساہیوال (بیورو رپورٹ) چیئرمین پیپلز پارٹی بلاول بھٹو نے کہا ہے کہ غریب آج مہنگائی کی چکی میں پس رہا ہے، آمروں کی سیاسی اولاد جمہوری لبادا اوڑھ کر غریبوں کا خون چوس رہی ہے۔ کسانوں کی کمر توڑ دی ہے، پیپلز پارٹی کی جدوجہد نے بڑے بڑے برج گرا دئیے، ساہیوال میں جلسہ عام سے خطاب کرتے ہوئے بلاول بھٹو نے کہا کہ ن لیگ کی حکومت 4 سال میں کچھ نہیں کر سکی، نااہل حکمرانوں نے قدم قدم پر عوام کو دھوکہ دیا ان کی نظریں عوام کے مسائل پر نہیں اپنے کاروبار پر رہتی ہیں۔ بجلی کی قیمتوں میں اضافہ کر کے عوام پر ایک اور بم گرا دیا گیا۔ مہنگائی غربت اور بیروزگاری نے عوام کا جینا دوبھر کر دیا ہے۔ ساہیوال بھٹو کا قلعہ تھا میرا آپ سے جدوجہد کا رشتہ ہے۔ حکمرانوں کی سیاست صرف اپنا کاروبار بڑھانے کی سیاست ہے۔ اوکاڑہ فارم کے مزارعین کا استحصال جاری ہے۔ مزدوروں کسانوں کے حقوق سلب کئے جا رہے ہیں۔ پیپلز پارٹی کی طاقت کا سرچشمہ عوام ہے۔ 30ایکڑ سے کم مالک کوکسان کارڈ دیں گے۔ مزدوروں کی تنخواہوں اور پنشن میں اضافہ کیا جائے گا۔ انہوں نے جلسے سے خطاب کرتے ہوئے کہا کہ ساہیوال کول پاور پلانٹ سے ماحولیاتی مسائل جنم لیں گے۔ بلاول بھٹو زرداری نے کہا ہے کہ ہمارے خلاف آئی جے آئی بنائی گئی، مخالف سیاستدانوں کو پیسا دیاگیا، میرا یہ پہلا اور عمران خان کا آخری الیکشن ہے، سیاست کو سرمایہ داروں کے گھرکی کنیز بنا دیا گیا ہے، نام نہاد تبدیلی کا جھانسا دینے والے جھوٹے ہیں، ہم نوجوانوں کو روزگار دینگے چاہے ترقیاتی پروگراموں میں کمی کرناپڑے مگر ہم آپ کو روزگار دیں گے، روزگار دینا ریاست کاحق ہے، یقین دلاتا ہوں آپ کو روزگار مہیا کروں گا، سرکاری ہسپتالوں میں مفت ادویات اورمفت علاج کو یقینی بنایا جائےگا، سیاست آج سرمایہ داروں کے قبضے میں ہے، ساہیوال سے کچھ فاصلے پر بابا فرید کا مزار ہے جنہوں نے امن کا پیغام پھیلایا۔ انہوں نے کہا کہ ہم کسانوں کے لئے باردانہ کے حصول کےلئے طریقہ کاربنائیں گے۔ غریب خواتین کےلئے بےنظیرانکم سپورٹ پروگرام کی رقم دگنی کریں گے۔ہم کسان سپورٹ پروگرام بنائیں گے اور کسانوں کوبلاسودقرضے دیں گے۔ہم اپنی پارٹی کا منشور بنا رہے ہیں۔ بلاول بھٹو نے کہا کہ زرداری صاحب نے گندم کی قیمت 600سے1200روپے کی۔بےنظیر بھٹو نے آپ سے روزگار کا وعدہ کیا، جسے پورا کیا۔پنجاب کے کمیشن خورحکمرانوں نے زرعی زمین اونے پونے خریدکرپلانٹ لگایا۔یہاں کا ایک بڑا مسئلہ ساہیوال کول پاور پراجیکٹ بھی ہے۔چیرمین تحریک انصاف کا 23ستمبر کو گومل یونیورسٹی کا مجوزہ دورے میں کیا پنشن میں بھی اضافہ کیاجائےگا ۔ بلاول بھٹوزرداری نے کہا کہ فصل اترنے سے پہلے امدادی قیمت کااعلان کیاجائےگا۔ 30 ایکڑ سے کم زمین کے مالک کو کسان کارڈ دیاجائےگا۔ بلاول نے کہا کہ سیاست آج سرمایہ داروں کے قبضے میں ہے اور نام نہاد تبدیلی کا جھانسا دینے والے جھوٹے ہیں۔ بلاول بھٹو زرداری کا ساہیوال میں جلسہ عام سے خطاب کرتے ہوئے کہنا تھا کہ نا اہل حکمرانوں نے عوام کو قدم قدم پر دھوکا دیا ہے اور ان کی سیاست اپنے کاروبار بڑھانے کی سیاست ہے۔ انہوں نے کہا کہ آمروں کی اولاد جمہوری لبادہ اوڑھ کر عوام کا خون چوس رہی ہے جب کہ مہنگائی یہاں تک پہنچ گئی کہ پیاز ،ٹماٹر کی قیمت آسمان تک پہنچ گئی ہے۔ ان کا کہنا ہے کہ سیاست آج سرمایہ داروں کے قبضے میں ہے اور نام نہاد تبدیلی کا جھانسا دینے والے جھوٹے ہیں۔ چیئرمین پیپلزپارٹی کا کہنا تھا کہ روزگاردیناریاست کاحق ہے لہذا یقین دلاتاہوں آپ کو روزگار مہیا کروں گا چاہے ترقیاتی پروگراموں میں کمی کرناپڑے مگر ہم آپ کو روزگار دیں گے۔ انہوں نے کہا کہ یہاں کا ایک بڑا مسئلہ ساہیوال کول پاور پراجیکٹ بھی ہے کیوں کہ پنجاب کے کمیشن خور حکمرانوں نے لوڈ شیڈنگ ختم کرنے کے نام پر مہنگا منصوبہ بنایا۔ ان کا کہنا ہے کہ پنجاب میں آج بھی کسانوں کے حقوق کو سلب کیاجا رہا ہے۔ کسی بھی ریاست میں عوام کو روزگار سمیت تمام سہولتیں دینا اس کی بنیادی ذمہ داری ہوتی ہے، ایسا کرکے ریاست کے حکمران صرف اپنی ذمہ داریاں نبھاتے ہیں کسی پر کوئی احسان نہیں کرتے۔ تفصیلات کے مطابق ساہیوال میں عوامی اجتماع سے خطاب کرتے ہوئے چیئرمین پاکستان پیپلزپارٹی کا کہنا تھا کہ میرا آپ سے سیاسی نہیں تہذیب کا رشتہ ہے، یہا ں کے لوگ پرامن تہذیب کے مالک ہیں، ہڑپہ کے آثار قدیم سے کوئی بھی ہتھیار نہیں ملے، غیور عوام سے مخاطب ہو کر بہت فخر محسوس کر رہا ہوں۔ بلاول بھٹو زرداری کا کہنا تھا کہ طاقت کا سرچشمہ عوام ہیں ،لیکن یہاں آپ کے حقوق صلب کئے جارہے ہیں ،کرپٹ اور نااہل حکمرانوں نے آپ کو دھوکا دیا۔ حکمرانوں نے کاروباربڑھانے کی سیاست کی ہے، یہ جب اقتدار میں آتے ہیں ان کو اپنے کاروبار کی فکر ہوتی ہے ،عوام کی نہیں۔ ن لیگ کی حکومت پچھلے چار سالوں سے کیاکرتی آئی ہے؟ پنجاب میں آج بھی کسانوں کے حقوق کو سلب کیاجا رہا ہے۔ چیئرمین پی پی پی کا کہنا تھا کہ ساہیوال ذوالفقار بھٹو کا قلعہ تھا، شہید بھٹو نے جو دعدے کئے وہ پورے کئے، پی پی نے سرمایہ دارانہ نظام کا خاتمہ کیا، اپنے منشور میں کسان کو سب سے زیادہ اہمیت دیں گے۔ان کا مزید کہنا تھا کہ ہم پارٹی کا منشور بنا رہے ہیں، جس میں ہم سب سے زیادہ کسانوں کا خیال رکھیں گے۔

کراچی (مانیٹرنگ ڈیسک) تحریک انصاف کے چیرمین عمران خان کا کہنا ہے کہ ان کی جنگ پیپلزپارٹی یا (ن) لیگ سے نہیں بلکہ نوازشریف اور آصف زرداری سے ہے۔کراچی میں میڈیا سے گفتگو کرتے ہوئے عمران خان نے کہا کہ اب تک ہماری نظر کرپشن کے گارڈ فادر نوازشریف پر تھی، کوئی بھی انصاف کا نظام ان پر ہاتھ نہیں ڈالتا تھا، ان لوگوں نے ہر طرف رشوتیں دے کر اپنے کرپٹ لوگ بٹھائے ہیں جو ان کی کرپشن بچاتے ہیں، انہوں نے پیسہ بنانے کے لیے ملک کے نظام اور ادارے تباہ کردیئے۔عمران خان نے کہا کہ اداروں میں باقی چوروں کو پکڑنے کی قابلیت نہیں، نوازشریف کا خاندان پیسہ باہر بھیجتا ہے۔ چیرمین پی ٹی آئی کا کہنا تھا کہ چارٹر آف ڈیموکریسی چارٹر آف مک مکا تھا، جب نوازشریف اور آصف زرداری کی پارٹنرشپ ہوئی تب ہر پاکستانی 33 ہزار کا مقروض تھا جو اب ایک لاکھ 20 ہزار تک مقروض ہوگیا ہے، ان لوگوں نے ملک کو مقروض کردیا اور ان کے بچے ارب پتی بن گئے۔ انہوں نے کہا کہ میری جنگ شریف خاندان کے خلاف نہیں کرپشن کے خلاف ہے، ہم پورا زور لگائیں گے، کسی جماعت کی بات نہیں کررہا، آصف زردری اور نوازشریف ملک کو یہاں پہنچانے کے ذمہ دار ہیں، میری جنگ ان دونوں کے خلاف ہے۔عمران خان کا کہنا تھا کہ (ن) لیگ اور پیپلزپارٹی کو چاہیے کہ وہ ان لوگوں کو اپنے سے دور کریں، ملک اب کرپشن برداشت نہیں کرسکتا، اب کوئی چیز چھپی نہیں رہے گی۔انہوں نے مزید کہا کہ قوم اب ان کو برداشت نہیں کرے گی، ہم پوری قوم اور خاص کر سندھ کے لوگوں کو تیار کریں گے کیونکہ جتنی کرپشن سندھ میں ہے، پاکستان کے کسی حصے میں نہیں۔چیرمین تحریک انصاف کا کہنا تھا کہ سندھ میں ترقیاتی فنڈز چوری ہورہے ہیں، 400 ارب کے ترقیاتی فنڈز کہاں چلے گئے، آصف زرداری اور فریال تالپور کمیشن بنارہے ہیں، یہ لوگ اقامہ کے ذریعے منی لانڈرنگ کرتے ہیں، دبئی میں اکاو¿نٹ کھلوا کر پیسہ وہاں منتقل کرتے ہیں جس کی وجہ سے کرپٹ ٹولہ ارب پتی بن گیا ہے، اب ایک طرف قوم اور دوسری طرف کرپٹ ٹولہ ہے، ملک کو اگر اس دلدل سے نکالنا ہے تو نوازشریف اور آصف زرداری کو شکست دینا پڑے گی۔عمران خان نے کہا کہ محرم کے بعد پھر سندھ میں اگلا جلسہ کریں گے، پہلے پورا سندھ کور کریں گے اور پھر دسمبر میں کراچی میں مزار قائد پر بڑا جلسہ کریں گے۔ایک سوال کے جواب میں انہوں نے کہا کہ اگر آپ نے انصاف ڈھونڈنا ہے تو عدلیہ کے علاوہ کس کے پاس جائیں گے، پہلے ہم سڑکوں پر جاتے تھے تو کہتے تھے عدلیہ میں آو¿، اب عدلیہ کے پاس گئے تو بھی بولا جارہا ہے۔چیئرمین پی ٹی آئی نے کہا کہ مجھ پر مقدمہ کرایا گیا جس پر خوشی ہے، میری جنگ باہر محلات بنانے والوں کے خلاف ہے انہیں جیل میں ڈالیں گے۔عمران خان کا کہنا تھا کہ خورشید شاہ اور نواز شریف ایک ہی چیز ہیں، اپوزیشن اور حکومت ملی ہوئی ہے، 9 سال سے پاکستان کو لوٹ رہے ہیں، نیب اور الیکشن کمیشن کا سربراہ بھی خود ہی لگا لیا اور نگراں حکومت بھی خود بنالیں گے، کوشش ہے کہ ایسا اپوزیشن لیڈر آئے جو ملک کے مسئلوں پر بات کرے۔انہوں نے کہا کہ دنیا کی تاریخ میں کبھی نہیں سنا کہ الیکشن کمیشن توہین عدالت کی کارروائی کرتا ہے، مجھے میرا جرم بتایا جائے، مجھے پتا ہی نہیں کس بات پر وارنٹ جاری کردیئے، الیکشن کمیشن کا کام شفاف انتخابات کرانا ہے اور توہین عدالت کا اختیار صرف سپریم کورٹ اور ہائیکورٹ کو ہے۔چیرمین پی ٹی آئی کا کہنا تھا کہ این اے 120 میں پیسے چل رہے تھے تب الیکشن کمیشن کو کچھ نظر نہیں آیا، سارے قوانین توڑے گئے کسی کو نوٹس نہیں ملا، یہ زرداری اور نوازشریف کا کمیشن ہے۔انہوں نے مزید کہا کہ مریم صفدر فوج کے خلاف کھل کر سامنے آگئی ہیں، اب پتا چل گیا کون ڈان لیکس کے پیچھے تھا، کوئی ملک میں اپنی فورسز کو ایسے بدنام نہیں کرتا جیسے (ن) لیگ کررہی ہے، یہ لوگ اپنی چوری بچانے کے لیے عدلیہ اور فوج کے پیچھے پڑ گئے ہیں، ان سے زیادہ کوئی بڑا مجرم اور ملک دشمن نہیں۔ عمران خان نے کہا کہ آرمی چیف بار بار کہہ رہے ہیں وہ جمہوریت کے ساتھ ہیں، فوج اس سے بہتر اور کیا کرسکتی ہے، یہ لوگ فوج کو پنجاب پولیس بنانا چاہتے ہیں جو وہ نہیں بنی اس لیے فوج کے پیچھے پڑ گئے، یہ لوگ اپنی ذات کے پیچھے ملک کو تباہ کررہے ہیں لیکن ہم ان کے سامنے کھڑے ہوں گے۔ ایک سوال کے جواب میں چیرمین پی ٹی آئی کا کہنا تھا کہ اب نوازشریف اور الطاف حسین دونوں لندن میں بیٹھ کر خطاب کریں گے اور فوج کو برا بھلا کہیں گے جب کہ دونوں کے دوست مودی ہیں۔

اسلام آباد(آن لائن،مانیٹرنگ ڈیسک) عوامی مسلم لیگ کے سربراہ شیخ رشید نے کہا ہے کہ صفائی گھر کی نہیں بلکہ حکومت میں موجود چوروں کی ہونی چاہئے، 4ماہ اہم ہیں ملک لوٹنے والے 2018ءکے شروع میں ہی سلاخوں کے پیچھے ہوں گے، حدیبیہ پیپر ملز کیس تمام جرائم کی ماں ہے، مریم نواز مسلم لیگ ن انڈر 19کی لیڈر ہے نثار کے علاوہ اور لوگ بھی باتیں کریں گے مریم (ن) کو دفن کرے گی، شیخ رشید احمد نے کہا ہے کہ حکومت4سال تک وزیر خارجہ نہیں ملا اور اب جو ملا اسے اداروں کا اعتماد حاصل نہیں ہے، انہوں نے کہا کہ4ماہ بہت اہم ہیں2018ءکے شروع میں ملک کو لوٹنے والے سلاخوں کے پیچھے ہوں گے اور ملک میں حقیقی جمہوریت کا سفر شروع ہو جائے گا، انہوں نے کہا کہ حدیبیہ پیپر ملز کیس جرائم کی ماں ہے، صفائی گھر کی نہیں بلکہ حکومت میں موجود چوروں کی ہونی چاہئے، انہوں نے کہا کہ چوہدری نثار اور شہباز شریف کا کردار بہت اہم ہے، نواز شریف ایک نیا این آر او مانگ رہے ہیں ان کے پاس کوئی منی ٹریل نہیں ہے، انہوں نے کہا کہ این اے 120نواز شریف کا خاندانی حلقہ ہے یہ کبھی نہیں کہا کہ ہم الیکشن جیتیں گے یہ کہا تھا اپ سیٹ ہو سکتا ہے تحریک انصاف کی خاتون ان کی نوٹوں کی بوریوں کا مقابلہ نہیں کر سکتی تھی، انہوں نے کہا کہ نواز شریف کو مریم نے اس حال تک پہنچایا ہے مریم نواز مسلم لیگ (ن) کی انڈر 19ٹیم کی لیڈر ہے ابھی نثار نے منہ کھولا ہے تھوڑے دنوں بعد اور لوگ بھی باتیں کریں گے، اب (ن) ٹوٹ پھوٹ کا شکار ہو چکی ہے، انہوں نے کہا کہ شریف خاندان صرف حدیبیہ کیس سے ڈرتا ہے اور کسی چیز سے نہیں ڈرتا یہ نیا این آر او کرنا چاہتے ہیں، شریف خاندان کے خلاف21مقدمات میں طیارہ شازش اور ایک اور مقدمہ کے علاوہ کسی بھی مقدمہ کا آج تک فیصلہ نہیں ہوا ابھی نواز شریف ملک سے باہر ہی رہیں گے واپس نہیں آئیں گے، انہوں نے کہا کہ مریم نواز این اے120سے انتخابات لڑنا چاہتی تھی مریم اگر ابھی تو مسلم لیگ (ن) کی سیاست کو دفن کر دے گی۔ انہوں نے کہا اسحاق ڈار کے اصل اثاثے دبئی میں ہیں، انکی دولت ایل این جی میں200 ارب کی کرپشن ہے، محرم کے بعد کاغذ حاصل کرکے قوم کو خوشخبری دونگا، شیخ رشید احمدنے کہا کہ دولت چوری کرنا آسان لیکن چھپانا مشکل ہے، انہوںنے کہا شاہد خاقان عباسی کے فوج کیخلاف اچھے تعلقات ہیں، نواز شریف کا مشن فوج کو تباہ کرنا ہے، یہ مودی کے یار ہیں جو فوج اور عدلیہ کے خلاف ہے وہ ملک کا دشمن ہے، یہ ایجنڈا ہے کہ فوج اور عدلیہ کو بدنام کیا جائے۔