میری نظر میں محمد عامر قومی ٹیم کے اگلے کپتان ہیں، وسیم اکرم

لاہور(این این آئی)قومی ٹیم کے سابق کپتان اور لیجنڈ آل راو¿نڈر وسیم اکرم نے کہا ہے کہ میری نظر میں محمد عامر قومی ٹیم کے اگلے کپتان ہیں۔میڈیا سے بات کرتے ہوئے وسیم اکرم نے کہا کہ 2019 کا ورلڈ کپ 1992 کی طرز پر ہو رہا ہے ، پاکستان ٹیم ورلڈ کپ جیتنے کی صلاحیت رکھتی ہے۔وسیم اکرم نے کہا کہ بریانی کھا کر دنیا کی بہترین ٹیموں کے خلاف نہیں کھیلا جاسکتا، وقار یونس اور میں چھوٹی عمر میں قومی ٹیم کا حصہ بنے۔ انہوںنے کہاکہ 10 سال میں قومی کرکٹ کے ناروا سلوک کیا گیا، کرکٹ کے لئے محکموں کی بڑی خدمات ہیں۔محمد عامر کے حوالے سے وسیم اکرم نے کہا کہ بے شک عامر پچھلے کئی میچوں میں زیادہ وکٹیں حاصل نہیں کرسکے تاہم ابھی بھی دنیا کے بہترین باو¿لر ہیں، میری نظر میں محمد عامر قومی ٹیم کے اگلے کپتان ہیں۔