ممبئی (نیٹ نیوز) بالی وڈاداکارہ عائشہ ٹاکیہ طویل عرصے کے بعد فلم ”بورے والی کا بروس لی“ میں جلوہ گر ہوں گی ۔ بھارتی ذرائع ابلاغ کے مطابق عائشہ نے2009ءمیں ایک بزنس مین کے ساتھ شادی کی اور 2013ءمیں ان کے ہاں ایک بیٹے کی ولادت ہوئی۔ عائشہ 2011ءمیں فلم ”موڈ“ میں نظر آئی تھیں۔ عائشہ کا کہنا ہے کہ اس عرصے کے دوران انہوں نے اداکاری کو بہت مس کیا۔ ان کا کہنا ہے کہ انہوں نے چار سال کی عمر میں اداکاری کا آغاز کیا ہے۔ اپنی نئی فلم کے بارے میں ان کا کہنا ہے کہ فلم میں انہیں اپنا کردار بہت پسند ہے اور انہیں امید ہے کہ فلم رواں سال ریلیز کی جائے گی کیونکہ فلم کا 70فیصد حصہ مکمل ہو چکا ہے۔
