کراچی کی آرٹسٹ کا انوکھا کارنامہ ، بھٹو خاندان بارے اہم انکشاف

کراچی (ویب ڈیسک)کراچی کی آرٹسٹ نے آئل پینٹس سے بھٹو خاندان کا البم تیار کر لیا ، آرٹسٹ حیا فاروقی کو شکوہ ہے کہ بلاول بھٹو ملاقات کا وقت نہیں دیتے ، ملاقات ہو تو وہ انہیں یہ البم پیش کریں گی ۔ رنگوں سے ناطہ اور بھٹو خاندان سے عقیدت کے اظہار میں کراچی کی حیا فاروقی نے شاہکار تخلیق کر ڈالے ۔ معروف شخصیات کی تصاویر بنانے کے شوق نے ذوالفقار علی بھٹو ، بیگم نصرت بھٹو ، بینظیر بھٹو اور بلاول بھٹو زرداری کے علاوہ ان کی دونوں بہنوں کی تصویریں کینوس پر اتار دیں ۔ آئل پینٹ کے رنگوں سے فن پارے بنانے میں ایک سال سے زائد کا عرصہ لگا ، اب خواہش ہے کہ اپنے لیڈر بلاول بھٹو زرداری سے ملاقات کریں اور یہ البم انہیں پیش کریں ۔ لیکن اب تک ایسی تمام کوششیں بے سود رہیں ۔ حیا کے کام میں سندھ دھرتی کی روایتی زندگی کا عکس بھی بخوبی دیکھا جا سکتا ہے جبکہ خوبصورت لینڈ سکیپ اور تاریخی عمارتوں کی تصاویر بنانا بھی ان کا مشغلہ ہے ۔