فائنل کے لیے بلٹ پروف بسیں لاہور سے کراچی پہنچا دی گئیں

کراچی: (ویب ڈیسک )پی ایس ایل تھری کے کراچی میں شیڈول فائنل کیلیے فول پروف سکیورٹی انتظامات کیے گئے ہیں، بم پروف بسیں لاہور سے کراچی پہنچ گئی ہیں جنہیں کھلاڑیوں کو ہوٹل سے اسٹیڈیم تک لانے اور واپس لے جانے کیلیے استعمال کیا جائے گا۔ سکیورٹی اداروں نے بم پروف بسوں کے ساتھ ٹیموں کو ہوٹل سے اسٹیڈیم تک پہنچانے کی مشق کی اور روٹ سے ملحقہ سڑکیں بلاک کر دی گئیں، اس موقع پر بڑی تعداد میں پولیس اور رینجرز کے جوان تعینات تھے۔