ابوظہبی کرکٹ گراؤنڈ میں کھیلے جارہے میچ میں افغان ٹیم کےکپتان محمد نبی نے ٹاس جیت کر پہلے بلےبازی کا فیصلہ کیا، افغانستان نے مقررہ 20 اوورز میں 160 رنز بنائے۔
ہدف کے تعاقب میں نمیبیا کا آغاز اچھا نہ تھا، اوپنرز جلد وکٹیں گنوا بیٹھے۔ گزشتہ میچ کے ہیرو ڈیوڈ ویزے محض 30 گیندوں پر 26 رنز بناسکے۔
افغانستان کی جانب سےنوین الحق اور حامد حسن 3، 3 جبکہ گلبین نائب نے 2 وکٹیں حاصل کیں۔
اس سے قبل افغان ٹیم مقررہ 20 اوورز میں 160 رنز بناسکی تھی، افغانستان کی جانب سے اوپنر حضرت اللہ ززئی نے 33 جبکہ محمد شہزاد نے 45 رنز کی جارحانہ اننگز کھیلی، کپتان محمد نبی نے 21 رنز بنائے۔ انٹرنیشنل کرکٹ سے ریٹائرمنٹ لینے والے اصغر افغان نےآخری اننگز میں 31 رنز بنائے اور ٹرمپل مین کا شکار بنے۔
نمیبیا کی جانب سےجان لوفٹی ایٹن اور ٹرمپل مین نے دو دو کھلاڑیوں کو آؤٹ کیا۔
اس سے قبل افغان کپتان محمد نبی نے ٹاس جیت کر کہا کہ مجیب الرحمان انجری کا شکار ہیں جس کے باعث وہ آج میچ نہیں کھیل رہے انکی جگہ حامد حسن کو ٹیم میں شامل کیا گیا ہے۔
