تحریک انصافکا ایجنڈا بیرونی قرضوں سے نجات دلانا ہے، صمصام بخاری

چیچہ وطنی(اے این این)وزیر اطلاعات وثقافت پنجاب سیدصمصام علی بخاری نے کہا ہے کہ وزیراعظم عمران خان کی قیادت میںپاکستان تحریک انصاف کی موجودہ منتخب حکومت عام آدمی کومعاشی ریلیف کی فراہمی کیلئے مو¿ثر اقدامات اٹھا رہی ہے اور حکومت کا مقصد لوگوں کو صحت اورتعلیم جیسی بنیادی سہولیات انکی دہلیز پر فراہم کرنا ہے،چیچہ وطنی میں میڈیا سے بات چیت کرتے ہوئے انہوں نے کہا سابقہ حکومتوں نے اپنی شہ خرچیوں سے ملک کو بیرونی قرضوں کی دلدل میں دھکیل دیا تھاجبکہ پاکستان تحریک انصاف کا ایجنڈا ملک کو بیرونی قرضوں سے نجات دلا کر اسے ترقی اور خوشحالی کی راہ پر گامزن کرنا ہے، سید صمصام علی بخاری نے کہا وزیراعظم عمران خان ملک سے کرپشن کے خاتمے کاجو ایجنڈا لیکر نکلے تھے اسے بتدریج کامیابی مل رہی ہے اور کرپٹ عناصر کیخلاف احتساب کا عمل بھی جاری رہے گا،وزیر اطلاعات نے مزید کہا حکومت کی ٹھوس اقتصادی پالیسیوں کے ثمرات جلد ہی عوام تک پہنچنا شروع ہوجائینگے ۔