بھارتی فوج کی بلا اشتعال فائرنگ …. پاک فوج کے منہ توڑ جواب سے دشمن کی گنیں خاموش

راولاکوٹ (ویب ڈیسک )جنگی جنون میں مبتلا بھارتی کی جانب سے سیز فائر کی خلاف ورزیوں کا سلسلہ جاری‘ پیر کو بھارتی افواج نے بلا اشتعال عباس پور اور کھوئی رٹہ سیکٹر پر فائرنگ کی ‘ پاک فوج کا منہ توڑ جواب دشمن کی گنیں خاموش کرا دیں‘دو روز قبل لائن آف کنٹرول پر بھارتی فوج کی فائرنگ سے زخمی ہونے والا شہری عتیق شہید ہوگیا۔ نجی ٹی وی کے مطابق بھارت کی جانب سےلائن آف کنٹرول پر سیزفائر کی خلاف ورزی کا سلسلہ بدستور جاری ہے۔ پیر کو بھارتی فوج نے ایک بار پھر لائن آف کنٹرول کی خلاف ورزی کرتے ہوئے راولاکوٹ کے عباس پور اور کوٹلی کے کھوئی رٹہ سیکٹر پر فائرنگ کی ہے پاک فوج کی جانب سے بھرپور جوابی کارروائی کی جس سے دشمن کی گنیں خاموش ہو گئیں۔ دوسری جانب دو روز قبل لائن آف کنٹرول پر بھارتی فوج کی فائرنگ سے زخمی ہونے والا شہری عتیق شہید ہوگیا