گستاخانہ مواد, سوشل میڈیا، فیس بک انتظامیہ شامل تفتیش, اہم انکشاف

اسلام آباد(خصوصی رپورٹ)وفاقی حکومت کی جانب سے گستاخانہ مواد ے معاملے پر قائم کردہ مشترکہ تحقیقاتی ٹیم کا پہلا اجلاس ہوا جس میں ایجنسیوں سے رپورٹ طلب کرلی گئی۔گستاخانہ مواد کے معاملے پر مشترہ تحقیقاتی کمیٹی کا پہلا اجلاس اسلام آباد میں ڈائریکٹرایف آئی اے مظہرکاکاخیل کی صدارت میں ہوا جس میں ایڈیشنل ڈائریٹر ایف آئی اے، ڈپٹی ڈائریکٹر ایف آئی اے اور ڈی جی ویب مانیٹرنگ نثار خان سمیت وفاقی پولیس کے ایس پی، آئی ایس آئی اور آئی بی کے افسران شریک ہوئے۔ اجلاس میں گستاخانہ مواد کے معاملے پر ایف آئی اے اور پی ٹی اے کی طرف سے اب تک کی کارروائیوں کاجائزہ لیا گیا۔ذرائع کے مطابق اجلاس میں گستاخانہ مواد کے معاملے پر ایجنسیوں سے رپورٹ طلب کی گئی ہے اور اس حوالے سے ایجنسیاں رپورٹ دیں گی کہ گستاخانہ مواد اپ لوڈ کرنے والے عناصر کون سے ہیں۔ ذرائع کا کہنا ہے کہ اجلاس میں ایف آئی اے اور پی ٹی اے نے گرفتار ملزمان سے کی جانیوالی تفتیش سے بھی شرکاءکو آگاہ کیا جب کہ ایجنسیوں کی طرف سے رپورٹس تیار ہونے پر آئندہ جے آئی ٹی کا اجلاس طلب یا جائے گا۔ جے آئی ٹی ایک ماہ میں اپنی رپورٹ مکمل کرکے وزارت داخلہ میں جمع کرائے گی جس میں گستاخانہ مواد اپ لوڈ کرنے کے ذمہ داروں کاتعین ان کے خلاف کارروائی کی سفارش اورآئندہ ایسے مواد کی روک تھام سے متعلق سفارشات ہونگی۔