پاک سر زمین پارٹی میں اہم شخصیت کی دھماکے دار انٹری

کراچی (ویب ڈیسک ) ایم کیو ایم پاکستان کے رکن سندھ اسمبلی شیخ عبداللہ نے بھی پاک سرزمین پارٹی میں شمولیت کا اعلان کر دیا ہے ، سربراہ پارٹی مصطفیٰ کمال کے ساتھ پریس کانفرنس کرتے ہوئے شیخ عبداللہ نے کہا کہ ہمیں کوئی بھی ملک کا غدار نہ کہے ، ہم ملک کے وفادار تھے اور رہیں گے۔ انہوں نے کہا کہ میری ایم کیو ایم سے تیس سالہ رفاقت رہی لیکن مارچ میں ان کی تقریر سننے کے بعد میرے پاس اور کوئی گنجائش باقی نہ رہی ، میں نے اپنے اور بانی ایم کیو ایم کے درمیان فرق کو واضح کرنے کیلئے ایم کیو ایم سے استعفیٰ دے دیا اور اب پاک سرزمین پارٹی میں ایک کارکن کی حیثیت سے کام کروں گا۔ پاک سرزمین پارٹی کے سربراہ مصطفیٰ کمال نے کہا کہ ہم اپنے یوم تاسیس کو یوم پاکستان کے نام سے منسوب کرتے ہیں۔ انہوں نے کہا کہ کل نشتر پارک میں ہم عظیم الشان کنونشن کا انعقاد کر رہے ہیں جس میں کارکنوں کی بھرپور تعداد شریک ہو گی۔ انہوں نے کہا کہ ہم نے کسی سے دشمنی نہیں کی مگر ہمیں کئی پریشانیوں اور مسائل کا سامنا کرنا پڑا ، آج وقت آگیا ہے کہ ہماری کہی ہوئی باتیں درست ثابت ہو رہی ہیں۔ انہوں نے کہا کہ لوگ خود ہماری پارٹی میں ا?نے کیلئے رابطہ کر رہے ہیں ہم نے کسی کو پارٹی میں آنے کیلئے مجبور نہیں کیا۔ انہوں نے کہا کہ ہماری باتیں درست ثابت ہوئیں اسی لئے آج لوگ ہمارے ساتھ ہیں۔