Author: saqib

پاکستانی فلم انڈسٹری کی معروف اداکارہ میرا اپنی نئی فلم ’سائیکو‘ کے ساتھ بڑے پردے پر واپسی کے لیے تیار ہیں۔ ماضی میں کئی کامیاب فلموں میں اداکاری کے جوہر دکھانے والی اداکارہ میرا کی نئی فلم عیدالاضحیٰ پر ریلیز کی جائے گی۔ حال ہی میں میرا نے ایک پوڈکاسٹ میں شرکت کی، جہاں انہوں نے اپنی آنے والی فلم کی تشہیر کے ساتھ ساتھ مختلف موضوعات پر گفتگو کی۔ اس دوران ان سے سوال کیا گیا کہ پاکستان کا شاہ رخ خان کون ہے جس پر انہوں نے بے دھڑک جواب دیتے ہوئے شان شاہد کو شاہ رخ…

زیادہ پھل اور سبزیاں کھانا عام طور پر صحت مند عادت سمجھی جاتی ہے مگر ایک نئی تحقیق کے مطابق ان پر موجود کیڑے مار ادویات کی باقیات پھیپھڑوں کے کینسر کا سبب بن سکتی ہے۔ سائنس ڈیلی کی رپورٹ میں بتایا گیا کہ محققین کو تحقیق میں معلوم ہوا کہ امریکا میں 50 سال سے کم عمر وہ افراد جو سگریٹ نہیں پیتے مگر نسبتاً زیادہ صحت بخش غذا (جیسے پھل اور سبزیاں) کھاتے ہیں، ان میں پھیپھڑوں کے کینسر کا خطرہ بڑھ سکتا ہے۔ تحقیق کی سربراہی کرنے والے ڈاکٹر جورج نیواکا کہنا تھا کہ تحقیق ظاہر…

ملک میں غیر قانونی ادویات کی آن لائن فروخت اور تشہیر پر ڈریپ نے سخت نوٹس لے لیا۔ ڈرگ ریگولیٹری اتھارٹی آف پاکستان (ڈریپ) نے ادویات کی آن لائن تشہیر اور غیر قانونی فروخت کا سخت نوٹس لیتے ہوئے پاکستان ٹیلی کمیونیکیشن اتھارٹی کو متعلقہ ویب سائٹس اور سوشل میڈیا پیجز بلاک کرنے کی درخواست کر دی ہے۔ اس درخواست میں ڈریپ کی جانب سے ادویات فروخت کرنے والے متعدد آن لائن پلیٹ فارمز کی نشاندہی بھی کی گئی ہے۔ ڈریپ کے مطابق بھارت اور ایران سے اسمگل شدہ ادویات کی آن لائن فروخت کا انکشاف بھی سامنے آیا…

برطانوی جوڑے کے پالتو خرگوش نے دنیا کے معمر خرگوش کا گینیز ورلڈ ریکارڈ اپنے نام کر لیا۔ ہربی نامی اس خرگوش کی عمر کی تصدیق 10 نومبر 2025 کو کی گئی۔ اس وقت اس کی عمر 15 برس اور 82 دن تھی۔ حال ہی میں گینیز ورلڈ ریکارڈز کی جانب سے خرگوش کی عمر کی تصدیق کرتے ہوئے ہربی کو دنیا کا سب سے معمر خرگوش قرار دے دیا ہے۔ سرے سے تعلق رکھنے والے ہربی کے مالکان رچرڈ اور میلیسا ڈنہم نے بتایا کہ انہوں نے ہربی کو اس وقت گود لیا تھا جب اس کی…

1912 میں ڈوبنے والے مشہور بحری جہاز ٹائی ٹینک سے بچ جانے والی ایک خاتون مسافر کی لائف جیکٹ برطانیہ میں ریکارڈ قیمت پر نیلام کر دی گئی۔ برطانوی آکشن ہاؤس کے مطابق یہ لائف جیکٹ 9 لاکھ 4 ہزار 500 امریکی ڈالر (تقریباً 25 کروڑ پاکستانی روپے سے زائد) میں فروخت ہوئی، جو توقعات سے کہیں زیادہ ہے۔ نیلامی سے قبل اندازہ لگایا گیا تھا کہ اس کی قیمت 3 لاکھ 39 ہزار سے 4 لاکھ 74 ہزار ڈالر کے درمیان رہے گی۔ یہ لائف جیکٹ لورا میبل نامی مسافر کی تھی، جو ٹائی ٹینک کے فرسٹ کلاس کیبن میں…

آئندہ مالی سال 2026-27 کے وفاقی بجٹ کی تیاریاں تیز کر دی گئی ہیں اور بجٹ تجاویز کو حتمی شکل دینے کے لیے جائزہ لیا جا رہا ہے۔ ذرائع وزارت خزانہ کے مطابق آئندہ مالی سال کا وفاقی بجٹ جون کے پہلے ہفتے میں پیش کیا جائے گا، جس کے لیے حکومت کی جانب سے بجٹ سازی آئی ایم ایف کی شرائط کے مطابق کی جا رہی ہے۔ ذرائع نے بتایا کہ بجٹ میں تنخواہ دار طبقے کو ریلیف دینے کی تجویز زیر غور ہے جبکہ آئی ایم ایف کی مشاورت سے سپر ٹیکس میں بتدریج کمی کی جائے…

سونے کی عالمی اور مقامی مارکیٹوں میں آج قیمتیں کم ہو گئیں۔ بین الاقوامی بلین مارکیٹ میں آج منگل کے روز فی اونس سونے کی قیمت میں 10 ڈالر کی کمی ریکارڈ ہوئی، جس کے نتیجے میں نئی عالمی قیمت 4 ہزار 778 ڈالر کی سطح پر آ گئی۔ عالمی مارکیٹ کے زیر اثر مقامی صرافہ بازاروں میں آج کاروباری ہفتے کے دوسرے روز 24 قیراط کے حامل فی تولہ سونے کی قیمت میں ایک ہزار روپے کی کمی کے نتیجے میں نئی فی تولہ قیمت 5 لاکھ 162 روپے کی سطح پر آ گئی۔ اسی طرح ملک…

مشہور میسجنگ ایپ ٹیلی گرام کے سربراہ کا کہنا ہے کہ یورپی یونین کی عمر تصدیق کرنے والی ایپ (جو بچوں کی آن لائن حفاظت کے لیے بنائی گئی ہے) ’دو منٹ‘ کے اندر ہیک کی جا سکتی ہے۔ سماجی رابطے کے پلیٹ فارم ایکس پر ایک پوسٹ میں انہوں نے کہا کہ یورپی یونین ایج ویری فکیشن ایپ میں بنیادی طور پر ہیک ہونے کا نقص موجود ہے۔ انہوں نے کہا کہ یونین کے بیوروکریٹ پر ہنسنے میں جلدی نہ کریں۔ ان کو ایک بہانہ چاہیے تھا جس سے وہ صارفین کی آزادی کو سلب کر سکیں…

خلیجی ممالک کی جانب سے خدشہ ظاہر کیا جا رہا ہے کہ امریکا اور ایران کے درمیان ہونے والے مذاکرات کا سب سے بڑا ہدف صرف آبنائے ہرمز کو دوبارہ کھلوانا ہوگا، جبکہ وہ وسیع تر امن جس کی خلیجی ریاستیں خواہش مند ہیں، شاید پسِ پشت ڈال دیا جائے۔ برطانوی خبر رساں ایجنسی ’رائٹرز‘ کے مطابق، اسلام آباد میں ہونے والے مذاکرات کے اگلے دور کے حوالے سے خلیجی ممالک کے حکام اور ماہرین کا خیال ہے کہ اب توجہ ایران کے میزائلوں یا اس کے مسلح گروہوں کے بجائے یورینیم کی افزودگی کی حد اور آبنائے ہرمز پر ایران کے…

ایپل نے ایمیزون کے ساتھ سیٹلائٹ کنیکٹیویٹی کے حوالے سے ایک اہم معاہدہ کیا ہے، جس کے تحت ایمیزون اپنی نچلے زمینی مدار میں موجود سیٹلائٹ سروس کو مزید بہتر اور وسیع کرے گا۔ اس معاہدے کے مطابق ایمیزون اب گلوبل اسٹار کمپنی کو کنٹرول کرے گا، جو اس وقت ایپل آئی فون اور ایپل واچ میں ہنگامی اور سیٹلائٹ کنیکٹیویٹی کی سہولت فراہم کر رہی ہے۔ ایمیزون کئی سالوں سے اپنا سیٹلائٹ نیٹ ورک “ایمیزون لیو” تیار کر رہا ہے، جس کا مقصد دور دراز اور کم سہولت والے علاقوں میں انٹرنیٹ کی سہولت بہتر بنانا اور اسٹار لنک…

ناسا کے آرٹیمس مشن نے چاند کی سطح سے زمین کی ایک نئی تصویر ’ارتھ سیٹ‘ جاری کی ہے، جو 1968 کے مشہورِ زمانہ ’ارتھ رائز‘ کی یاد دلاتی ہے۔ تاہم، یہ نئی تصویر محض ایک خوبصورت منظر نہیں بلکہ ہمارے سیارے پر آنے والی بڑی تبدیلیوں کا ایک خاموش گواہ بھی ہے۔ بی بی سی کے مطابق آج سے 58 سال پہلے، اپالو 8 کے خلا بازوں نے پہلی بار چاند کے مدار سے زمین کی ایک تاریخی تصویر لی، جسے ’ارتھ رائز‘ کہا جاتا ہے۔ اس تصویر نے انسانوں کو اپنی زمین کو ایک نئے زاویے سے دیکھنے پر…

ایپل نے اپنی قیادت میں ایک بڑی تبدیلی کا اعلان کرتے ہوئے جان ٹرنس کو کمپنی کا نیا چیف ایگزیکٹو آفیسر (سی ای او) مقرر کر دیا ہے۔ وہ یکم ستمبر 2026 کو موجودہ چیف ایگزیکٹیوٹِم کُک کی جگہ یہ ذمہ داری سنبھالیں گے، جبکہ ٹِم کُک 15 سال تک اس عہدے پر رہنے کے بعد اب بطور ایگزیکٹو چیئرمین کمپنی کے ساتھ وابستہ رہیں گے۔ ٹم کک نے 2011 میں ایپل کی قیادت سنبھالی تھی اور ان کے دور میں کمپنی نے غیرمعمولی ترقی کی۔ ان کی سربراہی میں ایپل کی مارکیٹ ویلیو میں نمایاں اضافہ ہوا اور کمپنی…

دنیا کی معروف ٹیکنالوجی کمپنی ایپل نے اعلان کیا ہے کہ طویل عرصے سے خدمات انجام دینے والے سی ای او ٹِم کُک اپنے عہدے سے مستعفی ہو رہے ہیں۔ وہ موسمِ گرما تک بطور سی ای او کام جاری رکھیں گے تاکہ منتقلی کا عمل مکمل ہو سکے، جس کے بعد وہ بورڈ کے ایگزیکٹو چیئرمین بن جائیں گے۔ امریکی نشریاتی ادارے سی این این کی رپورٹ کے مطابق کمپنی کے سینئر نائب صدر برائے ہارڈویئر انجینئرنگ جان ٹرنس یکم ستمبر سے ایپل کے نئے سربراہ ہوں گے۔ ٹِم کُک نے اپنے بیان میں ایپل کمپنی کے ساتھ جڑے رہنے کو…