راولپنڈی: ایچ بی ایل پاکستان سپر لیگ 9 میں کھیلے جانے 25 ویں میچ میں پشاور زلمی کی کوئٹہ گلیڈی ایٹرز کے خلاف بیٹنگ جاری ہے۔ پشاور زلمی نے 13 اوورز میں 4 وکٹوں کے نقصان پر 140 رنز بنا لیے ہیں۔
پشاور زلمی کے کپتان بابر اعظم 53، صائم ایوب 30 ، محمد حارث 20 اور حسیب اللہ خان 6 رنز بنا کر آؤٹ ہوئے۔
کوئٹہ گلیڈی ایٹرز کی جانب سے سہیل خان، عقیل حسین اور ابرار احمد نے 1، 1 وکٹ حاصل کی۔
اس سے قبل راولپنڈی کرکٹ اسٹیڈیم میں شیڈول میچ میں کوئٹہ گلیڈی ایٹرز کے کپتان رائلی روسو نے ٹاس جیت کر پشاور زلمی کو پہلے بیٹنگ کرنے کی دعوت دی۔
کوئٹہ گلیڈی ایٹرز: جیسن رائے، سعود شکیل، خواجہ نافع، رائلی روسو (کپتان)، عمیر بن یوسف، لوری ایونز، عقیل حسین، محمد حسنین، محمد عامر، ابرار احمد، سہیل خان
پشاور زلمی: صائم ایوب، بابر اعظم (کپتان)، محمد حارث، ٹام کوہلر کیڈمور، حسیب اللہ خان، روومن پاول، عامر جمال، لیوک ووڈ، نوین الحق، مہران ممتاز، خرم شہزاد
