بھارت میں معروف ریسٹورنٹ کو بریانی میں ’لال بیگ‘ نکلنے پر سیل کردیا گیا ہے۔
بھارتی میڈیا رپورٹ کے مطابق گورکھپور میں سالگرہ کی تقریب کے دوران اس وقت ناخوشگوار موڑ آیا جب مشہور ریسٹورنٹ کی بریانی میں لال بیگ نکل آیا۔
وائرل ویڈیو کے بعد حکام کی جانب سے فوری کارروائی عمل میں لائی گئی۔
واقعہ باربی کیو نیشن آؤٹ لیٹ میں پیش آیا، بدھ کی شام تقریبا ساڑھے 4 بجے پی پی گنج کے رہائشی سچن ورما نے بیٹے کی سالگرہ منانے کے لیے دوستوں اور اہلخانہ کو ریسٹورنٹ میں مدعو کیا۔
کچھ لوگوں نے سبزی کھانے کا انتخاب کیا تو 14 افراد نے نان ویجیٹیرین کھانے کا آرڈر دیا
سچن ورما نے ریسٹورنٹ پر غیر صحت مند حالات میں کھانا پیش کرنے اور صفائی کے مناسب معیار کو برقرار رکھنے میں ناکام رہنے کا الزام لگایا۔
گروپ کے ارکان نے واقعے کی ویڈیو ریکارڈ کی جسے بعد میں سوشل میڈیا پر شیئر کا گیا۔
منیجر دلیپ کمار نے غلطی کا اعتراف کرتے ہوئے کہا کہ میں مانتا ہوں کہ غلطی ہوئی ہے تاہم ہم صفائی کا پورا خیال رکھتے ہیں۔ ہمیں نہیں معلوم کہ یہ کیسے ہوا یا یہ کہاں سے آیا۔
بعدازاں فوڈ سیفٹی کے اسسٹنٹ کمشنر ڈاکٹر سدھیر کمار سنگھ نے کہا کہ تحقیقات میں ریسٹورنٹ میں غیر صحت مند حالات کا انکشاف ہوا ہے۔
انہوں نے ریسٹورنٹ کو اس وقت تک بند رکھنے کا حکم دیا گیا ہے جب تک کہ دوبارہ معائنہ سے حفاظتی معیارات کی تعمیل کی تصدیق نہیں ہو جاتی۔
