سڈنی: آسٹریلیا اور جنوبی افریقہ کے درمیان دوسرے ویمنز ون ڈے میں فیلڈ امپائر نے غلط اشارے سے ’درست‘ فیصلہ کرلیا مگر اسے تبدیل بھی کردیا۔
ٹیکنالوجی جتنی بھی بہتر ہوجائے غلطی کا امکان موجود رہتا ہے، ایسا ہی گذشتہ روز دوسرے ویمنز ون ڈے میں پیش آیا جب جنوبی افریقی سون لوس کے خلاف آسٹریلوی ایشلیگ گارڈنر نے ایل بی ڈبلیو کی اپیل کی، جسے میزبان ملک سے تعلق رکھنے والی کلیری پولوسک نے رد کردیا، اس پر آسٹریلیا نے ریویو لیا۔
تھرڈ امپائر نے بھی فیلڈ آفیشل کا فیصلہ برقرار رکھا، البتہ فیلڈ امپائر کلیری نے انگلی اٹھاکر آؤٹ کا اشارہ کردیا مگر احساس ہونے پر فیصلہ تبدیل کردیا، جس پر قہقہے بکھر گئے۔
