ناقص کارکردگی پرمحموداللہ سری لنکا کےخلاف دوسرے ٹیسٹ سے آﺅٹ

کولمبو (اے پی پی) بنگلہ دیش نے آل راﺅنڈر محمود اللہ کو خراب کارکردگی کے باعث سری لنکا کے خلاف سیریز کے دوسرے اور آخری ٹیسٹ سے ڈراپ کر دیا ہے۔ ٹیم مینجر خالد محمود نے اس بات کی تصدیق کر دی ہے کہ محموداللہ سری لنکا کے خلاف دوسرے ٹیسٹ میں ٹیم کا حصہ نہیں ہوں گے۔، انہوں نے کہا کہ ون ڈے اور ٹی 20 سیریز میں ان کی شرکت کے حوالے ابھی فیصلہ نہیں کیا گیا، واضح رہے کہ بنگلہ دیش کی ٹیم کولمبو میں اپنا 100 واں ٹیسٹ کھیلے گی۔ آل راﺅنڈر محمد اللہ کی سری لنکا کے خلاف پہلے ٹیسٹ میچ میںکارکردگی انتہائی ناقص رہی، وہ پہلی اننگز میں آٹھ اور دوسری اننگز میں صفر پر آﺅٹ ہوئے اور میچ میں کوئی وکٹ بھی حاصل نہ کر سکے۔