میکسیکو:متعدد دھماکے ،33ہلاک

میکسیکو سٹی(ویب ڈیسک)میکسیکو میں آتش بازی کے گودام میں دھماکے میں ہلاکتوں کی تعداد بڑھ کر 33افراد ہوگئےں،جبکہ ایک درجن کے سے زائد افراد لاپتہ ہوگئے ہیں۔مکسیکو سٹی میں حکام کا کہنا ہے کہ دھماکا وسطی ریاست پوئیبلا کے ایک گھر میں قائم گودام میں ہوا، جہاں پر کئی ایک افراد مقیم تھے۔ گودام میں آتش بازی کا سامان رکھا گیا تھا جو آئندہ ہفتے منعقد ہونے والے ایک مقامی فیسٹیول میں استعمال ہونا تھا، تاہم مکان کے باہر چلائی گئی آتش بازی مکان کے اندر جاگری اور دھماکے کا سبب بنی۔ابتدائی طور دھماکے سے 14 افراد ہلاک ہوئے تھے ،تاہم زخمیوں کی بڑی تعداد کے باعث ہلاکتیں 33 تک جاپہنچی ہیں۔ حکام کا کہنا ہےکہ 12 افراد لاپتہ ہے۔دھماکے میں زخمیوں کی تعداد 46ہے، جن میں سے بیشتر کی حالت تشویش ناک بتائی جارہی ہے۔