بر طانوی شہزادی کیٹ مڈلٹن بھی ساس لیڈی ڈیانا کے نقش قدم پر چل پڑیں ،اہم انکشافات

لندن (ویب ڈیسک ) برطانوی شہزادہ ولیم اور شہزادی کیٹ مڈلٹن نے گذشتہ روز اپنے تیسرے بچے کو دنیا سے متعارف کروایا، اس موقع پر کیٹ مڈلٹن کو اپنی ساس لیڈی ڈیانا کے نقش قدم کو اپنائے ہوئے دیکھا گیا۔شہزادی مڈلٹن نے اس موقع پر سرخ رنگ کا لباس زیب تن کر رکھا تھا، جس کے گلے پر سفید پیٹر پین کالر ڈیزائن بنا ہوا تھا۔ واضح رہے کہ 34 سال قبل برطانوی شہزادی لیڈی ڈیانا نے بھی شہزادہ ہیری کی پیدائش پر سرخ رنگ کے پیٹر پین کالر والے کوٹ کا انتخاب کیا تھا۔یہ پہلا موقع نہیں ہے جب کیٹ مڈلٹن نے اپنی ساس کو اپنے انداز میں خراج عقیدت پیش کیا ہو۔اس سے قبل جب 2013 میں کیٹ مڈلٹن نے اپنے بڑے بیٹے شہزادہ جارج کو دنیا سے متعارف کروایا، تو تب بھی وہ پولکا ڈاٹ والا لباس پہنے نظر آئیں تھیں جبکہ لیڈی ڈیانا نے بھی شہزادہ ولیم کی پیدائش کے بعد پولکا ڈاٹس سے مزین لباس ہی پہنا تھا، ہاں بس دونوں کے لباس کا رنگ مختلف تھا۔