بھارت کشمیر پر ”پاکستان“ سے مذاکرات پر خوفزدہ کیوں….؟ ”را“ کے سابق چیف کا حیران کُن بیان

نئی دہلی (آ ئی این پی) بھارتی خفیہ ایجنسی ‘را’ کے سابق سربراہ نے مقبوضہ کشمیر کی موجودہ صورت حال کو بدترین قرار دیتے ہوئے کہا ہے کہ 1990کے مقابلے میں اب صورت حال خراب ہورہی ہے، مقبوضہ وادی میں نا امیدی کی فضا ہے ،کشمیری نوجوان قابو سے باہر ہیں وہ مرنے سے نہیں ڈرتے، کشمیر کا مستقبل کیا ہے تو یہ اچھا دکھائی نہیں دے رہا،کشمیری خاندانوں میں بہت زیادہ بے یقینی ہے، حیران ہوں بھارت، پاکستان سے کشمیر پر مذاکرات کرنے سے خوفزدہ کیوں ہے، مودی سرکار وضاحت کرے ،بھارتی موقف کہ مذاکرات اور دہشت گردی ساتھ نہیں چل سکتے، بے معنی ہے،ہمیں یہاں اور وہاں کے واقعات سے بالاتر ہوکر مذاکرات کرنے ہوں گے، مودی جی تھیٹر کے استاد ہیں اس لیے وہ ایسا کرسکتے ہیں اسلیے پاکستان سے مذاکرات نہیں کرتے ،کشمیریوں کے بجائے پاکستان کے ساتھ مذاکرات کرنا آسان ترین ہے،۔انڈین ایکسپریس کو ایک انٹرویو میں ‘را’ کے سابق سربراہ اے ایس دولت نے ایک سوال کے جواب میں کہا 1990 کے مقابلے میں اب صورت حال خراب ہورہی ہے، ماحول کے حوالے سے یہ حالات خراب ہیں کیونکہ اس میں نوجوان شریک ہیں اور کشمیری نوجوان قابو سے باہر ہوچکے ہیں۔انھوں نے کہا وہاں نا امیدی کی فضا پائی جاتی ہے اور وہ مرنے سے نہیں ڈرتے، گاں والے، طلبا اور یہاں تک کہ لڑکیاں بھی گلیوں میں آرہی ہیں ایسا ماضی میں کبھی نہیں ہوا۔ج انھیں پتھراو کرنے پر فخر ہے، وہ زیادہ نہیں چھپتے، اسکول کی لڑکیاں اور خواتین پتھرا وکے لیے نکل آتی ہیں، کشمیر کی صورت حال ایسی کبھی نہیں رہی۔انھوں نے کہا کہ مختصر طور پر اگر کہا جائے کہ کشمیر کا مستقبل کیا ہے تو یہ اچھا دکھائی نہیں دے رہا، کشمیر کا مایوس کن حصہ یہ ہے کہ یہ لڑکے اور لڑکیاں ہاتھوں میں پتھر لیے اس بات سے ماورا ہیں کہ ان کے والدین کیا محسوس کرتے ہیں، کشمیری خاندانوں میں بہت زیادہ بے یقینی ہے کہ وہ یہ بات نہیں جانتے کہ ان کا بیٹا کیا کررہا ہے اور بیٹے کو اس سے کوئی غرض نہیں ہے کہ اس کا باپ کیا سوچتا ہے’۔دولت نے کہا کہ یہ حیرانی کی بات ہے کہ بھارت کیوں پاکستان سے مذاکرات کرنے سے ہچکچاتا ہے، ان کا کہنا تھا ‘مجھے سمجھ میں نہیں آتا کہ بھارت، کشمیر کے حوالے سے پاکستان سے بات کرنے سے خوفزدہ کیوں ہے، انھیں وضاحت کرنی ہے۔’را’ کے سابق سربرا نے کہا ‘میں اعتراف کرتا ہوں کہ مودی جی نے اچھا آغاز کیا تھا، انھوں نے پاکستان جاکر ہم سب کو حیران کردیا تھا اور اس کے بعد کیا ہوا، مشکل بات یہ ہے کہ مذاکرات کے لیے پاکستان ایک آسان ریاست نہیں ہے۔