ٹرانسپر نسی انٹر نیشنل ،حقائق سے پردہ اٹھ گیا

لندن( بی بی سی ) دنیا بھر میں کرپشن کے خلاف کام کرنے والی برطانوی تنظیم ٹرانس پیرنسی انٹرنیشنل نے برطانوی قانون نافذ کرنے والے اداروں کو نئے اختیارات ملنے کے بعد امید ظاہر کی ہے کہ اب برطانیہ میں غیر قانونی دولت سے خریدی گئی ہر جائیداد کی تحقیقات ہو سکیں گی۔بی بی سی اردو سروس کی طرف سے ٹرانس پیرنسی انٹرنیشل سے ای میل کے ذریعے لندن میں پاکستانی سیاست دانوں کی جائیدادوں کے بارے میں پوچھے گئے سوال پر ٹرانس پیرنسی کی کمیونیکیشن ڈائریکٹر نے امید ظاہر کی کہ اب ہر وہ جائیداد اور دولت جس کی وضاحت نہیں کی جا سکتی اس کے بارے میں برطانوی قانون نافذ کرنے والے ادارے تحقیقات کر سکیں گے۔