نثار نے احتجاجاََ استعفیٰ سپیکر قومی اسمبلی کو بھجوا دیا

اسلام آباد(ویب ڈیسک):مسلم لیگ (ن)کے رکن قومی اسمبلی ڈاکٹر نثار جٹ نے استعفیٰ دے دیاہے،نثار جٹ نے ختم نبوت قانون میں تبدیلی پر احتجاجاً استعفیٰ دیا ہے۔ میڈیا رپورٹس کے مطابق مسلم لیگ ن کے این اے 81فیصل آبادسے رکن قومی اسمبلی ڈاکٹرنثار احمد جٹ نے بطور رکن قومی اسمبلی اسپیکر کو اپنا استعفیٰ بھیج دیا ہے۔نثار جٹ نے ختم نبوت قانون میں تبدیلی پر احتجاجاً استعفیٰ دیا ہے۔ایم این اے نثارجٹ کا کہناہے کہ اسپیکر قومی اسمبلی کو دو ہفتے قبل استعفیٰ بھجوا دیا تھا لیکن تاحال ان کو اسپیکر آفس کی جانب سے استعفے کی تصدیق کیلئے نہیں بلایا گیا۔واضح رہے فیصل آباد میں پیرحمیدالدین سیالوی کے جلسے میں ہی استعفیٰ دینے کا اعلان کردیاتھا۔