اسلام آباد (مانیٹرنگ ڈیسک) پی ٹی آئی چیئرمین عمران خان کا کہنا ہے کہ فاٹا اصلاحات پر حکومت کا غیر سنجیدہ رویہ فاٹا کے عوام کی بے عزتی ہے۔ اپنے ٹوئٹر پیغام میں پاکستان تحریک انصاف کے چیئرمین عمران خان کا کہنا تھا کہ تاخیر سے سنگین نتائج نکل سکتے ہیں‘ فاٹا کے عوام کو اب تک مکمل جمہوری حقوق نہیں دیے گئے۔ چیئرمین پی ٹی آئی نے کہا کہ فاٹا اصلاحات کے مکمل نفاذ میں تاخیر سے بدامنی پھیل رہی ہے‘ فاٹا اصلاحات پر حکومت کا رویہ غیر سنجیدہ ہے‘ حکومتی رویہ فاٹا کے عوام کی بے عزتی ہے۔
