مسلمانوں کی حمایت پر وزیراعلیٰ کے سر کی قیمت 11لاکھ مقرر

نئی دہلی (خصوصی رپورٹ) مغربی بنگال کی وزیراعلیٰ ممتا بینرجی پر مسلمانوں کی حمایت کے الزام کے بعد بی جے پی کے انتہا پسند ارکان پارلیمنٹ نے ان کے سر کی قیمت 11لاکھ مقررکردی جس پر راجیہ سبھا میں خواتین ارکان نے شدید ہنگامہ آرائی کی۔ بھارتی ٹی وی کے مطابق بی جے پی کے رکن نے الزام عائد کرتے ہوئے کہا کہ ممتا بینرجی ہندوﺅں کی نہیں مسلمانوں کی حمایت کرتی ہیں اور ہندوﺅں کے تہوار منانے کی اجازت نہیں دیتیں۔ بی جے پی کے رکن یوگیش نے مغربی بنگال کی وزیراعلیٰ کے سرقلم کرنے والے کو 11 لاکھ روپے دینے کا اعلان کیا۔ سماج وادی پارٹی کی رہنما اور معروف اداکارہ جیا بچن نے بی جے پی رہنما کی جانب سے اس اعلان پر بھرپور احتجاج کی دھمکی دیتے ہوئے کہا کہ لوگ گائے کی حفاظت کررہے ہیں لیکن بی جے پی کی جانب سے خواتین پر ظلم کیے جارہے ہیں۔ ایوان کو خواتین کے تحفظ کیلئے جارحانہ اقدامات اٹھانے کی فوری ضرورت ہے۔