Close Menu
بریکنگ نیوز

پی آئی اے کی فلائٹ میں 5پاکستانی نژاد برطانوی مسافروں کی ایئرہوسٹس سے۔۔۔!

By
pia insight
لندن(ویب ڈیسک)برمنگھم جانے والی پی آئی اے کی پرواز میں پاکستانی نژاد برطانوی نے ایئرہوسٹس سے بدتمیزی کی ۔پانچوں مسافروں نے نہ صرف ایئرہوسٹس بلکہ طیارے میں سوار دیگر مسافروں سے انتہائی غیر مناسب رویے اختیار کیا، واقعہ کی رپورٹ سامنے آنے پر پی آئی اے کی فلائٹ پی کے سیون نائن ون کے پانچ مسافروں کو حراست میں لے لیا گیا۔اس موقع پر مسافروں کا کہنا تھا کہ پانچوں افراد نے ایئرہوسٹس اور دیگر مسافروں سے انتہائی غلط حرکت اور بدتمیزی کی، پاکستانی نژاد برطانوی مسافروں نے گھنٹوں طوفان بدتمیزی مچائے رکھا۔بعد ازاں ایئرہوسٹس کا بیان بھی قلم بند کرلیا گیا، تاہم پی آئی اے انتظامیہ کی جانب سے واقعہ پر چپ ساد لی گئی ہے، اس واقعہ پر ردعمل لینے کیلئے جب پی آئی اے سے رابطہ کیا گیا تو انتظامیہ نے کسی بھی ردعمل اور بیان دینے سے معذرت کرلی۔یہ واقعہ ایک ایسے وقت میں سامنے آیا ہے، جب امریکی ایئرلائن یونائیڈڈ میں گنجائش سے زائد مسافروں کو لوڈ کرنے اور پھر انہیں طیارے سے زبردستی اتارنے کی ویڈیو یورپ ، امریکا اور پاکستان سمیت دنیا کے کئی حصوں میں وائرل ہوئی۔ویڈیو پر پاکستانیوں کی جانب سے متعدد تبصروں میں یونائیڈیڈ ایئرلائن کا پی آئی اے سے مقابلہ کیا گیا، تاہم امریکی ایئرلائن کو تنقید کا نشانہ بنانے والے اب پی آئی اے کہ اس واقعہ پر چپ کا روزہ رکھ کر بیٹھ گئے ہیں۔

Keep Reading