دوسری بار صدارت نا منظور, مشتعل عوام نے پارلیمنٹ کو آگ لگادی

اسونشن (خصوصی رپورٹ) پیراگوائے میں صدر ہوریکٹیو کارٹس کی جانب سے دوبارہ انتخابات میں حصہ لینے کے فیصلے کے بعد پرتشدد مظاہرے پھوٹ پڑے اور مشتعل ہجوم نے پارلیمنٹ کی عمارت کو آگ لگا دی۔ یوروگوئے کے آئین کے مطابق ملک کا صدر دوسری مدت کیلئے صدارتی انتخابات میں حصہ نہیں لے سکتا لیکن ملک کے موجودہ صدر ہوریکٹیو کارٹس نے اس قانون میں نرمی کرتے ہوئے دوبارہ صدارتی الیکشن لڑنے کا بل پارلیمنٹ سے منظور کروایا تو ملک بھر میں مظاہرے پھوٹ پڑے۔ ذرائع کے مطابق پیراگوئے کے صدر کی جانب سے صدارتی انتخابات میں دوبارہ حصہ لینے کے اعلان کے بعد ملک بھر میں پرتشدد مظاہرے پھوٹ پڑے۔ مجوزہ بل کے خلاف مظاہرین نے چاردیواری اور کھڑکیوں کو توڑتے ہوئے پارلیمان کی عمارت پر دھاوا بول دیا۔ غیرملکی میڈیا کے مطابق مظاہرین کو آسنسیون کی گلیوں میں کانگریس کے باہر رکاوٹوں کو آگ لگاتے ہوئے دیکھا گیا۔ مظاہرین عمارت کے اندر داخل ہونے میں کامیاب ہوگئے اور وہاں بل کے حامیوں کے دفاتر میں پہلے توڑپھوڑ کی اور پھر آگ لگا دی۔ دوسری جانب پولیس نے مظاہرین کو منتشر کرنے کیلئے واٹر کینن اور ربڑ کی گولیاں برسائیں جس سے متعدد افراد اور سیاستدان زخمی بھی ہوئے۔